Ali Alsalemi l علي السالمي

الاشخاص الي عيونهم زرقاء، عيونهم ما بيها اي لون ازرق. و انما سبب اللون الازرق هو بسبب انتشار الاطوال الموجية القصيرة من الضوء (الازرق) داخل عدسة العين فتبين زرقاء، بينما بالحقيقية هي شفافة. و هذا نفس السبب الي يخلي لون السماء زرقاء شو لون عيونكم؟

لو كنتو رايحين للقمر او المريخ شنو اعز شي تاخذونه وياكم

في دراسة حديثة، مجموعة باحثين گدرو يقدرون بشكل جيد عدد النمل الموجود على الكرة الارضية. و قدروه بـ 20 كوادرليون نملة ( 20 بعدها 15 صفر) وزنهم كلهم مجتمعين يوصل الى 12 مليون طن و لو جمعناهم كلهم بكرة وحدة راح يصير قطرها اكبر من ارتفاع برج خليفة. الارض بيها اكثر من 20 الف نوع من النمل و وجودهم ضروي للنظام الاحيائي.

متحف القمر، اول مشروع فني فضائي موجود على القمر. عبارة عن قطعة سيراميك(13x19 mm) مرسوم عليها 6 رسومات من 6 فنانين امريكيين من ضمنهم فورست مايرز الي اقترح الفكرة و الي من خلال علاقاته باحد مهندسين ناسا گدر يخلي هاي التحفة على ثاني مهمات ابولو الى القمر و لا زالت الى الان موجودة داخل قطع المركبة الي بقت على القمر.

صورة جبارة جديدة من تليسكوب جيمس ويب بمناسبة مرور سنة على اطلاقه الصورة لسحابة رو أوفيتشي اقرب مكان لتشكل النجوم لكوكب الارض.

هذا هو الكومبيوتر الي كان يستخدموه في مهمات ابولو لقيادة المركبة الفضائية الي تحمل رواد الفضاء. هذا الكومبيوتر كانو يبرمجوه من خلال حياكة الكود البرمجي على شكل وايرات حول قلب مغناطيسي حتى يسون الدوائر الكهربائية الي تمثل الكود البرمجي. يعني برمجة يدوية الرام مالته 4 كيلوبايت و الهارد 32 كيلوبايت يعني ابسط مو ابسط موبايل موجود حاليا. و لكن مكّن البشر من المشي لاول مرة على جرم سماوي. بالصورة الاخيرة مارغيرت هاملتون قائدة فريق تصميم برنامج التحكم بمهمات ابولو الي اشتغل على هذا الكومبيوتر

ابداً

لو كل البشر اجتمعو في مكان واحد و قفزو بنفس الوقت هل تتوقعون يدمرون كوكب الارض؟ لا، راح يولدون قوة تحرك الارض بمقدار جزء من مئة جزء من نصف قطر ذرة هيدروجين فقط، يعني تاثير شبه معدوم. و لكن البشر ما يحتاج يقفزون حتى يدمرون الارض كافي انهم عايشين عليها !!

سويت قناة تليغرام تنشر بيها اخبار عن العلوم و عني و نفتح بيها نقاشات علمية. اشتركو بالقناة https://t.me/iraqinerd

سرعة الضوء 299,792,458 متر بالثانية و احادثيات اهرام الجيزا هي N °29.9792458 هل الامر مصادفة ؟ اي مصادفة حلوة. لان اصلا ارقام الاحداثيات هي اعتباطية و المراتب الكثيرة بعد الفارزة ما تنطي اي دقة.

عدد الاشجار على الكرة الارضية اكثر من عدد النجوم في مجرة درب التبانة. فهنالك اكثر من 3 ترليون شجرة على كوكب الارض بينما عدد النجوم في مجرتُنا هو من 100 الى 400 مليار نجم فقط. Image by DALL.E 2

صور لقنبلة ذرية بعد جزء من مليار جزء من الثانية من انفجارها. شلون صايرة على شكل غيمة حرارتها تتعدى حرارة سطح الشمس. هاي الصور التقطها هارولد ايدنغتون عام 1947 الي كان او رواد التصوير السريع.