Azxeber Media

Axıra qədər baxın)

Story-dən keçid al, oxu.

30 ildən sonra oğlunun məzarını ziyarət edən Ana. Hicranın vüsala qovuşduğu yer - Laçın...

"Bəzi ixtisasların tədris müddətinin 4 ildən 3 ilə salmaq barədə düşünməyə başlamışıq". Bunu Elm və Təhsil naziri Emin Əmrullayev İnsan Resursları Zirvəsində “Yerin dərinliyindən beyin dərinliyinə köç” mövzusunda keçirilən paneldə çıxışı zamanı deyib.

Gədəbəyin icra başçısından etirazlarla bağlı açıqlama

Təsdiq olunmuş plana əsasən Azərbaycan Hərbi Hava Qüvvələri və Türkiyə Silahlı Qüvvələrinin hərbi qulluqçularının iştirakı ilə “Alpan-2023” birgə təlimi keçirilir. Bu barədə AZXEBER.COM-a Azərbaycan Müdafiə Nazirliyindən məlumat verilib. Bildirilib ki, ölkəmizdə keçirilən təlimin ssenarisinə əsasən aviasiya vasitələri bazalanma aerodromlarından uçuşlar həyata keçirərək şərti düşmənin hava hücumundan müdafiə, komanda idarəetmə məntəqəsi və cəmləşmə obyektlərinin uzaq və yaxın məsafədən məhvetmə tapşırıqlarını və digər epizodları icra ediblər. Təlimin keçirilməsində əsas məqsəd şəxsi heyətin nəzəri və praktiki vərdişlərinin təkmilləşdirilməsi, eləcə də bölmələrin qarşılıqlı əlaqədə fəaliyyətinin təmin edilməsi və döyüş qabiliyyətinin artırılmasıdır.

Gədəbəydəki hadisə ilə bağlı “Azergold”dan açıqlama

Vətən Müharibəsi qəhrəmanı, şəhid Valeh Bədəlovun anası Südabə ana sertifikasiya imtahanında 67 dəqiqəyə imtahanı bitirərək, 60 bal üzərindən 59 bal toplayıb.

Son zamanlar rayonlarda polis və vətəndaş arasında insidentlərin yaşandığı müşahibə olunur. Mövzu sosial şəbəkələrdə də gündəmə çevrilir və xoşagəlməz müzakirələrə səbəb olur. Son olaraq Gədəbəydə polislə vətəndaş arasında yaşanan insident müzakirə mövzusudur. DİN mövzu ilə bağlı açıqlamada bildirib ki, məsələyə hüquqi qiymət veriləcək. Bıs, görəsən polis - vətəndaş insidentlərinin artmasına səbəb nədir? Məsələ ilə bağlı Milli Məclisin deputatı Bəhruz Məhərrəmov AZXEBER.COM-a açıqlama verib. O Azərbaycanda polis və vətəndaş arasında kütləvi halda qarşıdurmanın olmadığını bildirib: "Ayrı-ayrı istiqamətlərdə xoşagəlməz hallara bir və ya iki nümunə göstərmək olar. Bu Azərbaycanda polislə vətəndaş arasında qarşıdurma olması demək deyil. Sadəcə maraqlı qüvvələr ən sadə vasitələri polis vətəndaş qarşıdurması kimi təqdim etməyə çalışırlar. Ölkədə polisin nüfuzuna zərbə vurmaqla, Azərbaycan dövlətçiliyini zəiflətmək istəyirlər. Polisin dövlətin keşiyində dayandığını unutmamalıyıq. Təbii ki, hansısa polis öz səlahiyətlərini aşarsa, aidiyyatı dövlət qurumu tərəfindən tədbir görülə bilər”. Deputat qeyd edib ki, vətəndaş özü narazı qaldığı məqamla bağlı hüquq müstəvisində prosesin həllinə nail ola bilər: "Polis Azərbaycan dövlətçiliyinin təməl sütünlarından biridir. İstər müharibə, istər pandemiya dövründə, istərsə də bu gün ölkədə sabitliyin, ictimai təhlükəsizliyin keşiyində polis dayanır. Onlar dövlətçiliyə əvəzsiz xidmətlər edən Azərbaycan övladlarından ibarətdirlər”.

Ermənistanın əsir saxladığı Azərbaycan hərbçisi Hüseyn Axundova qondarma məhkəmə keçirilərək “hökm” oxunub. Azərbaycan Ordusunun əsgəri 20 il azadlıqdan məhrum edilib. Xatırladaq ki, Azərbaycan Ordusunun əsgərləri - 2004-cü il təvəllüdlü Aqşin Qabil oğlu Bəbirov və 2003-cü il təvəllüdlü Hüseyn Əhliman oğlu Axundov aprelin 9-da Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər. Onların yolu azaraq Ermənistan ərazisinə keçdiyi məlum olub. Hər iki əsgər Ermənistanda əsir götürülüb və onlara qarşı saxta ittihamlarla cinayət işi açılıb.

Türkiyə Daxili İşlər Nazirliyi eyni anda 37 şəhərdə "Tiktok" əməliyyatı keçirib və 120 nəfər saxlanılıb, aralarında Azərbaycandan qaçan "tiktoker"lərin də olduğu deyilir". AZXEBER.COM xəbər verir ki, bu haqda Azərbaycan Mətbuat Şurasının İdarə Heyətinin üzvü, Şuranın Sosial Media ilə əlaqələr komissiyasının sədri Hacıbəy Heydərli məlumat verib. O bildirib ki, cinayətkar şəbəkənin bütün üzvləri saxlanılıb: Cinayətkar şəbəkə ("Tiktok"da adları "dəstəkçi", "xeyriyyəçi" gedir) bir çox "TikTok" fenomenləri ilə sövdələşmələr edib və milyonlarla pul qazanıblar. Onlar canlı yayım açan fenomenlərə yüz minlərlə dəyərində hədiyyə göndəriblər, daha sonra isə o pulun 80 faizini "fenomen"dən geri alıblar. Bundan sonra isə "Tiktok"a və banklara zəng edərək "Kartımdan xəbərim olmadan istifadə olunub" deyərək pullarının tam hissəsini də geri qaytarıblar və 2 qat qabağa düşüblər. Araşdırmalarda şəbəkənin 4 mindən çox bank kartı ilə sosial media fenomenlərinə 1 milyard 200 milyon lirə köçürdüyü müəyyən edilib. Məhkəmə qərarı ilə 42 fenomenə aid 1700 bank hesabı, bütün virtual valyuta aktivləri, 32 mənzil, 1 villa, 9 torpaq sahəsi, 6 iş yeri, 38 lüks avtomobil, 14 şirkətin ortaqlıq payı müsadirə edilib. Həbs edilən fenomenlər arasında Onur Sermik, Kenan Kekeç, Adem Korkmaz, Tülay Bülbül, Metin Sayqın, Fatmanur Karpuz, Yalçın Akdoğan kimi məşhurlar var, ümumilikdə 120 şəxs saxlanılıb".

Baş nazir Əli Əsədovun sərəncamı ilə Gədəbəy rayonunun Söyüdlü kəndində tullantıxana sahəsində monitorinqlərin aparılması və mövcud vəziyyətin qiymətləndirilməsi məqsədilə Komissiya yaradılıb. Bu barədə AZXEBER.COM-a Nazirlər Kabinetindən məlumat verilib. Ekologiya və təbii sərvətlər naziri Muxtar Babayev Komissiyanın sədri təyin edilib. Komissiyanın tərkibinə səhiyyə nazirinin müavini, fövqəladə hallar nazirinin müavini, kənd təsərrüfatı nazirinin müavini, Nazirlər Kabineti Aparatının Sənaye və energetika şöbəsinin müdiri, İqtisadiyyat Nazirliyi yanında Əmlak Məsələləri Dövlət Xidmətinin rəisi və Gədəbəy Rayon İcra Hakimiyyətinin başçısı daxildir. Komissiyaya Gədəbəy rayonunun Söyüdlü kəndində tullantıxana sahəsində monitorinqlərin aparılmasını və mövcud vəziyyətin qiymətləndirilməsini, sakinlərin sağlamlığının və ətraf mühitin qorunması sahəsində vətəndaşların müraciətlərinin araşdırılmasını təmin etmək, eləcə də monitorinqin və qiymətləndirmənin nəticələrinə uyğun olaraq müvafiq təkliflərini hazırlayıb Nazirlər Kabinetinə təqdim etmək tapşırılıb.