radioiozodi

Додгоҳи олии Литва дархости ҳабси муҳоҷир ва фаъоли сиёсӣ Сулаймон Давлатовро рад кард. Ин дархост аз тарафи Хадамоти муҳоҷирати Литва пешниҳод шуда, дар он Давлатов "хатаре ба амнияти миллии Литва" унвон шудааст. Додгоҳи олии Литва дархости ҳабси муҳоҷир ва фаъоли сиёсӣ Сулаймон Давлатовро рад кард. Ин дархост аз тарафи Хадамоти муҳоҷирати Литва пешниҳод шуда, дар он Давлатов "хатаре ба амнияти миллии Литва" унвон шудааст. Худи ӯ рӯзи 10 июл ба Радиои Озодӣ гуфт, Додгоҳи олии Литва пас аз шунидани изҳороти ӯ пешниҳодро рад намуд. Сулаймон Давлатов дар гузашта узви “Гурӯҳи 24” ва Анҷумани нерӯҳои созандаи Тоҷикистон буд. Моҳи апрели имсол бо гумони "хатар ба амнияти миллӣ"-и Литва боздошт шуд ва то аввали моҳи июн дарҳабс буд. Рӯзи 4-уми июн додгоҳе дар шаҳри Вилнюс, Сулаймон Давлатовро бо “далели доштани ҳаққи паноҳандагӣ ва фарзандони хурдсол” аз боздоштгоҳ раҳо кард. Аммо Хадамоти муҳоҷирати Литва дархости боздошти ӯро дубора пешниҳод кард. Сулаймон Давлатови 37-сола ба гуфтаи худаш соли 2015 аз тарси таъқиби мақомот аз Тоҷикистон фирор карда, дар Вилнюс кору зиндагӣ мекунад ва бо тиҷорат машғул аст. Дар гузашта узви “Гурӯҳи 24” ва Анҷумани нерӯҳои созандаи Тоҷикистон буд. Соли 2015 ҳангоми гузаштан аз шаҳри Санкт-Петербурги Русия ба Финландия аз сӯйи пулиси байнулмилалӣ дастгир ва сипас раҳо шудааст.

Чем занимаются дети президента Таджикистана Эмомали Рахмона Видео @currenttimeasia

Мехост домоди хонаводаи президенти Қирғизистон бошад, вале боздошт шуд

Жители Хатлонской области Таджикистана жалуются на нехватку воды

Киштии ҳомили 20 муҳоҷир, ки дар миёни онҳо шаҳрвандони Қазоқистон низ ҳастанд, дар баҳри Кариб, дар наздикии соҳилҳои Колумбия ғарқ шудааст. "Садои Амрико" бо истинод ба хабаргузории "AFP" иттилоъ дода, ки дар натиҷаи ғарқ шудани киштӣ 1 кас ҷон бохта, 4 тани дигар бедарак шудааст. 15 муҳоҷирро наҷот додаанд. Ба иттилои расона, шаш тани наҷотёфтаҳо ноболиғанд. Дар миёнашон ду қазоқистонӣ ва се шаҳрванди Венесуэла низ ҳаст. Дар бораи шаҳрванди кадом кишвар будани як ноболиғи дигар чизе гуфта нашудааст. Низомиёни Колумбия гуфтаанд, ки наҷотёфтаҳои калонсол шаҳрвандони Қазоқистон, Эквадора, Эрон, Никарагуа ва Венесуэла мебошанд. Ба гуфтаи низомиён, ҷустуҷӯи муҳоҷирони бедаракшуда идома дорад.

Дастаи мунтахаби Англия, ки дар даври ниманиҳоии мусобиқоти қаҳрамонии футболи Аврупо дар Олмон тими миллии Нидерландро бо ҳисоби 2:1 шикаст дод, ба финал баромад. Голҳои мунтахаби Англияро Ҳарри Кейн дар дақиқаи 18-ум аз пеналти ё ҷаримаи 11-метрӣ ва Олли Уоткинс (90+1) заданд. Голи ҳолландиҳоро Ҳави Симонс дар дақиқаи 7-ум ба самар расонид. Мунтахаби Англия бори дувум пайиҳам дар финали қаҳрамонии Аврупо иштирок мекунад. Дар мусобиқоти пешин инглисҳо дар бозии ниҳоӣ аз мунтахаби Италия аз рӯи силсилаи пеналти мағлуб шуда, барандаи медалҳои нуқра гардида буданд. Дар финали қаҳрамонии Аврупо-2024 мунтахаби Англия бо тими миллии Испания, ки дар даври ниманиҳоӣ рӯзи сешанбе мунтахаби Фаронсаро бо ҳисоби 2:1 шикаст дод, рақобат мекунад. Бозии ниҳоии мусобиқоти қаҳрамонии Аврупо-2024 рӯзи якшанбеи 14-уми июл дар варзишгоҳи Олимпии шаҳри Берлин баргузор мешавад. Мунтахаби Испания дар қаҳрамонии Аврупо се маротиба (1964, 2008, 2012) медалҳои тилло ва як бор (1984) медалҳои нуқра ба даст овардааст. Мунтахаби Англия бошад, як маротиба медалҳои нуқра (2020) ва ду бор (1968, 1996) медалҳои биринҷӣ гирифтааст. Дастаҳои мунтахаби Фаронса ва Нидерланд соҳиби медалҳои биринҷии мусобиқоти қаҳрамонии Аврупо-2024 гардиданд. Дастаҳои мунтахаби Италия, Дания, Словакия, Гурҷистон, Белгия, Словения, Руминия, Австрия, Олмон, Португалия, Швейтсария, Туркия, Фаронса ва Нидерланд, ки дар плей-офф ноком шуданд, аз ҳаққи идомаи мубориза маҳрум гаштанд.

“Дар Тоҷикистон изи ангушт супорида, баъд Русия оед” Даъвати нав ба муҳоҷироне, ки ба Русия мераванд. Байден гуфт, ба Украина низомҳои дифои ҳавоии иловагӣ медиҳанд. Пурсиш: Кадом кишварҳоро шарики наздики Тоҷикистон меҳисобед? Озодӣ дар Твиттер: https://twitter.com/RadioiOzodi Озодӣ дар Фейсбук: https://www.facebook.com/radio.ozodi Озодӣ дар Инстаграм: https://www.instagram.com/radioiozodi/

Салимҷон Насриддинов, соҳибкори тоҷики сокини Бруклини Ню-Йорк ва Николай Голтсев, сокини Канада ба он айбдор мешаванд, ки таҷҳизоти таҳримшударо ба Русия фурухтаанд ва Русия ин таҷҳизотро дар ҷангаш зидди Украина истифода кардааст. Насриддинов ва Голтсев дар додгоҳи федеролии Бруклин эътироф кардаанд, ки аз номи ширкатҳои русии таҳримшуда дар харидани қисмҳои таҷҳизоти радиотехникӣ миёнаравӣ кардаанд. Русия ин маҳсулотро дар силлоҳҳои низомӣ истифода кардааст ва намунаҳояш дар анборҳои силоҳи мусодирашудаи русҳо дар ҷанги Украина ошкор гаштааст. Айбдоршавандаи сеюм Кристина Пузирева гуфтааст, гуноҳи худро танҳо дар қисмати “машварат бо ҳадафи шустушӯи даромад аз нақшаи экспорти маҳсулот” эътироф мекунад. Ба навиштаи дафтари матбуоти Вазорати адлияи ИМА, ба Насриддинов ва Голтсев то 20 соли зиндон таҳдид мекунад. Дар мурофиаи додгоҳие, ки 9-уми июл барпо шуд, Бреон Пис, додситони ИМА дар ҳавзаи шарқии Ню-Йорк гуфт, “айбдоршавандаҳо қонуни ИМА-ро поймол карданд, то ки ба Русия дар ҷангаш зидди Украина ёрӣ расонанд, вале пеши роҳи онҳо гирифта шуд ва онҳо ба ҷавобгарӣ кашида шуданд.” Муовини додситон Лиза Монако дар мурофиа гуфтааст, “айбдоршавандаҳо маводи электронии амрикоиро бо арзиши миллионҳо доллар содирот кардаанд ва ин маҳсулот барои мушак ва ҳавопаймоҳои бесарнишине ба кор рафтааст, ки Русия дар ҷанги зидди Украина истифода мекунад.” Иван Арвело, як намояндаи тафтишот гуфт, “бо эътирофи имрӯзаашон ҳарсе айбдоршаванда даст доштани худро дар нақшаи расонидани кӯмаки моддӣ ба Кремл дар ҳаҷми беш аз 7 миллион доллар дар ҳамлаҳои бераҳмонааш ба Украина тасдиқ карданд.” Дар парванда гуфта шудааст, ки айбдоршавандаҳо бо истифода аз ду ширкати сабтшуда дар Бруклини Амрико бо номи “SH Brothers” ва “Inc. SN Electronics Inc.” молу маводи таҳримшудаи электрониро аз Амрико ба кишварҳои сеюм, мисли Туркия, Ҳонгконг, Ҳинд, Чин, Имороти Муттаҳидаи Арабӣ харида ба Русия фиристодаанд. Баъзе аз ин маҳсулоти фиристодашуда дар миёни силоҳҳои русӣ дар ҷанги Украина ошкор шудаанд. Маълум нест мушаххасан дар мурофиаи додгоҳӣ Насриддинов ва ҷавобгарони дигар чӣ гуфтаанд.

🔶За первые шесть месяцев этого года в Пакистане были убиты семь журналистов – это максимальное число, пишет газета The Guardian. 🔶Сотрудник организации, которая расследует убийства журналистов, Адиль Джавад заявил, что по крайней мере четыре из семи убийств, вероятно, были связаны с работой репортеров. Большинство смертей произошло в небольших городах и поселках. 🔶По словам Джавада, эти нападения происходили на фоне «широко распространенной безнаказанности» преступников. 🔶Организация Freedom Network, выступающая за свободу прессы, заявила, что в период с 2012 по 2022 год из-за своей профессиональной деятельности были убиты 53 журналиста, и что за тот же период времени только в двух случаях виновные понесли наказание. 🔶В «Индексе свободы прессы», который составляет организация «Репортеры без границ», Пакистан в этом году опустился на два пункта: страна заняла 152 место из 180. В исследовании говорится, что Пакистан является «одной из самых опасных стран в мире для журналистов: там ежегодно совершается три-четыре убийства, которые часто связаны со случаями коррупции или незаконной торговли и остаются совершенно безнаказанными».

Дар ҷумҳурии Қабардину Балқори Русия даҳ нафарро бо гумони иштирок дар, ба истилоҳ “полиси шариат” дастгир карданд. Дар ин бора ВКД-и ин ҷумҳурии воқеъ дар Қафқози Шимолии Русия хабар медиҳад. Тафтишоти пешакӣ мегӯяд, ки ба ин гурӯҳ мардони 26 то 54-сола дохил мешаванд ва онҳо давоми панҷ сол бо “латукӯби” нафароне машғул шудаанд, ки ба гуфтаашон, “шеваи зиндагиву кор ба эътиқоди диниашон мувофиқат намекунад.” Дар маҷмӯъ аз кори ин, ба истилоҳ, “полиси шариат” 14 нафар шикоят карда гуфтаанд, ки аъзои ин гурӯҳ онҳоро бо калтаку чӯб латукӯб карда, фишорҳои равонӣ ҳам расонидааст. Як узви ин гурӯҳ – сокини 40-солаи шаҳри Тирниауз дар ташкили созмони экстремистӣ гумонбар мешавад ва ба ӯ то 10 соли зиндон таҳдид мекунад. Дигарон барои ширкат дар созмони ифротӣ бо хатари то шаш соли зиндон рӯбарӯ ҳастанд. Соли 2022 айни чунин гурӯҳи 10-нафарае, ки худро “полиси шариат” меномид, ҳукмҳои шартӣ гирифтанд.

Дар Қирғизистон бо қарори додгоҳ як нафари наздик ба хонаводаи президентро ба ҳабс гирифтанд. Афтандил Собирбеков - номзади Лаззат Нуркоҷоева, додарзодаи Содир Ҷапаров, президенти Қирғизистон, бо иттиҳоми таҳияву фурӯши ҳаҷми калони маводи мухаддир ба ҳабс гирифта шуд. Ба иттилои Радиои Азаттик, бо қарори додгоҳи ноҳияи Первомайскии шаҳри Бишкек аз 6-уми июл Собирбеков то 3 август дар боздошт хоҳад монд. Дар додгоҳ ба Бахши қирғизии Радиои Озодӣ гуфтанд, ки боздоштшуда инчунин дар “таҳияи маводи мухаддир бо ҳадафи фурӯш дар ҳаҷми махсусан калон” гумонбар мешавад. Мувофиқи Кодекси ҷиноии Қирғизистон, ба ӯ аз 12 то 15 соли зиндон таҳдид мекунад. Дар бораи ҳабси номзади ҷияни президент рӯзи 10-уми июл маълум шуд, ҳарчанд ҳабси ӯ 5 июл сурат гирифт. Собирбеков танҳо нест ва ӯро дар миёни на камтар аз даҳ нафари дигар бо айни чунин иттиҳом боздошт кардаанд. Сухангӯи президенти Қирғизистон Аскат Алагозов дар шарҳи ин хабар гуфт, ки ҳадафи асосии ин мард “пайдо кардани афроди сарпаноҳ дар ҳукумат ба хотири таъмини амнияти корҳои ҷиноиаш будааст.” Маълум нест худи Собирбеков дар ин бора чӣ назар дорад. Дар бораи домоди Нуркоҷоева моҳи июн маълум шуд, вақте ӯ навори видеоиеро аз маросими ботантана ва серхарҷу бошукӯҳи пешниҳоди издивоҷашро дар шабакаҳои иҷтимоӣ нашр кард. Аксарият аз хароҷоти ҳангуфти ин маросим ва истифода шудани чархболи вазорати корҳои изтирории #Қирғизистон интиқод карданд. #Президент баъдан аз мардум узр хост ва гуфт, ки хешовандони президент бояд намунаи ибрат бошанд. #ozodisocial #радиоиозодӣ

🔶Додгоҳи Маскав се муҳоҷири узбекро то 6-уми сентябри имсол ба ҳабс гирифт. Онҳо ба таҷовузи як корманди телевизони “МатчТВ” гумонбар ҳастанд. Абдурашидов, Ортиқбоев ва Ҷурақулов ба таҷовуз ба номус, ки аз ҷониби гуруҳи шахсон бо маслиҳати пешакӣ содир шудааст, муттаҳам шудаанд. 🔶Дар ҳоле, ки назари онҳо ба қазия маълум нест, муфаттишон гуфтаанд, се муҳоҷири узбек шаби 6-уми июл дар ҳолати мастӣ ба духтари ношиносе ҳамла кардаанд. Баъдан ба гуфтаи мақомоти тафтишотии Русия, ду муҳоҷир духтарро таҷовуз карда, сеюмӣ бошад гирду атрофро мушоҳида мекард ва бо ин роҳ бехатарии шариконашро таъмин менамуд. Онҳо ба зудӣ дастгир шуданд. 🔶Мақомоти Русия гуфтанд, яке аз гумонбарон талош кард ба кишвараш фирор кунад ва ӯро дар роҳ ба фурудгоҳ дастгир карданд. Кумитаи тафтишот мегӯяд, ҳарсе муҳоҷир дар ҳудуди Русия ғайриқонунӣ мезистанд ва бо ин иттиҳом низ нисбаташон айб эълон шудааст. Аз рӯи иттиҳоми таҷовуз ба се муҳоҷир то даҳ соли зиндон таҳдид мекунад.