Aferat na mësojnë shumë për marrëdhëniet: çfarë presim, çfarë mendojmë se duam dhe çfarë na duket e drejtë. Ato janë një dritare unike nga mund të shihen qëndrimet tona personale dhe kulturore mbi dashurinë, epshin dhe besnikërinë. Esther Perel nuk kërkon t’ju bindë me fraza prekëse dhe ngushëlluese. Ajo përpiqet t’ju sjellë me këmbë në tokë dhe t’ju ndërgjegjësojë duke ngulmuar në rëndësinë e bashkëpunimit, të veprimeve e të fjalëve, si çelësa të një martese të lumtur. "As të parët, as të fundit” analizon mungesën e besnikërisë nga të gjitha pikëpamjet – personi që tradhtoi, personi i tradhtuar dhe pala e tretë – në përpjekje për të kuptuar se si mund t’i bëjmë më të qëndrueshme lidhjet moderne. #botimepegi #booklover #asteparetastefundit

*Review* nga @lexoteada2020 -Heshturazi, dashuri është romani i parë i autores Elisa Shua Dusapin, i cili korri menjëherë sukses kur u botua në 2016. Nuk di se kush, por në përmbledhje të librit kanë shkruar "...delikat si bora në det..." dhe kjo është mënyra më e shkurtër dhe më e duhur për ta përkufizuar.Ju e dini që në këtë faqe fokusi që ditën e parë ka qënë te ndjesitë dhe jo tek dhënia e një përmbledhje mekanike të librit (që mendoj mund të gjendet në google). Ndjesia e parë që ky libër më dha ishte: "Origjinal", "Delikat", "I veçantë" dhe ndoshta "Not for everyone?" ...Një francez enigmatik shkon në një hotel të një province në Kore. Provinca nuk ka shumëçka për të parë, sidomos në dimër. Hoteli është i vjetër dhe bën shumë ftohtë. Atje punon një vajzë që rastësisht flet shumë mirë jo vetëm anglisht por edhe frengjisht. Vajza ka shumë kuriozitet për të zbuluar se kush është ky burrë. Kërkon për të në internet dhe zbulon që meret me libra me skica. Komunikimi i tyre me njëri tjetrin është shumë pak fjalë, por të dy e vëzhgojnë njëri tjetrin në heshtje. Libri ëshrë i gjithi emocion. Ankth. Lot. Ankth. Lot. Nëse nuk ju mbushen sytë me lot në faqen e fundit atëherë nuk e keni kuptuar vërtetë. Kam disa ditë që dua tjua përshkruaj ndjesinë që ky libër më dha, por e kam shumë të vështirë ta përshkruaj me fjalë sesi një libër kaq i vogël dhe një histori kaq e shkurtër mund të të lërë kaq pa frymë. Sidomos fundi. Autorja i ka lënë aq shumë vend imagjinatës tonë, dhe ka aq shumë mënyra "të duhura" që jeta e personazheve të këtij libri të shkojë. Veçantia e librit për mendimin tim qëndron në faktin se këto personazhe janë sa bosh po aq dhe plot jetë, sa të zymtë aq dhe me ngjyra, sa të ftohtë aq dhe energjikë, sa bazik aq dhe aventurier. Gjithçka qëndron te perceptimi ynë dhe te jeta e tyre që sado e ndryshme duket sikur është në funksion të njëri-tjetrit dhe secili përmes tjetrit përpiqet të njohë veten e tij... Keni gjithë këto vite që më thoni që ju pëlqen shumë sesi i përshkruaj emocionet me detaje, ama kësaj here nuk di sesa ja kam dal. Ky libër më ka dhënë shumë ndjesi që nuk mundem ti nxjerr në sipërfaqe ndaj duhet lexuar për ta shijuar.

Hey miq, për të gjithë ju që po pyesni se çfarë libri të nisni të lexoni, ndajmë me ju sugjerimin e @libratqedua —— Përshtypjet e mia mbi romanin "Numri dy" nga #DavidFoenkinos . #botimepegi#numridy #books #review #reading #fyp #booktook

Sugjerimi sot në "Sipas ndjesive të mia" vjen nga @silhouettereads —— “Ja ky është privilegji i letërsisë,- thashë.- Imazhet deformohen, zbehen, kurse fjalët i marrim me vete.” “Qenka e vërtetë ajo që thonë për mungesën e komunikimit? Siç kisha parashikuar gjatë zemërimit, ishim të dënuar me heshtje, me vetmi? Mos vallë kishte qenë gjithmonë kështu dhe unë pretendoja kot se ishte ndryshe për shkak të optimizmit tim kokëfortë? "Duhet të bëj një përpjekje", thashë me vete kur shkova në shtrat. "Nesër në mëngjes do të flasim. Do të përpiqemi t'u shkojmë gjërave deri në fund.” Nëse grindja jonë nuk ishte sheshuar, do të thoshte se ajo kishte në një simptomë. Duhen parë rrënjët.“ “Etërit kurrë nuk kanë vajzat që dëshirojnë, sepse duan që ato t'u përshtaten ideve të tyre. Nënat i pranojnë siç janë.“ ♥️ 🏷️ #bookstagram #books #booklover #botimepegi #sipasndjesivetemia

Një histori fantastike që tregon shumë për marrëdhënie që krijojmë me kafshët. "Macja" botohet së shpejti nga @botimepegi . #macja #botimiri #botimepegi

"Shpirti po më qan. Jam gjysmë në agoni e gjysmë i mbushur me shpresë. Më thoni që nuk jam tepër vonë, se ato ndjenja të çmuara nuk janë venitur përngaherë." Jane Austen- "Bindja"

Nga 22 qershori e deri në 25 qershor do të jemi në panairin e librit tek Pedonalja e Tiranës. Ju mirëpresim 🙂 #botimepegi #panairilibrit #booklover

Hey miq, ju prezantojmë me prurjen më të re nga @botimepegi 😍 "Macja" do të botohet brenda pak ditëve e ndërkohë ne ju prezantojmë me historinë e veçantë të këtij libri. 🙂 Nyja e dashurisë dhe besnikërisë – ndaj fëmijërisë dhe maces që e shoqëron atë – është shtylla kryesore e kësaj novele: ëndrra për një fëmijëri të përjetshme dhe nostalgji për një dëlirësi që nuk mundet të përshtatet me jetën prej të rrituri. Informacion i përgjithshëm rreth librit: Aleni, djali i vetëm dhe i përkëdhelur i një familjeje të pasur borgjeze, ka një mace shumë të bukur, Sahën, me të cilën ka një lidhje thuajse në simbiozë. Ndonëse vendos të martohet me Kamilën, një vajzë të hijshme dhe tepër moderne, Alenin e shqetëson shumë ideja se do të lërë shtëpinë e lindjes e mbi të gjitha macen e tij të adhuruar. Pas martesës, Saha fillon të dobësohet, prandaj Aleni vendos ta marrë me vete në apartamentin e ri të çiftit. Në një tension dhe xhelozi në rritje, prania e kafshës minon në mënyrë të pakthyeshme bashkëjetesën e tyre dhe Aleni do të jetë i detyruar të zgjedhë o njërën, o tjetrën. Se çfarë përfaqëson kjo mace, ngrohtësinë e fëmijërisë së humbur përgjithmonë, ëndrrën e një lidhjeje të përsosur për një burrë të brishtë dhe të papërmbushur, apo simbolin, lehtësisht shqetësues, për pamundësinë për të qenë normalë, autorja ia lë lexuesit ta vendosë. Sepse, në të vërtetë, thuajse në çdo shtëpi, endet një mace apo një fantazmë e ngjashme me të. Novela, e botuar për herë të parë më 1933, thuhet se është një lloj dedikimi i Colette-s për macen e saj. #botimepegi #botimiri #macja

Djaloshi 18-vjeçar Niri dhe familja e tij bëjnë një jetë të thjeshtë, por të sigurt, duke punuar në vilën e familjes së pasur Benz. Por kur pandemia pllakos botën, të gjithë lihen në mëshirën e fatit, duke parë në sy honin e një varfërie të skajshme. Ndërsa gjendja e tyre bëhet gjithnjë e më e dëshpëruar, Niri, dikur nxënës manastiri, që respektonte të gjtiha rregullat, vendos të mos presë më duarkryq ndihmat e një qeverie të korruptuar dhe shpërfillëse ndaj popullit, madje ai rebelohet edhe ndaj të atit, që tashmë i është dorëzuar fatit të tij. Fshehurazi, nëpër qytetin e izoluar, në kushtet e një shtetrrethimi të egër, përmes patrullave ushtarake, Niri kthehet te vila për të marrë ushqimet e nevojshme për mbijetesën e familjes. Aty e pret e shoqja e fëmijërisë, Meri, e bija e zotit Benz, e cila ka një plan më të madh, që do t'ua ndryshojë jetën përgjithmonë. Hajduti dhe rebelja është një histori dashurie universale, që kapërcen hendekun shoqëror e tregon në mënyrë prekëse se vështirësitë mund të na mësojnë gjënë më të rëndësishme: guximin për t'i bërë ballë gjithçkaje, vullnetin për të ndryshuar dhe besimin pa kushte te njëri-tjetri. #hajdutidherebelja #unelexoj #botimetpegi

Arti për të fituar miq dhe pushtet është një nga librat më të njohur të ekspertit të famshëm të komunikimit, Dale Carnegie. Në këtë libër, ju do të mësoni se nëpërmjet një komunikimi të frytshëm në jetën e përditshme, do të keni sukses në biznes apo politikë, në mësimdhënie apo sipërmarrje, në një marrëdhënie intime apo familjare. Sot shkëpusim për ju 7 rregulla për një jetë familjare të lumtur. 🙂 #artipertefituarmiqdhepushtet #botimetpegi #unelexoj #booklover

Hey miqtë tanë të vegjël! Shkolla mbaroi, pushimet erdhën dhe në bibliotekën tuaj pret të shtohet ky libër që do ju argëtojë gjatë muajve të verës. 🙂 "Erdhën pushimet" Libra për grupet e kopshtit 2-6 vjeç për të gjitha fushat. 🙂 #botimetpegi #botimepërfëmijë #unelexoj

Sugjerimi i @kendi_i_leximit për sot: —— Zbavitës dhe i pazakontë, nuk është thjesht historia e një dështimi. Martini thuajse ia doli mbanë, për një fije nuk e arriti suksesin dhe vendi i dytë është padyshim më i padurueshmi. Një fantazi melankolike përshkon gjithë romanin, që arrin të kapë me saktësi dhe lehtësi përhumbjen e një djaloshi që përballet vazhdimisht me krahasimin e asaj çka mund të kish qenë jeta e tij. Lexim të këndshëm!