اهلاً مساء الخير والخيرات 🌿. وصلني هالحلا من هالمتجر @miadolcezza_ عندهم حجمين الحجم الميني جداً مناسب للتوزيعات والضيافه مره مرتب ماشاءالله و يواجهه شكله 👌🏼. والحجم الكبير يناسب العزايم و الزيارات الكميه ماشاءالله راهيه جداً و شكله يواجه فعلاً 👌🏼. عندها كذا نوع .. جربت التراميسو لذيذ مره و موزون الطعم وخفيف 👌🏼. ترافل المانقو 🥭 الشكل يشهي بس للامانه ما جربته ماني من محبين المانجو ابداً , بس متأكده بيعجب محبين المانجو من الشكل واضح كيف لذيذ 😋. ترافل الشوكلت .. ماشاءالله يجنن طبقات يجي و الكميه راهيه جداً وحلاته بارد مع قهوه 😋❤️❤️. متوفره منتجاتها ب كوخ الياسمين - الرياض شكراً لك تسلم هاليدين الحلوه 🌿❤️. @miadolcezza_

اهلاً .. وحشتوني جداً جداً 😔😔! اقترحو لنا روايات حلوه سواء كتب او موقع او حسابات ب الانستا بخلي هالبوست مرجع للجميع 🌿. وياليت تذكرون معاها نبذه بسيطه عن الروايه دمتم بحب وودّ 💞

مرت الايام سريعه .. اميره ببتسامه مليانه حبّ : الحمدلله ان ربي اختارك لي من بين العالمين يحيى وهو يلعب ب شعرها : ما اتخيل كيف كنت بندم طول عمري لو خليت عنكم , مع انك كنتي بالنسبه لي اسهل من الماء وابعد من السماء ابتسمت اميره ويدينها تحضن يده وعاشوا بحب مع ولدهم سلام الي فعلاً كان له من اسمه نصيب على اميره ويحيى .. - دلال ناظرت ياسر ومحاوطينه اطفاله ويلعب معاهم ببتسامه مليانه حبّ : كانت لحظة غضب يوم قررت اتركك واشتت اطفالي ياسر رفع عيونه وناظرها بطرف عين : كانت انانيه منك بس الحمدلله ربي رجع لك عقلك ابتسمت دلال بحب وهي تناظرهم .. استمرت حياتهم على نفس النمط - ليان سافرت مع عزيز شهر عسل و ادركوا انهم مكملين لشخصيات بعض واختيارهم لبعض كان صحيح .. - اصاله بعصبيه وحدّه : هذا الي عندي ان كان ما جاز لك روح لغيري تراني راضيه وبكل حب اقولها لك لكن لا تطلب مني شي مستحيل ضحك ماجد بقهر : تدرين الحق ماهو عليك الحق عليّ متحملك رغم كل شي ومتحمل تصرفاتك وسخافتك اصاله ناظرته : ماحد جابرك عليّ ابتسم ماجد : عشان كذا ورقتك بتوصلك لين عندك و كل واحد فينا يروح ب طريق اصاله بصدمه : ما عندي مشكله ماجد ضحك بقهر : ماعليك حسوفه الحسوفه على انسان تخلى عن كل شي عشانك اصاله امتلت دموعها عيون وصدمه كانت متوقعه يبقى ماجد نفس ماهو ويتحملها للابد ولكن ! الشي لا زاد عن حده ينقلب ضده واصاله نست هالنقطه .. من بعد هالنقاش ماجد فعلاً اختفى من حياة اصاله وانفصلو وكملت حياتها خارج السعوديه وحيده .. - ابتسام و نايف حلت حياتهم اكثر بوجود باسل و امتلى البيت عليهم بوجوده ووجود خوان ابتسام و عوضو عواطف عقوق اصاله .. - ريما وهي تتأملهم بحب : كنت اتمنى من ربي يرزقني ب طفل واحد بس ما دريت ان العوض طفلين ابتسم فيصل : ياربي لك الحمد دايم العوض اجمل من بعد ولادة ريما ب التووأم الدكتوره منعنها تحمل من جديد بسبب خطورة الحمل عليها .. - رانيا ابتسمت :شكلك هالمره صدقت ولا صرت بياع كلام ضحك تركي وهو يبوس يدها : دايم تظلميني الله يسامحك رانيا ابتسمت وهي تحمد ربها على الي صار وانه عوضها ب تركي عن كل شي .. وعاشوا حياتهم بكل حبّ .. - شهد تنازلت عن الهرب وعاشت تحت ضغط و شكوك امها و شادن الدائمه لها وبتتحمل هالشي الان هي جابت لنفسها هالشي نقلوا بيتهم لمدينه ثانيه عشان شهد .. وكملوا حياتهم .. - العنود استقرت مع امها خارج السعوديه ومبسوطين هناك العنود ترقت وصارت مديرة فرع كبير و مضاوي اعتادت على المعيشه هناك .. - دمتم بحبّ وودّ نلتقي في روايه اخرى وابداع اخر 🌿💕. 16/8/2022 🌿💕

لو سألني الورد عنك علميني وش اقول ؟ 🌿💕.

يوم جديد على الجميع .. رانيا ما غفت عينها وكلام تركي يتردد على مسامعها ما عاد تعرف الصح من الغلط انفتح باب غرفتها رفعت عيونها للباب على دخول تركي : صاحيه ؟ رانيا ع نفس وضعها : ما نمت تركي دخل ووقف قدامها وهو يمد يده ويلمس جبينها : الحمدلله مافيك حراره وش فيك اجل ما نمتي رانيا ضحكت بسخريه : مسوي مهتم تركي بجديه : رانيا قلت لك كل شي امس ليه مانتي مستوعبه ! خليتني بنص كلامي وطلعتي وقفلتي ع نفسك ليه رافضه هالشي ليه حاطه ببالك اني انسان سيء رانيا اعتدلت جلستها : لأنك كذا قهرتني بنفسي كرهتني ب حياتي كل شي سويت كل ما قلت زانت حياتنا جا طاري شهد من جديد وعفس الدنيا فوق تحت ابتسم تركي : يعني شهد السبب رانيا بقهر : اي تركي جلس جنبها وضمها بقوه فجأه : ياحلو الي يغارون بس شهد ما عاد لها وجود ب حياتنا كلنا خلاص وعد ومد اصبعه الخنصر : نتواعد ؟ ونوفي بوعدنا لبعض ؟ رانيا بطرف عين : وش الوعد عشان اعرف تركي ابتسم : نكون مع بعض بكل شي ونسند بعض رانيا ابتسمت ومدت خنصرها : وعد ابتسم تركي بحب وضمها من جديد. - ماجد ضحك : على كيفك الدنيا ماشيه عايش مع خويي الظاهر مو زوجتي اصاله بعصبيه : هذي حريتي وحياتي مالك دخل فيها ماجد ضحك : مو على كيفك انا زوجك ولي الحق الكامل فيك سالفة كل واحد ب غرفه وما اقرب لك احلمي فيها زين وتركها تغلي من قهرها ومشى .. - مريم وهي تبكي : تبين تموتين وتفتكين مني تبين ترتاحين مني انتي ودك ما نرفع وجيهنا قدام الناس كيف تفكرين تسوين كذا مجنونه انتي شهد وهي ترتجف من البكى وجاثه على ركبها : يمه لا تقولين كذا والله ابي ابعد بس ابي حياه جديده مريم بغصه وهي تمسح دموعها بكفها : وما لقيتي هالحياه الا برا وتهربين مننا بدون علمنا تبين لنا سواد الوجه شادن كانت ساكته وتناظرهم تقطع قلبها على امها بس اضطرت تعلمها .. شهد وهي تبوس يدين امها : يمه سامحيني خلاص تكفين سحبت يدينها مريم : ان كانك تبين هالحياه روحي لكن لا تفكرين بعدها ان عندك اهل اعتبري نفسك يتيمه من كل شي .. شادن انصدمت من كلام امها وقامت مريم طلعت لغرفتها وشهد باقي مكانها شادن بهدوء : القرار عندك ان رحتي بنعلن وفاتك وبنسوي عزا وتركتها وطلعت .. شهد وقفت الدنيا للحظات وما تدري كيف تتصرف هل فعلاً تروح وتنسى ان لها اهل وتعيش الحياه المرسومه ببالها بدون خوف ولا تبقى تحت عرش امها واختها المتسلطه .. ' - فيصل بصدمه : دقيقه دكتوره كيف ما فهمت انتي متأكده !! ريما شدت على يد فيصل بصدمه : دكتوره تكفين تأكدي الدكتوره : كيف مو متأكده هذا هو قدامكم السونار

اهلاً 🌿❤️. وصلني هالمنتج الرهيب من متجر عود فواز @oudfwz مره حبيت البكج مرتب ويصلح هديه واهم نقطه ! الاعواد موروكي فخم ريحتها تجنن وتثبت ب المكان 👏🏻. تنفع للسيارات و المكاتب والاماكن الصغيره ولا تاخذ مكان 👌🏼❤️. ومسويين حالياً عروض ولا غلطه ! شيكو على متجرهم 🤩❤️❤️. @oudfwz

نايف بسخريه: اي لحقي عمرك قبل يشيلونك وتركها ومشى وهو متفشل من ماجد دخل عند ابتسام وهي تنوم باسل ابتسم وانسدح جنبها : احس ماني قادر افتح عيوني من الصداع ابتسام : وش قالت لك نايف : بخلصون كل شي اليوم بنجيب الشيخ يملك عليهم وبتروح معاه ابتسام تنهدت بضيق : الله يصلحها قاعده تخرب حياتها بيدها نايف : ماعليّ منها حريقه تحرقها بس متفشل من الرجال ابتسام بحيره :ماودي ادخل بالنيات ولكن اكيد انها تعرفه ولا شلون تقولك انهم بخلصون كل شي اليوم عقد حاجبه نايف ب ادراك ولحظة استوعاب .. - تركي جلس مكانه وهو مصدوم ان رانيا سمعت كلامه اخذ نفس عميق واتصل ب شادن من جديد شادن ردت :هلا تركي بشر وش صار تركي : حتى لو منعنا البنت من هالشي الحين بتعيده بعدين الافضل تتفاهمون معاها ولا تخلونها بكيفها اذا هي ناويه تدمر حياتها بيدها ف بكيفها ماهي صغيره نراكض وراها شادن انصدمت : تركي ! هذا وانا معتمده عليك تقولي كذا تركي بجديه : شادن استوعبي اني مو مسؤول عنها وتراني متزوج اهتم ب امورها ليه ! شدخلني فيها تكلمت مره وسوت لي مشاكل ليه اخرب حياتي عشانها هذا الي عندي والله يستر عليها قفل قبل يسمع رد شادن شادن تجمعت الدموع ب عيونها بقهر من فعل اختها و رد تركي .. - بالليل .. المأذون ببتسامه : الله يوفقهم ويكتب لهم الي فيه الخير ويبارك لهم بحياتهم نايف ابتسم : امين يارب شكراً لك ما قصرت يعطيك العافيه طلع المأذون نايف ناظر ماجد بحده : سؤال انت و اصاله تعرفون بعض ماجد توتر : لا نايف بحده : كذاب لا كلمتني ولا تفاهمت معي ولا اخذت مني رقمها كيف اجل صار هذا كله وانا ما عندي علم تنهد ماجد وجا بتكلم بس قطع كلامه دخول اصاله وهي لابسه عبايتها : انا جاهزه نايف ناظرهم : الله يوفقكم ياليت ما عاد نسمع اخباركم درب السلامه اصاله انصدمت من كلمة نايف وناظرت ماجد نزل عيونه للارض وسكت .. - تركي كان واقف على شباك غرفته و يفكر طاحت عينه على العشب الي تحت وابتسم وهو يشوف رانيا وجلستها المفضله بهالمكان ووقتها المفضل من جت على هالبيت وهذا مكانها تالي الليل .. نزل بهدوء ووقف خلفها : الجو حلو اليوم رانيا تأففت : الواحد ما يقعد ساعتين على بعض لحاله يفكر تركي ضحك : شدعوه من اول الليل وانتي لحالك حاسدتني على هالكم دقيقه الي اجي فيها هالمكان رانيا ناظرته بقهر : هالكم دقيقه تخرب مزاجي وكل شي وتروح جلس تركي جنب رانيا واكتافهم متلاصقه رانيا : ضاقت فيك الوسيعه لصقت فيني تركي ناظر للفراغ : ما احس اقدر اكمل حياتي بدونك صرتي مكمله الناقص فيني صرتي جزء مني احس معاك ب شعور غير احسني طير من خفتي معاك

دخلت شهد للبيت ويدينها مليانه اكياس ناظرتها شادن نظرات حاقده ومليانه قهر شهد كشرت وصدت عن شادن وجت بتطلع للدور العلوي .. شادن عضت شفتها بقهر وهي تفكر مستحيل العلم يوصل لامها بتروح فيها على طول هي يلا متحمله مصايب الدنيا .. - تركي كان باقي جالس مكانه وكلام رانيا يتردد ع مسامعه قطع حبل افكاره صوت جواله ردّ بدون لا ينتبه ع الاسم او الرقم الظاهر تركي بصوت هادي : هلا شادن بتوتر : هلا تركي شلونك تركي عقد حاجبه : عفوا مين معي شادن : معك شادن بنت خالتك مريم تركي زم شفايفه : هلا شادن تفضلي شادن تنهدت بحيره : تكفى يا تركي مالي غير الله ثم انت تحل لي هالمشكله وتفكنا منها وتنقذ سمعتنا تركي زاد استغرابه : وش صاير شادن بهدوء : شهد بتهج لخارج المملكه هي وصديقتها تكفى تركي وقفها سوي اي شي مابيدي شي اسويه ولا ودي امي تدري بتموت لو درت تركي انصدم : تهج !! وين بتروح المجنونه شادن بصوت خافت : مدري عنها بس اظن امريكا اوروبا شي كذا دوله اجنبيه صديقتها مضبطه كل شي حتى الحجوزات تنهد تركي : بشوف وش اقدر اسوي وبعلمك ان شاءالله قفل تركي وقام بيطلع للدور العلوي رفع راسه وجمدت ملامحه وهو يشوف رانيا واقفه وتناظره وسمعت كل شي صار رانيا بغصه : اتوقع وصلني الجواب الحين تقدر تكمل حياتك وتنقذ حبك براحتك ولفت ومشت للغرفه دخلت وقفلت الباب وهي منهاره كيف تركي كان يحاول يتناسى شهد فيها ! - نايف كان يحاول يوصل لاصاله ابتسمت اصاله وردت : شكل الي صار وصلك نايف بحده : كنت حاس هذا الي بصير طول عمرك ما تتغيرين اصاله ببرود : كلام بقلبي وقلته وين الغلط نايف : الغلط ان بكل بساطه اميره بترجع تشتكي عليك وتخيسين ب السجن من جديد عرفتي وين الغلط !! اصاله اختفت ابتسامتها بخوف : هي قالت لك !! نايف عرف من صوتها انها خافت : اي يحيى قال لي الله يعينك جهزي نفسك دايم تجيبين المشاكل لنفسك قفل نايف وجلس يفكر اصاله نزلت الجوال بتوتر وخوف وللحظه خطرت ببالها فكره اتصلت على ماجد - اميره ناظرت يحيى : بسامحها هالمره ادري تكلمت من قهرها لكن ان مره ثانيه طرت اسمي ولا شفت طيفها ما بصير لها طيب يحيى بهدوء : ما تنلامين والمره الجايه انا بتفاهم معاها - ماجد عقد حاجبه : وش تخربطين انتي شلون تبين كل شي اليوم يتم مستحيل اصاله بحده : اليوم نخلص كل شي قلت لك نلتقي بالليل وقفلت ماجد تنهد ما يدري من وين يبتدي وش ياخذ معاه ما يدري كيف يتصرف وكيف يفاتح نايف ب الموضوع .. وصلت اصاله البيت نزلت بخوف ودخلت على طول ناظرت نايف بالمجلس قاعد يفكر دخلت عنده : ترا ماجد بيجي اليوم ونخلص كل شي عالسريع وبسافر معاه

ورق عنب اوڤام | @uvam.ks 🌿. ماشاءالله يجنن لذيذ وخفيف وناطع بس مو اوڤر ابداً نطاعه حلوه ولذيذه 😋😋. حبيت انه مو ذايب مره لدرجة يتقطع معاكم ولا قاسي مره وسط 👌🏼. صراحه شغل نظيف ومرتب ماشاءالله تستاهل كل خير والاسعار 😥❤️❤️❤️! شيكو عليها ب اخر صوره .. @uvam.ks @uvam.ks

شادن وقفت بنص الغرفه وهي تتنهد بملل ما لقت ولا شي .. طاحت عينها على لابتوب شهد ترددت ب البدايه ان لابتوب وش بكون فيه ! لكن اخذته و طلعت من الغرفه توجهت لغرفتها وقفلت الباب وفتحته وبدت تفتش فيه على امل تلقى فيه خيط صغير استغربت ان شهد فاتحه الواتس اب ب اللابتوب ! بدت تقرا المحادثات وجمدت ملامحها .. بلعت ريقها بصعوبه وهمست : بتهرب المجنونه بتموت امي !!!! - يحيى ما قدر يتحمل الي صار او يسكت عنه سحب جواله واتصل على نايف نايف شاف رقم يحيى وقلبه نغزه ناظر ابتسام : الله يستر يحيى يدق اكيد اصاله سوت مصيبه مستحيل ابتسام بتوتر : رد عليه رد نايف : هلا والله يحيى يحيى بحده : نايف تنازلنا عن اختك عشان لا تضيع حياتها ب السجن و تكمل حياتها بين هالناس لكن الظاهر ودها ترجع نايف بلع ريقه بصعوبه : وش صار !! قالت لي راسحه تعتذر من اميره و مره اصّرت تروح يحيى : تتبلى علينا ان حنا جابرينها على انها تتزوج وتسافر برا الرياض وتحط الموضوع براس زوجتي هذي جزاتها انها تنازلت عنها تجي بدون موعد و انا ماني موجود ب البيت عشان تهدد وتخوفها بكيفها !! نايف مسك راسه بصدمه : والله مدري شقولك بس مصدوم مصدوم ما توقعت على بالي عقلت يحيى بحده : شوف يا نايف والي رفع هالسما لو اميره تقول خلها ترجع السجن بروح وبشتكي انها عارضت الشرط وتعرضت لزوجتي علمٍ يوصلك ويتعداك فمان لله وقفل .. نايف تغيرت ملامحه والوان وجهه جلس ع طرف السرير بصدمه : قلت لك ما بتمر ب سلام قلت لك اصاله تخطط قلت لك اختي واعرفها ما تتغير ولا تتوب - تركي وصل البيت وكان وده يجيب ورد او شي لرانيا خصوصاً ان زواجهم انعلن للجميع وتعتبر مناسبه لكن الاوضاع بينهم متوتره .. دخل البيت بهدوء شافها منسدحه بالصاله على الكنبه وضامه رجولها لصدرها وسرحانه استغرب وضعها وملامح وجهها تبيّن انها مو بخير مشى اتجهها وجلس جنبها لمس جبينها بهدوء وعقد حاجبه : فيك حراره ! رانيا ماردت عليه تركي تنهد : مو وقت زعلك اقولك فيك حراره وشكلك تعبان وش فيك رانيا عدلت نفسها وجت بتقوم تركي مسك يدها ووقفها : اتكلم معاك رانيا بهدوء : مابي ارد بطلع غرفتي تركي تنهد : مو وقت زعلك اجلسي وش فيك علميني وش يعورك رانيا جلست وبهدوء : قلبي يعورني تركي بردت ملامحه وبلع ريقه بصعوبه وهو يناظر عيون رانيا الي تنطق حزن رانيا اكملت : ليتني ما شرعت لك بيبان قلبي ليتني صديت عنك ولا حبيتك وتركت تركي وقامت تركي كان منصدم هي تحبه !!! هي شرعت بيبان قلبها له !! كيف ما حس ولا انتبه ! دخلت رانيا الغرفه وجلست على طرف السرير وما تشوف من كثر الدموع المتحجره ب عيونها ..

شادن وصلت البيت ودمها يغلي من القهر بسبب فعلت شهد وخصوصاً ان تهاني شافت شادن ناظرت امها : وين شهد بغرفتها مريم : لا طلعت السوق مع السواق شادن سكتت شوي لين امها لهت ب التلفزيون وانسحبت بخفيف وطلعت للدور العلوي دخلت غرفة شهد وفتحت النور وبدت تحوس بين اغراض شهد وتفتش .. - اصاله ببتسامه : عطر يحيى ما تغير من وعى على هالدنيا اميره جمدت ملامحها وهي تناظر ب اصاله نظرات مليانه خوف و شك اصاله حست على نفسها والي قالته ضحكت بتوتر : ما اقصد جيتي كلها عشان اقعد معاك واعتذر لك عن الي صار واشكرك على الي سويتيه اميره ناظرتها ب استغراب واستنكار : تفضلي جلست اصاله وابتسمت : كبر سلام ماشاءالله اميره ببتسامه هاديه وهي خايفه يصير شي : اي ماشاءالله الايام تركض سوت القهوه اميره وارسلت ليحيى مسج " يحيى , اصاله فجأه جت والوضع يوتر " اصاله : بيتكم يجنن ماشاءالله بسرق افكار منكم اميره ابتسمت : مريح البيت والاثاث بسيط تنهدت اصاله : وافقت على ماجد ترا اميره ناظرتها بهدوء : الله يوفقكم بس ترا هالشي لك انتي وحياتك انتي حنا مالنا دخل ! اصاله ناظرتها بطرف عين : ليه مو انتو الي تدخلتو وتنازلتو عني مقابل اتزوج من ماجد اميره بصدمه ناظرتها : مين قالك هالكلام ووصله لك هذي حياتك مالنا دخل فيها ولا درينا عنك كان شرطنا الوحيد ما تتعرضين لي ابد وبس جت بترد اصاله بس سمعو صوت الجرس اميره وقفت الا اصاله وقفت وسبقتها : دقيتي عليه يجي ! خفتي مني ! هه يالله ماعليه يا اميره واخذت شنطتها ومشت فتحت الباب تقابلت عيون يحيى الي مليانه خوف على اميره وسلام و حدّه ب عيون اصاله تعدته اصاله ومشت على طول يحيى دخل على طول وشاف اميره جالسه على الكنبه وضامه سلام لصدرها بخوف يحيى بخوف : وش صار وش جابها ذي اميره ناظرته وعيونها مليانه خوف ودموع تنهد يحيى وجلس جنبها وضمها بهدوء لصدره .. - تركي كل الوقت عقله وتفكيره ب رانيا وقرار ابوه اتصل ب ابوه : يبه اعلن الزواج ظافر : بس .. تركي بهدوء : يبه اعلنه خلاص مانبي عرس ولا شي ظافر تنهد : الله يصلحك البنت تنتظر متى تلبس هالفستان وتنزف واحلا ليله ب عمرها وانت تبي تحرمها منها على الاقل حفله صغيره بين صديقاتها خلها تفرح تركي بصرامّه : ما يحتاج يلا فمان لله يبه وقفل وتنهد بضيق يعرف كل هالتصرفات غلط وبتزعل رانيا اكثر لكن مصير الايام ترضيها .. - رانيا كانت منسدحه وتفكر هل باقي تركي عالق بين ذكريات شهد عشان كذا رافض كل شي ! هل هو يحاول ينسى شهد وحبهم على حسابي الشكوك ملت قلبها و عقلها .. قامت وهي تحس ب صداع نزلت للمطبخ اخذت بنادول وجلست تفكر

باش كنافه | @bashkonafa_sa متخصصين ب الحلويات الشرقيه للامانه مبدعينن ماشاءالله اغلب حلوياتهم ب القشطه الفرش 👌🏼. جربت من عندهم هالثلاث اصناف صراحه ولا غلطه لذيذه وحلاها موزون 👌🏼. خصوصاً البسبوسه ب القشطه الفرش والفستق مره يمي صراحه وهشه 👌🏼👌🏼. ومسويين عروض حالياً شيكو عليها بحسابهم ومتواجدين ب جاهز 👌🏼. @bashkonafa_sa