Mwendokasi Tv 📺

Ujenzi wa barabara ya Ifakara -Kidatu wilayani Kilombero yenye urefu wa Kilometa 66.9 ambayo imewahi kusababisha Mbunge wa Jimbo la Kilombero Abubakari Asenga kupiga magoti kwenye tope na kuiomba Serikali kuijenga kwa kiwango cha lami, sasa umefikia asilimia 87

Serikali kupitia TANROADS imekamilisha kufanya ukarabati na maboresho ya barabara ya Morogoro kuelekea Iringa (Tanzam Highway) kwa kutenga fedha kwa mpango wa haraka ili kunusuru barabara hiyo kukatika katika eneo hatarishi la Iyovi ambalo kingo za mto Ruaha zimekutana na tuta la barabara na lina miteremko na kona kali.

Tume ya marekebisho ya mfumo wa haki jinai iliyoundwa na Rais Samia Suluhu Hassan imebaini kuwa kuna udhaifu unaotendwa na Jeshi la Polisi la Tanzania na taasisi nyingine za haki jinai nchini katika kuheshimu watuhumiwa kwenye ukamataji, upelelezi, uendeshaji wa mashitaka, kuwapekua watuhumiwa wakati wanaingia magerezani na mambo mengine.

"Kwenye nia safi na kwenye nia ya kujenga nchi yetu msiogope kuja na mawaxo ya kubadirisha nchi" Rais Samia Suluhu Hassan #WeRunTogether #MwendokasitvUpdates

“Jamii ya Kitanzania ni watu wenye busara na kuheshimiana sana na watu wanaojadiliana mambo kwa hoja. Kamati ya Kudumu ya Bunge ya Uwekezaji wa Mitaji ya Umma (PIC) tulipata maoni mengi kutoka kwa Watanzania na wasomi wengi. Maoni mengi yanahusika zaidi na mikataba ya utekelezaji na yamepelekwa serikalini yazingatiwe kwenye uaandaaji wa mikataba hiyo. Na Mheshimiwa Waziri Mkuu Kassim Majaliwa amesema maeneo yote hayo yatazingatiwa.” Jerry Silaa Mbunge Ukonga.

“Wiki iliyopita serikali iliingia mkataba na Uropean Union ya Budget Support, mliona watu wakijadili kuwa fedha hizi zinatoka kwa Mzungu? Juzi tumepitisha bungeni bajeti ya Sh Trilioni 44.39. Lakini watu wameshika jambo moja tu, hivyo nashawishika kusema kuwa kuna nguvu inatumika nyuma ya hawa wanaopotosha. Ndio maana nimeona nije hapa kutoa wito kwa serikali juu ya suala hili la bandari,"Jerry Silaa Mbunge Ukonga.

“Mimi ni mwenyekiti wa Kamati za Kudumu ya Bunge, hata huko baadae mtaambiwa Bandari mwaka huu imeendelea kuvunja rekodi ya makusanyo, lakini bado haitoshi. Mnaopita bararabani kule Barack Obama, mnaona meli zimepaki zinataka kushusha mzigo. Msidhani kusimama zinapenda, zinasubiri zamu ya kuingia nangani kushusha mzigo.