Kun.uz

2025-yil 1-iyundan boshlab chet el fuqarolari va fuqaroligi bo‘lmagan shaxslar uchun 5 yil muddatga O‘zbekistonda yashash guvohnomasi olishning soddalashtirilgan tartibi joriy etiladi. Bu prezidentning 18-apreldagi farmonida belgilangan. Adliya vazirligi xabariga ko‘ra, bunday hujjatni olish uchun arizachi 200 ming dollar, shuningdek, har bir oila a’zosi — turmush o‘rtog‘i, farzandi va ota-onasi uchun 100 ming dollardan to‘lashi kerak bo‘ladi.

“Qishloqda yashab ham kam bo‘lmadik” - qo‘shtepalik bog‘bon Avazxon Yusupov Qo‘shtepa tumanining Garmdon qishlog‘idan. U tomorqasiga pavloniya ekib daromad ko‘radi. Bog‘bon uyiga ham issiqxona tashkil qilgan. Issiqxonada uzumning xorijiy navlaridan qalamcha qilib ko‘kartirib sotadi. Yosh bog‘bonning qo‘li qo‘liga tegmaydigan kunlar yetib kelgan.

Olimlar hisobicha, Yer atrofidagi orbitadagi kosmik chiqindilar og‘irligi 6600 tonnadan oshgan. Ayni damda Yer orbitasida 1,2 milliondan ortiq, o‘lchami 1 santimetrdan katta bo‘lgan ob’yektlar harakatlanmoqda.

9 kishi bo‘lib qolgan o‘zbekistonlik o‘smirlar fantastik finalda chempionga aylandi. Hamyurtlarimiz turnir mezboni bo'lgan Saudiya Arabistoni yoshlarini 2-0 hisobida mag’lub etdi. 99 daqiqa davom etgan o‘yin davomida hamyurtlarimizga 2 bora 40- hamda 45-daqiqalarda qizil kartochka ko‘rsatildi. Bu zarbalar o‘zbekistonliklarning ruhiyatini cho‘ktira olmadi va aksincha, ikki kartochka uchun 2 ta gol bilan javob berishdi. Dastlab 50-daqiqada Muhammad Hakimov penaltidan hisobni ochdi. 70-daqiqada esa darvozabon Ne’matulloh Rustamjonov ketma-ket seyvlardan so‘ng tezkor qarshi hujumni boshladi, qanotdan oldinga tashlangan Sadriddin Hasanov raqib posboni bilan yakkama-yakka vaziyatga chiqib bordi va to‘pni uning oyoqlari orasidan o‘tkazib, ikkinchi golni urdi. O‘yinning qolgan qismida ham O‘zbekiston vakillari 9 kishi holatida g‘alabani saqlab qolib, ikkinchi bor mutlaq Osiyo chempioniga aylandi.

Saudiya Arabistoni maydonlarida o‘tkazilgan 17 yoshgacha bo‘lgan futbolchilar o‘rtasidagi Osiyo chempionati yakunlandi. Finalda O‘zbekiston o‘smirlar terma jamoasi Saudiya Arabistoni jamoasini 2:0 hisobida mag‘lub etib, qit’a chempionligini qo‘lga kiritdi. Finaldan so‘ng, Osiyo chempionatining eng yaxshi darvozaboni, futbolchisi va to‘purari nomi e’lon qilindi. Osiyo Kubogi o‘yinlarining eng yaxshi darvozaboni O‘zbekiston o‘smirlar terma jamoasi posboni Ne’matulloh Rustamjonov bo‘ldi. Turnir to‘purari deb Asilbek Aliyev topildi, Sadriddin Hasanov esa turnirning eng yaxshi futbolchisiga aylandi. Toif shahridagi «Qirol Fahd» stadionida o‘tkazilgan final bahsidan keyin tantanali taqdirlash marosimi bo‘lib o‘tdi. O‘zbekiston o‘smirlar terma jamoasi Osiyo kubogini qabul qilib oldi. O‘z navbatida, Osiyo futbol konfederatsiyasi prezidenti Shayx Salmon bin Ibrohim Al Xalifa O‘zbekiston U-17 terma jamoasining Osiyo kubogida chempionlikni qo‘lga kiritgani munosabati O‘zbekiston futbol assotsiatsiyasi prezidenti Bahodir Qurbonov nomiga tabrik yo‘lladi. «Saudiya Arabistonida bo‘lib o‘tgan 17 yoshgacha futbolchilar o‘rtasidagi Osiyo kubogida g‘oliblikni qo‘lga kiritganingiz bilan Sizni va O‘zbekiston futbol oilasini chin qalbimdan tabriklashdan mamnunman. O‘zbekistonning musobaqa davomida ko‘rsatgan ajoyib o‘yinlari yurtingizda futbolni rivojlantirish va ommalashtirish yo‘lida amalga oshirilgan mehnat va sa’y-harakatlaridan dalolatdir. Islom Ismoilov va butun jamoaga turnir davomida namoyish etgan yorqin o‘yinlari uchun minnatdorchilik bildiraman va FIFA U-17 Jahon chempionatida ham muvaffaqiyat tilayman! O‘zbekiston futbol jamoatchiligiga esa kelgusi faoliyatida zafarlar tilayman», — deyiladi OFK prezidentining tabrigida.

Kun kadri. O‘zbekiston o‘smirlar jamoasi bosh murabbiyi Islom Ismoilovning ikkinchi golga reaksiyasi

Osiyo Kubogi U-17. Final O‘zbekiston — Saudiya Arabistoni 2:0 20 aprel. Toif. «Qirol Fahd» stadioni Gollar: Muhammad Hakimov (50, penalti), Sadriddin Hasanov (71). O‘zbekiston — Ne’matulloh Rustamjonov, Muhammad Hakimov, Mo‘minxon Bahodirxonov, Miraziz Abdukarimov, Sadriddin Hasanov (Jamshid Rustamov, 79), Muhammad Habibullayev(Amirxon Murodov, 90+3), Sayfiddin Sodiqov (Behruz Saidmurodov, 46), Muhammadali Musoxonov, Abubakr Shukurullayev (Asilbek Aliyev, 46), Azizbek Erimbetov (Azizbek Abdumo‘minov, 75), Nurbek Sarsenbayev. Chetlatishlar: Nurbek Sarsenbayev (40), Miraziz Abdukarimov (45). 20 aprel kun Saudiya Arabistonining Toif shahridagi «Qirol Fahd» stadionida o‘smirlar o‘rtasidagi Osiyo chempionati final uchrashuvi bo‘lib o‘tdi. Mezbonlarga qarshi maydonga tushgan O‘zbekiston vakillari qahramonlik ko‘rsatib, ishonchli g‘alabaga erishdi. Birinchi bo‘limdayoq O‘zbekiston 9 kishi bo‘lib qoldi: o‘yinning 40-daqiqasida Nurbek Sarsenbayev, 45-daqiqada Miraziz Abdukarimov qatarlik hakam tomonidan maydondan chetlatildi. Bu zarbalardan o‘zbekistonliklar ruhiyatini cho‘ktirmadi va ikkinchi bo‘limni hujumkorlik bilan boshladi. 50-daqiqada Muhammad Hakimov penaltidan hisobni ochdi. 70-daqiqada esa darvozabon Ne’matulloh Rustamjonov ketma-ket seyvlardan so‘ng tezkor qarshi hujumni boshladi, qanotdan oldinga tashlangan Sadriddin Hasanov raqib posboni bilan yakkama-yakka vaziyatga chiqib bordi va to‘pni uning oyoqlari orasidan o‘tkazib, ikkinchi golni urdi. O‘yinning qolgan qismida ham O‘zbekiston vakillari 9 kishi holatida g‘alabani saqlab qolib, Osiyo chempioniga aylandi. Islom Ismoilov boshchiligidagi jamoa turnirni o‘ta kuchli o‘tkazdi: guruh bosqichida dastlab Tailandni 4:1 hisobida mag‘lub etgan, ikkinchi turda Xitoy ustidan 2:1 hisobida irodali g‘alabaga erishib, guruh bosqichi va jahon chempionati yo‘llanmasini hal qilgandi. Uchinchi turda mezbon Saudiya Arabistoniga qarshi rasmiyatchilik uchun o‘tkazilgan o‘yinda ham 3:0 hisobida g‘alaba qayd etilgandi.

Pachaqlangan Gentra, taklifnoma bonkalar va oʻzbekchilik – Kun podkastida Mirshakar Fayzulloyev Mashhur stand-up komik MTV show’dan nima sabab ketgandi, konsertda pachaqlangan Gentraʼning taqdiri nima boʻldi, ot odamlardan koʻproq pul topadimi? Kun podkastining bu sonida Mirshakar Fayzulloyev mehmon boʻldi. Toʻliq video Kun podkasti YouTube sahifasida

Har kuni milliondan ortiq odam harakatlanadigan Toshkent metrosi bekatlarida tozalik qanday saqlanadi? Poyezd yo‘llari qancha vaqtda texnik ko‘rikdan o‘tkaziladi? Kun.uz jamoasi metroning 1 sutkalik faoliyatini kuzatib, 6 mingdan ortiq xodim ishlaydigan mazkur tuzilmada tunda ham hayot qaynashiga guvoh bo‘ldi, metro deposi va dispetcherlik markazlaridan eksklyuziv intervyular tayyorladi. Ko‘rsatuvni batafsil Kun.uz YouTube kanalida tomosha qilishingiz va yuqoridagi savollarga to‘liq javob topishingiz mumkin.

O‘zbekiston hukumati 1-maydan e’tiboran jismoniy shaxslarning shaxsiy ehtiyojlari uchun boj to‘lamasdan olib kirishi mumkin bo‘lgan tovarlar qiymatini kamaytirmoqda. Endi samolyotda kelayotganlar uchun limit 2000 dollardan 1000 dollarga, poyezdda kelayotganlar uchun esa 1000 dollardan 500 dollarga tushiriladi. Avtomobilda va piyoda kelayotganlar uchun limit avvalgidek 300 dollar bo‘lib qoladi. Kuryerlik orqali olib kiriladigan tovarlar oyiga 200 dollardan oshmasligi kerak. Pochta orqali esa 100 dollargacha bo‘lib qoldi.

2019-yilda Istanbulda o‘tkazilgan «Baxtli va bebaho mushuklar xalqaro go‘zallik tanlovi» g‘olibasi — van zotiga mansub «Su» laqabli mushuk bolaladi. Oq tusdagi yumshoq yungi va rang-barang ko‘zlari bilan mashhur bo‘lgan ushbu nodir zotdor mushuk beshta sog‘lom bola tug‘di. Mutaxassislar mushuk bolalarning holati yaxshi ekanini ta’kidladi. «Su» — Turkiyada van zotini asrab qolish va ko‘paytirish dasturining ramziy vakili hisoblanadi. Uning naslidan kelajakda yana ko‘plab go‘zal va noyob mushuklar yetishib chiqishi kutilmoqda.

Jizzaxda kuppa-kunduz kuni bir ayol ikkinchisini ko‘chada, odamlar ko‘z o‘ngida kaltakladi. Jizzax shahrining Mirzo Ulug‘bek nomli mahallasida bir guruh fuqarolar o‘zaro janjallashayotgani aks etgan videotasvirlar ijtimoiy tarmoqlarda tarqaldi. Tasvirlardan ko‘rinishicha, ko‘ra ayol kishini bir erkak turtib yegrga yiqitgan, so‘ngra boshqa bir ayol unga yopishib kaltaklagan.