أعلن الدكتور خالد عبد الغفار، وزير الصحة، عن إطلاق حملة "100 يوم صحة" لتقديم الخدمات الصحية مجانًا في جميع المحافظات لمدة 100 يوم بدايةً من النهاردة. الحملة هتقدم خدمات المبادرات الرئاسية 100 مليون صحة، والكشف المبكر عن الأمراض المزمنة زي السكري وارتفاع ضغط الدم والسمنة وزيادة الوزن، وهيكون فيه حملات توعية للسيدات بالفحص الذاتي للثدي وفحص الثدي إكلينيكيًا والتوعية بالصحة الإنجابية وخدمات تنظيم الأسرة. والحملة كمان بتقدم خدمات مبادرات العناية بصحة الأم والجنين للسيدات الحوامل، كشف وعلاج السمع للأطفال حديثي الولادة، ومبادرة فحص المقبلين على الزواج وفحص كبار السن، بالإضافة لفحص الأطفال المبتسرين للأمراض الوراثية. #اللي_بيحصل

قرر الدكتور أشرف زكي، نقيب الممثلين، إحالة جميع العاملين بفيلم "سنة أولى خطف" للتحقيق ومنع التعامل مع الشركة المنتجة مرة تانية بعد قيام العاملين على الفيلم بالتصوير لمدة ٢٤ ساعة متواصلة وده يعتبر مخالفة للوائح وقرارات نقابة الممثلين اللي أصدرتها الشهر اللي فات بتوحيد ساعات العمل الخاصة بالأعضاء في الأعمال الفنية؛ وبقت 12 ساعة يوميًا. فيلم "سنة أولى خطف" بطولة بيومي فؤاد، أحمد فتحي، مي كساب، أحمد صيام، وياسر الطوبجي. ومن إخراج أسامة عمر، تأليف باسل مجدي. وبتدور أحداثه في إطار كوميدي عن القضايا الأسرية منها انشغال الآباء عن أبنائهم. #اللي_بيحصل

#اشتري_مني تسافر فين الصيف ده؟ الاختيارات كتير، أكيد لما بتفكر بتكون عاوز حاجات معينة، يعني مكان مناسب للأطفال، جوه حلو وكله مناظر تحب تشوفها، طبعا الأكل ده أساسي، ومايمعنش إن يكون في مكان تقدر تشتغل منه. طيب روحت مشروع ماونتن فيو في راس الحكمة؟ لأن كل ده موجود هناك مطاعم متنوعة الأكل متعة من متع الحياة، وأحسن طريقة تدلع بيها نفسك، عشان كده في ماونتن فيو راس الحكمة هتلاقي تجارب أكل مميزة ومختلفة زي ‏Mistiqa , gabys , pipa, Ted’s, mince, mini melts وغيرها من المطاعم والكافيهات اللي هتلاقي فيها حاجات مختلفة تحب تجربها، سواء شرقي أو غربي أو أي مطبخ نفسك فيه. ملاعب مختلفة لو ليك في الرياضة هتلاقي هناك ملاعب كورة وبادل وكمان فرع مميز لـ ‏Gold’s gym فأيًا كانت المدة اللي هتقضيها في ماونتن فيو راس الحكمة مش هتحتاج توقف رياضة. شواطئ ومناظر طبيعية جزء أساسي من إجازة الصيف هو البحر، وفي ماونتن فيو راس الحكمة هتلاقي شواطئ متنوعة لأن المكان بيوفر شاطئ خاص وشاطئ للسيدات، بالإضافة للشاطئ الرئيسي اللي هيستقبل كل أفراد العيلة. وأيًا كان الشاطئ اللي هتروحه، هتلاقي فيه الهدوء والخصوصية. برامج للأطفال أي أسرة طالعة إجازة لازم تختار مكان مناسب للأطفال، وده اللي موجود في ماونتن فيو راس الحكمة، لأنك هتلاقي هناك أنشطة مناسبة للأطفال وفعاليات مختلفة تساعد في تسليتهم وتنمية مهاراتهم. وتقدر كمان تسجلهم عشان يشاركوا في برامج تعليمية وورش، كجزء من برنامج "youth development program" اللي بيوفرها المكان بالتعاون مع ‏“wellspring camps" وده هيضمن لأطفالك إنهم يستفيدوا من إجازة الصيف بشكل مثالي. ورش وبرامج لكل أفراد العيلة في راس الحكمة هتلاقي ‏Lighthouse اللي بتقدمها ماونتن فيو في كل مشاريعها، وهي أول أماكن مخصصة للسعادة المجتمعية ومبنية على أسس علم السعادة، وبتقدم ورش وتجارب وأنشطة تناسب كل أفراد العيلة وبتنمي المهارات، عشان تساعدك تتواصل مع نفسك ومع اللي حواليك بشكل أحسن مكان مناسب للشغل طبعًا الشغل مهم ومش شرط تقدر تاخد إجازات لوقت طويل، فلازم يكون معاك اللاب توب بتاعك وتلاقي مكان مناسب إنك تشتغل منه، وفي نفس الوقت ماتبوظش مود الإجازة. في ماونتن فيو راس الحكمة هتلاقي ‏Heartwork Express ودي مساحة مخصصة للحالات اللي زي دي، يعني تساعدك تشتغل وتنتج بشكل طبيعي، بس في نفس الوقت المكان يشجعك تعمل أي حاجة والهدوء يساعدك. ‏Photo By: Taymour Othman ‏@mountainview_egypt ‏#ExperienceHappiness ‏#MVRasElHekma

أعلنت الدكتورة هالة السعيد، وزيرة التخطيط والتنمية الاقتصادية، عن تحويل مبنى الحزب الوطني بوسط البلد لفندق سكني وتجاري وإداري. والمشروع ده بيتم بالشراكة بين الحكومة المصرية والمستثمرين، والحكومة هتدخل بالأرض مقابل حصة 25% من العائدات. وأضافت "السعيد" في مداخلة مع الإعلامي عمرو أديب إن تم إجراء دراسات بالفعل لتحويل مبنى وزارة الداخلية في لاظوغلي لجامعة محترفة مهنية زي جامعة اسلسكا وغيرها، وإنه هيتم بناء فندقين واحد 3 نجوم والتاني 4 نجوم. #اللي_بيحصل

المشروعات اللي فيها مكون تكنولوجي وبتعتمد على مفهوم الاستدامة هي المستقبل، وهي اللي بتضمن لينا مستقبل أقل تلوثًا ومفيد لينا كلنا، وعشان كده المبادرة الوطنية للمشروعات الخضراء الذكية بتشجع رواد الأعمال اللي عندهم مشروعات خضراء ذكية بتساهم في تطبيق مفهوم الاستدامة إنهم يكبروا مشروعاتهم ويستفادوا من ورش العمل والتدريبات اللي هيحصلوا عليها من خلال المبادرة. انت دلوقتي لو عندك مشروع بيعتمد على مفهوم الاستدامة وبيفيد المجتمع، تقدر تقدم في الدورة الثانية من المبادرة الوطنية للمشروعات الخضراء الذكية اللي تم إطلاقها تحت رعاية السيد الرئيس عبد الفتاح السيسي بقرار من دولة رئيس الوزراء، وبتنفذ تحت إشراف وزيرة التخطيط والتنمية الاقتصادية بالتعاون مع وزارات التنمية المحلية والاتصالات وتكنولوجيا المعلومات والبيئة والمجلس القومي للمرأة. المبادرة دي بتستهدف الشركات الكبيرة والمشروعات المتوسطة والمحلية الصغيرة والشركات الناشئة كمان أو الستارت أب، والمشروعات المرتبطة بالتغير المناخي والمرأة والمبادرات غير الهادفة للربح. التقديم متاح لنهاية يوليو على موقع المبادرة، هتسجل من خلال الموقع كل تفاصيل مشروعك عشان تشترك في المبادرة. https://www.sgg.eg/Home/SignUp_EgyGreenInnovation ومن خلال الموقع هتقدر كمان تعرف الشروط اللي لازم تكون موجودة في المشروع. ماتستناش وقدم من خلال الموقع والمشاريع المشاركة هتحصل على فرص تمويلية واستثمارية وفرص تدريبية من خلال ورش عمل خلال جولات المبادرة. #المبادرة_الوطنية_للمشروعات_الخضراء_الذكية #Smart_Green_Governments

الدكتور خالد عبد الغفار، وزير الصحة، أصدر قرار بحظر التدخين نهائيًا بكل صوره في مختلف المنشآت الصحية سواء اللي بتقدم خدمات علاجية أو وقائية أو تأهيلية والمنشآت والهيئات التابعة لوزارة الصحة بشكل عام، وده في إطار الحفاظ على صحة وسلامة المواطنين من مخاطر التدخين. وقال الدكتور خالد عبد الغفار إن قرار حظر التدخين جه في إطار العمل بأحكام القانون رقم 154 لسنة 2007 والمعدل ببعض أحكام القانون رقم 52 لسنة 1982 في شأن الوقاية من أضرار التدخين، واللي بيتضمن "حظر التدخين نهائيًا بكافة صورة في مختلف المنشآت الصحية والتعليمية والمصالح الحكومية والنوادي الرياضية والاجتماعية ومراكز الشباب والأماكن الأخرى والتى يصدر بها قرار من وزير الصحة، ويلتزم المدير المسؤول عن هذه الأماكن باتخاذ الإجراءات الكفيلة لمنع التدخين فيها، يعاقب عن إخلاله بهذا الالتزام بغرامة لا تقل عن ألف جنيه ولا تزيد على عشرين ألف جنيه، كما يعاقب المدخن بغرامة لا تقل عن خمسين جنيهًا ولا تزيد على مائة جنيه". #اللي_بيحصل

ابو كيف رقيق وصغير

الرومانسية على طريقة حبو وقلبو تقدر تشوف كل أجزاء مسلسل اللعبة على شاهد

#اشتري_مني من كام يوم شوفنا فيديو على السوشيال ميديا لأنس بوخش، بيسأل فيه ببساطة عن معنى السعادة بالنسبة لكل شخص، وبيشاركه في الفيديو عدد من النجوم والمشاهير، وكل واحد فيهم بيرد على السؤال وبيقولنا إيه هي السعادة بالنسباله، وكلهم استخدموا في الفيديوهات بتاعتهم هاشتاج #BeTheLight يومها معرفناش تفاصيل كتير، بس النهاردة عرفنا أكتر بعد ما شركة "ماونتن فيو" أعلنوا عن تعاونهم مع أنس في إطلاق مشروع Lighthouse، وهو عبارة عن أول مكان مخصص للسعادة المجتمعية مبني علي علم السعادة، وهيكون موجود في كل مشروعات ماونتن فيو، وبيعتمد على مبادئ وأسس علم السعادة، بهدف تنمية أفراد المجتمع ومساعدتهم يعيشوا في ترابط وسعادة بشكل عام من خلال برامج وورش عمل وفعاليات، وده هيساهم في الوصول لمجتمع إيجابي ومتماسك. تعاون نقدر نقول إنه منطقي بين اتنين بيتكلموا بنفس اللغة، بمعنى إن ماونتن فيو شركة بتسعى لبناء مجتمع قوي وبتشارك أفراد المجتمع دول في أهدافهم وطموحاتهم وسعيهم للتواصل والتنمية. أما أنس فالجمهور اتعرف عليه وحبه من خلال برنامجه اللي بيحاول يوصل للمعاني الحقيقية في الحياة، ومنها أكيد السعادة. وبعد الإعلان عن المشروع الجديد أو الـ Lighthouse، هنشوف قريب واحدة من أوائل فاعليات المنارات الجديدة، وتحديدًا في ماونتن فيو راس الحكمة، بحضور النجوم أنس بوخش وهند صبري وأحمد مالك وتارا عماد، وبمشاركة مميزة من هالة كاظم والدة أنس، بالإضافة لجين ليم، الرئيس التنفيذي لمؤسسة Delivering Happiness global & beyond happiness العالمية، واللي المشروع قائم على الأسس العلمية اللي هي بدأتها. طيب لو أنت واحد من سكان مشروعات ماونتن فيو، هتستفيد إيه بشكل محدد من المنارات دي؟ لما تسجل في Lighthouse هيتطلب منك تجاوب على استبيان مكون من 40 سؤال، الأسئلة دي مصممة وفقًا لأسس علم السعادة وحقائق السعادة الخمسة، وهي المعنى والحيوية والسعادة والمشاركة والحرية. وحسب نتيجة الاستبيان هيقدر البرنامج يقدملك التجربة اللي تناسب احتياجاتك، عشان يساعدك تكون فرد سعيد في المجتمع، وبالتالي فرد إيجابي وفعال. #BeTheLight @mountainview_egypt @thelighthouse.by.mv

طيار مصري فاجئ والدته اللي مسافرة الحج إن هو كابتن الطيارة

وكالة الفضاء المصرية بدأت تجميع القمر الصناعي المصري "مصر سات 2"، وهتستلم النموذج الكهربي والنموذج الميكانيكي للقمر من الصين، في مقر وكالة الفضاء المصرية داخل أحدث مبنى للتجميع والاختبار والتشغيل للأقمار الصناعية في أفريقيا وهو مبنى الـ AITC ومشروع "Misrsat2" يعتبر تعاون عملي في التكنولوجيا الفضائية بين مصر والصين وهيساهم القمر الصناعي في توفير صور بتوصل دقتها لـ 2 متر واللي هنقدر عن طريقها تحديد أنواع المحاصيل الزراعية وتوزيعها، والتخطيط العمراني، ومتابعة تغييرات الشواطئ وخاصة في السواحل الشمالية ومنطقة الدلتا، مع تتبع مصادر المياه ومسارات الأنهار. #اللي_بيحصل

سينما الهناجر وسينما مركز الإبداع بالأوبرا هيعرضوا أفلام عيد الأضحى بأسعار مخفضة لأول مرة، بداية من وقفة عيد الأضحى اللي هتوافق يوم 27 يونيو الجاي. العروض هتبدأ من الساعة 10 صباحًا لـ 12 نص الليل وتقدر تشتري التذاكر من شباك مركز الهناجر للفنون. فيلم "تاج" لتامر حسني و "بيت الروبي" لكريم عبد العزيز وكريم محمود عبد العزيز هيكونوا من الأفلام اللي هتتعرض في السينما. #اللي_بيحصل