. يامرحبا بعد طول غياب ✨ . أعتذر منكم عن طول هالغيبة وباذن الله إني راجعه لكم والحماس مليون ، راجعه بتغييرات بناء على طلب كثير من المتابعات ✨ . الأغلب أرسل لي من العرايس اللي تزوجوا يبون مواضيع لهم مع العرايس 👗💅🏻🙆🏾‍♀️🤰🏻👰🏻‍♀️ فلهالسبب باذن الله بيكون فيه اضافات عالمواضيع وأتمنى من الله إنه ينفعنا جميع . . 🔴🔴رجاء خاص🔴🔴 ولله إني صرت أطفش من كثر ما أعطي بلوك للي يعلنون ، أرجوكم مابي اعلانات ، واللي تعلن بين الكومنتات المرة الأولى بنرسل لها رسالة والمرة الثانية بلوك 🚫 . . المهم وربي إنكم وحشتوني ووحشتني سوالفنا . بالله كيف حالكم مع هالبرد والأمطار 🌨 ياعرايس ياجميلات كيف تجهيزاتكم !؟ من وين بديتوا ووين وصلتوا ووش باقي لكم ؟؟ هل حطيتوا لكم جداول والا ماشين عالبركة ؟😅 . بالله سولفوا لي وحطوا لايكات ترحيبية الله يرضى عليكم . . ❤️أحبكم ❤️

. ويامررررحبا مليون 👋🏼 . وياكيف حالكم جميع ❤️ . وحشتوني ولله ووحشتني سوالفكم 💐. عاد قلت اليوم نبعد عن سوالف كورونا ونرجع لسوالفنا اللي خبركم وباذن الله انها تفيد اللي بحاجتها😋 . تخيلوا وحدة تقول لي وش فيها ان دخلت للحمام -وانتوا بكرامة- وزوجي فيه؟(القصد بقضاء الحاجة)🧐 . بنات ترى هذي الأمور مافيها ميانه، ولله عيب🤐 . جا ببالي سوالف خاصة بالحياء والنظافة قلت أنبه عليها سواء متزوجة أو غير متزوجة🌸 . الموضوع حساس وممكن محد يتكلم به كثير لكن لأجل مصلحتكم ودي نناقش عالأمور البسيطة لأجل نستفيد وهالأمور البسيطة ترى بعض الرجال يتقرفون منها ، الموضوع عن رمي الفوط الصحية ((مكشوفة )) بعد الاستخدام : نصيحتي لكل انثى 🙍🏻‍♀️حطي لك سطل زبالة صغير ابو غطا بحمامك غير سطل الزبالة الموجود بالحمام ، وخليه خاص فيك أنت بس ، وزوجك بيعرف هالشي لأن بيكون فيه سطل ثاني بالحمام ولا راح تطيح عينه على شي لك ماترغبينه يشوفه( عزل النفايات ) . أنا وحدة أتقرف ان دخلت للحمام وانتوا بكرامة ولقيت شي قدامي موجود حتى لو كان حمام خاص فمابالكم رجال أو ضيف، و سطل الزبالة بخمسة ريال💳 . وشي ثاني بعد عن النظافة الشخصية هو الحلاقة للمناطق الحساسة ، اذا مو مسويه ليزر حددي لك يوم بعد الدورة وانتبهي ترى بعض أنواع الأمواس سيئه تجرح وتجيب حبوب، والجروح تسود الجلد فلا تتخسرين بالدفع على أنواع زينه 🧖🏽‍♀️ . وياكثر السوالف بعد اللي ودي أنبه عليها . ملابسك الداخلية 🩲إذا جا عليها شوي دم اغسليها مباشرة ،وخصصي لك صابونه ، لو الصابون المكعب العادي اللي نغسل فيه بعد الأكل موب السايل ، مجرد ادعكي البقعه بالصابونه وثم ادعكي المكان ببعضه يمين يسار يسار يمين (ودي اوريكم ههههه )ادعكي وبقوة وبيروح اثر الدم على طول ، المهم الله يسعدك لا تحطين ملابسك بالسلة وهي وسخه ولا تخلين الشغالة تشوف بقايا منك ، ترى ولله شي يفشل والغسيل ماياخذ منك ثواني وثم عادي حطي الملابس بالسلة المهم وخري الدم والافرازات الله يرفع قدركم . . وأسعدوني باللايكات . 🔴ورجاء رجاء🔴 .مابي أشوف أي اعلان بين الكومنتات ، أقسم بالله طفشت وانا احط بلوك ، بليز وقفوا اعلانات

ويامرررحبا 💐 . وباذن الله ما أجيب لكم إلا الزين اللي يفيدكم❤️ . واليوم جايبة لكم حساب مبهر جداً بنظافة واتقان وترتيب وتصاميم تجنن تهم وتفيد كل عروس.🦋 . جايبة لكم متجر متخصص بتقديم أرقى وأفخم البوكسات والتصاميم الخاصة للشبكات وبوكسات لتفاصيل العروس والهدايا بشكل مبتكر وانيق 💍 . . عندهم تصاميم كثيرة مرررة وعندهم تصاميم تفصيل حسب الطلب👏🏼 . 💜التصاميم والتنفيذ بأيادي سعوديه مبدعه وحريصين كل الحرص بأن تكون اسعارهم في متناول الجميع 💕👏🏻 . . متأكدة إن الحساب بيفيديكم باذن الله 👍🏻😍😍 لأن سعرهم أرخص بكثير من سعر السوق مع دقة ونظافة بالشغل💫 . . نزلت لكم بعض من شغلها وبتحصلون زيادة لشغلها بصفحتها الانستقرام 🌿💗 . . . 🔴بيانات التواصل🔴 . حسابها بالانستقرام: . @raong_gifts . واتس اب+دايركت انستقرام 0504650887

ويامررررحبا 💐 . وياحي الجميع بنات ومتزوجات 🙋🏻‍♀️ وكيف حالكم جميع ؟❓ . اشتقت لكم وقلت خل نسولف بظروف الزواجات هاليومين وخاصة اللي كانوا مستعدين لحفل بفندق او قاعه وعازمين احبابهم المقربين وبسبب الظروف ومنعا لزيادة انتشار كورونا كنسلوا كل شي ، المشكلة ان البعض بيوتهم صغيرة مرة ومحتارين 💔 الله يزيل هالكورونا ويرجع الحياة خير من أول . . ياليت لو نشد بالاحترازات ومنع التجمعات الى مانخلص اللقاحات لاجل نرجع لحياتنا قريب . . . وش توقعاتكم وامنياتكم للفترة القادمة ؟ الله عند ظن عباده . . ويسعد لي قلوبكم اللايك منكم يسعدني❤️❤️❤️ . . . 🔴🔴🔴بلوك لاصحاب الاعلان بين الكومنتات 🔴🔴

. واررررحبوا ويامرحبا مليون 👋🏻❤️ وكيف حالكم وكيفكم مع تجهيزات الشتاء ياجميلات👢🧥🧶 نرجع لقمصان النوم لعرايس الشتاء👰🏻💨بما إن اغلب القمصان حراير وتل احرصي تجيبين لك روب ثقيل شتوي ينلبس فوق ملابسك وسليبارز تكون متناسبه مع الروب🧥 👡 . وشي دايم ممكن تحتاجينه وتغفلين عنه بالشتاء اللي هو بخاخ الفضفاض فمع اللبس الشتوي تعالي شوفي الكهربه باللبس والتلصيق ⚡️ . وبما انك عروس احسبي حسابك بالترويش بالمناشف ومرطبات الجسم ❄️ . . وشي ثاني مهم حبيت أتكلم عنه للي يقولون انهم يحرمون نفسهم من ملابس تكون حلوة عليهم لأن ثقتهم بنفسهم قليلة ، ياحبيبتي ماكامل احد فارضي بخلقة الله فيك🌸 ولله ان الرضا راحة ،وزوجك لو كنت ملكة جمال وماحبك ولله ان يطلع بك عيوب وإن مالقى بك عيب قال ماحبيتها 🍂ولو كنت اقل من عاديه وحبك بتلاقين نفسك ملكة عنده ، فاطلبوا الله السخرة وخليكم واثقات من نفسكم لكن مو الثقة السيئة اللي تخليك تسوين اشياء ماتناسبك، انت حلوة ونفسيتك الحلوة تزيدك حلا، فلاتخلين كلمة سمعتيها من شخص تهز ثقتك بنفسك 🌕 . . ولايكات على قد المحبة ❤️ . . . . . 🔴🔴بلوك لصاحبة ايداعلان بين الكومنتتات🔴🔴

. يامرحبا عقب البطا والقطوعه💕 . ويامرحبا مليون💕كيف حالكم جميع؟ . ياشينها يوم تبطي عن أحبابك ، وحشتوني جميع ويشهد الله اني احبكم وأحب سوالفكم ، الله لايحرمني منكم ولا يحرمكم من غاليكم 💕 . . . . وباذن الله نرجع لمواضيعنا عن التجهيزات والاستعدادات والعناية ، ونظرا لكثر الاستفسارات اللي أشوفها بالكومنتات حبيت هالبوست يكون لاستفسارات العرايس والحوامل ✨ . . . وترى اللايكات منكم تسعدني ❤️ . . . 🔴بلوك للاعلانات بين الكومنتات🔴 . اقسم بالله عيب عاى قد ما أقول ممنوع ممنوع القى أول الكومنتات اعلانات ، مدري هي صعوبات تعلم أو عناد أو ايش بالضبط ؟

. ✨عروض خاصه بمناسبة اليوم الوطني 🇸🇦♥️ فقط لعرايس المصورة ( ندى طاحون ) ❤⭐️ لتصوير المناسبات بأنسب العروض و الاسعار 🎀 *التصوير غير مقيد بعدد ساعات محدده *يتم تصوير جميع التفاصيل الخاصه بالعروسين وبليلة الزفاف وتصوير تفاصيل الزفه ❤ يوجد لدينا العديد من العروض الخاصه بتصوير الفوتو و الفيديو مع امكانية التصوير لجميع مناطق المملكه ❤ WhatsApp: 0533673231 Instagram : @nadaphotographer @Nadaphotographer Snapchat: nada_tahoun . . لايكات دعم لهالاسعار الحلوة ❤️

. ويامرحبا مليون ويامساء الجمال💘 وكيف حال العرايس اللي تزوجوا واللي يجهزون ؟💞 وكيف حالكم جميع ، وقبل نبدا فرحوني بلايكات الله يسعدكم ❤️ . ورغم ظروف كورونا إلا إنه صور الزواجات هاليومين تجنن 💞كل زواج أحلى من الثاني 💘 . . وخلونا اليوم نسولف بقمصان النوم 👙والإغراء لأنه كثير عرايس يستحون يسألون 👌🏼 . . بالنسبة للقمصان 👙👗 عندك قطن وعندك حراير وساتانات وعندك ريش وغيره اشكال كثير بعض الملابس تكون للسهره ويصعب النوم فيها لأنها مو مريحة وبعضها مريحة تصلح للنوم 👙 اللي مهم تعرفينه إنه أغلب القمصان تنلبس بدون ستيانه باستثناء لو بصدرك ترهلات واضحه ممكن تشوفين ستيانه تناسب💘 البعض تعتقد إنه لازم كل القمصان قصيرة وبس تاخذ اثنين طوال🤔 والواقع إنه الرجال يحب التغيير ، فخليك مرة بطويل ومرة بقصير 😍 . خليه يحس إنك كل يوم بشكل مختلف ، مرة أحمر طويل مرة اصفر ومرة أبيض قصير ⚜️ والمهم المهم المهم الله يسعدكم هو الاهتمام بالنظافة الشخصية والروائح ، لا وحدة تقول هو مايهتم بنظافته ومدري ايش ، هذا موضوع ثاني مو موضوعنا الحين وممكن نناقشه بعدين 👌🏼أنا يهمني أنت ، فمن خلال سؤالي لكذا بنت تقول دايم ألبس قميصي بدون ما اغسل جسمي😩، تصير راجعه من أهلها أو طالعه من المطبخ ، وثم تلبس وتبخ عطر وخلاص🤷🏻‍♀️ علماً بأن النظافةماتاخذ منك كم دقيقة ، بعد الترويش تعودي تحطين لوشن وعطر ، الوحدة على التعويد بأول عمرها والرجال يرسخ بباله إنك نظيفة حتى لو ماتكلم💫 وشي ثلني مهم جدا هو نظافة الأقدام👌🏼، البعض تطلع لها شطوب وتسحب بالمفرش ، ماودي اطلع عن موضوع القمصان للنظافة الشخصية لكن انتبهوا الله يسعدكم . بالنسبة ليوم الزواج 👰🏻: انت من كم يوم تستعدين له وبيوم العرس تروشتي وغسلتي شعرك وكريمات وبخور عشان توصلين لزوجك بأجمل ريحة وشكل ، البعض تفهم غلط وتوها متروشة من كم ساعه ومتعطرة وتدخل للغرفة تغسل شعرها من جديد (طيب والغسيل والتسريحة والبخور والخمريات خل زوجك يستمتع بهم ويستمتع بشعرك وشكلك 💇🏻‍♀️) بامكانك تغسلين المناطق الحساسة عندك ومنطقة الابطين والأقدام ، واذا حاسة جسمك مو نظيف من الحر اغسليه لكن شعرك النظيف المبخر ليش تغسلينه؟🤷🏻‍♀️ . بالنسبة للعروس اللي فيها الدورة ، حبيبة قلبي عيشي حياتك عادي جدا ولكن بلغي زوجك انها فيك ، البعض تكون أول يوم الدورة تتعب (خذي مسكنات واحرصي على تغيير الفوط الصحية كل شوي ) . وعقب البسي قميصك. . . . . 🔴🔴🔴🔴 يمنع الاعلان بين الكومنتات

. تابع . . . . ويامرحبا ويامرحبا وكل عام وانتم بخير بعد الزحمة❤️ . كيف حالكم وكيف حالكم مع التجهيز 😍 . ونرجع نكمل الاحتياحات وان نسيت شي ذكروني واكتبوه 💕 . والغرض من كتابة هالبوست واللي قبله هو اختيارك لما يناسبك بحيث ماتنسين شي ، لأن مثل ماقلت لكم العادات تختلف 👡👚 ونقول بسم الله🌺 مكياج وعطور : 💄🔮طبعا قبل تشترين المكياج لابد تعزلين اللي عندك وتأكدي ان اللي ماتستخدمينه وانت بنت ماراح تستخدمينه وانت عروس فلا تشترين اي شي حسبالك عروس يعني لازم تخلصين فلوسك عالمكياج فاعرفي وش تشترين ، وبالنسبة للعطور ترى السوق مليان ويمكن تحملين وتكرهينها فخذي بالمعقول . نجي عقبها للمفارش وسجادات الصلاة والشراشف 🛏: طبعا مفرش العروس اسمه مفرش عروس عالعروس لكن فيه عوايل الرجال يجهز المفارش كامل وعوائل لا تكون العروس مطالبة ، وكذلك سجادات الصلاة ، المهم لاتنسين سجادة صلاتك وشرشفك💫 . الحين نجي للأدوات الشخصية والصيدلية والعناية والكماليات 💊🩹🧽: فوط صحية ، مسكن ألم (بنادول او اي نوع يناسبك ) مقص أظافر وعدة بوديكير ، لصق جروح ، غسول للمنطقة الحساسة ، غسول وجه ، مزيل تعرق ، لوشن للجسم 🧴 ، امواس حلاقة او اللي يناسبك اذا مو شايلة ليزر ، فرشة أسنان ومعجونك وغسول للفم ، معطر للفم او حلاو مص . . ابره وخيط (بحال انقطعت عباتك او شي من ملابسك) ، مقص ، بكل ، شباصات ، فرش امشاط ، بنس ، شامبو ، بلسم ، استشوار ، فير ، سيراميك ، نظارات شمسية ، ملمع للجزم(رفع الله قدركم) . عرايس هاليومين ، قفازات 🧤 وماسك للوقاية. . . العبايات والحجابات: طبعا اكبد عندك عباياتك وحجاباتك قبل بيفيدونك وزيدي عليهم كم عباية وحجاب . . . الذهب والاكسسوارات 💍: . البعض مهورهم مرة قليلة وسعر الذهب مرتفع فمو من المنطق تجيب ذهب وتجلس بدون ماتجهز باقي الأشياء، عادي جدا قد مهرك وامكانياتك جهزي . . وش باقي 😍 ايه مناشف وفوط للاستحمام تطلعين من الحمام تحسين انك اميرة وأنت بالروب🧖🏽‍♀️ . بالنسبة لقمصان النوم والملابس الداخلية ياكثر الاستفسارات اللي تجي عنها لهالسبب بفتح لها بوست خاص افضل ❤️ . . . .وعايدوني بلايكات ❤️يااحلى من يعايد . . . . .🔴 بلوك لأي اعلان بين الكومنتات 🔴

. . ويامساء الجمال 😍بالله وش رايكم 😩 . ❤️طبق الأصل ❤️أحس ودي اشتريهم كلهم . شي يجنن بجد ويستاهل أحلى لايكات . . فرصة فرصة فرصة للي تجهز للعيد والدوامات والعرايس👜😍 . . عندهم عروض لطلبات العيد وجميع الي عندهم تسليم فوري والشحن مجاني وجميع القطع تصويرهم الشخصي ومعها دست باقو بوكس،،وكيس وفواتير وجميع الملحقات . . هذا حسابهم 👇🏼👇🏼 . @majesty_boutique11 @majesty_boutique11 @majesty_boutique11 . . عندهم تخفيض حاليا . واتس اب🤳🏼 0552938948

. .ويامرررحبا ألف 💞ويامساء التفاؤل ويامساء الخير ويامساء السعادة ✨ . ومتفاءلين بالله خير وباذن الله قريب تنكشف هالغمة وتنبسط كل عروس بيوم زفافها مع اهلها وحبايبها وتصير الفرحة فرحتين 💝 . . وكني أشوف بعض العرايس مثل الضايعات 🤷🏻‍♀️مايدرون من وين يبدأون ولا من وين ينتهون ووش يجيبون ووش مايجيبون 🛍 . وخلونا نكتب الأشياء اللي حلو ان العروس تجيبها 🛍وحطوا ببالكم شي واحد ان الهدف من تجهيزاتك خدمتك بعد الزواج فلا تجيبين شي تحسين نفسك ماراح تستخدمينه 🔑وشي مهم مرة تعرفينه إنه العادات والتقاليد تختلف بين كل منطقة وعيلة ، فممكن بعض المعاريس مكلوفين بشراء أمور معينه والبعض يكون العروس مكلوفة تشتريها 💕والبعض من العرايس يتحسسون من هالشي اذا قال زوجها انت جيبي والا انا بجيب هالشي وتطلع بمشكلة من موضوع مايستاهل 😩فإن حصل اختلاف بالمشتريات كبري عقلك وحلي الموضوع بدون ماتكبرينه👌🏼 . . ونبدا بسم الله : أول شي جهزي لك مكان لتجميع مشترياتك 🛍ترى الترتيب مهم مرة ، سواء شنطة او دولاب فاضي 👝 وشوفي الأشياء الموجودة عندك ببيت اهلك وبامكانك تاخذينها معك من ملابس وشنط وجزم -رفع الله قدركم-ومكياج وادوات شعر . ثم بعدها سجلي الأمور الرئيسية كامل وابدي بجدولة للاسعار 🔢 الحين بسرد لكم بعض الاحتياجات وممكن يكون بعضها على الرجال وبعضها عليك لكن مثل ماقلت لكم تختلف العادات 💕 . ذهب ، فستان زواج،ستيانات تناسب موديل فستانك،جزمة الزواج ، طقم الزواج وساعه (البعض يلبسون اللي جابه زوجهم والبعض يحبون يشترون شي خاص للفستان) ، تاج او اكسسوارات شعرك ، قميص أول ليلة وتوابعه مع ملابس ثاني ليلة وتوابعها ، ملابس خرجة حق ثاني يوم سواء للمطار او زيارة أو حتى للتمشية مع كمالياتها👗👙👡 . ملابس بيت واحرصي تنوعين مو كلش قصير وضيق،خليك كل يوم بشكل مختلف ومو ضروري تكثرين لأن السوق موجود 👌🏼 . ملابس داخليه وياكثر اللي مايعرفون يشترون ستيانات مضبوطة 👙والستيانات فيه ستيانات للسهرة بامكانك تلبسينها يوم الزواج ، وستيانات للزيارات تكون أريح من حق السهرة ، وعندك ستيانات للبيت (واغلب قمصان النوم تنلبس بدون ستيانات )👌🏼وعندكم الحشوات من كورسيهات او حشوات صدر او تكبير الارداف او حشوة خفسة الفخذ(هذي الحشوات تنلبس للسهرات وماتنلبس بالبيت )، البعض لبس السهرة عليهم يجي مايبين لأن جسمها مافيه ملامح فالحشوات تساعدها💕 . عندك كمان الجزم -وانتم بكرامة-(جزم مشي وجزم سهرة وجزم زيارات خفيفة ) 👛👜 والشنط (شنط استعمال يومي وزيارات ،شنط سهرة ،شنط سفر). . . . للحديث بقية بس ماكفى البوست ، المهم شجعوني بلايك الله يسعدكم❤️ . .🔴ممنوع الاعلان بين الكومنتات🔴

. . ويامساء الخيرات ويامساء الأجواء الحلوة ويامساء الخير عليكم جميع .💐 . وحشتووني مليون 💖وحشتوني موت ✨ . . ومن العنوان وش اكثر شي اشتقتوا له من حياتكم الاولى وماكنتوا حاسين بقيمته ؟🤷🏻‍♀️. بالنسبة لي أشياء كثير وحشتني 🍃وحشني بيت الله 🕋وحشتني جمعة الاهل وتخطيطات قطة العيد ووحشتني ذيك السوالف بعد مانرجع من الزواجات 😂 . . . . . وحدة تقول لي اشتقت لأكل المطاعم 🙃 . . . 💌بالله وش اكثر شي اشتقتوا له💌 . . . . . . وأخيرا اللهم ارفع عنا الوباء واحفظنا واحفظ قادتنا وبلادنا من كل سوء (امين)🤲🏻 . . وفرحوني بلايكات ❤️ . وممنوع الاعلان بين الكومنتات