#اتيكيت_الروح

الحمدلله إن كل الدروس الصعبة اللي تعلمت منها في حياتي خلتني ما أكون قاسية وقلبي ميت ، بالعكس خلتني حنونة أكثر .. الحمدالله على هذه النعمة وأشكر ربي على نعمة النسيان .. #لطيفة_اللوغاني #قريباً

من أجمل ملامح الحب ، وتصرفات لها دلائل وايد : يكون الشخص يفكر فيك وهو في قمة إنشغاله ، ويدور الدقايق بين زحمة وقته وضغط جدوله عشان يكلمك او يشوفك ، يشتاق لك وهو بين كل حبايبه ، بالرغم انه يعرف يسوي كل شي بروحه بس هم يحتاجك ❤️ #لطيفة_اللوغاني #قريباً

سبحان الله ، لا شعوريا ابتعد عن قليل الذوق ، ما أرتاح اني أتعامل معاهم ابدا ، لان راحتي وإحترامي وراحة بالي فوق كل علاقة واعتبار ، نفسي عزيزة علي بشكل كبير ، انا إنسانه أحب أحس بقيمتي واحس إني مهمة ومرغوب فيني عند الآخرين .. #أحبني #لطيفة_اللوغاني #قريباً

موضوع أن أحد قاعد يسوي لأجل خاطرك ، موضوع مو عادي ، يعني انا سويت كذا لأجل خاطرك ، انا أجلت هالشي لأجل خاطرك ، ما أحب هذا الشي بس بجربه لأجل خاطرك ، كلمة ( خاطرك ) مريحة وايد وممكن تسوي المعجزات ❤️ #لطيفة_اللوغاني #قريباً

مو زعلانة أو ندمانة على ابتعاد أي شخص عني ، بالعكس أنا وايد متسامحة معاي ، وأدري إن فيني عيوب أنا مو ملاك ، لأني لو بكون مع هاللي ابتعدوا وبيحسسوني كل شوي بعيوبي ويستغلونها ضدي ،، الله الغني عنهم وربي معاهم :) #لطيفة_اللوغاني #قريباً

انتبه تخسر أحد يهتم فيك ويسأل عنك ويداريك ويبي يوقف معاك وقت ما تحس انك مرهق او زعلان ‏بالرغم ان عمرك ما ساعدته او عطيته شيء ، تخيل عاد لو عطيته شوي مجال وحب وتقدير ، شنو بيصير ؟ لا تكون من الناس اللي تترك اللي شاريها وتركض ورى اللي مو مقدرها ❤️ ‏⁧‫#لطيفة_اللوغاني‬⁩ ‏⁧‫#قريباً‬⁩

فعلا صحة وعافية ان الواحد ينشغل بنفسه ، وبأحلامه ، وجدوله ، وما يكون عنده وقت يفتش والا يراقب والا يدور أحد ..#أحبني #لطيفة_اللوغاني #قريباً

لما تصادف في طريقك شخص ولد ناس ومتربي على الأصول ، حافظ عليه ، لان هالفئة في هالزمن صار عددهم قليل ، وكلنا بحاجة ناس محترمه نظيفة نكون مرتاحين ونحس بالامان بالتعامل معاهم ❤️ #لطيفة_اللوغاني #قريباً

في مشاعر عمرك ماراح تقدر تنساها : • أول مرة انكسر خاطرك فيها على نفسك .. • شعورك لما اكتشفت أنك مو فارق مع اللي كان حسبالك يحبك .. • لما ربطت المواقف واكتشفت اشكثر تأذيت .. الحين عاد تعلَّم .. #لطيفة_اللوغاني #قريباً

شنو شعورك لما أحد انت زعلان منه يقولك " شنو اللي يرضيك وانا أسويه ؟ " أنا شخصياً أحس بالهدوء وان قلبي يرضى بروحه ، لأن كافي هالجملة أحسها جبر خاطر ، في جمل ساعات تنقال تبين غلاتك عند الشخص اللي جدامك تنسيك الزعل ، وفكرة انه قاعد يحاول يراضيك ومتمسك فيك بروحها سعاده ❤️ #لطيفة_اللوغاني #قريباً

انك تستمر أهم من انك تكون مثالي ، خلك قوي وكمل ، مهما فشلت ، صدقني انت موهوب ، وتتمتع بعبقرية خطيره ، وأسرار هالعبقرية بتلاقيها داخلك ، ربك خلقك عشان تعرف قيمتك .. #أحبني #لطيفة_اللوغاني #قريباً

لما تلاقي شخص يقولك : لا تروح خلك قاعد شوي معاي ، تو الناس ، اقعد بعد ٥ دقايق ، هالكلمات فيها كمية تمسّك وحب عظيم ، وموضوع انك تحس إنك مُقدَّر ووجودك غالي شي جميل جداً ❤️ #لطيفة_اللوغاني #قريباً