Good morning BBC Pidgin pipo! We hail Samuel Onyedikachi for dis morning proverb. Drop your own for comment section.

Chef and restaurant owner Hilda Baci don finally reveal di kpali wey Guinness World Records give am for di longest cooking Marathon by an individual wey she do. She post dis one a day afta she bin receive di package. Dis unveiling dey come almost one week afta di Records join-bodi in announce say her cook-a-thon attempt bin dey successful. But due to technical errors, dem bin no award Hilda di full 100 hours wey she bin cook for, as dem give am only 93 hours for her win. 📸: Twitter/@hildabacicooks #hildabaci #hildabacicookathon #guinessworldrecord #nigeria #bbcpidgin

On Monday, Nigeria President Bola Tinubu announce new service chiefs afta e retire di pipo wey work for im predecessor, Muhammadu Buhari. Check out wia di immediate past and di tear rubber service chiefs come from.

Cristiano Ronaldo don win di Guinness World Records award for di first male player wey go win 200 international caps. According to GWR "e join di Guinness World Records Hall of Fame 2023 afta e break plenty of records both on and off di pitch" For 2022, after im 196th match for Portugal, Ronaldo bin equal di record for di most international football caps by an individual (male), a title wey im share with Kuwait Bader Al-Mutawa. One year later, in March 2023, di 38-year-old player make history by breaking im own record and surpassing Al-Mutawa, with a total of 198 wey give am di most international caps ever. 📷 Getty Images

‘I wear my scar wit pride becos na who I be’ Bassey Peace @beauty_in_scares bin wake up for her house and comot go her work place like every oda day but she no know say she no go return wit her complete face. Di undergraduate student of Kwara state polytechnic share how di accident don impact her life plus how she dey move on against every odd. Video Journalist @temfilms

Ghana football star Asamoah Gyan don officially announce im retirement from football. “Time don reach to hang di jersey and boots for glory as I retire officially from active football.’’ Gyan tok inside one statement on im Twitter page. Di striker score 51 goals in 109 appearances for di kontri, wey make am Ghana all-time top scorer. Di 37-year-old na Africa top World Cup scorer, with six goals in total. E bin play for im country for seven Africa Cup of Nations tournaments, where di Black Stars finish third place for 2008 and in runner-up positions for di 2010 and 2015. Gyan spend im final football career days playing for Legon Cities FC in Ghana. 📷 Getty Images

Controversial influencer Andrew Tate don dey charged wit rape, and human trafficking for Romania. E also dey face accuse of forming one criminal group wey dey sexually exploit women. Im brother Tristan plus two of dia associates also dey face charges. All of dem don deny di allegations. Police first arrest di Tate brothers for dia Bucharest house for December, 2022. Andrew Tate wey be former kickboxer, gain popularity among young men as e dey promote wetin e present as hyper-masculine plus di big boy lifestyle. #andrewtate #romania #bbcpidgin

Nigerian Vice President, Kashim Shettima don decorate Kayode Egbetokun as di new Inspector General of Police. Di event happun for Abuja, di nation capital. Egbetokun dey take over from Usman Alkali Baba wey President Bola Tinubu on Monday sack alongside di kontri Service Chiefs. 📷 Presidency

Oya, if you know you be firstborn, gather here make we gist. Plenti times, we don hear stories of how firstborn dey always try to keep di family going and even serve as role models to dia younger ones "by fire by thunder" 😁 You don ever feel like di kain responsibilities and expectations wey dey your head too much? Share your experience wit us. 📷 Getty Images

President Bola Tinubu don comot Nigeria to join oda world leaders for France to attend Paris Summit for new global financial pact. Inside one statement by im toktok pesin, Dele Alake on Monday, di president go join dem world leaders to review and sign a New Global Pact wey go place vulnerable kontris on a priority list for support and investment. Dis na Tinubu first official visit abroad since e bocome di president. E dey expected to return to Nigeria on Saturday, 24 June.

"Anytin wey dey reign, na im pipo dey always embrace". Wanzami style dey exist for northern Nigeria for many many years. Before na di major way pipo dey take barb dia hair and remove facial hairs. But as more pipo dey embrace modernity Idris Usman wey dey use Wanzami style don shift to clipper. Produced by: @mansurabu9 & @waleadekola_ #bbcnewspidgin #kano #wanzami

Nigeria President Bola Tinubu dey travel go France on Tuesday 20 June to attend di Global Financing Pact Summit wey France President, Emmanuel Macron dey host. Di summit go start on Thursday, 22 June and di Nigerian leader dey expected to join oda world leaders for Paris to review and sign one New Global Financial Pact wey put vulnerable kontris on priority list for support and investment, afta di suffer dem suffer sake of climate change, energy crisis and di Covid-19 pandemic. Di leaders go look for ways dem fit help kontris wey dey face short-term financial challenges, kontris wey dey owe debt, low-income kontris plus di ones wey dey suffer sake of climate change. One tok-tok pesin to di president, Dele Alake, wey give di informate for inside statement say members of di Presidential Advisory Council and senior goment officials go travel wit di president. President Tinubu dey expected to return to Abuja on Saturday afta di summit. #tinubu #paris #bbcpidgin