#TF【#幫襯小店】周記燒賣2.0 新鮮燒賣皮 即炸燒賣 一口size燜牛雜 全香港最好食燒賣，不能少了長沙灣周記醬料的魚肉燒賣。由第二代店主自家研發、新鮮包製、用全魚肉的手打燒賣，軟糯彈牙，加上自家醬油店出品的秘製豉油及辣油，絕對食過再回頭。 除了買急凍燒賣回家放雪櫃，嘴饞的話要吃新鮮熱焫的周記燒賣，就得光顧醬料店附近的老街坊菜館。 一份即蒸燒賣外，還要留肚吃即叫即炸燒賣。 據老闆說，最近日賣幾百粒的手打魚肉燒賣，因應客人口味及要求採用2.0新配方，特別針對燒賣皮放得耐會變硬身，及燒賣魚肉不夠味，全新改用新鮮燒賣皮，並加入紅魚柳做餡，蒸好的燒賣，外皮更軟滑，炸燒賣則外脆內軟，很多客人大讚好食。 小編一場來到，即點炸燒賣，本身原是只限假期紅日供應，現改為日日有售。客人來到，下單即叫即炸，不用10分鐘，金黃燒賣隨即送上。外皮薄脆，內裏的魚肉保持軟糯，沒有炸硬或炸乾，保留適度煙靭，魚肉餡半透灰白，魚味突出，加上招牌香葱燒賣豉油和勁辣辣椒油，非常惹味。 至於咖喱陳皮魚蛋，屬小時候常吃那種細粒魚蛋，口感較實淨，陳皮味雖略淡，但自家濃香咖喱醬搭夠，秘製咖喱膽用幾十種香料炮製而成，香味濃郁，仍屬高水平魚蛋。 不怕熱氣上火，另一款炸皮蛋魚肉釀豆腐卜同樣吸引，現場即叫即炸，上下薄脆，中間夾着店子有售的溏心皮蛋，並裹上魚肉炸香，入口少了可怕的皮蛋獨有的怪氣味，口感豐富，加點甜醬吃，似在吃臭豆腐般，惹味得很。 傳統街頭小食，怎能少了秘製滷牛雜，周記用自家製的柱候醬及滷水料燜新鮮牛雜，一碗$40，有牛筋、牛肚、牛腸、牛膀和牛肺，大碗更是索價$80。據老闆說每個部位要按次序去燜才會入味。每件牛雜一口大小方便食用，件件色澤明亮誘人，非常掛汁；柱候醬不死鹹，反而吃得出沉實香料味，肉質軟腍不黏牙，加點甜醬辣醬黃芥辣，就是久違了的經典美食。 炸燒賣 $20/6粒 咖喱陳皮魚蛋 $10/10粒 炸皮蛋魚肉釀豆腐卜 $20/5粒 秘製滷牛雜 $40/細 $80/大 招牌手打燒賣$10/5粒 急凍裝手打燒賣$30/15粒(盒) 老街坊菜館地下（急凍燒賣及熟食） 地址：長沙灣青山道260號鋪 電話：5401 2601 營業時間：星期一至日10am-5:30pm 周記醬料總店（急凍燒賣） 地址：長沙灣元洲街413號地下 電話：9012 8081 營業時間：星期一至日10am-7pm 撰文：Louise Law 攝影：Yvonne Lam 美術：Anita Lam TalkFood 先填飽肚子再前進 YouTube : https://www.youtube.com/user/TALKFOOD Facebook : https://www.facebook.com/talkfood Instagram : https://instagram.com/talkfood 全自費真實食評，內容反映當日質素，並非廣告！最新價格以餐廳為準。 #周記醬料 #老街坊菜館 #燒賣 #長沙灣 #牛雜 #街頭小食 #滷水 #陳皮魚蛋 #炸燒賣 #炸皮蛋魚肉釀豆腐卜 #柱候醬

#TF 今次去咗試呢間傳說中要排45分鐘隊，先食得到嘅權發小廚！ 雖然係兩餸飯，但味道一啲都唔揸流攤，而且餸嘅選擇極多。難怪排咁耐都要食到佢！ 註：1點半左右去到只係排咗10分鐘，繁忙時間去真係要排好耐。 權發小廚 地址：觀塘成業街16號地下A鋪

#TF【#吃好吃】 超多芝士粉!! 韓國 BHC 炸雞店 必吃啖啖肉無骨芝士炸雞 韓國的知名連鎖炸雞店多不勝數，但說到首屈一指，說是BHC Chicken應該沒有異議，全球分店2000間。繼早前在旺角開設香港首間店鋪後，最近於銅鑼灣再開分店，供應招牌菜式包括BBURINKLE芝士炸雞、MATCHO KING東方式炸雞、SOTTEOKS年糕串和CHEESE BALLS芝士球等，特別受韓國年輕人歡迎。 最特別是，銅鑼灣新店首次推出啖啖肉的無骨炸雞，推薦BBURINKLE 芝士炸雞口味，炸雞撒上招牌的韓式芝士粉，加上Bburing Bburing芝士醬，鹹中帶甜，肉質鮮嫩酥脆，非常過癮！ 炸雞好吃，韓國街頭小吃同樣吸引，像韓式辣味炒年糕，醬汁看來紅紅的，但入口卻是甜甜辣辣，年糕煙韌，加上沾滿醬汁的魚糕片，好吃極了！ 不能錯過的芝士球和芝士粉薯條，芝士球是BHC Chicken的招牌出品，芝士球炸得酥脆，甜甜鹹鹹，用上水牛芝士口感耐嚼煙靭，吃起來有點像年糕；至於芝士粉薯條滿佈芝士粉，不需額外點醬汁已非常夠味。 BBURINKLE 芝士炸雞 $198 （無骨） 韓式辣味炒年糕 $108 芝士球 $68/5粒 ⁠芝士粉薯條 $78 BHC Chicken 地址：銅鑼灣堅拿道東8號2000年廣場1樓 電話：2537 6066 營業時間：星期一至日 12nn-11pm IG：@bhchk_official 撰文、攝影：Yvonne Lam 美術：Anita Lam 全自費真實食評，內容反映當日質素，並非廣告！最新價格以餐廳為準。 #炸雞 #韓國炸雞 #芝士炸雞 #辣炒年糕 #bhc_hongkong #bhcchicken #韓式辣味炒年糕 #芝士球 #芝士粉薯條 #薯條 #食晏 #旺角美食 #銅鑼灣美食 #TalkFood #TalkFood銅鑼灣

#TF【#18區搵食之 紅磡必食貴價車仔麵 三餸$102食得過？】街坊價酒店級西餐｜淨飲餐湯都知有料到｜實試人氣個性車仔麵店｜即叫即燒叉燒串｜$33足料外賣糖水｜超動L開心果梳乎厘｜#廣東話 記得今晚9點準時上YouTube 睇片喇～ 或即去IG Bio link 觀看影片🙌🏻 好耐冇同大家去搵食啦，今次嚟到紅磡美食天堂！搵咗4間餐廳，有人氣車仔麵店、街坊小店、糖水鋪同甜品店，食到後輩大叫投降，想知我哋去邊幾間餐廳？快啲睇埋落去啦～ 第一間嚟到意屋，佢係一間街坊小店。餐牌有唔少大廚推介套餐，叫咗香辣番茄大蝦意粉，估唔到個茄醬咁出色，每條意粉沾滿酸甜茄醬，有5隻新鮮大蝦，食得出唔係雪藏貨，蝦肉彈牙，拍得住酒店水準！最驚喜係佢嘅餐湯，平時嘅粟米湯都係得幾粒粟米，但呢度嘅餐湯係將粟米打成蓉咁，雖然食唔到原粒粟米，但成碗湯都係粟米香甜味道，真係好好飲！仲試埋蜜糖芥末煙肉薯條，$35份量超多！煙肉鹹香，薯條唔係空心，食到最後仲有好多煙肉。 第二間係紅磡區內最出名、最貴嘅排隊車仔麵店，不論你係PolyU嘅學生定係街坊，甚至好多街外客，都一定聽過佢個大名。蒙麵向來係一間個性小店，佢哋對自己嘅出品好有信心，呢度全部餸、湯底同粉麵，全部逐樣計錢，3餸起計，貴係貴咗啲，不過食物質素又真係值呢個價！ 必食配料：新鮮花甲，冇沙，花甲鮮甜；辣汁魷魚好爽彈，辣汁有料，愈食愈過癮；至於多春魚好香脆，一啲腥味都冇！麵底揀咗銀針粉，配埋個特濃番茄薯仔湯，又幾夾喎！仲有每枱必食嘅招牌蜜汁叉燒串，坐底就要落單，原因係即叫即燒，預咗要等一陣，仲要不設加單。每嚿叉燒表面燒至焦脆，叉燒中間帶啲肥膏，被蜜汁包住好香口。3餸麵$102，加埋叉燒，埋單$136，可以接受。 之後去同一條街嘅萬華糖水店，呢度專做外賣糖水，20幾蚊就有交易。揀咗粉粿綜合凍，配料有芋圓、粉粿、仙草凍、抹茶凍、紅豆、綠豆同珍珠，咁足料都只係$33，性價比超高。粉粿煙韌，仙草凍同抹茶凍好滑溜，加埋芋圓同珍珠，一啖入口好滿足。 最後繼續食甜嘢，嚟到南山梳乎厘，由深水埗開到嚟紅磡！梳乎厘口味好多，叫咗大熱嘅開心果味，面層有大量嘅開心果碎，配埋開心果奶蓋，開心果味濃郁，梳乎厘蛋味突出，空氣感重，好食！ 大家平時去紅磡食開邊幾間餐廳？歡迎留言話我聽^^ 意屋 地址：紅磡馬頭圍道88號海青閣地下D號鋪 香辣番茄大蝦意粉 $75（升級套餐：是日餐湯及香草蒜蓉法包+$12） 蜜糖芥末煙肉薯條 $35 蒙麵 地址：紅磡差館里9-15號協輝大廈地下1號鋪 新鮮花甲 $40/份 辣汁魷魚 $17 脆香多春魚 $15 銀針粉 $13 特濃番茄薯仔湯 $17 招牌蜜汁叉燒串 $34/串 萬華糖水店 地址：紅磡差館里17號聚賢大廈地下2C號鋪 粉粿綜合凍 $33 南山梳乎厘 地址：紅磡民泰街19-23號地下1號舖 開心果梳乎厘 $60 主持、撰文：Yvonne Lam 攝影：Peter Li 剪接：Kate 、Peter Li 、Fong Ka Him 美術：Anita Lam 全自費真實食評，內容反映當日質素，並非廣告！最新價格以餐廳為準。 #意粉 #車仔麵 #梳乎厘 #糖水 #開心果梳乎厘 #意屋 #香辣番茄大蝦意粉 #薯條 #蜜糖芥末煙肉薯條 #蒙麵 #叉燒 #番茄薯仔湯 #萬華糖水店 #粉粿 #南山梳乎厘 #街坊小店 #食晏 #外賣 #下午茶 #18區搵食 #紅磡 #紅磡美食 #TalkFood #TalkFood紅磡

#TF 今次去咗一間喺觀塘超級無敵咁出名嘅Gelato。個個月都有一個味道主題，好有心思！ 想去食嘅觀眾要留意返，事關佢哋係不定休，一定一定要記得睇佢哋IG公佈嘅營業時間喇，咁就唔怕摸門釘啦！（因為我就試過喇，嗚嗚） Ganto Gelato 地址：觀塘成業街成業工業大廈13樓26室

#TalkFood【#吃好吃】真實試 銅鑼灣$38 超抵午餐？ 惹味香茅雞翼撈檬 香港物價上漲，打工仔放飯想吃餐經濟午餐，閒閒地動輒$50-$60，已很不錯。特別是消費高企的港島區，要找超平午餐着實困難。 沒想到銅鑼灣的「牛川 x 泰越」餐廳，推出超經濟實惠午餐， 價錢低至 $38 起，對打工仔來說，相當友好。 6款$38的午餐，選擇有撈檬、湯粉和飯類。到底伏唔伏？小編一於嚟個真實試。 先點香茅雞翼撈檬，很大一碗，內有三大隻雞翼，每隻炸至金黃，非常吸引。 撈檬內有多款佐料，鋪滿炸蒜、醃蘿蔔和生菜，配酸汁吃，非常醒胃。最近天氣悶熱，吃一大口酸酸的檬粉，涼浸浸，滑捋㭩，$38稱得上超值。 至於香茅豬扒配白飯同樣大碟，斬件豬扒量頗多，外層香口，肉質略嫌偏乾。另加一大碗飯，同樣有醃蘿蔔等材料，$38來說，屬飽肚經濟之選，沒甚麼可挑剔。 除了超值越南菜，店子亦提供不少平價日式丼飯。其中一個最抵食：$48火炙三文魚丼，丼飯面放了九大片炙燒三文魚，還有少量蟹籽作點綴。經炙燒的三文魚入口滲出魚油，提升三文魚鮮味，這質素也算合理。 若客人加配任何飲品，餐廳再隨機加送一款泰式串燒，有雞肉、牛肉或豬頸肉，當作過口癮前菜，相當不錯。 吃餐飽飯不用$50，以後在銅鑼灣又多個平食之選。 香茅雞翼撈檬 $38 香茅豬扒配白飯 $38 火炙三文魚丼 $48 加配桃香烏龍冷泡茶$8 隨機送雞/牛/豬串燒一串 牛川 x 泰越 地址：銅鑼灣謝斐道 496 號金利文廣場 3 樓 電話：2117 4267 營業時間：星期一至日12nn – 11pm @gyukawacwb 撰文及攝影：Sharon Chan 美術：Anita Lam 全自費真實食評，內容反映當日質素，並非廣告！最新價格以餐廳為準。 TalkFood 先填飽肚子再前進 YouTube : https://www.youtube.com/user/TALKFOOD Facebook : https://www.facebook.com/talkfood Instagram : https://instagram.com/talkfood #牛川 #泰越 #香茅雞翼撈檬 #香茅豬扒 #香茅雞翼 #日式丼飯 #火炙三文魚 #三文魚 #丼飯 #串燒 #雞肉 #牛肉 #豬肉 #日本燒肉 #食晏 #銅鑼灣 #銅鑼灣美食 #TalkFood #TalkFood銅鑼灣

#TF 駿運士多重開！觀塘人口痕嗰陣，可以再去買佢哋嘅 #燒賣 食喇！ （食完先紅雨，有冇office乾衣妙計？在線等） 魚肉燒賣 $10/8粒 豬肉燒賣 $10/8粒 駿運士多 地址：觀塘駿業街60號地下

#TalkFood【#讀者推薦】讀者推薦心水小店 不藏私名單大公開！九龍區 繼公佈了讀者推薦的港島區及新界區心水小店名單後，終於來到最後的九龍區小店。 當中到底有沒有大家的心水呢？如果各位讀者仲有其他心水小店，歡迎IG DM我哋～ 在此感謝各位TF讀者踴躍支持！！！ 想了解更多，記得上YouTube睇片。 九龍區： 1. 樂麵 Lotmee @lotmeehk (港式拉麵店) 2. 茶舍 @hitea_hk (港西日 fusion菜) 3. 鰹烏冬 @udon.hk (日式手打讚歧烏冬) 4. 手工漢堡 (屋邨安格斯牛肉漢堡) 5. Still @still.hk_ (西班牙x日式fusion西餐) 6. 香料印度餐廳 @the-spice-of-india-restaurant (佐敦正宗印度咖喱) 7. Amico 1890 @amico1890 (主打意粉薄餅) 8. 重慶小食蔡記 (麻辣涼皮/涼麵/酸辣粉) 9. 想甜嚐甜 @sweetddhk (IGable甜品) 10. 葱仔越南包 @banhmichung (人氣越式法包) 11. 二撇雞 @brotherchickenhk (觀塘食晏長龍店) 12. 饃饃餃子 @momomoment_mmm (性價比高尼泊爾爆汁餃子) 13. 早稻石磨腸粉 (點心師傅滑捋捋石磨腸粉) 14. 蘇記茶檔 (深水埗鐵皮茶檔豬扒麵) 全自費真實食評，內容反映當日質素，並非廣告！最新價格以餐廳為準。 TalkFood 先填飽肚子再前進 YouTube : https://www.youtube.com/user/TALKFOOD Facebook : https://www.facebook.com/talkfood Instagram : https://instagram.com/talkfood #小店 #結業 #撐小店 #餐廳 #讀者推薦 #TalkFood

#TalkFood【#讀者推薦】讀者推薦心水小店 不藏私名單大公開！新界區 前幾天公佈了由讀者推薦的島區心水小店名單，接下來輪到新界區小店。 當中到底有沒有大家的心水呢？如果各位讀者仲有其他心水小店，歡迎IG DM我哋～ 在此感謝各位TF讀者踴躍支持！！！ 想了解更多，記得上YouTube睇片。 新界區： Ann Mamma Thai Kitchen by 張秀玲@ann_mamma_thai_kitchen (荃灣高質飽肚泰菜) Hungry Monkey @hungrymonkeyteppanyaki (型格日式鐵板燒) 發記 @fai_ji_(上水街市抵食常餐) Season (實惠意粉焗飯套餐) 美至雞( 特式砂鍋米線熱拌粉) 米線撚 (香車街街市鮮雞魚湯米線) 金潮泰 (石門重開禾輋泰式湯河沙嗲撈) 暢和號 (大師級海南雞) 麵家山下 (上水有名日式拉麵店) T.B.Mcomfy (馬鞍山沙漠誠意咖啡+鬆餅) 榕基滷水專門店@yungkee1992 (香而不濃文青滷水店) 屯門樂啡 @lofeplus (黑膠唱片/ Americano都可以拉花) 天龍咖喱 (辣得過癮元朗驚喜咖喱) 天天燒鵝皇 (不見飯底燒鵝飯) 全自費真實食評，內容反映當日質素，並非廣告！最新價格以餐廳為準。 TalkFood 先填飽肚子再前進 YouTube : https://www.youtube.com/user/TALKFOOD Facebook : https://www.facebook.com/talkfood Instagram : https://instagram.com/talkfood #小店 #結業 #撐小店 #餐廳 #讀者推薦 #TalkFood

#TalkFood【#讀者推薦】讀者推薦心水小店 不藏私名單大公開！港島區 經濟不景，市道低迷，很多小店撐不住得向現實低頭，無奈結業。 有否發現，好些我們每天光顧的小店餐廳，怎麼有一天突然消失？只留下心裏念掛的遺憾味道。 不想讓遺憾變成一種無能為力，上個月4月9號，我們請TF讀者從港島區、九龍區及新界區，推薦哪些值得光顧的心水小店？結果收到大家熱烈回應，3天內得出一份值得一戰及支持的口袋名單。 當中有沒有你們的心水小店？到底是否值得一戰？ TF小編隨機挑選當中6間小店，真金白銀真實試，來個實測評分。 以下公佈的不藏私名單，就先由港島區開始。 在此感謝各位TF讀者踴躍支持！！！ 如果各位讀者仲有其他心水小店，歡迎IG DM我哋～ 想了解更多，記得上YouTube睇片。 港島區： 1. Dirty Skillet HK @dirtyskillethk (旋轉木馬餐廳巨大梳乎厘) 2. 度 @beyondcoffeebar (藝術咖啡全日早餐) 3. 順日本料理 june_japanese_restaurant (老牌日式牛舌料理) 4. 甜蜜的家 (隱世福建菜廚師發辦) 5. 和牛88 @wagyu_88_qb (抵食和牛壽喜燒) 6. 回味工房 (中環好味喇沙) 7. 榮記粉麵 (銅鑼灣人氣車仔麵) 8. 麥記美食 (米芝蓮生煎包) 9. 福元湯圓 @fookyuenhk(30年爆漿芝麻湯圓) 10. Mother [email protected] (健康純素珍珠奶茶) 11. Messina @gelatomessinahk (新鮮材料澳洲gelato) 12. 津津茶餐廳 (世一鹽焗雞珍肝飯) 13. 好叉好味 @wowcharsiu (焦香脆邊新派叉燒飯) 14. 強記美食 (必吃糯米飯) 15. 露面手工拌麵料理 (主打Biang Biang 麵/白布闊麵) 16. Cs Bakery @cs_bakery (家庭式意粉cafe) 17. Coast @coastcoffeehk (多種類食物/文青cafe) 18. 輕時光 @takeyourtime_hk (無添加乳酪水果飲品) 19. 笑林寺 @cloudnine_wanchai (特色西餐咖啡店) 20. Coffeer 啡人前 (長期full house一人前咖啡店) 21. 鮨玥 @sushi_getsu (鯉景灣壽司居酒屋) 22. 師父飯堂 (鰂魚涌打工仔飯堂) 23. 野草 @weedsgelatocoffee (時令食材手工gelato) 24. 巴依餐廳(車胎人推介新疆羊肉料理) 25. 日常小館 (小西灣最好食西日餐廳) 26. 新興食家 (堅尼地城老字號即做點心) 27. 雄記美食* @hungkeehk (個性小店家傳牛雜粥雞蛋煎腸粉) *註：由於店主抱恙，小店暫時休息，敬請留意其IG公佈。 全自費真實食評，內容反映當日質素，並非廣告！最新價格以餐廳為準。 TalkFood 先填飽肚子再前進 YouTube : https://www.youtube.com/user/TALKFOOD Facebook : https://www.facebook.com/talkfood Instagram : https://instagram.com/talkfood #小店 #結業 #撐小店 #餐廳 #讀者推薦 #TalkFood

#TalkFood【#街坊嘢】47年南山邨辦館尋寶 | 唔止飛行棋打卡位 | 懷舊零食懷舊價 蜜蜂糖$2粒 | 零食區每朝開檔45分鐘 | 8090後回憶 玻璃樽裝維他奶 | 士多不能少 汽水櫃 | #廣東話 快啲去YouTube睇完整片段啦！ Link: https://youtu.be/ncgNq4VLChU 南山邨除了飛行棋打卡位，最近這老牌屋邨，因幾間於疫情期間結業的燒賣店、小食店重開，再度成為熱門搜尋，入夜後非常熱鬧。 對於街坊及附近的學生來說，屋邨內僅餘且唯一的南昌辦館，更是他們生活日常不可或缺的聚腳點。 南昌辦館跟屋邨同樣於1977年開業，事隔一年，兼營隔鄰的銀鿋雪糕屋，當年主力賣雪糕車那種軟雪糕，後來改賣一杯杯雪糕球，現時有十多款口味，賣$11/雙球，大杯抵食，老闆娘Joe媽對學生尤其闊綽，難怪甚受歡迎。 店名說是辦館，實則是士多零食兼糧油雜貨一應俱全。「屋邨辦館有一定面積，容納洋酒、香煙和洋貨；以前社會超市少，於是鋪頭就兼售零食、汽水，連煮飯的豉油醬醋都有，總之街坊來到，買到基本生活所需，毛巾牙刷。」 隨着年月更替，南昌辦館的貨品也不時轉換，但是一些經典懷舊零食、糖果，還有近年很難找的玻璃樽裝維他奶，依舊沒變，仍然繼續發售，無非因為那是屬於80、90後成長的童年味道。 現時辦館主要由第三代老闆Joe打理，每天10點半返鋪，準備「開檔」--也就是還原鋪前那個零食區位置。將前一晚收好，放在隔鄰雪糕店儲存的零食糖果，從手推車上搬過去，放回原來位置上。30多款零食，最便宜$2，最貴約$25，每次開檔最少花45分鐘，比想像中費時。「為甚麼這樣麻煩？最主要原因是以前老鼠太多，很多時會把貨品咬壞，唯有每晚將貨品收好。」 細心看，不少懷舊糖果是坊間少見。好像早前宣佈停產的彩絲糖；曾經消失了一陣子的泰國Tutti Frutti蝴蝶糖，Joe說是他小學年代經常吃，現在找到的換了另一生產地，但味道9成像真。近年少見的蜜蜂糖這裏也有散裝發售，售$5/10粒。另一款100%果汁糖，還有荔枝味及可樂味氣泡糖，總之就是那個年代的學生，無一不愛。 「好多學生買，特別係30歲左右，以前阿媽唔俾買糖，而家有零用錢就買來滿足一下。」Joe這樣說。 辦館有售二三百款飲品啤酒汽水，林林總總不同大細，不僅連坊間難得一見的玻璃樽裝維他奶也飲得到，跟絕版汽水櫃一併放在辦館內，一如以往如常運作。「維他奶是80 90後那代人一定認識，很多士多辦館必定有售，確實是小時候的情意結。」 老闆娘Joe 媽說，很多人勸她不要賣維她奶，特別是冬天，工夫多，又要冷凍又要加熱，玻璃樽保存困難，飲完一定要洗樽，以免豆奶發酵後發臭，為了不影響別人，她也不介意代為洗樽，才送回維他奶廠。 「看見很多40多歲，他們買得很開心，總聽他們說：嘩！你們還有賣呀！真的太好了！以前媽媽不會買！我跟他們解釋說，那個年代經濟困難，給你買支維他奶，可能就要少買1斤菜，現在你可以盡情飲。」 像南昌辦館這樣的屋邨老店，全香港粗略計不會超過20間；說到未來會怎樣？Joe也沒敢說，直言辦館工作困身，行業息微也是預料得到；Joe媽強調，不願意把辦館交給Joe經營，始終辦館工作環境及時間，實在消磨人的意志和體力。還要計算收支平衡，工資、租金、貨品成本、電費.....不會因為老店而減少。 南昌辦館的未來仍是未知數，不過Joe跟Joe媽也說，即使經營困難，在這裏仍可找到舊社區獨有的人情味，跟街坊閒話家常，跟來光顧的學生、小朋友互動說笑，也是枯燥生活中的最大樂趣。 南昌辦館 地址：石硤尾南山邨南樂樓114號鋪 銀鿋雪糕屋 地址：石硤尾南山邨南樂樓115號鋪 營業時間：星期一至六 10:45am-10:30pm 星期日休息 @vitasoy 主持：Sharon Chan 攝影：Fong Ka Him Peter Li 剪接：Fong Ka Him 編採：Louise Law #維他奶 #熱維他奶 #樽裝維他奶 #麥精 #低糖維他奶 #辦館 #士多 #零食 #糖果 #汽水櫃 #屋邨 #學生 #童年回憶 #80後 #90後 #石硤尾 #南山邨 #南昌辦館 #石硤尾美食 #TalkFood石峽尾 #TalkFood

#TalkFood【#吃好吃】過江龍登陸將軍澳 竹麓拉麵必食和牛肉鹽風拉麵 日本過江龍拉麵店熱潮未停過，又有一間竹麓拉麵在將軍澳開店，1996年創立，由近30年拉麵職人竹麓輔先生創辦，專注熬湯和製麵，至今累積超過500種拉麵食譜。 是次香港店推出的三款招牌拉麵，都是從他的食譜中精心挑選出來。 首先是日本最高人氣的和牛肉鹽風拉麵，湯頭用日本產牛筋慢火熬煮，湯底看似清淡，味道卻是十分濃厚的牛肉味，配搭鹿兒島A5福永和牛牛肋肉，經低溫慢煮後，嫩滑且肉味濃。 第二款是九州豚頭背脂拉麵，湯底用上大量豬背脂，並加入少量醬油熬煮16小時，入口油香充足，順滑濃郁，且並不油膩。配搭的半肥瘦叉燒經香烤後軟腍入味，最重要是一碗不用$80，值得一試。 第三款將軍澳限定推出的全新口味拉麵：海老味噌拉麵。最特別是特製的橙紅色海老湯底，把大量的蝦頭、蝦殼炒香後，加入蝦膏及白味噌煮成濃郁湯底，醇厚香濃鮮甜，拉麵加了多隻彈牙大蝦，及炸至酥脆的三文魚皮及豚肉叉燒，配料豐富。 其他拉麵還有名古屋雞白湯拉麵、兒島A5和牛拉麵、煮和牛赤辛味噌拉麵、素菜醬油拉麵等。 除了拉麵，這裏還有飯食及小食供應。好像這碗和牛背脂和牛丼坊間少見，將和牛背脂與醬油及味醂熬煮成油香肉醬，加上半熟的粉紅和牛肉，拌勻吃下去，每一口極富油香，滋味極了。 小食推薦Takeroku Kitchen旗下北海道名物：若雞時代的「半身若雞」。在小樽、札幌、函館都有分店的若雞時代，其牌炸半雞人氣超旺，Tabelog (食べログ) 上高達3.54分。半雞是素炸的，即不裹粉直接油炸，外皮酥脆，肉質嫩滑，只用簡單的調味，經已好吃得不得了。 和牛肉鹽風拉麵 $118 九州豚頭背脂拉麵 $78 海老味噌拉麵 $108 和牛背脂和牛丼 $48 /小 半身若雞$78 /半隻 竹麓拉麵 地址：將軍澳澳南海岸唐俊街23號MONTEREY Place地庫B03號鋪 電話：9631 6217 營業時間：星期一至日 12nn-9pm @Takeroku_Ramen_HongKong 撰文、攝影：Yvonne Lam 美術：Anita Lam 全自費真實食評，內容反映當日質素，並非廣告！最新價格以餐廳為準。 #拉麵 #日本拉麵 #和牛肉鹽風拉麵 #海老味噌拉麵 #九州豚頭背脂拉麵 #半身若雞 #和牛背脂和牛丼 #竹麓拉麵 #拉麵 #味噌 #海老 #食晏 #將軍澳美食 #TalkFood #TalkFood將軍澳