سعد علوش

تدور للحقيقه وانت ماتصدق شلون تجيك؟ ياخي الانسان يبقى انسان مايترك حركاته تخلي من توده بس هو ماودك يخليك ملذات البنادم كلها ترجع على ذاته تقصّر في حقوق وتاخذ ليومك عتب ماضيك تحسب انك بتورث الارض والخلق وبركاته تعرف اميه ثلاث اميه ثلاث الاف مايمديك تحفظ لكل واحد منّهم دفتر بزلاته يخليك الزمن تجمع له بيديك وبرجليك ولامنك جمعت الي جمعته .. قالك هاته

من سطوع النجوم ل ضحكة القمرا تحسب الليل يمشي رافعٍ ثوبه تشرق الارض بعد غيابك المسرا مثل مايشرق المذنب بعد توبه تجري الريح لو ان مالها مجرا عكس وجهك لعل تمر من صوبه ياعتيم الجروح وغرّة شقرا كنها الشمس فوق الغيم مكبوبه يصغر الجرح في عيني اذا يبرى الجروح الي من الحب محبوبه مازعلت اني اكتب لك ولا تقرا بزعل اليا كتبت اشياء مكتوبه ماذخرت انّي اوصل فيك وانت ادرى خطوة القلب يم القلب محسوبه راكض الحلم خلفك يالغضي وازرا كن الايام ماسكته بعرقوبه

عيدكم مبارك ياغالين

العصا والنحل والراعي الشكاك اذنبو .. لكن الي انكسرت الجره مايبي قربك تشابه يبي فرقاك هي شعورين بس الفرق فالحرّه منت قداد انت الي تجي من هناك مثل باقي العرب تمشي على الجره فرصة البحر مره فيك وبلياك وانت عاقل تعرف ان العمر مره ان تجملت عدّه شيك في مخباك بس لاتفهم انك صانع الذره فرصةٍ تنتهزك وفرصةٍ تبلاك والبلاوي ترى ماكلها مرّه واحدٍ مايدرّك مايجيه ادراك يعرف ان مايسره يمكن .. يضرّه مالك الا نصيبك ياعويد الراك في فم العبد ولا في فم الحره ساعة الفطر تغلب ساعة الامساك مثل ما خير نفسي غالباً شرّه نفس ذيبٍ مضريها على الاحلاك لو يغرّونها ماهيب مغتره مرّها واجد الي مثلك وشرواك بس من مرها ماعاود الكره

عيدكم مبارك ياغالين

متى بشوفك تمشي من بعيد ؟ والارض تحسب معي خطواتك ؟ وتمدلي ايد وهذيك الايد تلفّها معها تلفّاتك واسألك مادوّر على تأكيد وعيونك تدوّر جواباتك هو هذا وجهك ولاّ صبح العيد ؟ هذي صفاتك ولا وصفاتك اليا حكيت يقول قلبي عيد يخاف لايسكت مع سكاتك المغني الله وانت سيد الغيد كني دعيت وقيلي جاتك لو يبتدي عمري ميه ويزيد ماعندي احلا من بداياتك موتاك حيين وبلا تحديد مافيه احد يعرفك ماماتك

روح وارجع وارجع وروح وسلام للوفا الثابت وللقلب العلي واترك الدنيا وراك ولاتنام الاّ وشعورك من شعورك خلي مرّني ألفين مره كل عام وبعتبرها ألف لك وألف لي لكن استحلفك يابدر التمام بالله الوالي ولا غيره ولي لاتخليني على باب الكلام كل كلمه طالعه تشره علي

مبارك عليكم الشهر ياغالين

تثنّى الهوى منّك مهوب ايتثنّى لك بدابك .. على شان التباشير تلحقبه يا صبح الصبا قلبي من الليل متهالك غدر في شفوفه كلها.. لجل توثق به حفرت بغلاك القلب يالحافر المالك ف اذا ماجذبت دلاه على الأقل ..وقبه تدور الأسامي فالعرب واسمك لحالك ولاني بقايل .. وش يقولون من عقبه

يوم انثنى وانشغلو السالين كنّه قضى الدين ومراح الهم تقول عيني سم شوفي لين تقولي عينه كفيت السم والشّامه اللي من يسار العين ماهي بحبّة خال حبّة عم بالهون يالمخطي على المخطين القلب من عقبك خريطة دم يطيح منّه كل يوم ثنين عاد انت شوف الي بقالي كم