Mwanaspoti

Usikose kupata habari hizi na matukio yote ya michezo na burudani ya kitaifa na kimataifa, makala za kipekee na taarifa za kusisimua katika gazeti la Mwanaspoti, Jumanne hii, Julai 23, 2024. Unaweza kupata nakala yako kutoka kwa muuza magazeti aliye karibu nawe, kusoma mtandaoni kupitia : www.mwanaspoti.co.tz au kupitia Mwanaclick IOS https://apps.apple.com/tz/app/mwanaclick/id6483937075 Android https://play.google.com/store/apps/details?id=com.mcl.mwanaclick Tovuti: www.mwanaspoti.co.tz Mtandaoni Mpaka Mtaani #TunawezeshaTaifa

Mabao ya simba yamefungwa na Charles Ahoua dakika ya 14, 16 na Stephen Okajepha dakika ya 120 #mwanaspoti #mwanaspotiupdates #tunawezeshataifa

Saa chache baada ya Msemaji wa Yanga, Haji Manara kutangaza kurejea katika majukumu aliyokuwa anafanya awali, Shirikisho la Soka Tanzania (TFF), limetoa baraka zote. Manara leo, ametangaza kurejea kazini baada ya kumaliza adhabu ya kufungiwa kwa miaka miwili iliyotolewa na Kamati ya Maadili ya TFF. TFF kupitia Ofisa Habari, Clifford Ndimbo, amesema Manara yuko huru kuendelea na majukumu yake baada ya kukamilika kwa adhabu. Ndimbo amesema, mbali na Manara kumaliza adhabu, pia amelipa kiasi cha Sh 10 Milioni ikiwa ni faini iliyoambatana na kifungo hicho. "Manara yuko huru kweli, na hata huo mkutano alioufanya hajakosea kitu kwa kuwa hajafanya kosa lolote kikanuni, adhabu yake ulimalizika," amesema Ndimbo na kuongeza; "Ukiacha kumalizika kwa adhabu yake pia TFF Ilishapokea malipo ya faini yake ya sh 10 Milioni, malipo hayo aliyafanya wikiendi iliyopita." Manara alikumbana na adhabu hiyo kutokana kudaiwa kufanya makosa ya kimaadili alipokwaruzana na Rais wa TFF, Wallace Karia, katika Fainali ya Kombe la FA kati ya Yanga dhidi ya Coastal Union ya Tanga, uliochezwa kwenye Uwanja wa Sheikh Amri Abeid, jijini Arusha. #mwanaspoti #mwanaspotiupdates #tunawezeshataifa

Uongozi wa Matawi ya Klabu ya Simba Mkoa wa Tabora kupitia Mwenyekiti wake, Jonathan Buluba, amesema maandalizi kuelekea Simba Day itakayofanyika Agosti 3 mwaka huu yanaendelea vizuri huku wakipanga kusafiri na mabasi matano. Simba Day 2024 inatarajiwa kufanyika Uwanja wa Benjamin Mkapa, Dar es Salaam ikiwa ni msimu wa 16 tangu kuanza kwake 2009. Buluba amesema wameridhishwa na usajili uliofanywa na uongozi wa timu hiyo jambo linalowapa nguvu kuanza safari ya kuelekea jijini Dar es Salaam kushuhudia utambulisho wa wachezaji hao. Kwa Upande wake mwanachama wa Simba kutoka Tabora, Malaki Philbert, amewaomba mashabiki wa timu hiyo kujitokeza kwa wingi kuelekea Simba Day kwani usajili uliofanyika na timu yao unarejesha matumaiji ya kutwaa ubingwa wa Ligi Kuu Bara msimu ujao. #mwanaspoti #mwanaspotiupdates #tunawezeshataifa

Klabu ya Pamba Jiji imezindua Tamasha la Pamba Day kuashiria kufungua msimu wa 2024-2025, huku Mkuu wa Mkoa wa Mwanza, Said Mtanda akiwapiga mkwara watu wenye nia ovu ya kuihujumu na kuishusha daraja timu hiyo. Tamasha la Pamba Day linarajiwa kufikia kilele Agosti 10, 2024, kwa timu hiyo iliyosotea kupanda daraja kushiriki Ligi Kuu Bara kwa miaka 23, kucheza mchezo wa kirafiki dhidi ya klabu itakayotangazwa na Bodi ya Pamba Jiji, utakaopigwa kwenye Uwanja wa CCM Kirumba jijini Mwanza. Akizungumza leo Jumatatu Julai 22, 2024, Mtanda amesema lengo la klabu hiyo ni kubaki na kuonyesha ushindani wa hali ya juu katika Ligi Kuu Bara huku akidokeza kuwa anatambua wapo watu wenye nia ya kuishusha jambo alilodai hawatofumbiwa macho. Kwa mujibu wa Mtanda, tiketi za tamasha hilo zinapatikana maeneo mbalimbali ya Mwanza ikiwemo Uwanja wa Nyamagana, CCM Kirumba na kwenye Ofisi za Kata kwa gharama ya kuanzia Sh50,000 (VVIP), Sh20,000 (VIP A), Sh10,000 (VIP B) na mzunguko Sh3,000. (Imeandikwa na Mgongo Kaitira na Timothy Lugoye).

#mwanaspoti #mwanaspotiupdates #tunawezeshataifa

Aliyekuwa kocha wa Simba Roberto Oliveira ‘Robertinho’ ametambulishwa rasmi na timu ya Rayon Sports ya Rwanda ambapo atakuwa kocha mkuu wa timu hiyo. #mwanaspoti #mwanaspotiupdates #tunawezeshataifa

Kongamano la Energy Connect 2024 linalenga kutafuta suluhisho na mustakabali wa nishati safi ya kupikia nchini Tanzania, kuunganisha teknolojia na nishati safi, kutafuta suluhu bunifu, kupata ufadhili kama hati fungani na fursa mpya za kibiashara katika sekta hii muhimu. Likiwa limeandaliwa na Mwananchi Communications Limited (MCL) kwa kushirikiana na Umoja wa Watoa Huduma za Mafuta na Gesi Tanzania (ATOGS), litawaleta pamoja wadau mbalimbali kuwasilisha suluhu bunifu za kufikia upatikanaji wa nishati safi na endelevu kwa wote. Ni nafasi ya kipekee ya kushirikiana na viongozi wa tasnia mbalimbali na kuchangia katika maendeleo ya kupata na kutumia nishati safi ya kupikia nchini Tanzania. Kwa maelezo zaidi, wasiliana nasi kwa simu +255 743 808 100 au barua pepe mstanslaus@tz.nationmedia.com @atogsofficial | @ewura_tz | @tpdctz #EnergyConnect2024 #MustakabaliWaKijani

Beki wa kushoto wa FC Augsburg, Mads Pedersen ambaye msimu uliopita wa mashindano Ujerumani alicheza michezo 27 ya Ligi Kuu (Bundesliga) na moja ya Kombe la DFB-Pokal, ameukubali mziki wa winga Mkongomani wa Yanga, Maxi Nzengeli katika mchezo wa kirafiki ambao timu hizo zilikutana katika michuano ya Mpumalanga Premiers huko Afrika Kusini, mwishoni mwa wiki. Pedersen ambaye katika mchezo huo wa kirafiki alifunga bao la kwanza kwa Augsburg iliyoibuka na ushindi wa mabao 2-1, alimfuata Nzengeli kwenye chumba cha kubadilishia nguo cha Yanga na kubadilishana naye jezi ikiwa ni ishara tosha ya kukubali uwezo wake. Achana na asisti ambayo Nzengeli alitoa kwa Jean Baleke, ambaye alifunga bao la Yanga kwenye Uwanja wa Mbombela, ukubwa wa nishati ya mchezaji huyo na uwezo wa kutumika katika maeneo mengi ni kati ya mambo ambayo yamekuwa yakimbeba kwenye kikosi cha Wananchi. Miongoni mwa wachezaji wa Yanga ambao msimu uliopita waliuanza vizuri kwa kuonekana mara kwa mara kwenye orodha ya wafungaji kila ambapo timu hiyo ilipokuwa ikiibuka na ushindi ilikuwa ni pamoja na Nzengeli, aliyeifungia mabao 11 katika ligi. Tofauti na namna alivyouanza msimu uliopita kuna wakati Nzengeli alikuwa akiandamwa na ukame na hilo halikumfanya kocha wa Yanga, Miguel Gamondi, kuacha endelea kumpa nafasi kati ya viungo watatu nyuma ya mshambuliaji wa mwisho. Unajua kwanini? Hicho ndicho kilichomfanya nyota wa Augsburg, Pedersen kubadilishana jezi na Mkongomani huyo. #mwanaspoti #mwanaspotiupdates #tunawezeshataifa

Rais wa Zanzibar na Mwenyekiti wa Baraza la Mapinduzi Dkt.Hussein Ali Mwinyi amesema Serikali itaendelea kushirikiana na Wasanii kutangaza vivutio mbalimbali vya utalii. Dkt.Mwinyi ameyasema hayo alipokutana na Mwanamuziki kizazi kipya Omary Ally Mwanga maarufu Marioo , Ikulu Zanzibar tarehe 22 Julai 2024. Aidha Rais Dkt.Mwinyi amempongeza Marioo kwa kazi nzuri ya kuitangaza Tanzania kupitia kazi yake ya muziki. Naye Marioo ameishukuru Serikali ya Mapinduzi ya Zanzibar kwa fursa aliyoipata ya kurekodi wimbo wake mpya wa Hakuna Matata katika mazingira ya vivutio vya Zanzibar . Pia amempongeza Rais Dkt.Mwinyi kwa jitihada zake kubwa za kuwaletea maendeleo wananchi wa Zanzibar. Cc- Ikulu-habari #mwanaspoti #mwanaspotiupdates #tunawezeshataifa

Klabu ya Simba imemrejesha kikosini Patrick Rweyemamu kuendelea na majukumu yake ya kuwa meneja wa timu hiyo. Rweyemamu amerejeshwa katika majukumu hayo baada ya msimu uliopita kuondolewa kwenye nafasi hiyo na kuwa Mkuu wa Programu za Soka la Vijana klabuni hapo. Kurejea kwake anachukua nafasi ya Mikael Igendia raia wa Kenya ambaye alikuwa Meneja wa Simba na Mkuu wa Sayansi ya Michezo. Kumbuka Igendia wakati anatambulishwa ndani ya Simba, alichukua nafasi ya Rweyemamu. Baada ya kurejeshwa katika nafasi hiyo, Rweyemamu anatarajia kusafiri leo mchana kutoka Dar es Salaam kuelekea Ismailia nchini Misri kwa ajili ya kujiunga na kambi ya Simba iliyopo huko tangu Julai 8 mwaka huu. #mwanaspoti #mwanaspotiupdates #tunawezeshataifa

Msanii wa nyimbo za Injili, Bonny Mwaitege amesikitishwa na watu ambao wamemzushia kifo katika mtandao wa kijamii. Mwaitege amezungumza na Mwanaspoti akisema yeye ni mzima wa afya na amesikitishwa na kushangazwa na uzushi huo wa kifo akibainisha anapigiwa simu nyingi na watu wake wa karibu akiulizwa kuhusu suala hilo. "Aisee pole sana dada yangu, mimi ni mzima wa afya njema, sijafa. Huu ni uzushi tu wa watu. Kwa kweli nimesikitika sana. Nimeanza kupigiwa simu na watu kutokea Nairobi na Dar na mikoa mingine, hii ni mbaya sana, hapa sasa hivi nipo njiani naelekea Nairobi kwenye kazi za Injili Mungu ni mwema," amesema Mwaitege. Mwanaspoti lilimuuliza pia kuhusu madai kwamba ametengeneza kiki akidaiwa ana kanisa lake, akasema sio kiki kwani kwa hatua aliyopo yeye si mtu wa kuhitaji kufanya kiki anapofanya jambo lake. "Kwanini nifanye kiki? Yaani kiki ndio nijiue mwenyewe? Kwa hatua niliyofikia ya kazi ya sanaa yangu sio ya kufanya kiki ndio nifanye kitu," amesema Bonny. Kwa upande wa mwanamuziki wa nyimbo za Injili, Flora Mbasha, amezungumza na Mwanaspoti kuhusu uzushi huo wa kifo cha Bonny Mwaitege akisema alizisikia taarifa hizo na kwamba ziliwaathiri watu wengi. "Hizi habari mimi niliziona tu kwenye mitandao, ni habari ambazo sio nzuri kabisa, kuna baadhi ya watu wanamzushia kifo mtu kwa maslahi yao tu. Hii habari ya Bonny Mwaitege imewaathiri watu wengi sana kitu ambacho sio kizuri," amesema Flora. Bonny Mwaitege ametamba na nyimbo nyingi zikiwemo kama 'Safari Bado', 'Dunia Dunia', 'Acha Nizaliwe', 'Bado Nampenda' na 'Mke Mwema' ambao zimempatia umaarufu mkubwa. Imeandaliwa na Rhobi Chacha #mwanaspoti #mwanaspotiupdates #tunawezeshataifa