Mohamed Saad 🇧🇭 محمد سعد

الرجل الخطر أبداً ما راح يحاول يراوي الناس انه خطر.. بمعنى كونك تلعب حديد وتنفخ عضلاتك وانت تمشي او تكشر ويهك هذا ابداً مايعكس ذلك.. بالعكس توضح وبشكل جلي جداً انك شخص عندك نقاط ضعف عديدة وشكوك نفسية تحاول تغطيتها بهالتصرف. تذكر اخطر الرجال فعلياً هو اكثرهم هدوء واقلهم استعراض جسماني

هناك نوع من البشر مهما تقوله لازم يطلع سلبية في اي شي. الحين في موضوع الاسبرتام والسرطان، بما انه المنظمة وضحت اليوم انه غير مسرطن في جرعات آمنة وحددناها ،، طلعو ناس يقولون لا تصدقونهم اكيد دافعين لهم وانا عمري ماصدقهم كلامهم كله كذب.. المشكلة نفس هالناس قبل اسبوعين يوم الاعلام قال منظمة الصحة العالمية ذكرت انه المحلي الصناعي مسرطن طبلو للمنظمة وقالو شوفو اكا المنظمة قالت مسرطن.. الحين شتبون يالضبط؟ 🤣 أفتؤمنون ببعض الكتاب وتكفرون ببعض؟ تبون كل شي يمشي على هواكم واذا ما مشى طلعتو فيه مليون علة

وصلنا مرحلة اذا تقول حق الناس السماء لونها ازرق والبحر طعمه مالح. يقولون لك عندك ادلة على ذلك؟ ممكن تزودنا بمصادر وابحاث تثبت عالكلام؟ شتبون الحين؟ مو كل شي يطلبون عليه دليل 🤣 ركدو بارك الله فيكم

لا تقترب كثيراً من أصحاب السلطة.. فالقرب منهم قد يكون في ظاهره رحمة ولكن في باطنه عذاب.. لسعتهم قاتلة وقد تأتي بلا مقدمات وبلا توقعات.. دائماً دع بينك وبينهم مسافات ولا تقترب مهما أصبح قربهم جميلاً في ظاهره .. واحذر كل الحذر من البطانة التي معهم فالكثير منهم كالذئاب الغدارة

مايصير يكون الواحد على وسائل التواصل الاجتماعي حساس لدرجة اذا شخص رد عليك رد عادي بدون وجوه تعبيرية تعتقد انه متضايق او زعلان او اسلوبه سيء.. مو شرط كل كلمة احط وجه يضحك او ابتسامة عشان ارضي عقلك الدلوع يالدلوع.. يمكن في الواقع ابتسم عادي بس ماحطيت لك وجه تعبيري.. هذا تفكير سيء للغاية.. تبي اكتب لك جذي؟ هلا اخوي 😁❤️🤩؟ ولا ارد عليك جذي؟ اي نعم 😀🫶 عادي مو لازم احط شي ترى وانا اكتب

تبون المحتوى كله تغذية ورياضة وامور علمية او ننوع؟ شنو اقتراحاتكم 🫵

الضعوف وينكم؟ 🤡 لا مكان للضعوف هنا.. في احد لا سمح الله مايتمرن ويتابع حسابي؟ لا اصيدك

الثريد الأول.. أهلا بكم 🫡