amine bekkouri أمين بكوري

مبروك للمنتخب U23🇲🇦🇲🇦🇲🇦 غادي يبداو يقولو علينا ( ياا ولاد الوسخة) من هنا حتى للنسخة القادمة

السوشل ميديا في بلادنا العزيزة لا يهم ماذا تقول ، بل المهم هو من انت 😃 كنتي معروف ، كاع داكشي لي قلتيه سمن و عسل ، كنتي ما معروفش شد الصف مع خوتك و سكت

دابا هاد التطبيق ! واش ديال المعقول ! ولا ديال التقشاب ولا فحال لينكدين ديال داكشي بروفيسيونيل ؟ من لبارح وانا تنحاول نشوف التوجه ديال الناشرين فيه باش نعرف! …والو ! فحال شي سبيطار ديال الحماق بدلو لينا السبيطار بسبيطار اخور اش بانليك نتا/نتي؟ هاد التطبيق وقتاش تقدر تستعملو بلاصة ما تستعمل انستغرام ولا فيسبوك؟ (عارف بلي جا باش ياخد بلاصة تويتر ولكن حنا قليل لي كان كيستعمل تويتر 🤦‍♂️)

الله يكبر بيك 😃 شكرا بزاف و لهلا يحاشمنا

تيبان لي والله اعلم انه الواتساب فيسبوك انستغرام و هاد المنصة الجديدة ! دايرين بحال شي غربال اجتماعي! كل غربال و لوسوعية ديال ثقابيه !فكل منصة تيبقاو حاصلين فيها واحد الجزء من المجتمع و مدام هاد المنصة جات باش تنافس تويتر ، فالوسوعية ديال الغربال غاتكون مضيقة بزاف ! فحال زيف حياتي! و دابا نشوفو 😬

كاين واحد المثال مغربي تيقول ! ما يسبق لسوق غير السفناجة و انا و نتا لي دخلنا لهاد المنصة هوما السفناجة 😂! مزال ما عارفينش هاد المنصة واش غاتكون زوينة ولا لا ! واش فيها ما يدار ولا لا ! و وخا هكداك دخلنا ولكن لي دفعنا بصح ندخلو واقيلا هو ما يسمى ب FOMO او Fear of missing out خايفين لا نزگلو الهمزة … ، انا بعدا فقت من النعاس و بديت تنسول راسي اينا همزة لي خفت نزگل ؟ 🙃 ما لقيتش الجواب الفضول يا أخي !

اول ثريد (بالمساخن) حتى نشوفو هاد لعجب اش فيه