Neo II Gaming II Technology 🇰🇼

ايام قبل كنا وايد نعتمد عالطلب من برا اونلاين سواء من امريكا او اوروبا او اليابان و كنا نطلب حتى الاشياء الاساسية سواء اجهزة او اكسسوارات لكن الوضع اختلف الحين ، قمنا نشوف تقريبا كل شي نحتاجه متوفر في السوق ما عدا بعض المنتجات الحصرية بالدول الثانيه او انه تكون منتجات خاصه بشركات اساسا ما دخلت عندنا بالسوق ، شنو المنتجات او الاسباب اللي ممكن تخليكم تطلبون من برا اونلاين في الوقت الحالي ؟

بما انه الحين عطلة الصيف ، الواحد ما وده طول العطله قاعد يلعب قيمز لازم يكون في تغيير شوي ، شنو تنصحون الواحد يسوي بالعطلة من باب التغيير و التنويع كتبو اقتراحاتكم علشان الكل يستفيد 👇🏼

انا اقول قعدوا ريحو بالبيت احسن و جابلوا قيمز و بليل طلعوا احسن 😂🔥🔥

من افضل الموزعات اللي استخدمتهم و اعتمدتهم Belkin Surge و موزع Eltoro و الموزعات تتحمل وايد اجهزة فتنفع للسيت اب او الصاله و فيهم مداخل شحن بعد ، و موزع الترورو فيه ميزة قوية تقدر تتحكم و تحدد وقت معين بعدها يفصل يطفي و هذا شي حلو حق اللي متعود يصك الكهرباء من باب الامان و الموزعات موجوده بالسوق عندنا بمحلات الالكترونيات و التلفونات المعروفه و اسعارهم مناسبة

بالوقت الحالي من وين تفضلون تشترون اجهزتكم و العابكم و الاكسسوارات ؟ تروحون الرحاب ولا شركات الالكترونيات الكبيره و المولات ولا تطلبون اونلاين و توصلكم للبيت ؟

اذا يوكم عيالكم او اخوانكم الصغار و قالولكم انه يبون يشترون كروت كوينز او نقاط للالعاب سواء فيفا او روبلوكس او فورتنايت … الخ ، تشترون لهم على طول ولا تنصحونهم يصرفون الفلوس على اشياء افيد ولا يفلسون من الاثنين ؟

شنو مشاريعكم للويكيند ؟ بالبيت بتجابلون القيم ولا طلعات ؟

مساكم الله بالخير 👋🏼