MACAU FOOD LOVER 三口八胃

✨新年期間不加收·即叫即蒸手工湯包專賣店上線喇！✨ 年初一至三留喺澳門過節嘅嬰兒們，有冇對去邊度醫肚而感覺到一絲頭痕呢？酒店範圍外嘅食肆，唔係貼住張初四啟市嘅公告就係加一加二加三？ 開心share呢一刻正值係打開緊門做生意嘅湯包新貴「無二湯包」先，新年期間免加收，位置喺筷子基快達樓地下，要bookmark定呀！ 有嚟自江南嘅大師級湯包老師傅坐鎮，一大清早就開始以純熟嘅巧手將大小工整嘅湯包生成出嚟，由溝麵粉到搓麵團都要有精準嘅拿捏，咁個外皮先會薄得嚟承托到湯汁㗎！ 無二湯包嘅出品有大將之風，冇諗過佢只係開張咗一段好短促嘅時間而且係個澳門原創品牌。店內暫時供應五款口味湯包：招牌鮮肉小籠湯包、蟹黃小籠包、蝦仁鮮肉小籠湯包、菌菇鮮肉小籠湯包同海苔鮮肉小籠湯包，全部即叫即蒸，呢5分鐘值得等待！ 🌸蝦仁鮮肉小籠湯 $40/6個🌸 小心翼翼咁用筷子秤起佢，會見證到外皮透出肉汁嘅一幕，沿住邊邊咬啖先，肉汁即時不留餘地咁濺出，唔揸定個碟仔逗住絕對係不智之舉，啜過鮮香嘅湯汁後，先蘸下個辣椒油，再感受彈牙嘅蝦仁同鮮嫩嘅鮮肉餡喺口感上嘅對比，嗚！澳門終於有間似模似樣嘅快閃式湯包專賣店喇！ 除咗招牌湯包之外，呢度嘅蔥油撈麵、炸醬撈麵同鴨血湯粉絲都好見得下人㗎，用嚟做炸醬嘅肉沫肥瘦勻稱，麵質游刃有餘。 鴨血湯粉絲 - 口感細嫩爽彈嘅粉絲配搭住鴨血、鴨腎同豆腐卜，好好餸呀！ 唔止湯包，呢度嘅豆奶都係自家製㗎，當中加入糯米成份，唔怪得有米香之餘，口感特別綿密啦！ 是次餐點： 招牌鮮肉小籠湯包 $36/6個 蟹黃小籠包 $58/6個 蝦仁鮮肉小籠湯包 $40/6個 鴨血湯粉絲 $39 自制豆奶 $14 #無二湯包 營業時間：朝早10點至晚上9點（賣晒會早收） 位置：筷子基快達樓地下 聯繫電話：+85 28473661 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

☕️TERRA天神巷新店☕️ 天神巷近年一定係有美食天神眷顧，所以由街頭至街尾都充斥住唔同種類嘅美食；可以一條巷掃盡珍珠奶茶、果汁、燒烤、雞蛋仔同牛雜等，但始終就係爭一間似樣啲嘅咖啡店，終於，啡界老司機Terra要為天神巷嘅過客提供優質咖啡因喇，熱烈歡迎Origin point by TERRA進駐水坑尾區呀！ 一幢三層高嘅 Origin point by TERRA，暗黑又不羈嘅作風同其他分店嘅氣場完全相反、入到嚟忍唔住開啟寡言模式，令人只想專注咁嘆手中啡。 除咗基本款之外，特別想推薦兩杯季節性嘅咖啡特調，第一杯係以芒果汁、椰漿同海鹽椰子奶蓋拼湊出嚟嘅「SUMMER TIME」，以為要預告夏天嘅來臨？NO，老闆其實係想棄用節奏，以咖啡去詮釋SUMMER TIME呢首經典爵士名曲，椰香柔和內斂，配埋咖啡口感圓潤，抒情如歌！ 擺埋塊葉仔，都知呢杯WIND’s SONG亦係離唔開季節呢個題材，唔止外型，其實內容都令人聯想到存在住秋意嘅微風，亦有屬於夏日嘅活力；混和咗西柚汁、tonic同冷泡伯爵茶，清爽中一股屬於茶味嘅渾厚乍現，係不分夏秋嘅一陣風。 除咗充滿層次嘅特調飲品之外，店內亦有供應到唔太飽肚但唔會食完空虛嘅croffle，海鹽伯爵茶同抹茶紅豆味兩款，不得不讚揚一下店家嘅心思，Croffle仔可以好似雪條咁揸上手，唔使切來切去，一定係知道客人們下一站會繼續去掃街喇！ @opt___origin_point_by_terra 澳門天神巷37A全幢 營業時間：12:00-19:00星期三公休 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

位於司打口藝舍酒店後門嘅Folkoffee，藏身喺巷仔間，基本上只有陀地先知埞，Folkoffee 以灰色水泥基調示人，細節乍現出品味，雖然鋪頭嘅規模唔大，座位寥寥可數，亦有貓咪店長MIA長期駐場同你爭位坐，但店家嘅想法亦冇受空間所限制，成日喺度搞呢搞路。 對我嚟講呢度絕對係澳門街中不可多得嘅好地方，冇擾人嘅營銷策略，亦唔會被市場牽住走，復合式嘅咖啡空間內，集合咗咖啡、甜品、服裝單品同不定期嘅藝術展覽，就自成一格自言自語，等待知音人嘅到訪。 夏の大室山 靈感來源伊豆八景之一火山渣錐大室山，享用前先將嚟自小山園青嵐嘅抹茶撞落去雲呢拿雪糕中，將奶香同帶回甘嘅醇厚感混戰一番，而大室山最具標誌性嘅鉢狀火山口亦會活現於眼前！ 推薦冷萃咖啡👉🏻哥倫比亞 聖荷西莊園 處理：以冧酒桶慢速發酵 風味：黑冧酒 酒心朱古力 榛果 忌廉 Folkoffee @folkoffee 營業時間：午1:00 - 晚20:00 地址：澳門司打口馬車巷6號 (藝舍酒店Hotel後街，同最香餅家一街之隔。） #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

✨朝早7點半就營業嘅烘焙天堂✨ 城中瞬間崛起嘅烘焙界當紅花旦 「HONEST BAKERY」，店如其名，以真誠待客，憑住用料實在嘅麵包同甜點贏盡人心，開業唔使幾耐便迅速繁殖咗好幾家分店出嚟，今天到訪設堂食嘅元祖店，上下兩層以標誌嘅牛油果綠色示人，地面層係外帶區，巨型嘅玻璃展覽櫃中有琳瑯滿目嘅烘焙品大曬冷，而上層就係裝潢摩登嘅堂食區域，除咗烘焙品之外，另有意粉同沙律等坐陣，坐喺開揚嘅窗邊位置，科學館就在眼前，一啖飄香嘅咖啡，再嚟個澱粉質放題，繼而好honest咁面對自己，都係聽日再減肥啦！ 作為麵包控嘅我，其實久唔久都會嚟HONEST BAKERY報到一下，拜會拉花拉到出神入化嘅靚仔咖啡師，不過今次選擇出POST公告天下，皆因新items真係好爭氣，要貼堂！ 叻沙蝦多士 $75 多士炸得異常鬆脆，以彈牙又飽滿嘅蝦肉作為夾層，食之前蘸一下帶微微辣勁同椰香嘅叻沙醬，原來HONEST BAKERY佢CARRY到東南亞風味綽綽有餘！ 辣魚多士 $32 辣魚可謂係澳門人茶餐廳時光中嘅鐵腳，竟然將其滲入近年喺全球再度盛行嘅酸種麵包中，擺盤同外形都好亭亭玉立，將茶記味完美洗脫。最威水係兩者融合得恰到好處，軟韌有嚼勁嘅口感對上濕潤惹味嘅辣魚，呢款本土情義結之作有驚喜！ 是次餐點： 抹茶甜圈 $26 焦糖餅乾蛋糕卷 $40 紅桑子丹麥 $23 烤意式肉丸配法棍 $70 醃製三文魚沙律 $78 醃製三文魚吐司 $78 Honest Bakery 皇朝店 @honestbakerymacau 地址：澳門冼星海大馬路81號珠江大廈地下J座(即文化中心對面） 營業時間：星期一至星期日07:30-19:00；堂食時間：07:30-17:00 聯絡電話：+853 6287 1388 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

米芝蓮星級意大利菜世家當奧豐素1890，由總廚Federico Pucci 主理，連同同樣係名廚嘅Alfonso後代Ernesto Iaccarino；帶住超卓嘅廚藝融執行當奧豐素1890一直推崇嘅「農場到餐桌」理念，入饌嘅食材盡量以自家農場 Le Peracciole 作源頭，當中包括聖馬札諾番茄、諾拉貝爾斯橄欖同納蒙特檸檬等。貴為世界地圖中嘅長靴，有得天獨厚嘅地理位置，近海得食，意大利菜中當然不乏海鮮嘅登場啦，「墨魚餃子釀西西里紅蝦和海膽」尤其深刻，以雪白墨魚肉成為餃子嘅外衣，口感彈牙，當中釀入西西里紅蝦同海膽，係令鮮味抑揚頓挫嘅根源，再配上澄澈嘅南瓜湯同薑味甘筍蓉，農作物與海鮮拼湊出嚟嘅萬種風情，令人聯想起意大利南部嘅夏天。 麵包焗法國波瑪牛柳和豬臉頰 用上法國牛肉世家Polmard引以為傲嘅Blonde d’Aquitaine牛牛，威水史在於佢獨家嘅冷凍熟成技術，更被譽為係全世界最矜貴嘅牛肉之一，難得Don Alfonso 1890係成個澳門首間供應嘅餐廳，真係要試真啲。食材靚在起跑線，演繹嘅方法亦唔平凡，能夠體現牛肉嘅優點，亦保留空間讓大廚獻技。牛里脊連同豬臉頰肉以酥鬆嘅麵包外皮包裹，外型同威靈頓牛撞款，但口感卻係史無前例咁滑嫩，即使牛肉係呈三成熟嘅狀態，但就冇血水側漏嘅情況出現，整個肉嫩無渣，多餘嘅油脂缺席，牛味豐厚，這種Blonde d’Aquitaine牛果然唔止係一種派頭。 Don Alfonso 1890 訂位電話： (853) 8881 1390 營業時間： 下午6時至晚上10時30分（星期二休息） 地址：澳門上葡京綜合度假村，Palazzo Versace 澳門三樓307號 泊車位置：C 區 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

✨快閃優惠蒜香扇貝MOP99/5隻✨ 對燒烤嘅鍾愛程度真係一年四季都咁熾熱，隨住外賣平台嘅蓬勃，想食熱辣辣嘅燒烤唔止唔使透爐，直頭連街都唔使落，督下手指寄託喺外賣平台就得喇！一有想食燒烤嘅念頭，「燒一燒」總負責包辦，佢喺各大外賣平台上人氣一直旺盛，keep住擠身三甲位置，見到平台上呃唔到人嘅銷量就知佢有幾紅啦！ 燒一燒肉類同海鮮類都好耍家，每次必點有大粒到要分幾次食嘅乒乓波魚蛋、蒜蓉生蠔、芫荽腐皮卷、扇貝同大大隻嘅魷魚等，除此之外仲會衝住佢地嘅優惠套餐嚟叫，認住個優惠套餐A：香腸一條、雞全翼一隻、再喺豬雞牛羊中任揀兩串，講緊只係MOP59，慳住家咁一樣過到條燒烤癮！ ✨5月22-25日快閃優惠✨ 蒜香扇貝MOP99/5隻，只限5日咋，今晚消夜一於實現扇貝自由！ 澳覓搜尋👉🏻 燒一燒 燒一燒（渡船店） 澳門渡船街53A號新橋大廈地下D2座(糖貴妃旁) 電話：+853 68577216 營業時間：16:00-02:00 另有黑沙環海濱店發氹仔店* #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

位於亞洲首間Palazzo Versace嘅Don Alfonso 1890經已悄悄咁開幕了，冇鋪天蓋地嘅營銷同宣傳，但花若盛開，蝴蝶自會翩翩而至，相信鐘情南意大利美食同有追隨開當奧豐素呢個星級家族會自動自覺嚟報到。 請容許我嚟個倒敍，先請喺賞味套餐中其中一款印象深刻到至今諗起依然會舔下脷嘅甜品出場啦： 提拉米蘇Il nostro tiramisu 家傳互曉嘅意大利國民甜品以更高貴更豔麗嘅方式演繹，無論係結構、外型定喺食材上嘅應用都充滿突破，巧妙咁以馬斯卡彭芝士冰糕（Semifreddo）作載體，規劃出既能鞏固住形態又冇咁滯膩嘅版本。用少少陰力將冰糕割半，濃郁嘅焦糖咖啡內餡即緩緩溢出，當然有浸泡咗咖啡同利口酒嘅手指餅呢兩樣key elements去兌現提拉米蘇呢個身份啦，加埋18k金箔嘅點綴，係食過最有體面嘅Tiramisu無誤！ Don Alfonso 1890 訂位電話： (853) 8881 1390 營業時間： 下午6時至晚上10時30分（星期二休息） 地址：澳門上葡京綜合度假村Palazzo Versace 澳門三樓307號 泊車位置：C 區 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

深夜口水多長文慎入 喺OMAKASE關注組流住口水咁J咗足足有三年，啲円由7蚊擺到5蚊幾，終於喺2023年，唔止呼吸到東京嘅空氣，仲解鎖埋坐月期間經已喉住嘅「宇田津 鮨」！「宇田津 鮨」係今年啱啱戴上咗米芝蓮一星光環嘅新星，喺食べログ 上維持喺3.7分以上嘅驕人成績，值得令人期待。喺GOOGLE MAP嘅帶領下嚟到目黑區中一條只有住宅嘅小街內，路途中唔需要對導航存疑，選址的確係鬼馬，憑住鶴行雞群嘅木門仔就可以輕鬆搵到佢嘅存在。 入室後斯文又淡定嘅STAFF先帶客人到黑房（真係堅黑間房，校咗慳電模式咁）坐低，店內長播JAZZ，我諗算係店主對客人嘅一種餐前預告，畢竟佢主張嘅壽司流派都好跳下，同爵士樂一樣咁即興，你都唔會期望呢餐OMAKASE會有太多循規蹈矩嘅畫面。係呢，原諒我只能以字會友instead of相，因為呢個旅程嘅主要目的係叉電同對抗產後抑鬱，所以個新鮮生出嚟嘅乖仔同單反都暫時嚴禁跟身。 話說平時每碟菜上親檯都係先質飽部相機同電話先，影影影影影影影，影到眾叛親離咁滯，所以今次呢12貫壽司幾大都要趁住最佳賞味期嗰陣食！真係離題都要講，多謝家人同朋友嘅長期包容，“相機食先”未必係每個人都能認同到嘅文化，尤其係對廚師嚟講，但希望料理者都能夠理解，食客記錄低你地用成啖心機煮嘅美饌，其實唔止係要放上社交平台上威威食雞，又真係會得閒攞返出嚟J㗎，帶圖回味，記憶更猶新！咁啦，希望我同天下間有呢個慣性動作嘅人都盡快可以攞到個平衡，未來唔止部機嘅快門要夠快，構圖速度都要更快！ 最後，自問冇資格班門弄斧逐粒壽司去解說，只想同大家輕鬆分享，想訂位原來唔使喺佢官方IG條link度搞大龍鳳走冤枉路，將重任交托比食べログ就得㗎喇。 呢個hashtag終於有用： #東京obxxob

每次經過位於海洋廣場嘅SLASH，都被嗰幅韓式乾花牆吸引目光，外殼同打卡一流嘅妹豬CAFE無誤，但揭開餐牌先知佢有顆麻甩嘅心；肉餅山、摩羅雞飯、黑椒牛柳絲炒丁同乾免牛飯，根本就係茶記嘅步伐，就係要用呢份違和感令你，原來SLASH係果咖同茶餐廳嘅共同體，同近年冒出嘅斜槓族作風相若，身兼多職！ 咁SLASH既然亦有果咖呢個身份，當然要有貼題嘅items啦，最鐘意呢度充滿花臣嘅飲品，即使唔係為咗填飽肚仔，都可以坐喺乾花中海間嘆杯咖啡㗎！ SLASH今期推薦：嚤囉雞飯 始創於澳門嘅嚤囉雞飯，飯粒呈現標誌性嘅薑黃色，歸功於多達18種嘅香料，為炒得分明嘅飯粒賦予香味同不傷和氣嘅辣度；一碟嚤囉雞，冇咗提子乾、火腿絲同烘過嘅麵包粒嘅話真係難成大器，SLASH做到足之餘，再加多塊充滿肉地嘅雞腿扒，好難唔食出一臉滿足嘅神情。 果咖同茶餐廳合體之下，SLASH版本嘅嚤囉雞飯會係點呢？隨住晚市嘅矚目開放，樹懶先生想同大家玩個giveaway賀賀佢，「SLASH滋味套餐」等你嚟體驗： ✨讚好此貼文 ✨Follow @slash_macau 及 @obxxob ✨喺以下帖文度 @ 1位樹懶朋友 （留言次數不限） SLASH滋味套餐內容： 🎁炸炸什錦船一份 🎁嚤囉雞飯/黑松露蘆筍海鮮炒飯 選其一 🎁自選飲品一杯 名額15位 ，GIVEAWAY將於2023年5月16號截止，名單會喺5月18日於story公佈，祝各位被幸運大包圍！ @slash_macau 營業時間：7:00-21:00 地址：氹仔海洋花園大馬路（海洋巴士站OK便利店旁） 電話：+853 6331 1342 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

✨喜悅子月子餐立減MOP1500通行證✨ 畢竟懷孕同生娃已經夠辛苦，所以準媽媽們有條件一定要揀間靠得住月子中心，鋪定條漫長嘅湊仔之路，但如果好似我咁屋企有長老兵團，即使冇打算入住月子中心同請月嫂，都要揀間好嘅月子餐，為產後元氣大傷嘅你把關健康，亦為屋企人減輕因買餸煮飯煲湯所衍生出嚟嘅負擔。 準媽媽們你一定聽過佢地嘅大名 - 呢間提供一站式產後坐月服務嘅「悅子服務」，唔止為媽咪打造喺酒店入面做queen坐月嘅體驗，仲包辦埋全面嘅月子餐，等我呢個過來婦人分享下先： 喜悅子同營養及產後調理顧問拍住上，為媽咪度身訂造整個坐月之旅嘅餐單，套餐最少可以揀15日，長達至60日嘅份量都有。圍繞返我揀選嘅30日套餐先，送餐前先會經過營養同產後護理嘅諮詢，喺高蛋白質、無味精、低油鹽嘅基礎上，再按body嘅需求去製定營養餐單。 月子餐定時定候每日分兩轉有車手送到府上，每餐有一款主食、兩款主菜、一款蔬菜同一壺燉湯，而且正餐之間更有甜品有下午茶，全日安在家中都有啖好食！ 坐月指定動作有飲炒米茶，成個月日日飲佢都咪話唔乏味，有見及此「喜悅子」好細心咁準備埋「產後藥膳茶」套裝，隨月子餐附上！我圖中呢SET係三十日份量，PACK好晒邊日打邊日預你即開即沖，款款都拼配好晒唔會飲到口寡，當中包括黨參黃芪炒米茶、有紅棗杞子桂圓茶同炒黑豆杜仲茶等，功效足以覆蓋整個坐月進程嘅所需！ 多謝喜悅子做我喺坐月期間嘅強大後盾，認真嘅，啲餸同湯家常嘅有，刁鑽嘅又有，唔止啱口味，仲冇咩點重覆過，最難得係坐完月一磅都冇肥過，唔會盲目咁幫你進補。奶奶同媽咪湊住個初生嬰兒已經踢晒腳喇，仲喺小紅書跟住食譜煮月子餐咩？訂餐好過啦！ 🎁限時優惠🎁 適逢母親節，我同喜悅子為準媽媽們準備咗份禮物，準備訂喜悅子嘅月子餐，將封面截圖分享到任何媽媽群，再喺訂餐時向喜悅子出示憑証，30日份量嘅月子餐即可享有立減$1500優惠，15日內有效，生娃咁多使費，呢個優惠一定要mark實呀！ 📍喜悅子．月子餐 @joymacau853 澳門美副將大馬路6B Wechat查詢：YueZi_Macau_1 電話：+853 65950888 #macaurestaurant #macaufood #macaufoodie #foodinstagram #foodfoto #foto #instagramfoodie #instafoodie #macaofoodie #macaufood #instafood #澳門 #澳門obxxob #Macao #macau

💥台式便當組合自取第二份75折💥 同台灣美食有情義結嘅，寄托喺天福小棧係其中一個好選擇，話說台灣店主哥哥人在異鄉嚟到澳門打拼，為咗fight低homesick，所以店內所有項目嘅口味都跟到台灣貼一貼，滿足埋在地嘅台灣同鄉咁話。 隨住天福小棧由雅廉訪遷移到去氹仔南新，已經脫胎換骨式咁進行咗全方位嘅upgrade，唔止成個格局醒神咗，餐點更有睇頭，包裝亦添置咗啲花臣，實例有台式便當組合，河水不犯井水嘅超企理擺盤；有齊滷蛋、豆腐乾、白菜滷、涼拌青瓜、主菜同滷肉飯，食便當食出儀式感！而食客擺入口嘅，依然係店長堅守住嘅台灣家鄉風味，呢樣先至係最難能可貴嘅！ 優惠情報人肉廣播器又開工喇！而家台式便當組合做緊優惠，自取第二份有75折，氹仔區嘅子民要mark實！ 除咗第2份自取75折嘅便當之外，今次仲試埋香到迷惘嘅九層塔手工煎餃、有八方雲集影子嘅台式酸辣湯同老闆受澳港文化薰陶而研發嘅芋泥西多士，食完心滿又意足，冇份去台灣威都唔抑鬱！ 天福小棧 @tinfokdelights 外賣平台搜尋👉🏻 天福小棧 外賣電話：+853 6878 0781 營業時間 ：11:30-21:00 地址：氹仔柯維納馬路282–308-G號南新花園第三座地下C座 #foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau #澳門美食

香港網購龍頭大佬HKTVmall呢排聖誕老人上身，派禮物派到嚟澳門！即刻打開信箱，check下收唔收到呢份澳門客戶專屬嘅surprise 先啦！ 呢本福利小冊子為大家嘅慳家大作戰助力，當中有價值$500嘅優惠券，適用於HKTVmall上上架嘅七十萬多萬嘅產品，只要係label住「直送澳門」嘅都可以放入購物車！而整個5月更有多達31間店鋪連環式咁做緊優惠，超過9000件好貨好物等你pick，用埋優惠券折上折，最精明嘅仲唔係你？就算個信箱冇料到，都可以PM @hktvmall_macau 攞電子版本嘅小冊子，唔使怕醜㗎！ 呢期24小時全天候式咁湊娃，想出去買塊餅餅食都難，慶幸可以喺HKTVMALL個齊過百貨公司嘅購物庫度大掃特掃；掃完喺屋企餵住奶等收件；今次就掃咗即食麵、啤酒同日本直送嘅零食等等，提早送份母親節禮物畀自己唔過份吖！ 即刻下載 HKTVmall APP #日日折日日掃 https://bit.ly/3Wk5tDE #HKTVmall直送澳門 #送到家 #HKTVmallMacau #感謝祭2023 #澳門購物 #澳門網購 #macaushopping #慳錢慳力慳時間