Swahili Times

“Kwenye nia safi na kwenye nia ya kujenga nchi yetu [Tume ya mipango] msiogope kuja na mawazo ya kubadilisha mwelekeo wa nchi, kwa sababu kila mabadiliko yana ugumu wake, hakuna mabadiliko marahisi.” – Rais Samia Suluhu akiwaapisha viongozi Ikulu

“Tunataka kuongoza Serikali, na kama ni upinzani tumechoka kuwa wapinzani, ndio sababu tunakazana kukijenga chama kwa gharama kubwa kwa maumivu makubwa.” – Freeman Mbowe, Mwenyekiti CHADEMA

“Fabrice Luamba Ngoma ni Mnyama. Huyu ni mchezaji wa ndoto ya kila klabu Afrika. Miaka miwili atatupa burudani wana Simba. Huyu ndo tuliwapora AirPort.” – Ahmed Ally, Afisa Habari Simba

"Tumezungumza na wafanyakazi wote wa Bandari ya Dar es Salaam, tena wale wa Mtwara wanasema kwanini mmetusahau huyu mwekezaji? Tunamhitaji aje Mtwara ili korosho zetu ziweze kusafiri zaidi."- Naibu Katibu Mkuu Wizara ya Ujenzi na Uchukuzi, Dkt. Ally Possi

FIFA imeondoa zuio la kusajili wachezaji ililoiwekea klabu ya Kitayosce, baada ya kulipa madai ya aliyekuwa kocha wake, Ahmed El Faramawy Soliman. Kocha huyo raia wa Misri aliishitaki klabu hiyo kwa kuvunja mkataba kinyume cha taratibu.

Kiongozi wa upinzani nchini Kenya, Raila Odinga ameongeza siku za maandamano ya amani kwa kujumuisha Jumatano, Alhamisi na Ijumaa kwa kile alichosema wananchi wamemtaka kufanya hivyo.

Simba SC imemsajili wa kiungo mkabaji, Fabrice Ngoma, raia wa DR Congo, kwa Mkataba wa miaka miwili. Ngoma amesajiliwa akitokea Al Hilal ya Sudan.

“Makubaliano haya [Tanzania na Dubai] hayana masharti yanayoifunga Serikali kuhusu maeneo ya ushirikiano yaliyoanishwa pasipo kuwepo na mikataba mahsusi ya utekelezaji wa miradi itakayojadiliwa na kukubaliwa na pande zote mbili.” – Prof. Makame Mbarawa, Waziri wa Ujenzi na Uchukuzi

“Ukomo wa IGA [kati ya Tanzania na Dubai] unawekwa kwenye ile mikataba ya biashara itakayoenda kuingiwa. Hii [IGA] inaweka misingi tu.” – Mkurugenzi Mkuu TCAA, Hamza Johari

“Maeneo aliyopewa DP World [kuwekeza bandarini] ni asilimia 8 tu ya shughuli zote za Mamlaka ya Bandari.” – Mkurugenzi Mkuu TCAA, Hamza Johari

“Sisi tumeweka kifungu kwamba atakapokuja [DP World] kwa sababu yeye teknolojia yake ya juu asituletee habari kwamba anapunguza wafanyakazi, tumesema lazima ahakikishe anawatunza wafanyakazi atakaowakuta.”- Mkurugenzi Mkuu TCAA, Hamza Johari

“Siku zote wakina mama wana nidhamu sana, wana huruma na waangalifu. Wanasema anauza nchi? [Rais] Waogopeni watu wa namna hii wanaokuja kuwadanganya huku, yote haya ni kipindi cha uchaguzi, tunaelekea kwenye uchaguzi.” – Mary Chatanda, Mwenyekiti UWT