Komil Ismoilovich Allamjonov O‘zbekiston Respublikasi Prezidenti administratsiyasi Axborot siyosati departamentining rahbari lavozimiga tayinlandi. Bu haqda O‘zbekiston Respublikasi prezidentining tegishli farmoni imzolangan. Shuningdek, Sherzod Ikromovich Asadov prezident matbuot kotibi lavozimiga tayinlandi, u amalda o‘z lavozimini saqlab qoldi (u bu lavozimda 2021 yil martidan buyon ishlab kelmoqda). Komil Allamjonov 1984 yilda Toshkent shahrida tug‘ilgan. 2006 yili O‘zbekiston davlat san’at va madaniyat institutini, 2010 yili Toshkent davlat iqtisodiyot universitetini tamomlagan. 2005-2013 yillarda soliq qo‘mitasida ishlagan. Komil Allamjonov 2017 yil dekabrida O‘zbekiston prezidenti matbuot xizmati rahbari bo‘lgan, 2018 yil noyabrida O‘zbekiston matbuot va axborot agentligiga rahbar bo‘lgan (2019 yil fevralidan bu tashkilot Prezident administratsiyasi huzuridagi Axborot va ommaviy kommunikatsiyalar agentligi sifatida qayta tashkil etilgandi). U 2020 yil yanvar oyida Mass-mediani qo‘llab-quvvatlash fondi vasiylik kengashi raisi sifatida ish boshlagan, 2022 yil iyulida Prezident administratsiyasi rahbariga o‘rinbosar bo‘lgandi.

Saida Shavkatovna Mirziyoyeva O‘zbekiston Respublikasi prezidenti yordamchisi lavozimiga tayinlandi. Bu haqda O‘zbekiston Respublikasi prezidentining tegishli farmoni imzolangan. Saida Mirziyoyeva 1984 yilda Farg‘ona viloyati Qo‘qon shahrida tug‘ilgan. Jahon iqtisodiyoti va diplomatiya universiteti bitiruvchisi, Toshkent davlat yuridik universiteti, Lomonosov nomidagi Moskva davlat universiteti magistri, iqtisodiyot fanlari nomzodi hisoblanadi. Ko‘p yillar davomida turli sohalarda, shuningdek, 2019-2020 yillarda Prezident administratsiyasi huzuridagi Axborot va ommaviy kommunikatsiyalar agentligi direktorining o‘rinbosari bo‘lib ishlagan. 2020 yildan Milliy mass-mediani qo‘llab-quvvatlash va rivojlantirish fondi vasiylik kengashi raisining o‘rinbosari bo‘lgan. Saida Mirziyoyeva 2022 yil noyabridan buyon Prezident administratsiyasi ijro etuvchi apparati kommunikatsiyalar va axborot siyosati bo‘yicha shu’ba mudiri lavozimida ishlayotgandi. Eslatib o‘tamiz, avgust oyi o‘rtalarida Prezident administratsiyasida jiddiy o‘zgarishlar amalga oshirilgan, prezident administratsiyasi rahbari lavozimi va boshqa quyi lavozimlar tugatilgan, Sardor Umrzoqov, Sunnatulla Bekenov va Furqat Rahimov o‘z lavozimlaridan ozod etilgandi.

Reklama “Yagona integrator UZINFOCOM” kompaniyasi tomonidan yaratilgan MyID biometrik identifikatsiya tizimi iBeta Quality Assurance sertifikatini qo‘lga kiritdi. Sinov bir oy davomida o‘tkazildi va ajoyib natijalarni ko‘rsatdi. O‘tgan yilning oxirida “Yagona integrator UZINFOCOM” kompaniyasi iBeta Quality Assurance kompaniyasiga ushbu nomdagi sertifikatga ega bo‘lish maqsadida, o‘zining MyID biometrik tizimini tekshirish uchun so‘rov yuborgan edi. Keng ko‘lamli sinov bir vaqtning o‘zida olti xil hujumdan iborat bo‘ldi: 1. 2D photo on matte paper with edges cut /qirralari kesilgan yaltiroq bo‘lmagan qog‘ozda 2D hajmdagi fotosurat; 2. 2D photo curved / Bukilgan 2D hajmdagi fotosurat; 3. 2D paper mask with eyes cut out/ Ko‘zlari o‘yilgan 2D hajmdagi qog‘ozli niqob; 4. Photo displayed on Android device / Android qurilmasida tasvirlangan fotosurat; 5. 3D layered paper photo 3D layered paper photo / 3D hajm qatlamiga ega qog‘ozli fotosurat; 6. Video displayed on laptop/ noutbukdagi tasvirlangan video. Ishonchliligi bo‘yicha har bir hujum 10 martadan takrorlandi. Hammasi bo‘lib, 360 dan ortiq urinishlar amalga oshirildi, ammo iBeta biron marta ham MyID dasturiga ruxsatsiz kirish (dostup) imkoniyatiga ega bo‘lmadi. Shunga ko‘ra, biometrik tizim iBeta tomonidan ISO 30107-3 biometrik tasvir bo‘yicha vakillik hujumini aniqlash standartiga muvofiq sinovdan o‘tkazildi va 1-darajali deb tan olindi. iBeta National Institute of Standards and Technology (NIST) NVLAP tomonidan o‘zining sertifikatlash dasturi doirasida biometrik baholash uchun mustaqil sinov laboratoriyasi sifatida akkreditatsiyadan o‘tgan. iBeta 2023-yil uchun eng ilg‘or biometrik sinov laboratoriyalaridan biri hisoblanadi. Uning akkreditatsiyasi davlat va xususiy tashkilotlar tomonidan nazorat qilinadi. 👇Davomi izohda👇

Bugungi kunda Toshkent shahrida 1 ming 464 ta avtobus ishga chiqarilmoqda, undagi qatnovlar soni 21,7 mingtani tashkil qiladi. «Toshshahartransxizmat»ning O‘zAga ma’lum qilishicha, yangi o‘quv yili munosabati bilan avtobuslarni 1 ming 550 tagacha va bajariladigan qatnovlar sonini esa 22,8 mingtaga oshirish rejalashtirilgan. Sentyabr oyi davomida qo‘shimcha yana 9 ta yangi avtobus yo‘nalishlarini tashkil qilish ham kutilmoqda. Ma’lumot uchun, «Toshshahartransxizmat» AJ tarkibida 8 ta avtobus saroylari mavjud bo‘lib, hozirda ular tomonidan 158 ta avtobus yo‘nalishlarda xizmat ko‘rsatilmoqda. Bundan oldinroq Toshkent metropoliteni «tig‘iz vaqtlar»da metroning ayrim yo‘nalishlarida poyezdlar harakatining oraliq vaqti 1,5 daqiqagacha qisqartirilishini ma’lum qilgandi.

Ijtimoiy tarmoqlarda tadbirkorlar tomonidan yo‘llarga o‘rnatilgan kameralar oldida qoidabuzarlikka olib keladigan sharoitlar atayin yaratilayotgani haqidagi xabarlar tarqalgan edi. Toshkent shahridagi chorrahalarda tadbirkorlar tomonidan o‘rnatilgan yo‘l harakati qoidabuzarliklarini qayd qiluvchi kameralar bilan bog‘liq vaziyat to‘g‘risida haydovchilar orasidagi norozilik holatlari bo‘yicha Yo‘l harakati xavfsizligi xizmati (YHXX) bayonot berdi. «Oxirgi kunlarda Toshkent shahridagi chorrahalarda tadbirkorlik sub’yektlari tomonidan o‘rnatilgan yo‘l harakati qoidabuzarliklarini qayd etuvchi foto va video texnik vositalarining faoliyati to‘g‘risida bir qator lavhalar tarqatilib, munosabat bildirilmoqda. Mazkur lavha va munosabatlarda keltirilgan holatlar Ichki ishlar vazirligi Jamoat xavfsizligi departamenti Yo‘l harakati xavfsizligi xizmati tomonidan o‘rganilib borilmoqda», deyiladi xabarda. Qayd qilinishicha, o‘rganishlar davomida lavha va munosabatlarda keltirilgan holatlarga obektiv baho berish, yo‘l infratuzilmasi hamda texnik vositalarning holatini qayta ko‘rib chiqish, chorrahalarda yo‘l harakatini to‘g‘ri tashkil etish maqsadadi IIV JXD Yo‘l harakati xavfsizligi xizmati, Transport vazirligi, Toshkent shahar hokimligining mas’ul xodimlaridan iborat ishchi guruhi tuzilgan. «Bugungi kunda ishchi guruh tomonidan chorrahalarda yo‘l harakati qanday tashkil etilganligi (yo‘l belgilari va ko‘rsatkichlari to‘g‘ri o‘rnatilganligi, yo‘l chiziqlari chizilganligi va boshqalar), chorrahalardagi texnik vositalarning holati qaytadan o‘rganib chiqilmoqda. Ishchi guruh tomonidan o‘tkazilayotgan o‘rganishlar natijalari bo‘yicha qo‘shimcha axborot taqdim etiladi», deyiladi bayonotda.

Ishoqjon domla Begmatov ishdan olindi 25-avgust kuni boʻlib oʻtgan Oʻzbekiston musulmonlari idorasida Ichki nazorat komissiyasi majlisida Toshkent shahridagi “Imom Termiziy” jome masjidi imom-xatibi Ishoqjon domla Begmatov vazifasidan ozod qilindi. Maʼlum qilinishicha, komissiya aʼzolari tomonidan imom-xatibning turli bahs-munozaralarga sabab boʻlgan hissiyotga berilib qilgan keskin chiqishlari, ulamolar fatvolariga nisbatan ayrim teskari fikrlari, ixtilofli masalalarni koʻtarishi oqibatida, nizo va qarama-qarshiliklarga sabab boʻlganini tanqid ostiga olgan. Avvalroq idora Ishoqjon Begmatovning soliqlar va “keshbek” ilovalaridan foydalanish toʻgʻrisidagi qarashlari Oʻzbekiston musulmonlari idorasi munosabatini ifoda etmasligini bildirgan va Fatvo markazi sohani batafsil oʻrganib, “keshbek” kabi ilovalar orqali kelib tushadigan mablagʻ, mukofot yoki bonus joizligi haqida fatvo berilganini bildirgandi.

Reklama Xalqaro qishloq xo‘jaligi universitetida qabul davom etmoqda Buyuk Britaniya Qirollik universiteti bilan hamkorlikda tashkil etilgan Xalqaro qishloq xo‘jaligi universitetida 30ta grant o‘rin qoldi. Yo‘nalishlar: ▪️Agroiqtisodiyot ▪️Aqlli qishloq xo‘jaligi ▪️Oziq-ovqat xavfsizligi boshqaruvi ▪️Agrologistika Buyuk Britaniya diplomi va chet elda malaka oshirish imkoniyatini qo‘ldan boy bermang. Ro‘yxatdan o‘tish telegram: @iau_2022 99 9810919

Shimoliy Koreya yetakchisi Kim Chen In Onchxondagi sholi ekilgan dalalardan biriga borib, u yerdagi tiklash ishlari qanday olib borilayotganini tekshirdi. Bu hududda suv toshqinlaridan keyin ekin dalalari suv ostida qolgan. Mahalliy nashrlar e’lon qilgan suratlardan ko‘rish mumkinki, Kim Chen In oyoq kiyimini yechmasdan, tizzasigacha suv kechib sholipoyaga kirgan. Unga hamrohlik qilgan mulozimlar ham uning ortidan suv bosgan dalaga kirgan. Ma’lum bo‘lishicha, suv toshqini oqibatida 560 gektar ekin maydoni suv ostida qolgan. Shundan 270 gektari sholi ekilgan dalalar bo‘lgan. Shimolliklar yetakchisi yuqori martabali mulozimlarni toshqin vaqtida mas’uliyatsiz harakat qilgani uchun koyigan, kuchishlatar tizim rahbarlariga murojaat qilib, aybdorlarni topishni va jazolashni buyurgan. Kim, xususan, mamlakat bosh vaziri Tok Xun va u boshqaradigan vazirlarni tanqid qilgan. «Oxirgi yillarda Kim Tok Xunning kabinetida iqtisodiy va ma’muriy intizom izdan chiqdi», degan u. Kim Chen In bosh vazirni «tomoshabin bo‘lib o‘tirgani», bosh vazir o‘rinbosarini esa «faqat yonilg‘i yetkazib berish bilan shug‘ullanayotgani», sug‘oriladigan yerlar melioratsiyasi byurosi direktorini «qurilish uchun ajratilgan mazutning aksar qismini yashirgani» uchun tanqid qilgan.

So‘nggi kunlarda ijtimoiy tarmoqlarda metan «zapravka»larda navbatning uzayib borayotgani, bunga bir qator «zapravka»larning yopiqligi sabab bo‘layotgani, mazkur vaziyat metan gaz narxining oshishidan darak bo‘lishi mumkinligi haqida turli xabarlar tarqalyapti. Energetika vazirligi bunday da’volarni rad qildi. Qayd qilinishicha, barcha metan «zapravka»larga avgust oyi uchun ularning talablariga asosan, belgilangan limitga ko‘ra, tabiiy gaz to‘liq yetkazib berilgan. Hech qanday cheklov kiritilmagan. Agar qaysidir metan «zapravka» o‘z faoliyatini vaqtincha to‘xtatib turgan bo‘lsa, demak, bu qandaydir texnik sabablar yoki boshqa bir omil tufayli bo‘lishi mumkin. Vazirlikning ta’kidlashicha, metan «zapravka»larda sotiladigan bir kub gaz uchun belgilangan narx oshgani yo‘q. «Aholi va boshqa toifadagi iste’molchilar qonunchilikda o‘rnatilgan tartibda belgilangan muddatlarda tabiiy gaz narxining oshirilishi haqida avvaldan ogohlantiriladi», deyiladi bayonotda. Vazirlik agar «zapravka»larda gaz narxi asossiz oshirilsa, Raqobatni rivojlantirish va iste’molchilar huquqlarini himoya qilish qo‘mitasiga murojaat qilishni tavsiya etmoqda.

RF prezidenti Vladimir Putin Tver oblastida yo‘lovchilari orasida «Vagner» XHK asoschisi Yevgeniy Prigojin ham bo‘lgan Embraer samolyoti halokati yuzasidan ilk bor gapirdi. Putin qurbonlarning oilalariga hamdardligini bildirgan. U yo‘lovchilar orasida Rossiyaning Ukrainaga qarshi urushida «ulkan hissa qo‘shgan» xususiy harbiy kompaniya xodimlari ham bo‘lganini qayd etgan. Yevgeniy Prigojin haqida gapirarkan, Putin u «kerakli natija»ga erishadigan «murakkab taqdirli inson bo‘lgani»ni qayd etgan. Rossiya prezidenti aviahalokat sabablari tergov qilinayotgani hamda oxiriga yetkazilishini ma’lum qilgan. Quyida Putin «DXR» rahbari Denis Pushilin bilan uchrashuv vaqtida samolyot halokati yuzasidan bergan izohi matni to‘liq keltiriladi.

Shavkat Mirziyoyev Samarqand viloyatida elektr energiyasidagi taqchillik o‘tgan yildagidan ham og‘irroq bo‘lishi mumkinligini aytib, viloyat hokimi va uning mas’ul o‘rinbosarini tanqid qildi va zudlik bilan tizimni yaxshilash bo‘yicha jiddiy choralar ko‘rish lozimligidan ogohlantirdi.

Maryam Karimova «er qidirdi» Maryam Karimova o‘zining instagram sahifasiga joylagan navbatdagi videoda jamoat joyida «Ishu muja» (er qidiryapman) deb yozilgan banner ko‘tarib yurgani tasvirlangan. «Er qidiryapman» degan yozuv ko‘tarib video olish internetda keng tarqalgan trendlardan biri bo‘lib, keyingi paytlarda blogerlik bilan shug‘ullanayotgan Maryam Tillyayeva ham shu yo‘nalishda video olgan.