Police Luxembourg

D'Preventiounsaarbecht vun der Police kann ënnert ville verschiddene Forme stattfannen. Aktuell, an nach bis de 17. Oktober, kann een sech zum Beispill op der Home & Living Expo vun eisen Experten aus dem Service national de préventioun de la criminalité beroden ze loossen. Fir déi éischte Kéier stinn si och mat hirem mobillen Informatiounsstand an der Hall 9C - Stand 53 vertrueden. Op der Plaz kritt Dir am Kader vun der Abrochpreventioun vun eisen Experten Demonstratioune vu mechaneschen an elektroneschen Ofsécherunge souwéi eng perséinlech Berodung iwwert Alarmsystemer. Och iwwer aner Beräicher vun der Preventioun kënnt Dir Iech op der Expo berode loossen. 💡 Iwwregens : wat nach alles zu den Aufgaben vun dësem Service gehéiert, kënnt dir iech och an eise Videotestimonials am Story-Highlight "Testimonials Cadre Policier" ukucken, wou den Tim iech en Abléck a seng deeglech Aarbecht gëtt. . . . . . #luxexpothebox #prevention #expo #ZesummeFirIech

Visitt vum Premierminister Xavier Bettel a vum Minister Henri Kox bei der Police Am Kader vun den Efforten déi d’Police wärend der Pandemie geleescht huet an och no de rezenten Iwwerschwemmungen am Land hunn de Staatsminister Xavier Bettel an de Minister fir bannenzeg Sécherheet Henri Kox de 7. Oktober eng Visitt bei der Police um Findel absolvéiert. De Premierminister huet sech bei där Geleeënheet am Numm vun der Regierung bei de Membere vun der Police fir hiren Asaz, esouwuel am Alldag wéi eben och bei aussergewéinleche Situatiounen, bedankt. Um Centre d’intervention national (CIN) kruten de Premierminister Bettel an de Minister Kox de Fonctionnement vun der nationaler Asazzentral (CIN) 113 erläutert, virun allem am Fall vun enger gréisserer Geforelag. Uschléissend hunn de Premierminister an de Minister déi nei Infrastrukture vun der Policeschoul um Findel besicht a konnte sech do mat de Stagiären iwwert déi nei Formatioun ënnerhalen.

Fir déi iwwer 800 Gefierer vun der Police ze ënnerhalen an nom noutwennegen Equipement ze kucken, huet d’Police eng eege Garage. ⁣ ⁣ 📌 Do schafft och den Esad – an zwar als Mechatroniker um Service d’appui logistique et technique vun der Police.⁣ ⁣ 🎞️ Firwat hien sech fir eng zivil Karriär an der Police entscheet huet, wéi säin Aarbechtsalldag ausgesäit, wat him u sengem Job besonnesch gefällt a wat fir Servicer et nach an eisem Service d’appui logistique et technique ginn, dat erzielt hien a sengem Videotestimonial.⁣ ⁣ Bass och du un enger ziviller Karriär an der Police interesséiert ? Da kuck dir reegelméisseg eis Annoncen op police.lu/jobs un.⁣ ℹ️ Weider Informatiounen zu verschiddenen ziville Beruffer an der Policefënns du an eisem Storyhighlight „Testimonials – Cadre Civil“.⁣ .⁣ .⁣ .⁣ .⁣ .⁣ #MirSichenDech #recrutement #job #testimonial #mechatronik #technik #ZesummeFirIech#policecars

An de leschte Wochen a Méint hu mir d’Policeschüler besicht, an iech e puer Andréck vun hirem Alldag an der Policeschoul an hirer Ausbildung an eisem Video festgehal. De Video iwwer déi nei Policeschoul fënns du an eiser Story an op dem Youtube Kanal vun der Police ➡️ PoliceLux. 📌 Bass och du un enger Karriär an der Police interesséiert? Da mell dech vum 20. Oktober 2021 bis nach den 03. November 2021 fir d‘„Épreuve spéciale“ vun der Police un. Wéi a wou s du dech kanns umellen, dat gëss du via Instagram, Facebook, Twitter an op eisem Site gewuer. ℹ️ Weider Informatiounen zum Rekrutement, der Formatioun an de verschiddene Méiglechkeeten an der Police fënns du op police.lu/jobs an an eise Storyhighlights. . . . . . #MirSichenDech #ZesummeFirIech #jobs #recruitment #recrutement #formation

Grad déi Jéngst ënnert eis sinn och déi vulnerabelst am Stroosseverkéier. Si sinn duerch hir Gréisst manner gutt fir aner Acteuren am Verkéier ze gesinn, si sinn nach net un de Stroosseverkéier gewinnt a si kënnen éischter ofgelenkt ginn. Am Kader vum Schoulwee kënnt nach dobäi, dass Schüler dacks zu donkelen Dageszäiten, also fréi mueres oder am spéiden Nomëtteg, ënnerwee sinn. 📌 Dofir krut all Schüler aus dem Cycle 2.1 fir dës Rentrée e Sécherheetsgilet geschenkt, fir dass se virun allem um Wee fir an d’Schoul a fir erëm heem fir jidderee gutt siichtbar sinn. ⚠️ Doriwwer eraus ass d’Police awer och wéi all Joer erëm verstäerkt ronderëm d’Schoule present fir ë.a. de Verkéier ze kontrolléieren. ℹ️ Weider Detailer fir e séchere Schoulwee, d’selwecht wéi allgemeng preventiv Rotschléi a Saache Verkéierssécherheet fënns du ënner police.lu/prevention. . . . . . #ZesummeFirIech #prevention #rentree21 #traffic #safety

Nieft Polizist(inn)e rekrutéiert d’Police och permanent zivil Mataarbechter(innen) an dat a ganz verschiddene Beräicher.⁣ ⁣ Esou z.B. als Calltaker(in) 113 um Centre d’intervention national, kuerz CIN. Do schafft och d’Carry. Als Calltakerin ass et seng Aarbecht, d’Noutriff, déi iwwer d’Noutruffnummer 113 erakommen entgéintzehuelen an ze traitéieren.⁣ ⁣ 📌 Wéi hat bei d’Police koum, wéi seng Aarbecht ausgesäit a firwat hatt seng Aarbecht gäre mécht, dat erkläert d’Carry a sengem Videotestimonial.⁣ ⁣ Bass och du un enger ziviller Karriär an der Police interesséiert ? Da kuck dir reegelméisseg eis Annoncen op police.lu/jobs un.⁣ ⁣ ℹ️ Weider Informatiounen zu de verschiddenen ziville Beruffer an der Policefënns du an eisem Storyhighlight „Testimonials – Cadre Civil“.⁣ .⁣ .⁣ .⁣ .⁣ .⁣ #MirSichenDech #recrutement #job #testimonial #calltaker #cin #113 #ZesummeFirIech

Am Kader vun eiser Serie #ThrowbackThursday huele mir iech haut mat op de Kierchbierg op d’“Dräi Eechelen”. Op der Foto vu fréier gesäit een déi fréier “Brigade volante” vun der Gendarmerie, déi ee mat der heiteger Verkéierspolice vergläiche kann. De Ford Sierra Cosworth I war deemools deen éischten héich motoriséierten Asazwon, deen de BMW 320 an den Audi 100 ofgeléist huet. Haut huet d’Police e Charroi vu méi wéi 800 Gefierer. Net nëmmen optesch ass et e groussen Ënnerscheed. Swiped eriwwer fir de Verglach mat haut. . . . . . #fréieranhaut #tbt #throwbackthursday #policecar #policebike #ZesummeFirIech

Bei gréisseren Evenementer ass d’Police oft mat engagéiert. Jee no Form vun Event kënnen d’Missioune variéieren. 📌 Bei Vëloscourse wéi dem rezenten Tour de Luxembourg läit de Fokus beim Encadrement vun der Course. Dat besonnesch do wou d’Coureure keng “Virfaart” hunn oder de Verkéier a Géigerichtung muss gestoppt ginn. D’Policepatrullen si fest am Cortège souwéi laanscht den Trajet vun der Course integréiert fir esou nom Verkéiersfloss an der Sécherheet vun alle Verkéiersbedeelegten ze kucken. Besonnesch wichteg ass et hei, datt Chauffeuren d’Stroossespärunge respektéieren an op d’Uweisunge vun de Policebeamten Uecht ginn. . . . . . #ontheroad #safety #secherennerwee #tourdeluxembourg #coursecycliste #ZesummeFirIech

No der Summerpaus ass gëschter fir vill Kanner d’Schoul nees ugaangen. Fir eng Partie vun hinnen ass et dat éischt Joer, dofir ass et wichteg, dass d’Elteren sech virdrun an och an den éischten Deeg Zäit huele fir de Schoulwee ze üben. Och d’Chauffeure sollten sech am Verkéier drop astellen, datt rëm méi Kanner ënnerwee sinn an ëmsou méi opmierksam fueren. Zum Schutz vun de Kanner an am Sënn vun der allgemenger Verkéierssécherheet wäert d‘Police wärend der Rentrée verstäerkt ronderëm d’Schoule present sinn an och Kontrolle maachen. Mir wënschen haut dann de Schüler aus dem Lycée eng flott a sécher Rentrée. . . . . . #safety #rentrée #rentree21 #school #patrol #control #traffic #ZesummeFirIech

D’Preventioun vu Strofdoten ass e wichtege Pilier vun der Policeaarbecht. Dofir gëtt et ënner anerem och en dediéierten nationale Preventiounsservice an der Police, deen zum Beispill gratis Abrochspreventiounsberodunge mécht.⁣ ⁣ 📌 Heihin ass och den Tim schaffe komm, nodeems hien eng ganz Partie Joren op engem Kommissariat Polizist war.⁣ ⁣ 🎥 Wat dem Tim seng Aufgabe sinn, wéi säin Aarbechtsalldag ausgesäit, a wat nach alles zur Preventiounsaarbecht derzougehéiert, dat erzielt hien a sengem Videotestimonial an eiser Story.⁣ ⁣ ⚠️ Loscht, Polizist(in) ze ginn? Nach bis muer (15.09.2021) kann een sech fir de Staatsexamen am „Groupe de traitement“ B1 iwwer GovJobs.lu umellen. E gepackte Staatsexame B1 oder C1 ass eng Viraussetzung, fir sech duerno fir d'Epreuves spéciales fir an d'Police umellen ze kënnen.⁣ ⁣ ℹ️ Infos iwwert eise Rekrutement fënns du op police.lu/jobs oder an eise Storyhighlights.⁣ .⁣ .⁣ .⁣ .⁣ .⁣ #MirSichenDech #recrutement #job #testimonial #prevention #snpc #ZesummeFirIech

D'Aschreiwunge fir de Staatsexame B1 sinn op.⁣ ⁣ Du bass un enger Karriär an der Police interesséiert a wëlls dech am Hierscht fir d‘„Épreuves spéciales“ umellen? Dann denk drun : Viraussetzung dofir ass e Staatsexamen.⁣ ⁣ 📌 Du hues nach kee Staatsexamen? Da profitéier a mell dech vun haut un bis nach de 15.09.2021 fir de Staatsexamen am „Groupe de traitement“ B1 iwwer GovJobs.lu un.⁣ ⁣ Nodeems du de Staatsexame gepackt hues, kanns du dech vum 20.10.2021 bis den 03.11.2021 fir d‘„Épreuves spéciales“ vun der Police umellen.⁣ ⁣ ℹ️ Du hues nach Froen zum Rekrutement, der Formatioun an de Méiglechkeeten an der Police? Weider Informatioune fënns du op police.lu/jobs an eisen FAQs oder an eise Storyhighlights.⁣ .⁣ .⁣ .⁣ .⁣ .⁣ #MirSichenDech #recrutement #job #ZesummeFirIech

Wien iwwert de Summer um Wee an d’Vakanz um Flughafe passéiert ass, ass do vläicht dem Frank begéint : Hie schafft beim Service de Garde vun der „Unité de la Police de l’Aéroport“. ⁣ ⁣ 🎞️ Wat seng Aufgabe sinn a wéi säin Aarbechtsalldag ausgesäit, dat erzielt hien a sengem Videotestimonial.⁣ D‘Villfältegkeet, d‘Ofwiesselung an d‘Zesummenaarbecht tëscht de verschiddene Servicer maachen de Beruff vum Polizist am Frank sengen Aen esou interessant.⁣ ⁣ 📌 An den eenzelen Unitéiten a Servicer vun der Police sinn d'Aufgabeberäicher ganz divers an ofwiesslungsräich. Doriwwer eraus bitt d'Police och d'Méiglechkeet sech wärend senger Carrière permanent weiderzebilden a sech neien Erausfuerderungen ze stellen.⁣ ⁣ ℹ️ Weider Informatiounen zu de verschiddene Méiglechkeeten an der Police an zum Rekrutement fënns du an eise Storyhighlights an op police.lu/jobs.⁣ .⁣ .⁣ .⁣ .⁣ .⁣ #MirSichenDech #recrutement #job #testimonial#airport #upa #ZesummeFirIech