marawy22

جميلاتي حبيباتي خواتي و كل شي جميل في حياتي . بغيب عنكم فترة قصيره بأذن الله و راجعه لكم بقوة بأذن الله . حبوني و لا تنسوني ❤️

بودرة ميكب فورإيفر بطله حبيتها ثبات و تغطيه روعه يعني صح المدح عليها مبالغ فيه ماحسيتها أحسن من بعض البودرات إلي أحبها بس مقارنه بالسوده القبليه هذي أثبت . السر كله في الإسفنجه جهه تعطي تغطيه أكبر و جهه أخف جربتها بالجهه إلي مافيها كتابه ماحبيتها تغطيتها كلش خفيفه أما يوم جربتها صوب الإسم الطباعه حبيتها . درجتي في ثاني صوره حسيتها شوي فاتحه هالمره باخذ درجه أغمج . حبيتها حلوه بس مبالغين في مدحها

أول شي شكراً من كل قلبي على كلامكم الحلو على الفيديو الي نزلته قريت كل التعليقات ربي لا يحرمني منكم يا أحلى خوات ❤️ . شلون أقولكم إني حبيت بلشر ديور الوردي و جداً بعد 🙂 . أحس إني خايفه أمدحه من كثر الذم إلي شفته عليه أحس في ناس حاقدين عليه بس عشانه غالي 🤔 زين ديور شتبون سعره يكون؟ . المهم البلشر حلو و لونه يطلع معاي بسهوله و لونه مب وردي طبشوري و لا باستيل يطلع أملح على الخد مثل بعض البلشرات بنفس الدرجه لا لونه يندمج و يعطي نتيجه نفس التنت . المشمشي جربته مره بس مابي أحكم عليه بس مبدأياً الوردي أحلى . المبالغات إلي شفتها في التيك توك إنه يفركونه فراك بالفرشه و اللون مايطلع إستغربت منه، فرشة ماك ١٠٩ أول أي فرشه بنفس شكلها تفي بالغرض . البلشر موت و لازم تاخذونه و مافي أحلى منه؟ لا مافي شي موت و لازم تاخذونه في النهايه بلشر

و أخيراً بوكسي أبصر النور 🥹 شكراً @taifalemarat على هالإبداع . في قلبي كلام وايد بقوله بس بختصر أعرف ماتحبون تقرون وايد . الموضوع بدا يصعب علي لأن كل مره أتحدى نفسي أنزل مجموعه أقوى من إلي قبل و هالمجموعه بالنسبه لي هي الأقوى بينهم و أتمنى تعجبكم و كلكم تقدرون تاخذون البوكس . يتكون من عطر عربي شرقي بحت عطر مناسبات يناسب العيد يناسب يوم الأم و ينفع للجنسين، مكوناته برغموت، شوكولا، فانيلا، توابل شرقيه مع خشب الصندل، زعفران، و عود كمبودي . الدخون رجعت عود بالعود و عود بالزعفران هذيله الأصعب لأن من بعدهم صعب يعجبني أي شي . ثلاث زيوت عطريه إثنين منهم إلي كانو في البوكس السابق رجعتهم من جمالهم و هم بطلب من البنات و معاهم واحد يديد إن شاءالله يعجبكم . السعر ٥٥ دينار و بيتوفر في محل طيف الإمارات الستي سنتر و فرع الأڤنيوز و بيكون في رقم لطلبات الواتساب و لنك للطلب أونلاين بعطيكم كل التفاصيل بكره في السناب . أرجع أقولكم سعر البوكس أكثر من هالسعر بس حاولت بشتى الطرق إني أنزل من سعره لكم أتمنى تروحون المحل و تجربون كل شي في البوكس بعدها تقررون ❤️ أحبكم و يارب تعجبكم إختياراتي

أختياراتي من شي إن @shein_ar . أول فستان في اللبس يهبل يحلي الجسم بس أخذوا أصغر من مقاسكم برقم عشان يمسك عدل، يخصر و يحلي الجسم 😍 عموماً قطع Dazy كلها كواليتي أحب قطعهم . الباقي حق رمضان و في التصوير يمكن الفستان البرتقالي المورد مو مبين جماله بس في اللبس حده بارد و حلو . كل عام و أنتو بخير مقدماً و إن شاءالله الطلبيه الثانيه بتكون جلابيات رمضانيه منزلين أشياء حلوه . تقدرون تستخدمون كود الخصم mrw15 راح يخصم لكم ١٥٪؜ . ‏SHEINforAll# #SHEINramadansale #SHEIN# شي_إن#

NYX LIFT & Snatch Brow Tint Pen . قلم الحواجب من نكس يرسم شعره شعره جميل جمال ملوش مثال . لفو الصور . أكثر شي حبيته فيه إن يعطي منظر طبيعي مستحيل أحد يعرف إن مرسوم، خفي يدج بتحصلين شعره خفيفه ثقلي يدج الشعره بتكون أغمق و أقوى، ثابت معاي طول اليوم بس ماجربت العب فيه رياضه و أعرق بس مع الوضوء ثابت اللهم نهاية اليوم شوي يخف لونه . سعره تقريباً ٦ دينار

KVD Good Apple Full-Coverage Transfer-Proof Vegan Serum Foundation . أخيراً فاونديشن يبرد القلب 😍 من زمان ماحسيت بهالشعور . بشرتي مختلطه، الفاونديشن مات يقلب بودره قوامه مائي خفيف سهل الدمج و رغم خفته تغطيته عاليه ماتحسون فيه على بشرتكم هذي أكثر شي حبيته و تم معاي ثابت طول اليوم و كلما طول على البشره صار أحلى . حسب وصف الفاونديشن مخصص للبشرات الدهنيه و المختلطه يعني ماينصحون فيه للبشرات الجافه آنه أحس اذا كثرتوا ترطيب ممكن يناسبكم لان فعلاً مات بس مب المات الصحراوي الثقيل . من أجمل الفاونديشنات إلي جربتها أول مره أنزل ريڤيو بعد ثاني إستخدام أحس مابي أختبره أكثر نجح . خذيت لونين و الإثنين ناسبوني حطيت لكم الدرجات لفو الصور . سعره ٢٠ دينار تحصلونه في سيفورا أو تطلبونه من موقعهم عندهم شحن لجميع الدول

Rimmel Multi Tasker Concealer . كونسيلر ريميل . ماعندي كلام وايد أقوله عنه بإختصار إذا جربتي كونسيلر تارت shape tape و ماحبيتيه مابتحبين ذي أكيد . ليش قارنته بتارت لأنه يشبهه في الشكل و شوي في القوام نفس تغطية تارت بس الفرق ريميل ينشف أسرع لازم تشتغلين معاه بسرعه تحطينه تحت عين تدمجين على طول بعدها تحطينه على العين الثانيه و هكذا . أحب أستخدم الكونسيلر على التصبغات في بشرتي بعد مو بس تحت عيني مع هالكونسيلر ماحبيت شكله على بشرتي ثقيل و ناشف . أحسه يناسب البنوتات أكثر من الكبار كون تحت عينهم أقل تجاعيد و مايحتاجون ترطيب مثل الأكبر سناً سواء بياخذونه للهالات أو التنوير أما للكنتور ما أنصح فيه . لفو الصوره حطيت الدرجات و درجتي nude 60 . سعره ٥.٣٠٠ دينار ٥٣ ريال تقريباً متوفر في سنتر بوينت

من جربت هالبلشر؟ و شنو رايكم؟ . حبيت أنزل صوره له و هو حلو و مرتب قبل ما أغوص فيه بالفرشه لأن مثل ما سمعت لونه فاتح مايطلع بسرعه . أكيد برجع أقولكم عنه

NARS Light Reflecting Foundation . يزعم إنه يعكس الإضاءه على البشره و يعطي نضاره و تنوير و يخفي المسام و التجاعيد و ينعم ملمس البشره، معزز ب ٧٠٪؜ بمكونات تساعد على نقاء البشره مع الإستخدام، تغطيته وسط قابل للبناء . طريقة إستخدامه شوي مختلفه، ينصحون بإستخدام كميه قليله على كف اليد و بطرف الأصابع تخلطين تدفين الفاونديشن تخلطين تخلطين بعدها تحطينه على بشرتج باليد . ماحب أحط الفاونديشن بيدي بس عشان ما أظلمه إتبعت نصيحتهم ماحسيت بفرق بالنتيجه أمانةً الإسفنجه عطتني نفس النتيجه . إلي خلاني آخذ هالفاونديشن رغم وصفهم له إنه يعطي نضاره و لمعه و هالشي أخاف منه بس قلت دام مكتوب يخفي المسام أعطيه فرصه . أتوقع بيناسب البشرات الجافه و العاديه و ممكن المختلطه إلي مساماتهم مب واضحه و الأهم ماعندهم حبوب لأني لاحظت يوضح أي نتؤات في البشره، التغطيه وسط بس ما أنصح تحطين طبقتين لأنه بتحصلين لمعه أكثر من تغطيه ممكن عشان مكونات ال skin care إلي فيه . أول ماحطيته على بشرتي عرفت ما بحبه لأنه وضح كل عيوب بشرتي عطاني لوك مدهن و ثقيل و هالشي يصير معاي مع أغلب فاونديشناتهم بس قلت بثبته يمكن مع البودره أحبه، بعد ساعات هم ماحبيته لما بدت بشرتي تزيت تفكك و بقع، مُحبات فاونديشنات نارس بيزعلون الحين أعرفهم وايد . النصيحه الأزليه البشرات تختلف أخذي عينه جربيها و بعدها حكمي

صباح الخير صباح الجمال صباح الشغف إلي رجع بعد طول إنقطاع . لو خيروج تختارين ماركة مكياج وحده تستخدمين كل شي من عندهم طول عمرج شنو بتختارين؟ . بخصوص الحلويات إلي في الصوره بجربهم و بنزل عنهم مفصلاً