مدونة شخبوطة كويتية

واخر فيلم كويتي شفته #شيايبني_هني وايد عليه مدح .. انا بنص الفيلم قلت صج شيايبني هني .. اهو كحبكه دراميه شرايكم بس بحبكه 😂😂😎 وتسلسل احداث حبيت انه شرحوا شخصيه البطل من صغره لي الحدث المهم .. البطل اهو سالم مثل دوره #حمد_العماني مهندس وبنفس الوقت يشتغل بيع الممنوعات مثل المشروب و الاسلحه نسيت بعد جنه في شي ٣ .. وشريكه اهو صديقه همام اللي غير اسمه لي اسد وهو مغني بس مااستمر وحول ع تجارة الممنوعات ومثل دوره #يعقوب_عبدالله سالم متزوج من قيروان ودورها بس تنوح ومثلته #روان_مهدي الفيلم متروس نجوم بس طلعوا كضيوف شرف مثل جاسم النبهان و خالد من فرقة ميامي وعبدالله بهمن و حلا الترك وحصه اللوغاني اول مره اشوفها تمثل وحتى الاجانب مشاهير بعد حسب ماهو مذكور بالنت .. غير جذي المسلسل مااحسه انتاج هالسنه (التصوير) حلو مافي شي بس طلع بالفيلم في المرحوم الله يرحمه ويغفر له عبدالله بارون وهو متوفي من ٢٠١٨ حسب ماهو مذكور بقوقل .. ليش قلت شايبني هني بنص الفيلم لانه كلش مو جوي افلام ومسلسلات العصابات ابي شي خفيف كوميدي اجتماعي .. اكثر لقطه حبيته اللي ع البوستر لما قعدوا ع الابراج وايد وايد حبيتها 💗.. اللقطه اللي ماحبيتها لما وايد فصلوا بسالفه المشروب كلش هالتفاصيل مالها داعي :/ . . . #nona_cinema

من زمان عن السينما لدرجه مادري شنو نازل فيها .. وحدي ولهت عليها خصوصا ماعندي مسلسل اتابعه حاليا .. المهم رحت فيلم #ڤوي_ڤوي_ڤوي وبالفيلم دريت انه مستوحاه من قصه حقيقيه .. وانه ڤوي معناها بالاسباني انا قادم (حسب مانذكر بالفيلم) ويستخدمونها كان المكفوفين واهما يلعبون مباراة كره القدم نفس لغه تواصل بينهم .. بطل الفيلم حسن ومثل دوره #محمد_فراج من الطبقه الفقيره يشتغل سيكورتي (حارس ) وطموحه يهاجر يشتغل برا سال عن الهجره طلعت غاليه وبطريقه غير شرعيه وفيها مغامره كبيره مو مضمونه كلش عادي ينكسف باي لحظه بالصدفه يشوف فريق المكفوفين لكره القدم ويقرر يشارك معاهم بالبطوله 🫠 شلون ويصير ولا لا !! اما #نيللي_كريم فدورها صحفيه تتعرف ع حسن لانه كانت تسوي تغطيات للنادي .. #بيومي_فؤاد مدرس بدنيه ومدرب الفريق .. #طه-دسوقي و #أمجد_الحجار بدور ربع (اصدقاء) حسن .. النهايه صدمتني ع ضحكتني ماتوقعتها كلش والفيلم كاحداث مو ممل في لقطات تعور القلب .. . . . #nona_cinema

وايد احب اليوتيوب اهو صديقي الصدوق وانيسي بوقت الفراغ وبالوقت اللي مابي اشوف فيه مسلسلات احول عليه .. شفت وايد شغلات عليه عجبتني منها هالحلقة من بودكاست #مبدأ مقابله مع الاخصائي النفسي @fulklur الاستاذ احمد الملا .. عرفته من برنامجه بتلفزيون الكويت (القناه الاولى ماتتغير بيتنا فرض واجب علينا نشوفها ) وانا خلقه احب علم نفس درسته كمساند بس هم احس ولا شي اصلا الجامعه بكبرها كان تحصيل حاصل حشو ع الفاضي .. المه البودكاست كان عن التنشئه الاجتماعيه واثرها ع الفرد ومن خلالها تطرقوا لوايد اشياء مثل القلق وانواعه والاضطربات النفسيه و الادمان وازمه التعلق والوساوس والبيئه واثرها والصدمات واثرها و دور الاخصائي والطبيب النفسي والمدارس النفسيه والفرق بينهم وبين شي ماتوقعته انه حتى الشخصيات اللي مو سويه او تعاني من اضطراب نفسي نقدر نحول هالشي لايجابي لما نستفيد منه ونحطهم بالمكان المناسب و غيرها وايد يعني حديث علمي تثقيفي باسلوب شيق ويشد ماشاءالله.. هم ذكر جزء حلو انا احبه وكله اقولكم عنه انه شفت هالمسلسل لاني احب اعرف الابعاد النفسيه للشخصيات خصوصا غير السويه فهو ذكر افلام عربيه واجنبيه تشرح حالات معينه مثل فيلم لعادل امام وفيلم لاحمد زكي ماتحضرني اساميهم حاليا .. . . . #nona_يوتيوب

واخيرا نزلت الحلقة الاخيره من #الغريب انا مادري ليش @shahid.vod ماينزلون الحلقات كلها مره وحده نفس نتفلكس .. المهم المسلسل من اصدارات الشاهد ويعتبر من المسلسلات القصيره بس ١٢ حلقه .. شفته لانه بطوله : #بسام_كوسا بدور القاضي يوسف زوجته #فرح_بسيسو وعندهم ولد وبنت .. الولد اهو رامي ساس البلا بكلشي 🙃 عل قلبي توقعت بالنهايه يصير له شي مو زين ينسجن ينتحر يفكنا ماكو لازق 🙃 لحظه ادور اسم الممثل الصجي مو مكتوب لا بالنت ولا بشاهد .. المهم بنتهم / اخت رامي اهيا علا ومثلت دورها #ساندي_نحاس حسبالي وجه يديد طلع ممثله وايد من قبل بس مسلسلاتها كلها بعد الثوره الوقت اللي ماقمت اتابع مسلسلات سوريه فيه .. المسلسل متروس رسايل اهما : -محد ضامن وضعه وسبحانه لا يغير علينا الحال الا للاحسن يارب وانه حياتنا الطبيعيه الروتينه حلوه الله لا يذوقنا سوء المنقلب لا بمرض ولا اي ابتلاء ٢ .. المسلسل ابطاله كانوا نايمين عايله هاديه الابو قاضي وشريف والام ربه منزل والبنت ع ويه زواج وفجاءه يقعدون من النوم ع ولدهم مسوي جريمه قتل ! قتل صبي بالغلط ! والصبي اللي ذبحه واصل فاضطروا ينحاشون تهريب من سوريا ! وهناك بلاوي الولد تزيد لي الحلقه الاخيره ! -ثاني رساله لا تفزعون لاحد عاد هذي انا مجربتها بس الحمدلله ارحم بس اخر شي انتوا تطلعون غلطانين وعادي اللي تفزعون له ينقلب عليكم فوق انه ودركم يزيدها عليكم ! - الثقه العميه باي شخص اهيا اللي بتودركم الحذر الحذر ! الاهم النهايه مايازت اهيا مو مو حلوه لا مو واقعيه 🙄 اوك سعيده بس كنت ابيها تكون سعيده بطريقه ٢ .. تصدقون حبيت البيروتي وولده زاهي كثر ماغثني رامي 🤭 البيروتي مثل دوره #محمد_عقيل .. . . . #nona_مسلسلات #nona_tv

وايد قريت عليه مدح قلت احطه بلستتي واشوفه تالي وكالعاده نسيت .. توني اسولف مع رفيجتي عن المسلسلات ذكرتني فيه رحت اشوفه .. اهو مسلسل عن امراض النفسيه كل قصه ٣ حلقات مستوحاه من قصص واقعيه .. اول حلقه شفتها طلعت قصه ٢ فماكملتها 🙃 شفت حلقه منه ولما خلصت طلعت مبلشه بالحلقة ال٢ 🙃 فشفت الاولى وعقب ال٣ .. القصه جريمه اكثر من مرض نفسي ويقولون صج صارت .. القصه باختصار دكتور نفسيه تعالج بنيه و عقب ولد الدكتور يحب البنيه وبيتزوجها وبالليل العرس تختفي البنيه وتطلع الام خاطفتها ! وايد في تساولات ! الولد شلون عرف شسوت امه ! وشلون عادي كمل حياته ولا همه ! القصه اسمها #تحت_الحزام من مسلسل #حدث_بالفعل بطوله : #غاده_عبدالرازق الدكتوره النفسيه #سلمى_ابو_ضيف المريضه + خطيبة الولد #خالد_انور ولد الدكتور وخطيب المريضه .. وكلهم بصوب ورفيجه المريضه بصوب اهيا اللي كسرت خاطري .. . . . #nona_مسلسلات #nona_tv

مسلسل #بينا-ميعاد توني مخلصته من جم ساعه من زمان ماندمت بمسلس طويل (٣٠ حلقه) عرفته شهر ١ بس حزتها كان توه مبلش قلت تنزل كل حلقات واشوفه ونسيت ماذكرته الا هالشهر 🙃 المسلسل من بطوله عايليتين : عليله المهندس حسن واللي مثل دوره #صبري_فواز ارمل وعنده ٤ صبيان اهما : - علي صيدلاني ومثل دوره #يوسف_الكدواني ولد ماجد الكدواني .. -طاهر ومثل دوره #اسامة_الهادي عازف ومغني واعتقد طالب بالجامعه نسيت مامداني 😶 -مراد طالب بالجامعه مثل دوره #يوسف-ابراهيم -ديجا او مصطفى ياهل عمره ١٢ هذا مالحق ع امه ماتت واهيا تولده مثل دوره #محمد-العزازي اما العايله ال٢ فعي عايلة ناديه هم نسيت اسمها ورحت اغشه 🥲 مثلت دورها #شيرين_رضا مطلقه وعندها ٤ بنات وهم اهيا تشتغل مهندسه ، بناتها اهما : - اروى خريجه اعلام وتدور وظيفه ومثلت دورها #اية_سليم _ هند طالبه جامعه وتحب التمثيل ومريضه سكر مثلت دورها#داليا_شوقي -ليلى طالبه ثانويه عامه ومثلت دورها #تسنيم_هاني عله قلبي _ والصغيره نيلي كبر ديجا مثلت دورها #كنزي_رماح شخصيات ٢ : -رمزي # مدحت_صالح اخو ناديه يعني خال البنات وهم رفيج حسن وهم مهندس وارمل وعنده ولد واحد اهو ايهاب مثل دوره #خالد_انور دكتور علاج طبيعي .. -شذى #بسمة صديقه رمزي -يحيي طليق نادي وابو البنات #محمد_سليمان #ناديه-رشاد احد مريضات ايهاب عقب يطلع لها دور مهم بالمسلسل وعندها بنت اختها هبه #هاجر_الشرنوبي كاتبه .. وفي بعد شخصيات مثل #ميران_عبدالوارث رفيجة طاهر .. وايد الشخصيات ماشاءالله تعبت وفي بعد اخت حسن زينب مثلت دورها #عايده_فهمي وفي مرت ابو البنات # وفاء صادق .. مافي شخصيه بالمسلسل حاطينها عبث مافي موقف انذكر الا له هدف مافي شخصيه ماعرفنا شنو النهايه واغلبها اذا مو كلهم نهايه سعيده ماعلقونا كرهي من الله النهايات المفتوحه :/ ولا فجاءه جزء ٢ !! هذول اشوه ختموها عدل والمسلسل مو بس خفيف لطيف متروس مشاعر حب ❤️ اخوه ابوه امومه كله كله ❤️ حتى مقدمه المسلسل حلوه كنت ببلش فيها ونسيت زين ذكرت الحين 😂 إنت إبدء بس بلاش تلكيك هتلاقي الدنيا دي كلها ليك على قد ما هتحبها حبها وإفرح بيها إنت إبدء بس بلاش تلكيك دي الدنيا جميلة وجدعة وشيك وإن جتلك فرصة في يوم إوعى تفرط فيها . . . #nona_tv #nona_مسلسلات

بنزل هالبوست عن مسلسل خفيف بالصدفه عرفته اسمه : #في_كل_اسبوع_حكاية المسلسل عباره عن مجموعه قصص كل ٥ حلقات عن قصه معينه اللي شتفتها كان اسمها #تاكسي .. بطوله : #دياب توني اعرف اسمه طلعته من النت مع انه شفته بوايد مسلسلات بس ماثبت ع اسامي واستغربت اسمه بس دياب ماكو تكمله المهم يمثل دور رشدي سايق التاكسي وزوج مبتلش بمرته النسره اللي تشوف طيبته ضعف وتعايره فيها .. رغم انه طيب وقدع مع كل من .. #ايتن_عامر بدور لي لي كوافيره بصالون تجمع الاقدار برشدي عشان يوصلها لمكان معين .. حلقات المسلسل ٥ بس وايد قصيره الاحداث لو اكتبها بتكون سطرين بس 🙃 النهايه فجاءه خلص المسلسل قلت يمكن هذا استثناء بيسونه ٦ ماكو :/ بس توني وانا اقرا عنه بالنت مكتوب (ومع نهاية كل حكاية تجمع الصدفة شخصيات الحكاية المنتهية بالحكاية الجديدة.) مادري اذا قصدهم بالحلقات ال٢ بيطلعون بعد توني شفت هالجمله .. بجيك عقب ان شاءالله .. بس كتمثيل الاثنين بدعوا ماشاءالله .. . . . #nona_tv #nona_مسلسلات

امس شفته بالسينما كلش ماتوقعت الحق عليه .. وتوقعته اقوى الصراحه .. الحلو فيه ياب طاري مخترعة الباربي والفكره من اختراع باربي وشلون تطور الموضوع وصار في باربي سمره وباربي حامل والخ .. بس ماحطوا باربي محجبه وينج يافله رفعي عليهم قضيه 😂😂 في رسايل : مثل انه مو لانك ريال بتنفتح لك كل الابواب وكلشي سهالات الشهاده والخبره اهم .. انه نفسيتنا ومشاعرنا تاثر ع شغلنا و الامهات الله يعينهم تاثر ع عيالهم بعد مو بس مشاعرهم هم طموحهم وشغفهم اذا مالقوا بنفسهم يبونه بعيالهم . طبعا مو كل الامهات .. هم بينوا انه البنت تقدر توصل اهما مركزين ع هالشغله ماحسيت موضوع يديد يعني الاجانب بنسبه لهم كلشي صارت المرا .. اهم شغله لما قالت باربي يشوفوني جني سلعه وزعلت الوضع الحين بعض البنات مخلين نفسهم سلعه للقاصي والداني .. وهم حطوا تعنيف الباربيات والحمدلله حسيت اني طبيعيه لانه باربياتي حسرت فيهم كان عندي باربي الاصليه اللي ماتكسر بس شعرها مو عاجبني خليت راسها مخمه امس فيه الادرج من داخل الزوايا 🙃 ومره شريت باربي شعرها طويل وقصيته 🙃 ومايازلي شكلها عقب :/ ماشفت شي جايد يستاهل انه يمنع عندنا ! الاهم صدفه حجزت وماقدرت البس وردي 😂😂 ولقينا هناك حاطين شغلات حلوه للتصوير عن باربي صج مو لابسه وردي ولبسي اريح منه ماكو بس ماحطيت بخاطري وصورت 🙃 . . #brabie #nona_film

مادري ليش @shahid.vod ماينزلون المسلسل كله مره وحده :/ اول مانزل كنت فاضيه بس نطرت يخلص عشان اشوفه مره وحده ولما نزلوا الحلقه الاخيره كنت لاهيه 🙃.. المهم اليوم خلصته هو من احداث اصدرات الشاهد و سوه ضجه ويقال انه مقتبس من احداث حقيقيه .. طبعا انا خلصت منه جان اشوف بسناب واحد منزل قصته للصجيه طلع اسم سفاح الجيزه الصجي القذافي في جم شغله صح بس مقتبسين ومحورين فيه .. فر مخي انا عندي مشكله بحفظ الاسامي لا انا عديت هالمرحله انا اغير اسامي الاوادم غدير خليتها دلال ،اسماء خليتها حصه ، عواطف خليتها هدى ، فوزيه خليتها عواطف :/ وبالنص السالفه انسى اسمهم واتنح 🙃 المهم اللي بالمسلسل بحفظ اسمه قلت يوسف نادوه محيي قلت محيي نادوه حسن 😂😂 اهني ستوعبت انه فيه ان مو متلازمتي 🙃 اخر شي طلع اسمه جابر 🙄 وتوقعت المسلسل دموي اكثر اشوه طلع لا توقعت اشوفه واتعقد اللي كانت تقرا محله الحريمه بتفهم قصدي يابتلي زليون عقده نفسيه 🥲 حسبالي بس انا عقب اكتشفت وايد مثلي .. المسلسل بس ٨ حلقات ومن بطوله : #احمد_فهمي بدور السفاح او القاتل المتسلسل جابر - محي -حسن -يوسف #ركين_سعد بدور زينه اخت مرت جابر لا كان اسمه محي #باسم_سمره بدور الضابط اللي يحقق بالقضيه المسلسل خلص بس نهايته كانت عن القاتل مابينوا لنا شنو حكم اللي طلع لزينه ؟ وشنو مصير صاحب المصنع ؟ ومصير مدير المصنع ! . . #سفاح_الجيزة #nona_مسلسلات #nona_tv

مع ولا ضد ؟ انا عندي اريح الوضع خصوصا انا ما اخذ ادويه ماحبها واصلا اخذ طبيات لما اكون مواته مو دلع .. فبدال عنوه الطبيب ومع مرافق تكون اسهل .. والعام كنت اعاني من سالفه اسوي منظار عقب اروح اخذ طبيه طلع يصير اخذها بالمستشفى :/ بالصدفه دريت حسبالي طبيات المستشفى بس عقب الدخول (العمليات)

من العام وانا هابه بالمسلسلات السوريه القديمه عالم ثاني صج الدراما عقب الثورات خسرت المسلسلات السوريه :/ اخر مسلسل شفته #زمان_العار انتاج ٢٠٠٩ بطوله : #سلاف_معمار بدور بثينه بنت ثلاثينيه مو متزوجه ومايبون يزوجنها ومخلينها تخدمهم وتجابل امهم المريضه بالربو الحاد اللي اثر ع كلشي فيها من ١١ سنه واهيا شبه مقعده (هذا اللي خلاني اشوفه ) ذكرتني باميمتي الله يشافيها ام بثينه مثلت دورها #ثناء_دبسي ام حنانها شخصيتها طريقتها 💔💔 كلشي حبيتها اما ابو بثينه فهو. #خالد_تاجا الله يرحمه وعندها اخت وحده اهيا #كندا_حنا واخوان ٢ #إياد_أبو_الشامات بدور منذر اخوها الكبير ومتزوج من ناريمان #ديما_بياعة اما اخوها ال٢ علة العلل كان #مكسيم_خليل .. وعندها صديقه وحده اهيا صباح #قمر_خلف وزوجها #تيم_حسن وفي #بسام_كوسا بدور يوسف بياع كتب وبيكون له دور في حياه بثينه وامه #منى_واصف . . . #nona_مسلسلات #nona_tv

وايد شفت مسلسلات وافلام عربيه وخليجيه عن مشاهير السوشل ميديا .. اللي فجاءه ينشهرون من مقطع بسيط او المشاهير الكبلز وعن التمثيل بالسوشل ميديا وانه ناس تعرض شغلات مو حياتها اصلا وعن الاعلانات وطبيعتها وانه عالم غريب وافتراضي الواقعيه فيه قليله.. بس اول مره اشوف شي عن تاثير السوشل ميديا ع شباب (بنات وصبيان ) هذي اهيا قصه فيلم #عماكو فيلم كويتي نزل الاسبوع اللي فات .. من بطوله .. #عبدالله_الطراروه بدور عماكور مشهور في السوشل ميديا .. #سماح ❤️ احبها ورحت عشانها 😎 بدور دكتوره #خالد_امين بدور محقق #حسن_عبدال بدور رفيج عماكور ومدير اعماله .. القصه ككل خفيف ولطيفه (ونيسه) والاهم هادفه فيه رساله وفكره .. بدعوا بالتمثيل ماشاءالله .. . . . #nona_cinema