Российское правительство объявило РСЕ/РС нежелательной организацией. Если у вас есть российский паспорт или если вы лицо без гражданства и постоянно проживаете на территории РФ, пожалуйста, учтите, что вам грозит штраф или дажеограничение свободы за следующее: – шэры и репосты публикаций Радио Свобода – лайки под постами Радио Свобода – цитирование контента Радио Свобода – комментарии под постами Радио Свобода – отправка сообщений Радио Свобода – воспроизведение логотипа Радио Свобода Однако вы можете безопасно нас читать, подписываться на нас, смотреть наши видео.

Дармондани садҳо муҳоҷири тоҷик дар фурудгоҳҳои Русия. Муҳоҷирон мегӯянд, рейдҳо дар Русия сахтар шудаанд. Ва дар Амрико ва Қирғизистон Тик токро бастанд, дар Тоҷикистон чӣ назар доранд? Озодӣ дар Твиттер: https://twitter.com/RadioiOzodi Озодӣ дар Фейсбук: https://www.facebook.com/radio.ozodi Озодӣ дар Инстаграм: https://www.instagram.com/radioiozodi/

Тими мунтахаби духтарони то 18-солаи Эрон дар мусобиқаи қаҳрамонии Ассотсиатсияи футболи Осиёи Марказӣ (CAFA)-2024, ки аз 21-ум то 28-уми апрел дар шаҳри Душанбе доир гардид, ғолиб шуд. Дар ин мусобиқа, ки дар Варзишгоҳи марказии Душанбе сурат гирифт, дастаҳои мунтахаби духтарони то 18-солаи Қирғизистон, Тоҷикистон, Туркманистон, Узбекистон ва Эрон ширкат доштанд. Дар даври аввали мусобиқа Қирғизистон бар Туркманистон бо ҳисоби 3:1 ва Эрон бар Узбекистон бо ҳисоби 4:2 пирӯз шуданд. Дар даври дуюм футболбоздухтарони тоҷик бозиро ба ҳамсолони худ аз Қирғизистон бо ҳисоби 0:3 бохтанд, тими Эрон ба дарвозаи дастаи Туркманистон ҳафт голи беҷавоб зад. Дар даври сеюми мусобиқа Узбекистон бар Қирғизистон бо ҳисоби 6:1 ва Тоҷикистон бар Туркманистон бо ҳисоби 4:0 пирӯз шуданд. Дар даври чаҳорум Узбекистон Туркманистонро бо ҳисоби 9:1 ва Эрон Тоҷикистонро бо ҳисоби 5:0 шикаст доданд. Дар даври панҷум Тоҷикистон аз Узбекистон бо ҳисоби 0:7 мағлуб шуд. Бозии Қирғизистону Эрон бо ҳисоби 1:1 ба поён расид. Ба ин тартиб, баъди натиҷагирии панҷ даври мусобиқа дар ҷадвал тими Эрон бо касби 10 имтиёз соҳиби мақоми аввал шуд. Дастаи Узбекистон бо касби 9 имтиёз ҷойи дуюмро азони худ кард. Дастаи Қирғизистон бо касби 7 имтиёз ҷойи сеюмро гирифт. Дастаи мунтахаби духтарони то 18-солаи Тоҷикистон зери роҳбарии сармураббӣ Ҳикмат Фузайлов бо касби 3 имтиёз ҷойи чаҳорумро ишғол кард. Тими Туркманистон бидуни имтиёз дар зинаи охирин ҷойгир шуд. Дар маросими ҷоизасупорӣ тими Эрон бо Ҷоми қаҳрамонӣ ва медалҳои тилло, дастаи Узбекистон бо медалҳои нуқра ва мунтахаби Қирғизистон бо медалҳои биринҷӣ мукофотонида шуданд. Инчунин ба дастаи Туркманистон ҷоизаи Fair Play (Бозии шаффоф) супурда шуд. Дастаи Тоҷикистон бо ҷоизаи вижа сарфароз гашт. Ба Сумая Исмоилӣ аз тими Эрон ҷоизаи бозигари аз ҳама судманд тақдим гардид. Ҷоизаи нишонзани беҳтарини мусобиқа насиби Шаҳноза Деҳқонбоева аз дастаи Узбекистон шуд

Артиши Эрон рӯзи 28-уми апрел як ҳавопаймои нави бесарнишинро муаррифӣ кард. Ба гузориши оҷонси давлатии "Тасним", ин паҳпод ба ҳавопаймои бидуни сарнишини русии "Zala Lancet" монандӣ дорад. "Zala Lancet" бори аввал дар соли 2020 истеҳсол шуда буд. Эрон дар солҳои охир дар тавлиди ҳавопаймоҳои бесарнишин ба пешрафт ноил шудааст. Ҳавопаймоҳои сохти Эрон аз сӯйи нерӯҳои Русия дар ҷанги зидди Украина ба таври фаровон истифода мешаванд. Ҳавопаймоҳое, ки бо истифода аз он биноҳои зиёде вайрон, зербунёдҳои муҳим хароб ва ғайринизомиён куштаву захмӣ шудаанд.

Беш аз 950 шаҳрванди Тоҷикистон дар фурудгоҳи "Внуково"-и шаҳри Маскав банд мондаанд. Ин омор расмист ва то шоми 27-уми апрел ҳисоб шудааст. Вазорати корҳои хориҷии Тоҷикистон дар баёнияе рӯзи 28-уми апрел вазъи шаҳрвандони дармондаи кишварро "душвор" ва шароити нигаҳдории онҳоро "нохуб" тасвир кард. Мақомоти Русия банд мондани хориҷиён, аз ҷумла тоҷиконро дар гузаргоҳҳои сарҳадии ин кишвар рад накарда, аммо "муваққатӣ" ва "чораи пешгирӣ аз терроризм" номиданд. Намояндагони Вазорати корҳои хориҷии Тоҷикистон рӯзи якшанбе гуфтанд, дар миёни бандмондаҳо донишҷӯёне низ ҳастанд, ки бо квота ё бурсияи ҳукумати Русия дар он кишвар мехонанд. Ба иттилои онҳо, дар фурудгоҳҳои "Жуковский", "Домодедово" ва "Шереметево"-и пойтахти Русия низ "даҳҳо шаҳрванди Тоҷикистон бидуни шароити лозим дар боздоштгоҳҳо нигаҳдорӣ мешаванд”. Мария Захарова, сухангӯйи Вазорати корҳои хориҷии Русия, рӯзи 27-уми апрел дар баёнияе гуфт, сарфи назар аз миллаташон санади ҳамаи хориҷиёнро бодиққат месанҷанд. “Мақомоти ҳифзи ҳуқуқи Русия бо ҳадафи пешгирӣ аз терроризм шаҳрвандони хориҷиро мӯшикофона тафтиш мекунанд. Ба ин далел, дар гузаргоҳҳои сарҳадӣ, аз ҷумла дар як қатор фурудгоҳҳо санҷиши шиносномаҳо ба таъхир уфтодаанд. Ҷониби Русия барои ҳалли ҳарчи зудтари вазъ чора меандешад,” – илова кардааст ӯ. Дар ҳоли ҳозир аз сокинони Тоҷикистон хоста шудааст, ки агар зарурате нест, муваққатан аз сафар ба Русия "тавассути ҳамаи воситаҳои нақлиёт" худдорӣ кунанд. #ozodisocial #радиоиозодӣ

Фарангис Шарифова роҳбалади сайёҳони калонсол аз Тоҷикистон ба Узбекистон аст. Вай аз падари тоҷик ва модари узбек ба дунё омада, мехоҳад, пайванди сокинони ду тарафи марзро мустаҳкам кунад. Чӣ гуна? Гузоришро “Бюрои Водии Фарғона” омода кард. Агар қисса, мушкилот ё андешае доред, о мо тамос гиред: +996 755 996 499 (WhatsApp, Telegram, Signal) #ferghanastories

Тими миллии футзали Эрон, ки дар бозии ниҳоии Ҷоми Осиё-2024 дастаи мунтахаби Тайландро бо ҳисоби 4:1 шикаст дод, бори сездаҳум ба гирифтани унвони қаҳрамони Осиё даст ёфт. Ин бозӣ 28-уми апрел дар варзишгоҳи Bangkok Arena-и шаҳри Бангкок доир гардид. Дар нимаи аввали бозӣ тими миллии Эрон ба дарвозаи мизбонон ду голи беҷавоб зад. Голҳоро Маҳдӣ Каримӣ (дақиқаи 1-ум) ва Саид Аҳмад Аббосӣ (6) ба самар расонданд. Нимаи дуюми бозӣ низ бо бартарии эрониҳо сурат гирифт. Онҳо боз ду гол заданд: Алиасғар Ҳасанзода Навлиғӣ (27) ва Боғир Муҳаммадӣ (35). Як голи тайландиҳо ба сарвони даста Ҷирават Сорвичиан (26) мутааллиқ аст. Ба ин тартиб, тими миллии Эрон бо роҳбарии сармураббӣ Воҳид Шамсӣ дар финал муқобили мунтахаби Тайланд бо ҳисоби 4:1 пирӯз шуда, бо Ҷоми қаҳрамонӣ ва медалҳои тиллои Ҷоми Осиё-2024 сарфароз гашт. Дарвоқеъ, эрониҳо соли 2018 дар Тайланд бо шикаст додани Ҷопон дар финали Ҷоми Осиё бо ҳисоби 4:0 қаҳрамон шуда буданд. Умуман, дар Ҷоми Осиё, ки бори 17-ум баргузор шуд, танҳо ду дастаи мунтахаб ғолиб шудааст. Эрониҳо 13 бор ва ҷопониҳо 4 бор ба унвони қаҳрамони Осиё даст ёфтаанд.

Дастаи мунтахаби футзали Тоҷикистон дар Ҷоми Осиё-2024 дар Тайланд дар бозӣ барои ҷойи сеюм аз тими миллии Узбекистон аз рӯи силсилаи пеналти бо ҳисоби 1:3 шикаст хӯрд (замони асосӣ – 5:5) ва аз медалҳои биринҷии мусобиқа маҳрум шуд. Ин бозӣ 28-уми апрел дар варзишгоҳи Bangkok Arena доир гардид. Нимаи аввали бозӣ бо пирӯзии тими миллии Узбекистон бо ҳисоби 2:1 ба поён расид. Дар нимаи дуюм футзалбозони узбек се гол (яктоаш аз пеналти) ва бозигарони тоҷик чаҳор гол заданд. Дарвоқеъ, Самандар Ризомов, бозигари мунтахаби Тоҷикистон, ки дар ин бозӣ се гол зад, “хет-трик” кард. Замони асосии бозӣ бо ҳисоби мусовии 5:5 хотима ёфт. Ғолибро силсилаи пеналти муайян кард. Дар иҷрои ин кор бозигарони узбек маҳорати хуб нишон дода, бо ҳисоби 3:1 пирӯз шуданд. Ҳамин тариқ, тими милли Узбекистон зери роҳбарии Ҷосе Венансио Лопеси испанӣ мунтахаби Тоҷикистонро мағлуб карда, ба гирифтани медалҳои биринҷии Ҷоми Осиё-2024 мушарраф гаштанд. Дастаи мунтахаби Тоҷикистон бошад, дар қаҳрамонии Осиё бори аввал мақоми чаҳорумро касб кард.

Дар бахши навбатии “Ганҷи шойгон” ҳолу ҳавоеро хоҳед ҳис ва дарк кард, ки таърихнигорон онро бозгашт ба фарзу суннатҳои динӣ меноманд. Ин ҷо суханони Мулло Ҳайдар, яке аз аввалин имомхатибони Кӯлоб ва вакили маҷлисро хоҳед шунид, ки мегӯяд, вақте дид, тоҷик ҳамқавми худро мекушад, аз сиёсат канор рафт. Ҳамчунин яке аз нахустин мусоҳибаҳои рӯҳонии маъруф Ҳоҷӣ Мирзоро хоҳед шунид, ки орзуяш ҷой кардани муҳаббат ба дин дар дили мардум аст, номҳои “ғайрикитобӣ” ва идҳои ғайридиниро қабул надорад ва мехоҳад, ҷавонон таҳсили ибтидоии диниро дар ватан гирифта, сипас дар мадрасаҳои хориҷӣ таҳсил кунанд, вале беҳтар аст, дар Тоҷикистон шумори чунин мадрасаҳо зиёд бошад. Ҷомеашиносон ҳадс мезананд, ки дар чунин фазои пасоҷангии Тоҷикистон насле ба воя расид, ки бо ифротгароён ва доишиён бипайваст. #ozodisocial #радиоиозодӣ #ганҷишойгон

Садҳо мусофир, аз ҷумла тоҷикон дар фурудгоҳҳои Маскав дар мондаанд. Ба мусофирон, ки миёни онҳо кӯдакону занон ва пиронсолон ҳам будаанд чанд рӯз боз мақомот иҷозаи вуруд ба Русия намедиҳанд. Мусофирон аз фурудгоҳи “Внуково” дар суҳбат бо Радиои Озодӣ гуфтанд, ки маъмурони фурудгоҳ шиносномаҳои онҳоро гирифта гуфтаанд, мунтазир монанд. Ба гуфтаи мусофирон онҳо бидуни обу ғизо мунтазири иҷозаи мақомоти Русия ҳастанд. Ин дар ҳолест, ки маъмурони пулиси Русия рӯзи 27-уми апрел дар фурудгоҳи "Шереметево"-и шаҳри Маскав ба зидди коргарони хориҷӣ амалиёти густурда гузаронданд. Ба гузориши баъзе аз расонаҳои русӣ, дар ҷараёни амалиёт ҳуҷҷати беш аз 350 ронандаи таксӣ ва тақрибан 230 фаррошу ошпаз ва корманди техникии фурудгоҳи "Шереметево" санҷидаанд. Саҳифаи “Маш” дар Телеграм навишт, ба маълумоти гирифтааш “дастикам 7 ронандаи таксӣ ба иттиҳоми ҳузури ғайриқонунӣ дар Русия дастгир шуда, ба зудӣ аз қаламрави ин кишвар ронда хоҳанд шуд.” Ҳувияти онҳо ва кишварашон эълом нашудааст. Вазорати корҳои хориҷии Тоҷикистон ҳам аз сокинон хостааст, агар зарурате нест, муваққатан аз сафар ба Русия "тавассути ҳамаи воситаҳои нақлиёт" худдорӣ кунанд. Баёнияи вазорат шоми 27-уми апрел нашр шуд, вале мақомот сабаби онро нагуфтаанд. Эҳтимол тасмим ба қазияи банд мондани муҳоҷирон дар сарҳади Қазоқистон бо Русия ё дармондани гурӯҳе аз зодагони Тоҷикистон дар фурудгоҳи “Внуково”-и Маскав рабт дорад. Боздошту тафтиши муҳоҷирон аз Осиёи Марказӣ дар Русия пас аз ҳамла ба "Крокус" сахттар шуд.

🔶Порлумони Ироқ рӯзи шанбе 27-уми апрел қонунеро тасвиб кард, ки бар асоси он ҳамҷинсгароӣ то 15 сол зиндон дар пай хоҳад дошт. 🔶Мудофеони ин қонун мегӯянд, чунин тарҳе дар ростои “ҳифзи арзишҳои динӣ” дар давлати Ироқ аст. Аммо ҳомиёни ҳуқуқи ЛГБТ (лесбиянкаҳо, гейҳо, бисексуал ё хуносо ва транвеститҳо) аз тавсиби ин қонун ба унвони ҳамла ба ҷомеаи дигарбошони ҷинсӣ дар Ироқ ёд кардаанд. . 🔸پارلمان عراق روز شنبه قانونی را تصویب کرد که براساس آن همجنسگرایی مجازاتی تا ۱۵ سال زندان درپی خواهد داشت. 🔸مدافع این مصوبه می‌گویند چنین طرحی در راستای « حفظ ارزش‌های دینی» در کشور عراق است. اما مدافعان حقوق جامعه ال‌جی‌بی‌تی (#اقلیت‌های_جنسی و جنسیتی شامل #همجنسگرایان، دوجنسگرایان، افراد ترنس و #بیناجنسی) از این مصوبه به عنوان تازه‌ترین حمله به جامعه دگرباشان جنسی در عراق یاد کرده‌اند. 🔸نمایندگان محافظه‌کار شیعه که در پارلمان عراق اکثریت را در اختیار دارند از این مصوبه حمایت کردند. متقدی صدر، روحانی شیعه، از جمله مخالفان سر سخت همجنسگرایی در عراق است.

Вазорати корҳои хориҷии Тоҷикистон аз сокинон хостааст, агар зарурате нест, муваққатан аз сафар ба Русия “тавассути ҳамаи воситаҳои нақлиёт” худдорӣ кунанд. Баёнияи вазорат шоми 27-уми апрел нашр шуд, вале мақомот сабаби онро нагуфтаанд. Эҳтимол тасмим ба қазияи банд мондани муҳоҷирон дар сарҳади Қазоқистон бо Русия ё дармондани гурӯҳе аз зодагони Тоҷикистон дар фурудгоҳи “Внуково”-и Маскав рабт дорад. Як рӯз пеш, 26-уми апрел, Вазорати корҳои хориҷии Тоҷикистон Семён Григорев, сафири Русияро ба суҳбат даъват карда буд. Дар он, тибқи иттилои расмӣ, “ба мадди назари сафир нигаронии ҷониби Тоҷикистон дар мавриди ҳолатҳои беасоси манъи вуруд ба қаламрави Русия расонида шуд.” Ба гуфтаи мақомоти тоҷик, чанд ҳафтаи охир “манъи вуруди шаҳрвандони Тоҷикистон ба қаламрави Русия хусусияти оммавӣ пайдо кардааст.” Гурӯҳе аз шаҳрвандони Тоҷикистон рӯзи 26-уми апрел хабар доданд, ки наздик ба 500 нафар дар шароити нохубе дар фурудгоҳи “Внуково” дармондаанд. Қабл аз ин шаҳрвандони Тоҷикистон аз сарҳади Русия бо Қазоқистон шикоят карданд, ки наметавонанд ба хоки ин кишвар дароянд. Мақомоти Русия сабаби чунин бархӯрдро бо шаҳрвандони Тоҷикистон шарҳ намедиҳанд. Боздошту тафтиши муҳоҷирон аз Осиёи Марказӣ, аз ҷумла Тоҷикистон, дар Русия пас аз ҳамла ба “Крокус Сити Ҳолл” бештар шуд. Мақомоти Русия то кунун дар пайванд ба ин ҳамла, ки 144 кушта барҷой гузошт ва масъулияташро ДОИШ пазируфт, сездаҳ касро дастгир кардаанд – дувоздаҳ нафар аз Тоҷикистон ва як нафар аз Қирғизистон. Созмони Дидбони Ҳуқуқи Башар (Human Rights Watch) аз афзоиши мавридҳои бегонаситезӣ ва поймолкунии ҳуқуқи муҳоҷирони тоҷик дар Русия изҳори нигаронӣ кардааст. Масъулони созмони байнулмилалӣ рӯзи 5-уми апрел дар изҳороте гуфтанд, баъд аз як ҳафтаи ҳамла парвандаҳои вобаста ба нақзи қонуни муҳоҷират дар додгоҳҳои Русия “70 дарсад зиёд шуд”.