يوم الجمعة أغلب الناس بيفضلوا الخروج فيه بيحبوا يتغدوا بره اما انا بقي علي النقيض تماماً بحب أقضي اليوم ده فالبيت و افتكر الزكريات الجميلة مع جدتي و بابا وماما الله يرحمهم ويحسن إليهم جميعاً عمري ماهنسي ريحة الملوخية و أنا داخلة عالبيت و ريحتها طالعة مش عارفة ليه كنت بفرح وأحس بدفئ ومش فاهمة ليه ربطاها بيوم الجمعة بحس بالسعادة وأنا بعملها مين فيكم عنده نفس الشعور مين عنده زكريات مع ريحة أكلة معينة يلا طلعوا اللي جواكم واكتبوا قصصكم الجميلة مع الذكريات #viralvideos #viral #explorer #explorerpage #reelsinstagram #reels

تتبيلة البطاطس تتبيلة بسيطة ومكوناتها موجودة في معظم البيوت ممكن تعملوها وتحفظوها في برطمان فالتلاجة وتستخدموها علي البطاطس والسلطات والبتنجان بجد بتخلي الطعم رائع ومميز جربوها مش هتبطلوا تعملوها المكونات: معلقة كبيرة توم معلقة كبيرة خل ٣ معالق زيت زيتون عصير ليمونة معلقة كبيرة كسبرة معلقة كبيرة بابريكا رشة شطة فلفل اسود ملح البطاطس : فنجال صغير زيت ٦ حبات بطاطس الطريقة في الڤيديو لو عجبتكم الوصفة إكتبوا رأيكم تحت الڤيديو #ramadan #viral #foryoupage #explorepage #recipes #reelsinstagram #wedges

النهاردة كان عندي مشوار اخرني اعمل الغدا في ميعاد رجوع الاحفاد من المدرسة فقولت اعمل حلة مكرونة بأسرع طريقة وعملتها في حلة واحدة وبدون ماسلقها طلعت بجد حلوة بشكل واكتر من الطريقة التقليدية تعالوا احكيكم عملتها ازاي المكونات: كيس مكرونة ٤ حبات طماطم بصلة متوسطة معلقة توم مفروم ريحان اخضر او ناشف معلقة صغيرة سكر فلفل حامي ( اختياري ) معلقتين كبار صلصة ١ مكعب مرقة معلقة فلفل ثلث كوب زيت معلقتين خل ماء مغلي الطريقة : نضرب البصل والطماطم والفلفل والريحان في الكبة وفي حلة نحط الزيت وعليه التوم ننزل عليها بالخضار اللي ضربناه فالكبة ننزل عليهم برشة الخل والصلصة و الماء المغلي والسكر نغطيها ونسيبها تغلي ١٠ دقايق علي نار هادية ننزل عليها بالمكرونة ونغطيها نقفل عليها بعد ٥ دقايق وتتقدم مطبق السلطة ممكن لو عندكم فراخ او لحمة بايتة تضيفوها عليها والف هنا🤍 #reels #instgramreels #explorepage #explore #videos #cooking #egyptianfood #orientalfood #pasta

فراخ بطعم جديد وطريقة سهلة و منجزة وكل السر في الصوص الخطير صوص في الخلاط : ربع كوب زيت كوب زبادي كبيرة عصير ليمونتين حبتين طماطم بصلة صغيرة ٣ فصوص توم نص كوب كسبرة خضراء معلقة كبيرة صلصة طماطم معلقة فلفل اسود معلقة ملح معلقة بابريكا معلقة كاري رشة حبهان مطحون رشة جوزة الطيب ٣/٤ كوب ماء الطريقة: نضع كل المكونات فالخلاط يضرب جيداً حتي يصبح كريمي ننزل بالصوص علي الفراخ بحيث إنه يوصل لكل حتة فيها ونسيبها فالتلاجة ساعتين ترص في صينية فرن مدهونة بالزيت أو الزبدة تدخل الفرن لمدة ساعة و ربع الي ساعة ونصف علي درجة حرارة ٢٠٠ أو : نضع الفراخ في كيس حراري ونقفله كويس جدا و بدون ما نعمل فيه اي فتحات وفي صينية غويطة فيها كوب ماء نضع الكيس و يدخل الفرن جربوها بجد رهيبة والطعم جديد سواء فراخ صدور مخلية أأن فراخ كاملة والف هنا

كبرت و فهمت انها دائما بتطبخ بالحب و البركه و عشان كده الاكل دائما طعمه حلو بس ساعات ببقى عايزه اكتب الوصفه 😅❤️ شوربة العدس تعتبر وجبه كامله متكامله غيرت شوية حاجات من الوصفه عشان اخليها اقل فى النشويات و اصح زى مثلا تبديل مكعبات المرقه بمرقه معموله فى البيت و البطاطس قللت الكميه و حطيت ١ بطاطا. الطريقه: ‎غسلت العدس كذا مرة ونزلته في ماء بارد و علي النار غلوة واحدة ‎صفيته ‎شوحت البصل والتوم مع زيت زيتون و ضفت الجزر والبطاطا والطماطم وبعد كده العدس المسلوق ‎و زودت مرقة شوربه و مياه العدس المغلى و رشة صغيرة فلفل ومعلقة صغيرة كمون و ورقتين لاورا و ٥ فصوص حبهان ‎عملت الطشة بزيت زيتون ومعلقة توم ومعلقة كسبرة ‎و زودتهم علي العدس وغطيته وسبته عشر دقايق ‎وضربته بالمضرب ‎المقادير: ‎كوب عدس اصفر ‎بصلتين حجم متوسط ‎فصين توم ‎٦ حبات طماطم ‎٥ حبات جزر حجم متوسط ‎١ حبة بطاطا ‎٢ كوب مرقة لحمه ‎معلقة صغيرة فلفل ‎معلقة صغيرة كمون ‎لتر ونص ماء مغلي من مياة العدس ‎الطشة: ‎معلقة زيت زيتون ‎معلقة توم ‎معلقة كسبرة Method: I washed the lentils several times until the water is clear and put them in cold water and cooked them until it was boiled. I filtered it I sautéed onions and garlic with olive oil and added carrots, sweet potatoes and tomatoes, and then the boiled lentils. Then I added homemade beef broth, some of the boiling lentil water, a small pinch of pepper, a small spoon of cumin, two bay leaves, and 5 cardamom cloves. In a separate pan I added olive oil, a spoon of minced garlic , and a spoon of coriander I added them to the lentils, covered them, and let it all cook for ten minutes And used a hand blender to purée the soup. Ingredients: A cup of yellow lentils Two medium size onions Two garlic cloves 6 tomatoes 5 medium sized carrots ‎1 sweet potato ‎2 cups of beef broth A small spoon of pepper A small spoon of cumin One and a half liters of boiled lentil water Extra flavoring: A spoonful of olive oil 1 spoon of minced garlic 1 spoon of coriander

الحمدلله على أصغر النّعم و أكبرها،الحمدلله على أبسط النّعم و أعمقها، الحمدلله على كل نعمه اعتدنا وجودها و نسينا شكرها شوربة العدس والمكرونة بشاميل من أكتر الأكلات اللي بتدفي فالشتاء و تشبع والوصفتين موجودين علي الأكونت بالتفاصيل ايه اكتر اكلات بتحبوا تعملوها فى الشتاء ؟

سبحان الله كل البهارات لها فؤائد عظيمة في استخدامتها و من اهمها الحبهان اللي بستخدمه في سلق وتتبل الطيور و اللحوم حتي الاسماك و من فوايد استعماله انه بيشيل أي زفارة وكمان بستخدمه في الشاي الكرك و القهوة وكمان بعض المعجنات و الكيك و من فوائد الحبهان : ١- ينظف الجسم من السموم ٢- معالج لنزلات البرد و حالات القولون العصبي ٣- بيحسن صحة الجهاز التنفسي والجهاز الهضمي ٤ - بيساعد علي حرق الدهون نظراً لوجود ڤيتامين B ٥-بيساعد علي التقليل من إرتفاع ضغط الدم ٦- بيحافظ علي صحة الكبد ٧- بيقاوم مرض السرطان يارب اكون أفدتكم🤲♥️

(الأرض) (The Land) 🇵🇸 خريطة فلسطين الغالية دعم لاخونا وأخواتنا في غزة. الخريطة مش مجرد قطعة جميلة و لكنها بتخدم غرض له ❤️معنى كبير فى قلوبنا كلنا @tashhome_eg خصصت جميع الأرباح لدعم سكان غزة 🤍 الذين فقدوا الإحساس بالأمان فقدوا بيوتهم و ذكرياتهم واولادهم فقدوا الإستقرار والأمان والأمال علي أرضهم الغالية كل إنسان منا لازم ان يكون له دور ايجابي في حياتهم حتي ولو كان بدعاء أو كلمة طيبة أو بمنتج يعبر لهم عن اللي جوانا و عن إحساسنا بوجعهم وظروفهم الصعبة 🤍❤️💚 ( The Land ) Palestine decorative map as a token of support for our brothers and sisters in Gaza. This item is not only a beautiful piece but also serves a meaningful purpose. All profits from this item will go towards supporting the people in Gaza who have lost their homes.

أن الأوان وجه الوقت اللي خلانا كلنا نكتشف إن المنتجات المصرية اللي بتتصدر للخارج إحنا كمان لازم ننتبه إليها و و نركز فيها صدقوني بلدنا جميلة والإيد المصرية أصيلة خصوصاً لو المنتج اه تاريخ و متوارث من الاجداد للأحفاد بيتعمل بحب وإتقان دور علي الحلو اللي جوه بلدك مصر جميلة وفيها حاجة حلوة شجع بلدك شجع المصري مين فيكم كان بيشجع المصرى من قبل المقاطعة، و مين قرر يقاطع و يشترى المنتجات المصرية؟ المنتجات الخشبية متاحة عند @inyourkitchen.eg

صدقوا أحلام اولادكم و ساعدوهم علي تحقيقها و إوعوا توقفوهم أمنوا بيهم و بأفكارهم البنائة أحمد وعيد اولادي الغاليين قرروا في يوم وليلة إنهم يعملوا منتج مصري @_oudies وكان تحدي منهم انهم ينفذوه في ٢١ يوم 🤲 ومش إحنا بس أهلهم اللي صدقناهم وشجعناهم لااااا وكمان كل الشباب اللي بيحبوهم شجعوهم و أكدلهم في كل لحظة إنهم هيكسبوا التحدي 🤲 والحمدلله كانوا أد التحدي ومن هنا إنطلق أجمل وأشيك براند للهوديز صناعة مصرية بجودة عالية مشرفة ومالتوفيق إلا من عند الله ثم العائلة ثم حب الناس وتقديرهم وإحترامهم فالنهاية عايزة أشكر ربنا ثم كل الناس اللي وقفت جنب ولادي وشجعتهم و زوجي الجندي المجهول اللي أول من شجعهم وكان خير أب ولو هما نجحوا فالفضل يرجع للأب العظيم بعد ربنا 🤲🤲🤲🤲🤲🤍 الحمدلله دائماً وأبداً🤲

‎من وقت للتاني بحب اعمل وصفات صحية بس يكون لها طعم مميز وتشبع و من غير دهون ولا سعرات حرارية عالية وكمان ڤيتامينات طبيعية و ألياف وبروتين وحديد ومعادن حديد و ماغيسيوم وبوتاسيوم كله ده واكتر في أكلة النهاردة👍🏻 ‎عملت طبق سلطة خطير طعم وشكل و ريحة وألوان تفتح النفس سلطة العدس بالخضار : كوب عدس بني مسلوق نص كابوتشا حبتين طماطم مكعبات حبتين فلفل اخضر مكعبات حبة فلفل احمر حلو حبتين خيار مكعبات كوب كسبرة وبقدونس عودين بصل اخضر او احمر الصوص : نص م ص ملح نص م ص فلفل نص م ص كمون ربع م ص نعناع م ص توم مفروم معلقة ونص كبيرة دبس التمر او دبس الرمان معلقتين كبار خل ٣ معالق كبيرة زيت زيتون ٣ معالق كبيرة عصير ليمون الطريقة في الڤيديو الف هنا

شوربة العدس اللي هي شعار كل بيت مصري في الشتاء المرادي عملتها بطريقة جديدة غسلت العدس كذا مرة ونزلته في ماء بارد و علي النار غلوة واحدة صفيته شوحت البصل والتوم مع معلقة سمنة و نزلت عليهم بالجزر والبطاطس والطماطم ونزلت عليهم بالعدس المسلوق نزلت عليهم بماء مغلي و مكعبين مرقة ومعلقة صغيرة فلفل ومعلقة صغيرة كمون و ورقتين لاورا و ٥ فصوص حبهان عملت الطشة معلقة سمنة ومعلقة توم ومعلقة كسبرة نزلت بيهم علي العدس وغطيته وسبته عشر دقايق وضربته بالمضرب حمصت عيش توست مكعبات في معلقة سمن و رشة توم بودرة ورشة ريحان وممكن تحمروه في الفرن المقادير: كوب عدس اصفر بصلتين حجم متوسط فصين توم ٦ حبات طماطم ٥ حبات جزر حجم متوسط ٣ حبات بطاطس ٢ مكعب مرقة معلقة صغيرة فلفل معلقة صغيرة كمون لتر ونص ماء مغلي الطشة: معلقة سمنة معلقة توم معلقة كسبرة العيش المحمص : مكعبات توست او عيش فينو معلقة سمن او زيت رشة توم بودرة رشة ريحان الف هنا