البانكر | D Banker

اني الحاجه الوحيده الي ما نفهمش فيها الحوت ومن حظي اماليا ما يبعتوش في حد يشريه الا اني نخش نبدا نسمع في ناس يسمو في حجات غريبه قداش الشلبوط و الفروج و اقسملي اتنين و هات شوية كالامار تي شن هوا الكالامار النم اني نخش ندير روحي ع اساس نزبط نتفرج وواحد و نقيم اول حوته نلقاها ع اساس نقلب و بعدين نقوله اعطيني منها و اني مش عارف حتا شن هيا و المشكله تشد ديما تشد، ديما الحوت الي نجيب فيه يطلع منظم و هادي المشكله و هادا علاش العيله قاعدين يبعتو فيا اني يحسابوني نزبط

منغير اي سبب يجيني شعور اني نبي نهرب لمدينة تانيه و نغير اسمي و شكلي و نعيش حياه جديده 😂

- غريبة ملقيتكش ايميلك باش نضيفك = لانه اني لقيتك قبل و درتلك بلوك

وقف عليا شبيب صغير فالعمر قالي نتابع فيك وواحد بعدين قالي فالحقيقه تبان اصغر بهلبا من النت لدرجه انه نحسابه خوك الصغير خوده البانكر اسبوع القدام يشبح للمرايه و يضحك

مش عارف من كادب عالناس و مقايلهم اني هكر ناس يخشولي فالخاص عندي ايميل صاحبتي نبي نخترقه و عندي ايميل مش عارف مني انا مسكين انا على باب الله 😂

ما تستخفش بقوه الميديا و الاعلام اهو انت في 2011 صدقت انه فيه ملائكه تحارب مع الثوار و فيه بصل في مزده لما قشروه طلع علم استقلال الميديا قلبت دول و صلحت دول

في بدايتي فيه بنت ع اساس مشهورة علقتلي "شن تحس" على واحد من الفيديوات كان فيديو قصه عادي يعني مفيشي شي بعد سنة ونص اني عندي قريب 500 الف متابع و هيا ما طقتش ال 15 الف 😂😂😂 شن نحس ؟ ما نحسش فيك بكل 😂

اعتقد الحاجه الوحيدة المقومة فيا اني ما ننشرش في كل شي عالسويشال ميديا فيه تأثير سلبي يديرو فيه اغلب صناع المحتوى على متابعينهم يبدا ينشر لما يشري حاجه غاليه او يمشي لمكان غالي الحاجه هادي لا اراديا الي يتابع فيك لما يشوفها ح تولد عنده شعور سلبي غريب لانه فيه ناس ما عندهمش اني ديما قبل ما انزل ستوري او شي نقول هل كل الناس يقدرو يحصلو الحجات اللي فيه ؟ او يقدرو يشرو الحجات الي فيه ؟ لو ايه انزل لو لا مستحيل ينزل

اني مش موضوعي نظام التعليم في ليبيا نبي نفهم حاجه وحده فقرة هل تعلم الي كانو يخلو فينا نديرو فيها فالصبح شن الفايده منها يركب واحد جنب العلم و يقول هل تعلم / هل تعلم انه الموز لونه اصفر الله يبارك فيك نواره انزل انزل …

اهلا خالد بن الوليد القائد الوحيد في تاريخ الحروب كلهم الي فتح جبهتين من جيهتين و انتصر هي تشاو

شربت ميه اليوم ولا تراجي باش يوقفو كلاويك و تبدا تغسل فيهم ؟ بعيد عنك يا عزيزي المتابع عفانا الله و اياك نوض اشرب ميه

تجمع و رابطة كارهي الصيف و محبين الكيوي و الناس الذين يقولون منيش طالع اليوم لكن يطلعلهم موضوع و يضطرو انهم يطلعو عدد الافراد 1