【禮券消費Double Up｜Chill賞鬆一鬆】 想好抵咁用HK$50就可以買到HK$100嘅電子禮券？就要買利奧坊嘅電子禮券啦！啱啱過咗去週末，小編就買咗「DAISUK 大叔」同「hea- Wellness Boutique」嘅電子禮券，去利奧坊鬆一鬆！ 無論新手入坑想體驗郊遊露營或者需要營具升級，都唔好錯過今次嘅電子禮券。用最優惠價錢入手「DAISUK 大叔」嘅優質戶外用品，買好裝備就可以隨時出發啦！ 鍾意按摩嘅朋友就記得購入hea- Wellness Boutique嘅電子禮券。小編私心推介「有機精油全身按摩」，通過按摩推拿配合精油香味，按完即時成個人輕鬆哂。同一個商戶仲可以最多選購2張同時使用。咁抵，你都唔好錯過機會啦！ 利奧坊商戶電子禮券售賣日期：2023年10月4日至2023年11月3日或售完即止 利奧坊商戶電子禮券有效期：2023年10月4日至2023年11月24日 售賣網頁: https://www.buys.hk/square_mile/html/e-voucher2023-checkout-zh.html 每位顧客只可於推廣期內購買最多3張的電子禮券。(每間商戶最多限購2張電子禮券) 參與商戶包括 利奧坊利得街11號 @loststarslivehouse、Buzz、@outinhk、星級 利奧坊嘉善街18號 @sayahkg 、 @theengine.hk 、 @sweetddhk 、 @eaaat.here 、 @laozhangguihk 、 @hea_wellness_boutique ^數量有限，先到先得，售完即止。 ^活動受條款及細則約束，有關購買及使用詳情，請參閱訂購頁面及利奧坊商戶電子禮券。 #HKSquareMile #利奧坊 #大角咀美食 #TaiKokTsui #大角咀 #週末好去處 #假期好去處 #飲食好去處 #Lifestyle #foodie #foodlover #yummy #電子禮券 #著數 #Jetso #半價優惠 #商場優惠

【禮券消費Double Up｜美食享受大滿足】 小編識飲識食係人都知，而家利奧坊推出半價電子禮券優惠，用HK$50就可以買到HK$100嘅電子禮券！咁著數，小編又點可以唔同大家分享呢！等小編介紹一下利奧坊嘅電子禮券有邊啲美食商戶啦！ 鍾意泰國風情嘅話可以揀Restoran Saya；中菜方面就有正宗東北風味嘅老掌櫃東北菜館；想體驗生酮飲食嘅朋友就必選The Engine；食肉獸就唔可以錯過Eaaat.here；想聽Live music嘅就必揀Lost Stars Livehouse Bar & Eatery；同我一樣係「甜品控」就可以買想甜嚐甜。當然唔可以錯過就嚟開張嘅寵物友善餐廳Buzz 同埋主打台式火鍋同東南亞料理嘅星級啦！ 想試齊咁多間人氣餐廳？就要叫齊成班朋友一齊去買利奧坊嘅電子禮券，要試齊利奧坊美食完全無難度呀！ 利奧坊商戶電子禮券售賣日期：2023年10月4日至2023年11月3日或售完即止 利奧坊商戶電子禮券有效期：2023年10月4日至2023年11月24日 售賣網頁: https://www.buys.hk/square_mile/html/e-voucher2023-checkout-zh.html 每位顧客只可於推廣期內購買最多3張的電子禮券。(每間商戶最多限購2張電子禮券) 參與商戶包括 利奧坊利得街11號 @loststarslivehouse 、Buzz、@outinhk、星級 利奧坊嘉善街18號 @sayahkg 、 @theengine.hk 、@sweetddhk 、 @eaaat.here 、 @laozhangguihk 、 @hea_wellness_boutique ^數量有限，先到先得，售完即止。 ^活動受條款及細則約束，有關購買及使用詳情，請參閱訂購頁面及利奧坊商戶電子禮券。 #HKSquareMile #利奧坊 #大角咀美食 #TaiKokTsui #大角咀 #週末好去處 #假期好去處 #飲食好去處　#Lifestyle #foodie #foodlover #yummy #電子禮券 #著數 #Jetso #半價優惠 #商場優惠

【禮券消費Double Up｜半價電子禮券上線】 利奧坊首次推出半價電子禮券，帶嚟「禮券消費Double Up」，等大家喺利奧坊盡情享受各種購物及餐飲優惠。 由10月4日（星期三）中午12點起，顧客只須以HK$50 即可購買價值 HK$100 嘅電子禮券，係有效期內向參與商戶出示QR Code就可以用啦，即用即減，相等於半價享受美食及購物，你都快啲嚟搶購啦！ 利奧坊商戶電子禮券售賣日期：2023年10月4日中午12時至2023年11月3日或售完即止 利奧坊商戶電子禮券有效期：2023年10月4日至2023年11月24日 售賣網頁: https://www.buys.hk/square_mile/html/e-voucher2023-checkout-zh.html 每位顧客只可於推廣期內購買最多3張的電子禮券。(每間商戶最多限購2張電子禮券) 參與商戶包括 利奧坊利得街11號 @loststarslivehouse 、Buzz、@outinhk 、星級 利奧坊嘉善街18號 @sayahkg 、 @theengine.hk @sweetddhk 、@Eaaat.here、 @laozhangguihk 、 @hea_wellness_boutique ^數量有限，先到先得，售完即止。 ^活動受條款及細則約束，有關購買及使用詳情，請參閱訂購頁面及利奧坊商戶電子禮券。 #HKSquareMile #利奧坊 #大角咀美食 #TaiKokTsui #大角咀 #週末好去處 #假期好去處 #飲食好去處 #Lifestyle #Chill #Relax #foodie #foodlover #yummy #電子禮券 #著數 #Jetso #半價優惠 #商場優惠

【轉眼又到三點三 生酮小食下午茶】 下午茶要食啲自己鍾意嘅嘢，咁至有力做到放工㗎嘛。但有時食得太多同太邪惡😈，又會擔心好易肥。如果你都有呢個煩惱，小編介紹你試吓 @theengine.hk 幾款生酮小食，包你食得滋味又健康！💪 講起生酮小食唔可以唔介紹「黑豆天貝薯條」，佢主要材料係天貝，天貝係印尼🇮🇩傳統食物，由黃豆製成，含有豐富嘅蛋白質同礦物質。@theengine.hk 將佢用嚟取代薯仔，加上杏仁粉同亞麻籽炸成薯條，條條都粗身有嚼頭。想食香口少少，可以試吓「香辣腰果芝麻醬牛肉丸」🐄，炸過嘅肉丸外脆內軟，腰果芝麻醬甜甜辣辣，配埋肉丸食簡直係 Perfect Match🤝；呢款小食只有 8.5g 碳水化合物，食多咗都唔驚肥呀！最後一款「Shake Shake 炸無激素雞翼」用咗「Shake Shake 薯條」嘅概念，有鹽酥雞、麻辣同咖喱三款調味粉可以揀，每一款都無味精，雞翼食落香脆又唔油膩，好食到唔停口呀！ 講到呢到，話咁快又到三點三喇！等我都同班同事去 @theengine.hk 嗌返個 Tea，拎返公司慢慢歎先！😋 *詳情請與商戶查詢。 @theengine.hk 📍大角咀嘉善街18號利奧坊地下G702號舖 📞5589 3988 - 圖片只供參考 #HKSquareMile #利奧坊 #TheEngine

【芋圓控の滋味誘惑】 芋圓Q 彈同煙韌嘅誘人口感，令小編近年成為一個「芋圓控」！每次食糖水，小編都一定會叫返碗芋圓好好享受吓。最令小編回味嘅，就係利奧坊 @sweetddhk 嘅人氣芋圓。想知有幾好味？即刻同大家介紹啦！ 小編今次推介嘅芋圓系列，每一碗都好大碗，而且用料非常豐富；芋圓、地瓜圓、紫薯圓同埋丸子都好煙韌彈牙，好有嚼口！「黑草芋圓」用上台灣直送嘅黑糖磚，喺珍珠同仙草嘅襯托之下，充滿住台灣嘅風味。老闆建議大家先試黑糖原味，然後再加入花奶或忌廉，進一步提升細滑口感。「椰芋芋圓」香味濃郁，椰汁味濃，而且仲有爽口嘅海底椰肉同埋煮得好綿密嘅紅豆，成碗嘅糖水甜度唔算高，啱晒平時鍾意少甜嘅健康人士。「芒芋芋圓」有好多芒果肉，主角芒果鮮甜多汁，每一啖都充滿濃郁芒果香，加埋芋圓一齊食，滋味 Double Up！ 想親身感受 @sweetddhk 嘅芋圓有幾滋味？快啲召集你哋身邊嘅芋圓控嚟食啦！ *詳情請與商戶查詢。 @sweetddhk 📍大角咀嘉善街18號利奧坊G703號舖 📞6892 1597 - 圖片只供參考 #HKSquareMile #利奧坊 #想甜嚐甜 #sweetdreamdessert #sweetdd

【紮營救星 簡易帳幕推介】 小編自從上次同朋友去完露營之後，就愛上咗呢個戶外活動。你哋係咪都同小編一樣心思思想露營，但係又擔心唔識紮營呢？利奧坊 @outinhk 推介咗兩款易上手嘅帳篷畀小編，等我同大家開心 Share 啦！ 兩款都係嚟自韓國牌子「16ft」嘅帳篷，設計簡約有型，同時亦具備實用性同功能性。第一款嘅「氣柱帳篷天幕套裝」，顧名思義係一款充氣帳篷；根據官方影片嘅示範，用手動泵泵氣，唔使三分鐘就可以完成充氣，認真方便。除咗帳篷之外，套裝仲包咗一幅 430 厘米 x 210 厘米嘅天幕，直接加建喺帳篷上，就可以擴大遮蔽空間。如果一次過將兩個帳篷套裝連接起嚟，更加可以組合成兩房一廳嘅大型基地，組合性相當之高！第二款嘅「Arctos 雙峰帳」雖然要落營釘同營柱，但搭建時都相當容易，一啲都唔難。重點係佢嘅雙峰設計，令內裡空間十分寬敝，足足可以擺放四張床；如果用埋營柱撐開帳篷，仲可以形成一個小型嘅遮閉空間，實用性同靈活性都兼備。 @outinhk 嘅老闆一向對露營用品好有要求，希望將屋企嘅舒適感搬到去戶外；歡迎大家親臨舖頭，感受吓佢對露營嘅熱愛同追求啦！ *詳情請與商戶查詢。 @outinhk 店舖位置：大角咀利得街11號利奧坊1502舖 訂座電話︰ 6465 5455 - 圖片只供參考 #HKSquareMile #利奧坊 #DAISUK #outinhk #大叔

【乾杯！金曜日歡樂時光！】 小編每個星期最期待嘅就係星期五，因為佢代表忙碌工作嘅結束同埋週末假期嘅開始；一放工，成班同事都鍾意去 Happy Hour 傾吓計，都幾 Chill 吓。小編最近就去咗利奧坊嘅 @loststarslivehouse，嗰度除咗個 Vibe 正，雞尾酒仲相當有特色。就等小編帶大家一齊來感受呢度嘅魅力啦！ 首先要推薦畀大家嘅係「Versace On The Floor」，佢哋用咗新鮮嘅紅莓同士多啤梨，飲落去口感清爽，微酸並帶有果香，甜度都啱啱好。調酒師好有心思咁喺杯面灑咗少少玫瑰花瓣，每啖都聞到有淡淡花香，呢杯 Cocktail 口感豐富，層次分明，令人一試難忘。夜間限定嘅「How Long Will I Love You」入口順滑，同時又有沙冰嘅清爽口感，原來調酒師用咗新鮮紅莓同菠蘿，加埋 Tequila 調製而成；聞落香氣柔和，一啲都唔刺鼻，甜度都啱啱好，口感清新、甜美，係女生必然之選。調酒師私心推介嘅「Moon River」，純白嘅外表底下，暗藏誘人嘅味道。Whisky 配上順滑嘅奶酒，上面鋪上一層厚厚嘅奶泡，飲落奶香撲鼻，呢款係同朋友一齊分享嘅最佳選擇。 呢個星期五，一於約埋班同事嚟利奧坊嘅 @loststarslivehouse Happy Hour 飲返杯 Cocktail，過一個輕鬆愉快嘅晚上啦！ *詳情請與商戶查詢。 @loststarslivehouse 店舖位置：大角咀利得街11號利奧坊地下G506號舖 訂座電話︰2337 6728 - 圖片只供參考 #HKSquareMile #利奧坊 #LostStarsHK #LostStarsLiveHouse

【意式大餐 嚐盡意大利風情】 小編自細都喜歡意大利呢個歐洲國家，好想親自去見識一下。但暫時都仲未去過意大利，於是決定去 @macroonies_hk 食返餐意大利大餐，暫時滿足一下自己嘅意大利之夢先啦！ 開始意大利大餐嘅最佳選擇當然係「意大利冷肉拼盤」！呢道拼盤以精選嘅 Parma Ham 做主角，肉質柔軟，油脂豐富但唔膩，絕對令人回味無窮！然後上枱嘅「香濃海鮮湯」為小編帶嚟美味嘅海鮮享受。呢個湯用咗美國大蜆，湯汁濃郁而鮮甜，同時加咗白酒嚟提鮮，無論係就咁飲，定係配埋蒜蓉包，都絕對令人滿足！主菜方面，小編就叫咗個「 意大利巴馬火腿薄餅」，厚脆嘅餅底鋪滿香濃嘅芝士，再加上微甘嘅火箭菜，配埋 Parma Ham，絕對係一道令人難以抗拒嘅美食！ 如果你都想用一餐飯嘅時間，體會一吓意式風情，就快啲嚟利奧坊嘅 @macroonies_hk 親自感受吓啦！ *詳情請與商戶查詢。 @macroonies_hk 店舖位置：大角咀嘉善街18號利奧坊地下G706號鋪 查詢電話︰2788 2680 #HKSquareMile #利奧坊 #macroonies

【泰國東北依善菜 非一般的濃與辣】 伊善菜出咗名重口味 — 大鹹、大酸同埋大辣，喺泰國四大菜系中自成一格。榮獲米芝蓮必比登 ( Bib Gourmand ) 推介嘅 @sayahkg 主廚正正嚟自泰國東北，出自佢手嘅菜式有幾非一般，等小編帶大家一齊去試吓！ 首先要介紹嘅係泰北地道麵食「泰北咖喱金麵」，用上嚟自泰國嘅雞蛋麵，麵身爽滑。咖喱由椰青水、椰奶同香料煮成，濃稠適中，輕鬆做到「掛麵」嘅效果。配麵嘅雞扒煎到表面微焦，索埋咖喱汁，香味變得更加突出，小編三扒兩撥已經成碗清晒！跟著要介紹嘅係「依善辣肉碎生菜包」，呢個生菜包同小編平時食開嗰啲好唔同；最大分別係裡面加咗豬雜同豬耳，大大提升咗口感，再配埋生菜包住嚟食，啖啖爽脆多汁，開胃醒神！食完辣嘢，當然要食返啲甜品平衡返啦！「芒果糯米飯」雖然唔算係泰北菜式，但依善人鍾意食糯米，喺處理糯米上都有一手！糯米口感綿密，配上鮮甜嘅芒果肉同滑溜嘅椰漿，呢碗 @sayahkg 版本嘅「芒果糯米飯」真係為今餐嘅晚飯劃上一個完美句號！ 想試埋其他伊善菜，感受非一般嘅味道，即刻嚟利奧坊嘅 @sayahkg 試吓啦！ *詳情請與商戶查詢。 @sayahkg 店舖位置：大角咀嘉善街18號利奧坊地下G701號舖 訂座電話︰9555 8452 - 圖片只供參考 #HKSquareMile #利奧坊 #RestoranSaya

【10 月限定 週年 8 折優惠】 每星期忙碌工作過後，小編最鐘意去 @hea_wellness_boutique 歎返個按摩療程，從內到外放鬆一下。原來話咁快，@hea_wellness_boutique 已經開業一年。為咗答謝顧客支持，仲特別推出左 10 月限定優惠添！會員喺星期一至日晏晝 12 點至夜晚 8 點，惠顧任何「hea- signature」療程 100 分鐘或以上，即享 8 折優惠；慳埋慳埋，小編又可以去多幾次喇！ 能夠吸引小編成日幫襯，@hea_wellness_boutique 嘅療程梗係有返咁上下多元化，針對我唔同嘅需要啦！「hea-lth」療程嘅有機精油全身按摩，配合磁叉引流進行排毒，夠晒健康。「hea-ven」療程主打舒壓同助眠，小編每次做完都超級好瞓。「hea-rtwarming」療程就專為女士身體平衡而設，專注於乳房、子宮同淋巴按摩，真係可以話係女士恩物！想了解更多優惠詳情同預約療程？即刻打電話畀 @hea_wellness_boutique 查詢啦！ *優惠受條款及細則約束，詳情請與商戶查詢。 @hea_wellness_boutique 店舖位置：大角咀嘉善街18號利奧坊1樓1702號舖 查詢電話︰6393 2238 網址：https://www.hea-wellnessboutique.com - 圖片只供參考 #HKSquareMile #利奧坊 #hea #heaWellnessBoutique

【 楽しい中秋節 甜蜜團圓】 今日係中秋佳節！小編祝大家中秋節快樂，團團圓圓！ 食完晚飯，小編會同伴侶去埋利奧坊嘅 @sweetddhk 食個甜甜蜜蜜嘅甜品，跟住再去賞月過一個甜蜜嘅晚上！「桂花花釀丸子湯圓」啲湯圓大大粒，而且皮薄餡靚；仲加埋煙煙韌韌嘅迷你可愛小丸子，食落每一啖都充滿桂花嘅清香，食完仲想食多一碗添！呢度嘅「芝麻糊湯圓」同樣出色，口感幼滑不特止，芝麻味仲超級濃郁，加埋湯圓一齊食就非常滿足。最後，唔可以錯過嘅係大角咀店限定嘅「榴下來」，一碗有齊奶凍、小丸子、西米、珍珠同埋「主角」榴槤，口感同份量一樣咁豐富，「榴槤控」又點可以錯過。今晚一於約齊伴侶，喺 @sweetddhk 過一個甜蜜快樂嘅中秋啦！ *詳情請與商戶查詢。 @sweetddhk 店舖位置：大角咀嘉善街18號利奧坊二期G703號舖 查詢電話︰6892 1597 - 圖片只供參考 #HKSquareMile #利奧坊 #想甜嚐甜 #sweetdreamdessert #sweetdd

【新餐廳登場 必試意菜美國菜】 對於小編嚟講，餐廳就好似朋友一樣；雖然老友總要見，但都要識返啲新朋友，擴闊下生活圈子。就好似最近利奧坊開咗一間主打意大利菜同美國菜嘅新餐廳，喜歡認識「新朋友」嘅小編當然第一時間去試吓啦！ 新餐廳店名 @macroonies_hk 係從英文「My Crony」而嚟，直譯過嚟就係「我嘅親朋好友」，老闆當每位客人都當係親朋好友，希望佢吔有賓至如歸嘅感覺。小編呢次試咗幾款店員推介嘅必試菜式，等我逐一同大家介紹一下！首先係「鮮龍蝦意粉」，龍蝦肉爽滑彈牙，原來係用咗每日最新鮮嘅波士頓龍蝦整呀！意粉就索晒啲龍蝦汁，非常入味。老闆話，大廚以前喺係中環嘅高級意大利餐廳工作，呢味就係佢嘅招牌菜，怪唔之得咁出色啦！跟住試嘅係「意式辣醬蝦配多士」，鮮嫩嘅大蝦配上傳統嘅意式辣肉醬，加埋豬肉碎同新鮮香草，帶嚟又香又辣嘅刺激感覺。最尾小編仲嗌咗碟「自家秘制雞翼」，雞翼每隻都非常大隻同厚肉，外皮炸得酥脆，內裡鮮嫩多汁，小編最後更加係索性放棄用叉，直接用手 KO 每隻雞翼，食落超滿足呀！ 老闆話，除咗意大利同美國菜，之後仲會陸續加入其他國家嘅菜式；睇嚟好快我又有藉口嚟多次喇。大家都快啲約埋親朋好友嚟 @macroonies_hk 試下啦！ *詳情請與商戶查詢。 @macroonies_hk 店舖位置：大角咀嘉善街18號利奧坊地下G706號鋪 查詢電話︰2788 2680 #HKSquareMile #利奧坊 #macroonies