د اټلنټيک سمندر تل کې ډوبې ټايټانېک بېړۍ تنې ته د رسېدو ډغره چې د مرګ په خطر اوښتې. اوس بېړۍ، الوتکې او تر اوبو لاندې لېږدېدونکې الې ټولې، د يوه ورک اوبتل موندلو هڅه کې کارېږي، خو د لټون عمليات پېچلي او هم يې حالت له ننګونو ډک بلل شوي دي. د بي بي سي ساينس خبريال پالاب ګوش د هغه څه په اړه دا راپور چمتو کړی، چې تر اوبو لاندې دې انسان لېږدوونکې بېړۍ سره ښايي پېښ شوي وي، او د موندلو لپاره يې څه کېږي.

د دې اوونۍ د ټکنالوژۍ له ډګره تازه خبرونه ميرويس مياخېل راټول کړي دي.

کسم وايي، څومره چې یې کورنۍ او خپلوانو پرې فشار راوسته، هغومره یې منجیت سره ګډو ژوند تېرولو ته ژمنتیا زیاتېده. هغه وايي:" که ما له دې پېښې وروسته بل واده کړی وای او خاوند مې بیا په پېښه کې ټپي شوی وای نو آیا ما به بل چاسره د دریم ځل لپاره واده کاوه؟ دویمه خبره دا چې منجیت اوس ماته ډېره اړتیا لري." نوموړې زیاتوي:" زما د مېړه پر ملا او د بدن پرشاتنۍ برخه بستر کې د ډېر پرېوتو له امله زخمونه جوړ شوي، هغه شپه او ورځ زما مرستې ته اړتیا لري." کسم وايي، له دولسم ټولګي فارغه وه چې منجیت په پېښه کې ژوبل شو. هغې له دې سختو سربېره هم خپلو زدکړو ته دوام ورکړ، له دولسم ټولګي فراغت وروسته یې د لیسانس په کچه زدکړې وکړې او دنده یې پیل کړه. منجیت وايي، مېرمن یې کسم نه یوازې لکه غر د ده تر څنګ ولاړه وه، بلکه ده ته د نوي ژوند په وربښلو کې یې تر ټولو لویه ونډه لرلې ده. هغه وايي:"اوولس کاله وړاندې دې پېښې هر څه له ما واخیستل. زه پر خپل موټر سایکل سپور وم، چې یوه موټر سره مې ټکر وکړ. بیا یو بل موټر چې له شا راروان و راباندې راغی زه یې سخت ژوبل کړم. زما پښې ماتې شوې او له نامه ښکته فلج شوم." بشپړ رپوټ پر بي بي سي پښتو پاڼه لوستلی شئ

یوګا په ټوله نړۍ کې ګڼ شمېر مینه وال لري او په بېلا بېلو بڼو ترسره کېږي. ایا تاسې هم یوګا کوئ؟ که کوئ یې څومره مو روان او ذهن اراموي؟ خپلې تجربې راسره دلته شریکی کړئ پاڼه واوړئ او د دې ذهني او فزیکي تمرین په اړه بشپړ او ګټور مالومات هم ولولئ.

د متحده ایالاتو ساحلي ساتونکو منلې، چې د ورک شوي اوبتل د لټون په درشل کې یې تر اوبو لاندې سیګنالونه اورېدلې دي. خو ځینې کارپوهان وايي، دا له وخته وړاندې ده چې وویل شي دغه سیګنالونه دې "حتما" د انسانانو وي. دوی شک لري چې ښايي دغه غږونه د کبانو او یا هم نورو سمندري ژویو وي. یو سیاحتي اوبتل، چې د ټایټانیک بېړۍ پاتې شونو لیدو پسې سمندر ته کوز شوی و، بې درکه شوی دی. دا اوبتل د یکشنبې پر ورځ ګهیځ په داسې حال کې سمندر ته ننوت، چې پنځه سیلانیان پکې ناست و، خو پاو کم دوه ساعته وروسته په ژورو اوبو کې بې درکه شو.

د امریکا ولسمشر #جوبایډن د دغه هېواد په کلیفورنیا ایالت کې خپل ټاکنیز کمپاین ته د فنډ راټولو یوه غونډه کې د چین ولسمشر #شي جېنپېنګ ته د دیکتاتور خطاب کړی. دا په داسې حال کې ده چې تر دې یوازې یوه ورځ مخکې د امریکا بهرنیو چارو وزیر #بېجېنګ کې له ښاغلي شي سره کتلي وو. انتوني بلېنکن د دې لپاره چین ته تللی و چې دغه هېواد سره ترینګلي اړیکي ورغوي. د چین ولسمشر تر لیدنې وروسته په دې برخه کې د یو څه پرمختګ خبر ورکړی او ښاغلي بلېنکن ویلي و چې دواړو خواو نورو خبرو ته هم لیوالتیا وښوده.‌ بېجېنګ تر اوسه د امریکا د ولسمشر دغو څرګندونو ته غبرګونه نه دی ښودلی.‌ ولسمشر بایډن د ده د #ټاکنیز کمپاین د تمویل په هدف جوړه شوې غونډه کې دا هم ویلي چې ګواکې ښاغلی شي د امریکا فضا کې د چین د یوه #جاسوسي بالون د راغورځول کېدو پر سر د راپورته شوي کړکېچ له کبله شرمنده دی.‌ د انتوني بلېنکن د روانې اوونۍ له سفر وړاندې تېرو نږدې پنځو کلونو کې کوم جګپوړي امریکايي #دیپلومات بېجېنګ ته نه و تللی.

پرون د پښتون حماسي سندرغاړي عبدالله مقري دویم تلین و. زوی یې میر خان مقري د خپل پلار د درناوي او یاد ژوندي ساتلو لپاره یوه سندره هم ویلې چې د مرحوم مقري وطنپالي احساسات یې په کې بیان کړي. د پښتو ژبې نامتو شاعر شفیع الله بابرزی پر هنر او موسیقۍ غږېدلی.

#هندوراس کې سې شنبه د #ښځو د یوه زندان په اخ‌ و ډب کې لږترلږه ۴۱ کسان وژل شوي دي.‌ مالومات دا دي په زندان کې د دوو سیالو #ډلو د غړو ترمنځ نښته شوې او بیا د یوې ډلې غړو د بلې ډلې د زندان خونې ته #اور اچولی دی.‌ په دې پېښه کې ګڼې بندیانې ټپي شوې هم دي، چې روغتون ته لېږدول شوې دي. چارواکي‌ وايي ډېره #مرګژوبله اور اړولې، خو ځینې قربانیان په مرمیو هم لګېدلي‌ دي.‌ د هندوراس د امنیت مرستیال #وزېرې 'جولیسا ویلانوا' تر دې پېښې وروسته #بېړنۍ حالت اعلان کړی.‌ هغې دا ژمنه هم کړې چې د تاوتریخوالي پای ته رسولو لپاره به ګامونه اخیستل کېږي.‌ د هندوراس #ولسمشرې ژیومارا کاسټرو چې تېر کال یې د جرمي ډلو ټپلو خلاف عملیات پیل کړل، ویلي د "ښځو وحشیانه وژنې لړزولې" او دا چې په ځواب کې به یې "کارنده ګامونه" واخلي.‌

د دې اوونۍ د هنر له ډګره خبرونه په هنري شېبو خپرونه کې کتلی شئ.

د پاکستان پلازمېنې اسلام اباد یوې محکمې د ټیک ټاکرې صندل خټک د ضمانت درخواست منلی دی. صندل خټک د یوې بلې ټېک ټاکرې حریم شاه پر انټرنېټ د شخصي ویډيويي کلیپونو خپرېدو قضیه کې تېره اونۍ د اسلام اباد یوې محکمې د پوښتنو، ګروېږنو لپاره اډیاله نومي زندان ته استولې وه. د پاکستان جنايي تحقیقاتو ادارې (ایف ای اې) له محکمې غوښتي و، چې صندل خټک دې د تحقیقاتو لپاره پنځه ورځې توقیف شي. خو محکمې د یادې ادارې توقیف ته د نوموړې استولو درخواست رد کړ او صندل خټک یې زندان ته استولې وه. د صندل خټک مدافع وکیل محکمې ته ویلي و، چې د موکلې موبایل ټلیفون یې وار له مخه د تحقیقاتي ادارې له افسر سره دی. نن سې شنبه د صندل خټک مدافع وکیل محکمې ته وویل، موکلې ته یې جلب نه و استول شوی، او مستقیماً قضیه ثبت شوې وه. نوموړې زیاته کړه، په پېښور او لاهور کې د حریم شاه لخوا د صندل خټک پر ضد عریضه تحقیقاتي ادارې ایف ای اې خارج کړې ده. د صندل خټک مدافع وکیل مصدق برکي دغه راز محکمې ته وویل، د صندل خټک له موبايل ټیلیفونه د پوښتنو، ګروېږنو په ترڅ کې هېڅ ثبوت نه دی موندل شوی او د حریم شاه خپاره شوي ویډیويي کلیپونه د نوموړې په خوښه، ثبت شوي دي.

د افغانستان او پاکستان په ګډون نړۍ په ګوټ ګوټ کې د تودوخې درجه مخ په لوړېدو ده، له همدې امله ډیری خلک په دې فکر کې دي چې څنګه کولای شي د شپې ښه خوب وکړي. په دې اړه ځینې لارښوونې شته دي. نو راځئ پاڼه واړوئ چې په سخته ګرمۍ کې د شپې ارام خوب لپاره ځینې ګټورې مشورې ولولئ بشپړ رپوت پر بي بي سي پښت پاڼه کتلی شئ.