Everything Kuwait

خلصت من زوارة الأهل وغدا العيد وتبي تطلع وماتدري وين؟ سهلنها لكم في بوست واحد تلقون فيه أحلى الحفلات الغنائية، وأفضل المسرحيات، وأكيد أقوى الأفلام بالسينما.. وإن شاءالله تستمتعون بإجازة العيد لا فاقدين ولا مفقودين يارب

يايتنا خووش عطلة عاد نطرينها نطره حتى لو ماقدرتوا تسافرون لأي ظرف مو معناتها ما تقدرون تستانسون.. تقدرون تستمتعون بأجواء حلوة واتكافؤون نفسكم وتاخذون بريك من ضغوطات العمل والارتباطات وتحجزون لكم فندق من خلال اللسته اللي سويناها لكم راح تحصلون أفضل الفنادق وأسعار الغرف حق ليلتين وممكن تزيدون عدد الليالي حسب رغبتكم فيها (ملاحظة: الأسعار ممكن تختلف حسب وقت الحجز)

الخطوط الجوية الكويتية تفوز بـ "أفضل شركة طيران متطورة في عام 2023" وتم تصنيفها ضمن أفضل 50 شركة طيران في العالم انتقلت من: المرتبة 179 في عام 2021 إلى المرتبة 76 في عام 2022 والآن تحتل المرتبة 42 في عام 2023 فخورييييين فيكم على هذا الإنجاز @kuwaitairways ومزيداً من النجاحات يا رب وشكراً لكل من ساهم في هذا الإنجاز 🩵✈️🇰🇼

في مثل هذا اليوم 19/6/1961، وقبل الخوض في تفاصيل ذكرى يوم الإستقلال، نقول عسى اليدين اللي وقعت استقلالنا ما تمسها النار وعينك ما تشوف إلا الجنة يا أبو الدستور.. في مثل هذا اليوم أعلن أمير دولة الكويت الراحل الشيخ عبد الله السالم الصباح، طيب الله ثراه، معاهدة الحماية البريطانية من خلال توقيع وثيقة استقلال البلاد مع المندوب السامي البريطاني في الخليج العربي السير جورج ميدلتن نيابة عن الحكومة البريطانية. وفي العام ذاته صدر مرسوم أميري بشأن العلم الكويتي وهو أول علم يرفع بعد الاستقلال، وتم تحديد شكله وألوانه، ومن ثم قدمت الكويت طلباً لجامعة الدول العربية فتم قبول عضويتها في 16 يوليو 1961.

وفي 26/8/1961 صدر مرسوم أميري بإجراء انتخابات المجلس التأسيسي تحقيقاً لرغبة الشيخ عبدالله السالم بإقامة نظام حكم قائم على أسس واضحة ومتينة وإصدار دستور يستند إلى المبادئ الديموقراطية، إذ أنجز المجلس المنتخب مشروع الدستور الذي تضمن 183 مادة خلال 9 أشهر. كان عهد الشيخ عبدالله السالم الذي امتد 15 عاماً من السنوات البارزة في تاريخ الكويت، وأطلق عليه لقب «أبو الاستقلال» و«أبو الدستور» نظراً إلى جهوده المضنية وإنجازاته الكبيرة وحكمته السديدة لنيل الاستقلال.

ونتر وندرلاند صارت أكبر بنسة 60% من مساحتها السابقة بإجمالي مساحة 115,000 متر مربع، وبمدة تشغيلية أطول تصل إلى 7 شهور، وفيها أكثر من 200 فرصة استثمارية للمشاريع الصغيرة والمتوسطة، ونتدر وندرلاند الجديدة راح تستوعب أكثر من 150,000 زائر إسبوعياً وفيها أكثر من 55 لعبة وأكيد حاطين لكم المسار السريع للألعاب ونتر وندرلاند بحلتها الجديدة ناطرينها بشهر ٩ وبإذن الله راح تعجب الكل.. قولولنا شنو أكثر لعبة حبيتوها في ونتر وندرلاند اللي طافت وودكم تكون موجودة الشتا الياي؟ 🎢🎡🎠🎟️

طحنا على مكان قوي ما تلقاه حتى بقوقل مابس.. مكان مخشوش جنه مو لك.. داخل هذ البيت راح تحصل قطع انتيكس صناعة يدوية وتكون إضافة وتزيّن المكان اللي بتحطونه فيه.. صاحبة المشروع كل سنة تختار هذه القطع بعناية واهتمام من أمريكا وتييبها الكويت.. فالشي اللي راح تشوفه ماهو مكرر وصعب تحصله بكل مكان.. ننصحكم تزورون المكان وقبلها لازم تاخذون موعد عن طريق اكاونتهم او التواصل معهم على 55519186 @rowandoak.kw

مع هالحر ما يبيله بعد أفضل طريقة عساس تكسر الحر طلعة بحر ورقي باااارد يسرسح… مضبطينكم بلسته شركات تقدرون تصممون طلعة البحر مالتكم سواء بتمشون أو بتروحون جزيرة أو بتحدقون 🌊☀️🛥️ ولأنكم أفضل متابعين لنا، راح تلقون باللسته بعض الشركات اللي راح تقدم لكم خصم خاص لمتابعين Everything Kuwait

صوّت وعدل مزاجك بالقهوة اللي تحبها على طول.. ومع هالجو اشكرى الايسد كوفي اهي اللي تفوز.. يمعنا لكم أكثر عدد ممكن من الأماكن اللي تقدم لكم قهوة مجاناً بعد ما تصوتون.. نفخر بالحس الوطني لجميع الجهات اللي شاركت في هذا العرس الديموقراطي 👏🏼👏🏼 فشكراً لكل من طلع من بيتهم وقام بدوره اتجاه وطننا الغالي.. شكراً للجهات الحكومية التي تُشرف على الانتخابات وفي مقدمتهم وزارة الداخلية.. شكراً وعسى الله يبارك لكم لكل المشاريع اللي دعمت العملية الانتخابية وقدمت هدايا مجانية للناخبين تفرحهم فيها بعد التصويت.. عسى الله يحفظها من ديرة ويديم عليها الأمن والأمان 🇰🇼🩵

مضيّع جنسيتك وتبي تصوّت بالانتخابات ترى يمديك تروح حق "الإدارة العامة للجنسية والجوازات ووثائق السفر الكويتية" بمنطقة الضجيج، واتطلع شهادة إثبات جنسية ومن خلالها تقدر تصوّت. المستندات المطلوبة: ١- يجب حضور صاحب العلاقة شخصياً ٢- البطاقة المدنية الأصلية وصورة عنها ٣- صورة عن الجنسية المفقودة (إن وجدت) ٤- عدد (٤) صور شخصية حديثة مقاس (4 6x) صوّت بارك الله فيك.. المعاملة تخلص بنفس اليوم فما عندك عذر ما تصوت.. صوتك يصنع الفارق ويحسم نتايج الانتخابات 🩵🇰🇼

من بلد المليون مُبدع.. وطن النهار بلدي الكويت.. فازت الطفلة/ تاليا صالح (٤ سنوات ونصف) بالمركز الأول في مسابقة Art Planet الدولية للعزف على البيانو والمقامة في تركيا وكانت تاليا أصغر مشاركة تحقق هذا الإنجاز في تاريخ المسابقة.. بنتنا تاليا فخورييييين فيج على هذا الإنجاز ومزيداً من النجاحات يارب وشكراً لكل من ساهم في هذا الإنجاز 🩵👏🏼👏🏼

خلصت السنة الدراسية وتحاتون وين تودون عيالكم بالعطلة؟ تعبتوا كل يوم اتطلعونهم ولا يملون من الطلعة؟ طفروكم لمن كسروا أشياء تحبونها بالبيت؟ نصيحة مجرب دخلوهم نوادي صيفية يستغلون فيها وقت فراغهم بأمور تفيدهم وتطور مهارتهم ويفرغون طاقتهم فيها زهبنا لكم الدوا قبل الفلعة هذه لسته فيها نوادي صيفية مختلفة منها الشامل والتعليمي ومنها المختص بمجال معين وبفترات مختلفة حسب ما تفضلون 🏀⛹🏽‍♀️🏋🏽⭐️

يمعنا لكم اللي تحتاجونه بموسم الصيف… سواء حق سفرة الصيف أو طلعة البحر أو حتى التشمس بمكانكم المفضل… عندكم من أنواع التان الكشخة مو اللي تخلي جسمك مبقع ..لي الايس بوكس الكوالتي اللي يحفظ البرودة لي مدة طويلة…لي السبيكرز الصح بسعر معقول … لي الصنية اللي تطفح بالمسبح وتصور فيها ريوقك عساس تحرهم بجوك الملكي… لي الفوطة مع المخباه عساس تخش تلفونك وعلى بالك محد يدري أنك خاشه فيها… وغيره من أشياء متعددة الاستخدام وإذا عندكم كل شي… 🌊☀️⛱️ اشتروا حق ربعكم فاجؤوهم بهدية …وتالي منوا عليهم فيها لي صيف ٢٠٢٤ 😏🩵