Nomin Chinbat

400 сая гаруй тогтмол хэрэглэгчидтэй Trip.com группийн Гүйцэтгэх захирал Жейн Сан-тай уулзаж, хамтран ажиллахаар тохиролцлоо 🤝 54 дэх удаагийн Дэлхийн Эдийн Засгийн Чуулганы үеэр Trip.com группийн Гүйцэтгэх захирал Жейн Сан-тай уулзаж, Монгол Улстай аялал жуулчлалын салбарт хамтран ажиллах боломжийн талаар санал солилцлоо. ✅ Монгол Улсын Засгийн газраас 2023-2025 оныг Монголд зочлох жил болгон зарласантай холбогдуулан энэ жил “Go Mongolia” үндэсний брэндингийг албан ёсоор танилцуулсан. Үүнтэй холбогдуулан Trip.com платформын бизнес загвар болох контентоор дамжуулан аялал жуулчлалын бүтээгдэхүүн сурталчлан танилцуулах, борлуулах чиглэлд хамтран ажиллахаар санал солилцлоо.📱 Trip.com нь дэлхий даяар 200 гаруй улс орон, бүс нутагт 1.4 сая гаруй зочид буудал, 5000 гаруй хотыг холбосон 2 сая гаруй нислэгийн сүлжээ бүхий платформ юм. 💯 #GoMongolia

🐻 “Мазаалай” цас мөсний олон улсын наадмын хүрээнд “Олон улсын мөсөн урлаачдын тэмцээн” зохион байгуулагдаж, мөсөөр хэрхэн гайхалтай бүтээл урлаж болохыг толилуулж байна. 🌍 Тэмцээнд Монгол, Орос, Хятад, Тайланд, Америк, Франц зэрэг орнуудын 24 уран сийлбэрч “Мазаалайг аваръя” сэдвийн дор ур ухаан, авьяас билгээрээ 1-р сарын 14-17-ны хооронд үзэгчдийн дунд бүтээлээ урлаж, авьяас чадвараараа өрсөлдөж байна. #MazaalaiIceFestival #icefestivalmongolia #MongoliaAlwaysMoving #GOMongolia #soyoliin_yam #InternatiolCompetition #MazaalaiIceFestival2024

🔹Тиктокын контент бүтээгчдийн чуулга уулзалтыг Монгол Улсад зохион байгуулах асуудлаар тус компанийн удирдлагуудтай уулзлаа. 🌍 Дэлхий даяар 1.7 тэрбум хэрэглэгчтэй Тикток компанийн Олон нийттэй харилцах бодлого хариуцсан дэд захирал Хелена Лерштэй уулзлаа. Уулзалтаар: ✅Монгол контент бүтээгчид тиктокоос орлогожих ✅Тиктокын олон улсын контент бүтээгчдийг монголд урьж чуулга уулзалт зохион байгуулах ✅Монголд албан ёсоор Тиктокын салбарыг байгуулах асуудлаар санал солилцлоо.

@what3words is growing rapidly across Mongolia, through multiple government partnerships and everyday consumer use of the what3words app! Brilliant to be working with @uchral_nyamosor @nomin.chinbat @baterdene_batulzii and their ministries & teams!

🇲🇳🇨🇭Швейцар Холбооны Улсын Цюрих хотын Ритбергийн музейтэй хамтран ажиллана 🔷Монгол Улсын Соёлын яамнаас соёл, урлагийн салбарыг хөгжүүлэх, олон талт хамтын ажиллагааг гүнзгийрүүлэх тэр дундаа Монголын соёлын өвийг дэлхий дахинаа сурталчлан таниулах чиглэлд олон улстай хамтран ажиллаж байна. ✅Энэ хүрээнд Швейцар Улсын Ритбергийн музейн дэд захирал ноён Йоханнес Белцтэй дараах салбарт хамтран ажиллах асуудлаар санал солилцлоо. ✅Ритбергийн музейтэй хамтран музейн хөтөч, үзүүллэг дэглэлтийн мэргэжилтэн, уран бүтээлчдийг чадавхжуулах хамтарсан хөтөлбөр хэрэгжүүлэх, түүхэн олдворуудаас гадна урлаг, хувцас загварын салбарт хамтран үзэсгэлэн гаргах асуудал болоод цаашид урт хугацаанд хамтран ажиллах асуудлаар ярилцав.

“Монголын сайхан бичигтэн-2023” олон улсын уралдааны шилдгүүд тодорлоо. ✅“Монголын сайхан бичигтэн-2023” уралдааныг Үндэсний мэдээллийн МОНЦАМЭ агентлаг болон Соёлын яам, Боловсрол Шинжлэх Ухааны яам хамтран зохион байгуулсан бөгөөд уралдаан цар хүрээгээ тэлж, анх удаа олон улсын хэмжээнд зохион байгуулагдсан бөгөөд 1650 орчим хүн бүтээлээ ирүүлж шилдгүүдээ тодрууллаа. 🔷Үзэсгэлэн Монголын уран зургийн галерейд энэ сарын 16-ныг дуустал олон нийтэд толилуулах тул та бүхэн сайхан бичигтнүүдийн шилдэг бүтээлийг үзэж сонирхоорой.

📚Монгол Улсын Үндэсний номын сангийн шинэ барилгыг Улсын комисст хүлээлгэн өгөхөд бэлэн боллоо. Монгол Улсын Соёлын яам үүсгэн байгуулагдсан цагаасаа хойш соёлын салбарын бүтээн байгуулалтад онцгой анхааран ажиллаж байна. Энэ хүрээнд Монгол Улсын Үндэсний номын сангийн шинэ барилгын ажил дуусч Улсын комисст хүлээлгэн өгөхөд бэлэн боллоо. 📖 Үндэсний номын сангийн шинэ барилга нь 11 давхар бөгөөд нийт 16 уншлагийн танхим, 530 хүнд нэгэн зэрэг үйлчлэх боломжтой юм. Түүнчлэн тусгай хэрэгцээт иргэдэд зориулсан уншлагийн танхим, цахилгаан шат зэрэг тохижилтыг хийсэн орчин үеийн стандартад нийцсэн барилга юм.

🇲🇳Чингис хаан Үндэсний музейн “Эрдэм шинжилгээний номын сан” нээлтээ хийлээ. 📚Энэхүү номын сан нь түүх, археологи, угсаатан, монгол судлал чиглэлээр төрөлжсөн 6000 гаруй гадаад, дотоодын ховор нандин бүтээлээс бүрдсэн. ✅Hийт 15 мянган ном, сэтгүүлийг хадгалах хүчин чадал бүхий номын шүүгээ, олон улсын стандарт бүхий хайлтын системийг нэвтрүүлсэн орчин үеийн тоног төхөөрөмж бүхий номын сан юм. @chinggismuseum @otmongolia

🇲🇳 “Go Mongolia” Монгол Улсын нэгдсэн дүр төрх, онцлог, мөн чанар, Монгол Улсын өнө эртний соёлын өв, нүүдэлчин ахуйг илтгэсэн бөгөөд ирээдүйд тэмүүлсэн орчин цагийн Монголчуудын амьдралын хэв маяг, ардчиллын үнэт зүйлийг илэрхийлэх түлхүүр үг “Go Mongolia”. Mongolia. Always. Moving

MonGOlia Always. Moving 🇲🇳 Монгол Улсын Засгийн газраас Монголд зочлох жилийг зарлаж, “Welcome to Mongolia” илэрхийллийн хүрээнд шинэ бодлого, шинэ стандарт, шинэ стратегийг хэрэгжүүлж, энэ онд 600 гаруй мянган жуулчин хүлээн авч, 3.4 их наяд төгрөгийн орлого оллоо. 🏕️Аялал жуулчлалын салбарт үр ашгаа өгсөн “Welcome to Mongolia” брэндинг, стратеги шиг манай улсын бусад салбарыг хамруулсан үндэсний онцлог бүхий түлхүүр үгийг тодорхойлох судалгаа, стратегийг өнгөрсөн жил гаруйн хугацаанд олон улсын байгууллагуудтай хамтран гүйцэтгэж дууслаа. 2024 оноос бид Монгол Улсыг бүрэн илэрхийлэх “MonGOlia Always. Moving.” брэндийг дэлхий дахинаа зарлахаар бэлтгэл ажлыг хангаж дууссан бөгөөд улс эх орныхоо баялаг түүх, соёл, өсөн нэмэгдэж буй эдийн засаг, үнэт зүйлсээ хамтдаа илэрхийлж, өөдөө тэмүүлцгээе. 🔆🔆 #MonGOlia.Always.Moving #gomongolia #WelcomeToMongolia #HappyNewYear

Монгол Улсын соёлын салбарын ажилтан, албан хаагч, уран бүтээлчид, Үндэсний соёлоо дээдлэн, түгээн дэлгэрүүлэгч Монголчууд Та бүхэндээ шинэ жилийн баярын мэндийг хүргэе. Өнгөрч буй 2023 онд соёлын бодлого, хууль эрхзүйн орчин улам бэхжиж, Монголчууд бидний түүхийн улбаа тодорч, соёлын нөлөө дэлхий дахинаа өргөжин тэлсэн түүхэн мөчүүд олон тохиолоо. Монгол Улсын маань гайхалтай уран бүтээлчид, бидний баялаг соёлыг харуулсан үзэсгэлэн, кино, концерт Англи, Франц, Австрали, Итали, Япон, Солонгос зэрэг олон улс  орны алдартай тайз, дэлгэцнээ тавигдлаа. 🌍Олон улсад гарч буй соёлын агуулгууд нь археологи, палентологийн үндэслэлтэй, соёлын өвийн нотолгоонд суурилсан Хүннү гүрнээс эхлээд орчин үеийн Монголчууд бидний дэлхийн түүхэнд оруулж буй хувь нэмрийг тодотгон харуулж, соёлын онцлог, ялгаатай байдлаараа дамжуулан соёлын дархлаагаа улам бэхжүүлж, дэлгэрүүлэхэд чухал нөлөө үзүүлж буй. Монгол соёл бол монголчууд бидний үнэт зүйл, нэгдмэл байдалтай салшгүй холбоотой бөгөөд соёлын хувьд нэгэн цул, нэгдмэл ард түмэн бид өөрсдийн баялаг түүх, соёлын өв, шавхагдашгүй нөөцийг дэлхий дахинаа түгээх нь хожмын монголчуудын өлмий бат оршихын үндэс суурь билээ.🇲🇳 Монгол соёлоорол нэгдэн, бахархан омогшдог, түгээн дэлгэрүүлдэг Та бүхэндээ шинэ оны мэндийг дэвшүүлж, Монголын сайхан орондоо баяр жаргалтай байхыг хүсэн ерөөе. Шинэ оноо сайхан угтаарай.