PLUS TV 🇹🇿

"Idadi ya watalii walioingia nchini iliongezeka kwa asilimia 48.6 kutoka watalii 620,867 mwaka 2020 hadi watalii 922,692 mwaka 2021, vilevile, mapato yatokanayo na watalii wa kimataifa yaliongezeka kutoka dola za Marekani milioni 714.59 mwaka 2020 hadi dola za Marekani bilioni 1.25 mwaka 2021 sawa na ongezeko la asilimia 76 - Waziri Mkuu, Kassim Majaliwa. #PlusXtraUpdates

Mkurugenzi Mkuu wa EWURA, amewaonya baadhi ya wafanyabiashara wa jumla na rejareja wa mafuta ambao watabainika kuficha bidhaa hiyo katika vituo vyao mara baada ya kutangazwa bei mpya za mafuta ya petroli zinazoanza kutumika leo Jumatano Aprili 6, 2022. Mkurugenzi huyo amesema Mamlaka ya Udhibiti wa Huduma za Nishati na Maji (EWURA), imeanzisha msako mkali na yeyote atakayebainika kuhodhi mafuta adhabu yake itakuwa ni kufutiwa leseni. #PlusXtraUpdates

“Serikali katika mwaka 2021/2022 imeendelea kuliimarisha Shirika la Ndege Tanzania (ATCL) ili liweze kutoa huduma bora ya usafiri wa anga ndani na nje ya nchi" "Hadi Februari, 2022, Serikali imefanya malipo ya awali ya ununuzi wa ndege tano mpya. Kati ya hizo, ndege moja ni aina ya Boeing 787-8 Dreamliner, ndege mbili aina ya Boeing 737-9; ndege moja aina ya De Havilland Dash 8-Q400; na ndege moja ya mizigo aina ya Boeing 767-300F. Kukamilika kwa ununuzi wa ndege hizo, kutaiwezesha Serikali kuw...

Waziri wa Nchi, Ofisi ya Rais Menejimenti ya Utumishi wa Umma na Utawala Bora, Jenista Mhagama amesema katika kukabiliana na uhaba wa watumishi serikalini, Rais Samia Suluhu Hassan tayari ameidhinisha ajira mpya 32,000 ambazo zitatangazwa hivi karibuni. #PlusXtraUpdates

Waziri wa nishati, January Makamba amesema kwasasa kwenye maghala ya mafuta kuna hifadhi ya lita Milioni 119 za petroli ambazo zinaweza kutosheleza mahitaji ya siku 27 huku Dizeli kukiwa na hifadhibya lita Milioni 116 na Mafuta ya taa zipo hifadhi za lita Milioni 6.8. #PlusXtraUpdates

Spika wa Bunge la Jamhuri ya Muungano wa Tanzania, Dkt Tulia Ackson (Mb), ameondoka nchini kuelekea Uganda kushiriki mazishi ya aliyekuwa Spika wa Bunge la nchi hiyo, Jacob Oulanyah aliyefariki dunia Machi 20, 2022. #PlusXtraUpdates

Serikali kupitia Wizara ya Afya, imejipanga kuongeza kasi ya uchanjaji wa UVIKO-19 katika jamii kupitia msaada wa Dola za Marekani milioni 25 zilizotangazwa kwenye kikao kilichofanyika Machi 3, 2022 kati ya Rais Samia na Balozi Samantha Jane Power Msimamizi Mkuu wa USAID. Hayo yamesemwa leo na Waziri Ummy wakati alipotembelewa na Balozi wa Marekani nchini Dkt. Donald Wright katika Ofisi za Wizara jijini Dodoma. Waziri amemshukuru Balozi huyo kuipatia Tanzania Dola Milioni 25 kupitia Mpango wa S...

Simba Sports Club ya Tanzania imepangwa kuumana na klabu ya Orlando Pirates ya Afrika Kusini kwenye hatua ya robo fainali ya michuano ya Kombe la Shirikisho barani Afrika, Simba itaanzia nyumbani kwenye mchezo wa kwanza huku mchezo wa marudiano ikiwalazimu kusafiri hadi Afrika ya Kusini. #PlusXtraUpdates

Wabunge wa Bunge la Jamhuri ya Muungano wa Tanzania wameikataa ripoti ya uchunguzi wa uchafuzi wa maji na vifo katika mto Mara iliyowasilishwa leo Aprili 5, 2022 chini ya Prof.Mayele na wajumbe wengine 10 wakisema ripoti hiyo ni ya aibu na inaifedhehesha nchi. #PlusXtraUpdates

"Maeneo haya yote matatu (Utamaduni, Sanaa na Michezo) yana mchango mkubwa kwa pato la taifa, utulivu wa nchi na mshikamano uliopo miongoni mwetu, kwahiyo uwepo wenu hapa ni muhimu" "Kazi kubwa mnayoifanya @WizaraSanaa inaleta furaha ndani ya mioyo yetu. Sifa ya nchi yetu ambayo ipo ndani na nje imetokana na umoja, utulivu, amani na mshikamano tulionao" - Waziri Mkuu, Kassim Majaliwa. #PlusXtraUpdates

"Tukikubaliana jambo tutekeleze wote kama Watanzania, atakayekiuka ni mkosaji kwani atakuwa ameenda kinyume na makubaliano - Rais Samia Suluhu Hassan #PlusXtraUpdates

"Tunaamini kupitia mfumo wa vyama vingi tunapata maendeleo ya haraka na yataendelea kuongezeka kwani kazi ya vyama vingi ni kuangalia yanayoendelea, yanayoendeshwa na Serikali na kutoa maoni yao pamoja na kushauri" "Natoa ahadi kwamba, Serikali itaendelea kushirikiana na vyama vya siasa kwani Tanzania haijengwi na mtu mmoja, wala Chama kimoja, wote kama Watanzania lazima tujadili mambo yetu kwa umoja" - Rais Samia Suluhu Hassan. #PlusXtraUpdates