Soka360tz®

Klabu ya Dodoma Jiji imemtangaza Nizar Khalfan kuwa kocha msaidizi wa klabu hiyo ambapo atakuwa chini ya Kocha Mecky mexime. Nizar aliwahi kuzitumikia klabu kadhaa baada ya kustaafu soka ambapo amehudumu katika nafasi tofauti tofauti kama vile Meneja wa timu na kocha msaidizi. Kiungo huyu wa zamani wa Young africans na Vancouver Whitecaps ya Canada na timu ya taifa ya Tanzania alishiriki kozi kadhaa za Ukocha na nyinginezo katika soka na mara baada ya Kuhitimu amezitumikia timu mbalimbali. Hizi ni Miongoni mwa klabu alizopita Nizar ni Mbeya Kwanza,DTB (Fountain gates),Young Africans ,Ihefu (Singida Black stars).

Sadio Kanoute na Kipre Junior ni nyota waliotoka #LigiKuu na kusainiwa na timu za Algeria. Mc Algiers [Kipre JR kutoka Azam] JS kabylie [Kanoute(Huru) kutoka simba]

Baada ya mkeka wa kwanza wa Viwanja kwa ajili ya michezo ya hatua ya raundi ya 1 & 2 ya klabu bingwa na kombe la shirikisho barani Afrika kutoka hii leo Viwanja viwili vya Nakivubo [Kampala,Uganda] na New Amaan[Zanzibar,Tanzania] vimepigiwa chapuo na wapenzi wengi wa soka huku wakihoji imekuwaje viwanja hivyo kukosekana kwenye orodha. Picha ya kwanza ni uwanja wa Nakivubo ambao umefanyiwa ukarabati mkubwa na serikali ya Uganda tayari kwa ajili ya michuano ya AFCON 2027 na picha ya pili ni uwanja wa New Amaan ambao pia ni mpya kabisa umefunguliwa hivi karibuni baada ya ukarabati mkubwa uliofanywa na serikali ya Mapinduzi ya Zanzibar[SMZ]. Lakini Viwanja hivi vyote vina nyasi bandia ambazo ni nadra sana kutumika katika ngazi kubwa ya michuano ya Afrika kama vile AFCON ambayo inapendelea zaidi nyasi asilia. Muda bado huenda viwanja hivi vikafanyiwa mabadiliko na kuwekwa nyasi asilia[Wakiona inafaa].

Mlinzi Henock Inonga Baka 🇨🇩 ametambulishwa rasmi kama mchezajì mpya wa AS Far 🇲🇦 ambayo amejiunga nayo akitokea Simba Sc ya Tanzania. Biashara ilifanyika baina ya Simba na As Far.

Klabu ya Mbeya City inayoshiriki daraja la kwanza ( #Championship ) itafanya zoezi la kutambulisha wachezaji wake wapya mapema mwezi Agosti 2024, Aidha agosti 17,2024 watazindua rasmi jezi mpya za klabu pamoja na kadi za mashabiki wa klabu hiyo yenye maskani yake Jijini Mbeya.

Herbert Charles Lukindo amejiunga na klabu ya Ken Gold ya Mkoani Mbeya akitokea Biashara United ya Mara. Lukindo ambaye aliwahi kuitumikia Ndandq,Mbao,Mbeya City na Pamba tayari amewasili kambini Tukuyu kujiandaa na msimu mpya.

#LigiKuu | kikosi cha Tanzania Prisons kimekita kambi ya maandalizi ya msimu mpya 2024/25 jijini Dar es salaam. Mara kadhaa wamekuwa wakifanya mazoezi Gym pamoja na kujiweka fiti katika fukwe za bahari ya Hindi (Coco beach) chini ya kocha wao mpya Mbwana Makata.

Inaripotiwa kuwa klabu ya Simba ipo mbioni kumalizana na François Régis Uwayezu raia wa Rwanda ili kuwa mtendaji mkuu mpya wa klabu kuchukua nafasi ya Imani Kajula ambaye inaelezwa kuwa wataachana nae. François aliwahi kuwa katibu mkuu wa shirikisho la soka nchini Rwanda[FERWAFA] Taarifa kutoka vyanzo mbalimbali nchini Rwanda vinaeleza kuwa endapo kila kitu kitaenda sawa basi bosi huyo ataanza kazi mapema Agosti 2024.

Azam wameendelea kuuboresha uwanja wao ili kuwa wa kisasa zaidi kwa kuendelea kuweka viti katika majukwaa ya kawaida ambayo hapo awali hayakuwa na viti bali ni Mabenchi tu. Azam maneno kidogo ila utekelezaji wa maana kabisa,Wao ni kazi tu !

Leo CAF wametoa orodha ya Viwanja walivyovipitisha kutumika kwenye michezo ya hatua za awali za kombe la shirikisho na klabu bingwa 2024/25, Wenyeji wa AFCON 2027 Tanzania na Uganda wamefanikiwa kupata ridhaa ya viwanja viwili kila mmoja huku Kenya ikiwa haina uwanja hata mmoja ambao umekidhi vigezo vya CAF. Viwanja vya Azam Complex na Benjamin mkapa vya Tanzania na St Mary's Kitende na Mandela (Namboole) vya Uganda vimepitishwa kutumika. Hii inaleta picha gani kwa wenyeji hawa wa kombe la mataifa Ya Afrika 2027? Watafanikiwa kufikia malengo kwa wakati ?

Mlinzi Ally Ramadhan "Oviedo" amejiunga na klabu ya Pamba Jiji ya Jijini Mwanza baada ya mkataba wake na Mashujaa ya Kigoma kumalizika. Pamba wanajizatiti nga! Nga! Nga!

#LigiKuu | mchaka Mchaka unaendelea,Kocha wa JKT Tanzania Ahmad Ally anaendelea na maandalizi ya msimu mpya na kikosi chake huko Mbweni Jijini Dar es salaam. Ahmady msimu uliopita alikuwa kocha mkuu wa Tanzania Prisons na aliweka mapendekezo wakati anajiunga na JKT ambayo tayari yamefanyiwa kazi,Baadhi ya wachezaji aliowahitaji wamesajiliwa na kutangazwa.