Hadeel Ghassan | هديل غسان

بحب أشوفها.. بحب أتأملها بتلعب مع بناتي، بحس بلحظتها اني رجعت أشوف حالي وأنا صغيرة بس كانت تمسك ايدي وتعلمني لعبة " هاي البيضة وهي الي سلقها وهي الي قشرها.. وهاد الي قال طعموني.." ونضحك نضحك ونعيد اللعبة عشان خاطر الضحكة تنعاد🧡 بحب أجمع كل هالذكريات بقلبي وأخبيها للأيام الي بحتاج فيها ابتسامة تواسيني .. حبيبتي ستو يخليلنا قلبك الحلو يارب .. يا أجمل ما حصل في ماضيّ وحاضري ✨🫶

كل مدينة من أرض الزيتون الها تطريز خاص فيها، وحبيت هالثوب لانه جمع بين كتير تفاصيل وحافظ على أصالتها بألوان مختلفة🌸🍉 حرفياً أخد قلبي.. حبيتوه؟🥺

غالباً نسيت قلبي في ريزا 🇹🇷🏔️ الطبيعة، الجبال، الأكواخ فوق الغيم، جمال القُرى وناسها وبساطتها ومزارع الشاي رح تخليني أرجع عليها قريب ع الأكيد!🌨️🌳 من سنتين صار في مطار بريزا وبتقدروا تروحوا عليها من خلال الخطوط الجوية التركية، أغلب الأماكن قريبة على بعض وفي ٤ أيام زرنا أجمل الأماكن الي فيها ومن ضمنها آيدر واستمتعنا في التجربة بحذافيرها🫶 والمنطقة حالها حال أغلب مناطق الشمال التُركي، ساحل البحر الأسود جهة المدينة، والطبيعة والقُرى كُلها في الجبال المحيطة.. وكل ما زاد الارتفاع، انخفضت حرارة الجو أكتر.. وفي اليوم الواحد حرفياً كُنا نعيش كُل الفصول🧡😭 وطبعاً ريزا تُعتبر المصدر الأول للشاي في تركيا لكثافة محاصيل الزراعة فيها، وصحيح اني بكتبها ريزا لكن بالتركية تُلفظ "ريزي" 🌚 وهلأ لو عندكم أي سؤال اكتبولي اياه في التعليقات ورح أجاوب عليه ✈️ @turkishairlinesarabia @go__rize

مشوار خفيف لطيف مع أيول على مكان جديد اكتشفناه سوياً🫶 ما ببالغ لو قلت إنه من أجمل الصالونات الي بدخلها، الثيم كُله قطع كلاسيكية قديمة وبنفس الوقت المكان دافي وحنون بشكل! صاحبة الصالون أبدعت بكل زاوية فيه واختارت كُل موظفينها بعناية لتقديم خدمة رائعة للجميع🧡 وبمُناسبة الافتتاح عندهم عروض على أسعار الخدمات.. بتقدرو تتواصلوا معهم عن طريق صفحتهم @pinkyblushqatar 💕💅🏻

مراحل اكتمال القمر لحد ما صارت خمس سنين💕🥹 حد يقلي كيف بكبروا بسرعة هيك؟😭

للمشروبات الساخنة فوائد لا تُعد ولا تُحصى، وكُل شيء ذكرته في الرّيل فوائده بتتعدى ما قلته بكثير🌱 ولو عندكم معلومات اضافية اكتبولنا اياها بالتعليقات👇🏻 فوائد الميريمية: مثلاً مو بس ممتازة للمغص، هي كمان بتهدي الأعصاب لهيك بتساعد على النوم وكمان بتقلل الصُداع. فوائد مغلي الليمون الأسود: بقلل من احتباس السوائل في الجسم ويُحسن من عمل القولون وبقلل من التوتر والعصبية. فوائد اليانسون: يحمي من الاصابة من الأمراض الجلدية، وبخفف من نفخة المعدة وتشنجاتها..وبحسن الهضم والمزاج! فوائد مغلي القرفة: يُخفض مستويات السكر في الدم ويقوي الذاكرة ويقلل الصداع والدوخة لانه بحرك الدورة الدموية! والأهم انه مُمتاز قبل الدورة الشهرية وحتى خلالها. فوائد الكركم: مضاد التهابات قوي وكمان جيد لتقلبات المزاج متل القلق! بس السر انكم تضيفوا معه دايماً فلفل أسود لتعزيز عملية امتصاصه في الجسم ما بتتخيلوا قديه العلاجات الطبيعية للأعراض الجسدية والنفسية مُمكن تكون فعّالة.. لهيك دايماً بقول قبل ما تجربوا الأدوية خلونا نلجأ للهبات الي مُنحت لنا من رحم الأرض🧡🍃

ما بتتخيلوا قديه تنزيلات سنتر بوينت قوية هالمرة، الأسعار راائعة بالموقع وكود خصمي رح يعطيكم خصم اضافي 10% على كُل شي كمان😍 ومُتاح في كُل دول الخليج👏🏼 كود الخصم: CHADEEL11 @centrepointme ✨

حصيلة ذكريات أكتوبر 💕🍂🌸 بتعرفوا؟ كان لدي في مطلع عُمري أكوامٌ من الأحلام، أُكدسها حلم فوق الآخر وأنا أعرف أنني سأفعل، كان لدي ذلك الطموح الكبير لتغيير شيئاً ما في العالم.. وأن أصل لأن أكون شيئاً.. ولستُ أدري عند أي نقطة تحول كُل أملٍ كبير، إلى لحظات صغيرة جداً أحاول اقتناصها كُل مرة.. ورُغم صغرها إلا أنني معها عرفت كيف نضجت تجربتي حينما تعلمت أن الإكتفاء أعز من الغنى، وأن الاستمتاع برفقة من أحب أبهى من البحث عن رِفقة جديدة، وأن كنوز العالم التي لم يحن موعد استكشافها بعد.. لا بأس إن فاتتني. كبرت تجربتي وتحول أمل استكمال الدراسة إلى فكرة طبق شهي أحضره باستمتاعٍ على مهل، وآل حلم تخليد اسمي في كتاب، أي كتاب.. إلى فكرة تخليد رائحة المخبوزات المنزلية لدى صغيراتي، ليتذكرن يوماً ما أن ماما كانت لحظة سعيدة في حياتنا كلمّا مرّت عليهن الرائحة ذاتها أينما حللن.. واستحالت فكرة تغيير العالم إلى أفكار لتغيير طاولة في المنزل، ولزراعة شتلة أنتظر كُل يوم كيف سيتغير لونها لأنبهر بها منذ خمس سنوات حتى اليوم.. كُل مرة.. كأنها أول مرة.. وكيف أشعر، بِلا مُبالغة.. أنني بالفعل حققت حلمي بتغيير العالم.. لكن ليس العالم الخارجي الذي لم أعد أؤمن بصلاحيته، إنما عالمي أنا. وهذا ليس استسلام من لم يملك السبيل لتحقيق ما أراد، انما اكتفاء من وجد السعادة الحقيقية في غير ما ظنه يوماً. وهكذا كبرتُ وكبرت معي تجربتي، وعثرتُ على نسخ جديدة مني، أحلاها تِلك التي استحلتُ معها إلى مركزٍ لكوكبٍ صغير من السعادة 💕🌸

أطيب طنجرة ورق عنب ممكن تعملوها على ضمانتي🥳 وقبل الوصفة عندي ٣ ملاحظات: ١- الكميات تقديرية حسب الرغبة، لكن بحب أكتر الخضار مع الرز بتعطي نكهة أطيب والليمون كيلو ما بكفيني😂 ٢ - ورق العنب الطازج دايماً أطيب من المعلب، وأكيد بيحتاج غلوة مع مي وملح قبل ما نبدأ نشتغل فيه👏🏼 ٣- ما بضيف لحمة مع الحشوة وبكتفي بنكهة الرّيش 🧡 مكونات حشوة الأرز: بندورة مفرومة- ضمة بقدونس مفروم - شوية نعنع مفروم- بصل مفروم - صلصة بندورة- ليمون- ملح - دبس رمان - ربع ملعقة قهوة - زيت زيتون - بابريكا- كركم - فلفل أسود - فلفل أحمر - بديل الماجي . مكونات خلطة ورق العنب وقت الطبخ: ليمون+ ملح+ دبس رمان+ معجون طماطم + بديل الماجي+ ماء مغلي جربوها واحكولي كيف بتطلع معكم😍

بس كنت بصف رابع، كان عنا بيوم مجلس أمهات، وإمي كالعادة كان صعب تيجي لانها مُعلمة وعندها حصص، بس كان يومها عندي اصرار مو عادي انها تيجي تشوف معلماتي وصاحباتي وكُل الي بحبهم، وضليت أزن عليها، من كتر اصراري قالتلي خلص ان شاء الله بحاول، يعني ممكن تيجي، يومها قعدت ع باب المدرسة من جوا أنتظر، وأنتظر، وأنتظر.. ما بعرف شكل تاني للأمل غير الي فهمته من هالانتظار.. شفت كُل الأمهات إلا إمي، خلص مجلس الأمهات وبدأت الحصص وإمي لسة ما اجت.. ما بتذكر كل التفاصيل بس بتذكر كسرة خاطري وخيبة أملي.. وبس كبرت من كتر ما هالموقف عالق ببالي وعدت حالي قبل ما أنجب انه مستحيل أوعد بناتي بكلمة "يمكن"، دايماً بقول يا اه يا لأ وما رح أحطهم بالنص.. ولا رح أخليهم يتأملوا في شي أنا بعرف انه يمكن صعب أعمله.. وببرلهم ليش لأ تماماً كإنهم كبار.. اليوم وعيت، وبعرف انو امي ما كانت غلط وكانت حابة تفرحني ولو بكلمة "ان شاء الله.." وانشغالها طول السنين عن مجلس الأُمهات كان مُبرر ومُستحيل ألومها عليه، لكن هالموقف علّمني اني ما أكرره حتى لو ما كان وقعه على بناتي متل وقعه علي، وحتى لو كانوا بناتي لسة بمرحلة صغار ومش واعيين.. مبارح كان في فعالية صغيرة بمدرستهم وأرسلولنا دعوة، جهزت ورحت وأنا بقمة سعادتي، وبالطريق خطرلي لوهلة، لوهلة بس.. اني يمكن مو رايحة عشان أسعدهم، يمكن رايحة أطبطب على الطفلة الي انتظرت وما بتنسى انتظارها، يمكن رايحة أطبطب ع كل طفل امه ما قدرت تيجي.. يمكن رايحة بس لحتى أكون موجودة وأضحك معهم، لانه بانتظاري ما حد طبطب علي.. ويمكن، بقول يمكن.. كانت سعادة بحتاجها لنفسي قبل ما تكون سعادة حبيت أشاركها معهم.. بعرف انه أهالينا كانوا دايماً يحاولوا يعطونا أفضل ما عندهم، بس عندي ايمان كبير انو في تفاصيل صغيرة لسة بنقدر نغير مسارها، نعدل فيها شوي .. بنقدر "نحاول" على أقل تقدير انه نصحح وقع هالأشياء على حالنا وأطفالنا.. وبعرف قديه المعلومات الي بنحصل عليها من تربويين مُهمة.. بس أحياناً "قلبي دليلي" قبل أي شي تاني.. آخر صورتين في البوست من آخر فعالية صارت🫶

شريك العُمر ورفيق الدرب🧡 حبيت أجمع بهالريل أكتر لحظات النا بحبها مع بعض، وبنفس الوقت أحكيلكم عن Airalo ✈️ من خلاله بتقدروا تحصلوا على باقات انترنت خلال السفر بدون ما تغيرو رقمكم، وبنفس الوقت السعر جداً ممتاز.. استخدمته بآخر سفرتين والحمدلله ما صار بيننا مشاكل😂😂😂😂 اعملوا سيف للريل لانكم رح تحتاجوه خلال سفرتكم القادمة😍 وجبتلكم كود فيكم تستخدموه بأي وقت: HADEEL6 @airaloarabia #esim #airaloarabia

فلوغ لأول مرة✨ بحب جولد أبل وكيف ببدعوا كُل مرة بفعاليات مختلفة كل أسبوع، وفي آخر أسبوع من هالشهر رح يكون في مُفاجآت أكثر وأكبر!😍 ولا تنسوا انو دايماً بتقدروا تتسوقوا اونلاين كمان.. بس لمّا يكون عندي وقت بحب أروح وأشوف الناس وأستكشف كُل شي عندهم💓 @goldapple_me 🍏 وهلأ صار في كود بيخصملكم 10% سواءً تسوقتوا اونلاين أو من المحل😍: HADEEL