UMWIHERERO 🇷🇼 ————— Igikorwa cy’Umwiherero cyahereye mu Miyoborere y’igihugu, gikomereza mu butabera no mu mutekano. Umwiherero wahuzaga ahanini Abiru bonyine gusa mu mitwe babarizwagamo, nk’abarinzi b’umurage w’imiyoborere n’ubuzima bw’igihugu. Si kenshi na kenshi watumirwagamo umwami, umugabekazi n’abandi batware. Umwiherero w’Abiru benshi bakunze kwita “Inama y’Abiru” yayoborwaga n’Umwiru Mukuru witwaga “Umwiru w’ijambo”. 🧞‍♂️ABIRU B’IBANGA RY’INGOMA: Bari abanyamabanga b’Ingoma, bakayinywera igihango. Abo ni nk’abaragutsi bari Abashumba ba Kiragutse cyangwa se Abanyakalinga baragiraga Kalinga. 🧞‍♂️ABIRU B’INGOMA Z’INGOMA: Abiru b’Ingoma z’Imivugo bari Abashiramujinya (Abatoni b’ibyegera by’ Ibwami). Mu ngoma z’imivugo zari zishinzwe abo Biru, harimo Abiru bari bashinzwe ingoma z’Imisango zikoreshwa mu birori n’Abiru b’ingoma z’imihango bari bashinzwe imihango y’ibwami. Ni bo babagamo Abaroro aribo bitwaga Abatimbo bakomokaga kuri Sebiroro Umutimbo wo ku Mukingo, bakaba abiru b’Ibwami bakabambura bakabikira. Habagamo kandi, Abakaraza bari Abashumba b’Indamutsa, bakavamo Abiru b’i Bugabekazi. 🧞‍♂️ABAZIRITSI (abafatagihe b’Ibwami): Abaziritsi babagamo amatorero abiri, abasendamisaka bari Abiru bakuraga Gicurasi, nabo batorwaga mu mutwe w’Abakaraza n’Abanyamuganura. 🧞‍♂️ABATAMBIRA (rubanda ): Barimo amatorero abiri abahanika ni ukuvuga abiru batangaga ibyuhagiro by’inka n’imyaka biyivura ubwandure, bagatanga n’amasubyo y’amahumane, n’Abahinda bari Abiru b’abavubyi. 🧞‍♂️IBIYORA-NYUNDO: Ni amatsinda yo hambere yarimo imparamba za Nyirakigeli, Abiru ba Semunyana w’i Mwurire (Mvejuru )🧞‍♂️🙏🏾

ABIRU - IMITWE Y’ABIRU 🪘🇷🇼🛖 ————————— 🧞‍♂️ Abiru bari abagaragu b'ingoma, bakaba abarinzi b'umuco n'umurage w'ibwami, bakaba abayobozi b'amateka y' u Rwanda, mbese bari nk'inkingi n'urumuri w'igihugu. Ikindi kandi, Abiru bari abagaragu b'imbata ari bo bihambira kuri Shebuja ntibagire ahandi bajya. 🧞‍♂️Mu by 'ukuri rero, Abiru bari Abagaragu b'Ingoma, bakaba abanyamabanga n'abanyamihango b'Ibwami Imvugo y’Abiru "tuyikomora mu Nkole aho bari bafite abo bitaga «Abayiru » bari abagaragu b'Ingoma. Muri izo nce, Abayiru bari Abagaragu nk'uko Abahima bari Abami. Abayiru ni bamwe mu baturage bo mu Nkole, b'i Bukoba, b'i Kalagwe, b'i Buha n'i Bujinja. Muri utwo turere twose turi i Burasirazuba bw' i Rwanda, abatari Abahima babitaga Abayiru, aho ni ho hajemo ishyomoka ry'Ururimi rw'Abanyarwanda babita "Abiru " 🧞‍♂️Ingoma z'Imivugo nazo ba nyirukuzivuza bari Abiru, kuko batorerwaga kuba abagaragu mu bagaragu b'ibyegera by' Umwami, bakamenya igihe cy’ibikira n'ibambura, bakamenya igihe aramukirizwa n'igihe arambagira igihugu, kandi ibyo bihe bikajyana n'umurishyo w'Ingoma.

🛡️IGITERO CYO KU MUNSI W’INYANA🛡️ ——— Icyo gitero cyabaye ku ngoma ya Yuhi IV Gahindiro 👑, ahasaga mu wa 1746 . Uwo Mwami yari afite uburyo bwihariye bwo gukoresha iminsi ye, maze imirimo ye akayigabanya mu minsi umunani, ifite gahunda ntatezuka. Buri munsi wagiraga umurimo wawo, umushakira ibindi akamutegereza nimugoroba. Iyo minsi yari iteye itya: 🛡️Umunsi wa mbere n'uwa kabiri: Wari uwo kuragura. Uwamushakaga atarahuguka, yagombaga kuba azi kuraguza inkoko, intama, inzuzi n'ibindi..... 🛡️ Ku wa gatatu no ku wa kane: Yirirwaga aca imanza. Uwamushakaga yirirwanaga na we ku karubanda yumva imanza cyangwa se na we aburana. 🛡️ Ku wa gatanu: Wari umunsi wo kurasa intego. Abamushakaga bazaga bitwaje imiheto, imyambi n'impiru ngo barase intego. 🛡️ Ku wa gatandatu: Wari umunsi wo kwakira rubanda. Yirirwaga ku karubanda ariho bose bamusangaga 🛡️ Ku wa karindwi: Wari umunsi w'ikiruhuko wahariwe abagore be, akirirwana nabo ntawe umurogoya, usibye gusa uwo kumutekerera itabi. 🛡️ Ku wa munani: Ni ku munsi w'inka. Yirirwaga areba I Nyarurembo abamushakaga bitwazaga inkoni n'inkuyu. Iyi gahunda yagendaga igaruka uko imyaka yagendaga ihita indi igataha. Iki gitero cyo ku munsi w'inyana cyatewe ku munsi wa munani, ari na yo mpamyu bakita igitero cyo ku munsi w'inyana, kuko ari wo Gahindiro yari yarahariye kwita ku nka no kureba imitavu yavutse vuba. Icyo gitero cyatewe na Sayinzoga waciye ku iteka ry' umwami. Abandi banze ko yabatwara umuhigo, baramwikiza ariko umwami ntiyabona uburyo yabahana. Ashaka kubahanisha imirwano, maze anyagisha ku bwende inyana z'inyambo ze agirango bazaze kuzitwara, bazikurikire imirwano ihere aho. Inkuru mpamo y'uko icyo gitero cyagenze iboneka byimazeyo mu basiganuzi b'amateka y'u Rwada rw' ibyabaye ku ngoma ya Yuhi IV Gahindiro👑

Indirimbo y’Umwami Yuhi V Musinga 👑♥️🙏🏾 yaririmbye ubwo yacibwaga mu 🇷🇼 — Muri iyo ndirimbo, Musinga agaragaza ko yari umwami mwiza uzi kurinda igihugu kandi ufasha abababaye. Agaragaza ko yaciwe mu gihugu nta cyaha yakoze, n’agahinda atewe no gusiga igihugu cye, abaturage be n’abana be. Indirimbo igira iti: Nali Rugwiza Rugwiza kulinda Namenyaga impfubyi Ngakiza abababaye. Baterambabazi Nkumi zikowe Bagore b’amaliza Mubeho neza Jye nciwe Ntagira igicumuro Habe na gitoya Mba ndoga Kalinga Na yo Kalinga Yavunnye imilishyo Na yo Indamutsa Yabuze imitsindo Jye ngiye ishyanga Nyuma y’ishyamba Aho bagera Ntibagaruke Nsize ibitenga Bitagira umutemeli Nsize impfubyi Zitagira kirera Nsize RUDAHIGWA na RWIGEMERA BAKAYISHONGA uwo ni ifu iseye Naho NKURANGA uwo ni ingorore. Musinga yakomeje kuba i Kamembe ameze nk’ufungishijwe ijisho. Tariki 2 Ukwakira 1933, nyina wa Musinga, Kanjogera yaje gupfa bakiri i Cyangugu. Mu 1939 ubwo hadukaga intambara ya kabiri y’isi, Musinga n’abambari be bagaruye icyizere ko Abadage nibatsinda, bazamusubiza ku butegetsi. Ababiligi bamaze kumenya ibyo byifuzo bya Musinga, bamufunze inshuri ebyiri i Kamembe, babonye akomeje, tariki 18 Kamena 1940 basinya Itegeko ryo kumwohereza muri Congo mu gace ka Moba, hafi y’ikiyaga cya Tanganyika. Ageze muri Congo, Musinga yongeye gufungwa n’abaturage ba Congo bakeka ko ashaka kongera kwiyimika nk’umwami ku butaka bwabo. Yakomeje kubaho atariho kugeza tariki 13 Mutarama 1944 ubwo yatangaga😢🙏🏾

INZU ZIKOMOKA KU UBWOKO BW'ABANYIGINYA🇷🇼👑 (Imiryango Migari) ABANYIGINYA nibo ubwoko bwakomeje ingoma y'ubwami butigeze bagira inkomoko kuyandi moko, bakaba abatunzi kandi imfura cyane. INZU ZITURUKA KU UBWOKO BW'ABANYIGINYA ---------------------------------------------------- 1. ABASINDI: Bafite inkomoko kuri Yuhi Musindi wa Kanyarwanda ka Gihanga, Abasindi bafite amastinda abiri , ishami rimwe ni abakomeje ingoma y'ubwami aribo banyiginya, irindi shami nabagize umutungo mucye bakitwa Abasindi 2. ABASHAMBO: Baba abatunzi kandi bakaba nimfura cyane bakomoka kuri Mushambo wa'Kanyandorwa ka Gihanga Ngomijana arinawe wahawe ingoma Murorwa yubwami bwa Ndorwa, Abashambo ni abuzukuruza babanyiginya 3. ABEGA: Bakomoka kuri Serwega rwa Mututsi wa Gihanga Ngomijana, ni abuzukuru babanyiginya , ABEGA bahawe kujya babyara abami bakavamo n'abagabekazi kimwe nk'ABAKONO 4. ABACYABA: Bakomoka kuri Gacyaba ka Nyirarucyaba wa Gihanga Ngomijana, bategekaga ingoma y' I bugara bakaba abuzukuru babanyiginya. Nubwo abacyaba bafite igisekuru mu Abazigaba kuko nyirarucyaba yari yarabashatsemo ariko baje guhinduka babarirwa mubakomoka ku banyiginya ubwo Gihanga yafashe Gacyaba akamuragana nabana be yanga ngo mukobwawe Nyirarucyaba atazaheranwa nabazigaba. 5. ABAHONDOGO: Bakomoka kuri muhondogo wa Kanyabugesera Mugondo wa Gihanga Ngomijana aribo baremye ingoma y'ubugesera bwabahondogo, aba nabuzukuru baba nyiginya. 6. Abashingo: Bakomoka kuri Gashingo ka Gashubi wa Gihanga Ngomijana, aba nibo benyegezaga umuriro w'umwami ngo utazima. 7. Abakono: Bakomoka kuri Ntandayera ya Mukono wa Mututsi wa Gihanga Ngomijana, aba nabo ni abuzukuruza babanyiginya, bahawe kujya babyara abami bakavamo n'abagabekazi kimwe nk'ABEGA 8. Abaha: Bakomoka kuri Muha wa Ntandayera wa Mututsi wa Gihanga Ngomijana. 9. Abatsobe: Bakomoka kuri rutsobe rwa Gihanga, ni buzukuru babanyiginya , aba nibo bavamo abiru ni batabazi batabaraga bucengeri.

🇷🇼🥰AMATEKA: UTURERE, IMIRENGE N'UTUGALI BYITIRIWE INKA( amazina y'uturere ni imirenge byaturutse ku imitwe y'inka zaremwe ni abambi) nk'urugero : URUHANGO : wari Umutwe w'Inka waremwe n'Umwami w'u Rwanda CYILIMA II RUJUGIRA 🇷🇼👑 DORE UTUNDI TURERE, IMIRENGE NI UTUGALI BYITIRIWE INKA: 1) Urubavu: Rubavu 2) Uruhango: Ruhango 3) Niboye: Niboye/Kicukiro 4) Imisagara: Gisagara 5) Uruyenzi: Ruyenzi, Runda/Kamonyi 7) Imirama: Murama/Ngoma 8) Urweru: Rweru/Bugesera.

( igice cya 2) Ubwo Abarundi birukanwaga n’umutwe w’ingabo z’u Rwanda witwaga Imvejuru. Bakomeza kubiruka inyuma iminsi ibiri. Bigeze aho, Abarundi barabahindukirana kuko babonye hasigaye Imvejuru mbarwa, kubera ko bamwe bagiye barambirwa bakisubirira inyuma. Ni n’aho hakomotse wa mugani baca ngo: “Wirukana umugabo kera ukamumara ubwoba”, n’undi ngo: “Ubugabo butagaruka babwita ububwa!” Abarundi rero barongera bambikana n’Imvejuru barazitatanya bamwe barabica, abasigaye bihisha mu bihuru, abandi barambuka baza mu Rwanda. Bageze mu Rwanda, abasigaye bakababaza bati: “Naka ari he?” Bati: “yarapfuye!” Ubwo hariho umukecuru mu Mvejuru witwaga Nyakazana, yari afite umuhungu w’intwari witwaga Sekayange, araza abaza abatabarutse ati: “Ingogo, ari he? (ikivugo cya Sekayange).” Bati: “Ubanza yarapfuye!” Ati: “Yagiye afite iki?” Bati: “yari afite umuheto yiruka agana ishyamba.” Nyakazana ati: “Nzamuheba rihiye!” Ubwo yavugaga ko ubwo yacikanye umuheto agana ishyamba nta murundi wamuhangara awufite; ni cyo yavugiye, ati: “Nzamuheba rihiye” Nuko biba aho; haciyeho iminsi Sekayange arabunguka. Nyakazana amukubise amaso, amusangana inzara ndende; aratakarwa n’ibyishimo ati: “Nimuze murebe uko Ingogo asigaye angana!” Ati: “Mbese mwana wanjye abaraye Rwantambi ni uko musa!” Abari aho baraseka bumva ubudabagizi bw’uwo mukecuru. Ni iby’ijambo rivugiwe mu rwenya rw’abahungu rero, babona umuntu wese ushonje inzara ndende, bati: “Yaraye Rwantambi”, cyangwa, bati: “Uno muntu arasa n’uwaraye Rwantambi!”Kurara rwantambi = Kumererwa nabi kubera umukokwe w’inzara n’inyota. Murifuza ko nabasobanurira iyihe nsigamugani ???

🚨🇷🇼( igice cya 1)TUMENYE INKOMOKO Y’INSIGAMIGANI ‘YARAYE RWANTAMBI’ YAKOMOTSEHO INDI IBIRI YAMAMAYE (turi busange muri iyi nsigamigani) “WIRUKANA UMUGABO KERA UKAMUMARA UBWOBA”, n’undi ngo: “UBUGABO BUTAGARUKA BABWITA UBUBWA!”ni imwe mu yakomotse ku nsigamigani igira iti “YARAYE RWANTAMBI”. Dore ahakomotse umugani ngo: “Naka yaraye rwantambi cyangwa arasa n’uwaraye rwantambi”. Wakomotse kuri Sekayange ka Nyakazana mu Mvejuru (Butare); ku ngoma ya CYILIMA II RUJUGIRA, ahayinga umwaka w’i 1700. Bawuca iyo babonye umuntu umerewe nabi afite umukokwe w’inzara n’inyota ni bwo bavuga, bati: “Naka arasa n’uwaraye Rwantambi” Iryo zina Rwantambi, ni iry’umugezi wo mu Burundi wabaga hafi y’urugerero rw’Abarundi rwari ruteganye n’urw’Abanyarwanda rw’i Gaharanyonga ari yo Nyaruteja ya Butare (Gaharanyonga iyo, ni yo bacyurira abana bakubirije baka amata imburagihe, bakabatwama bagira ngo: “Mbese uraka amata nk’uziviriye i Gaharanyonga kuzihakirwa). Umugani rero wadutse ku ngoma ya CYILIMA II RUJUGIRA, ubwo Abarundi bari bateye inkiko z’u Rwanda mu gitero bise icy’inzora. Bari basezeranye gutera u Rwanda barebye inzora y’ukwezi. Bati: “Umurundi wese uzabona ukwezi kuzoye azatere mu Rwanda” Nuko Abarundi bahuza umugambi, ukwezi kuzoye batera inkiko zose zihereranye n’i Burundi. Batera iy’Indilira mu Buyenzi, batera iya Mututu mu Mayaga, batera iya Nyaruhengeli n’iya Bashumba. Ubwo Abarundi baneshwa impande zose z’inkiko bateye; ni bwo umugaba w’ingabo z’i Burundi witwaga Makungu, umunyarwanda witwa Rugimbana amutsinze kuri Nyakizu mu Bashumba. Ubwo Makungu yari yarasezeranye ko namara gutsinda u Rwanda azatabaruka yirabye ingwa ya Nyakizu, (ikigugu cy’ingwa yera cyane kugeza n’ubu). Urugerero rw’i Nyaruteja rero runesha Abarundi, Abanyarwanda barabirukana babarenza umupaka; babacisha no ku Rugerero rwabo. Babonye babacishije ku Rugerero rwabo barahimbarwa bagumya kubirukana. Abarambiwe bakisubirira inyuma bagaruka i Rwanda.

🚨MENYA UBUSOBANURO BW'INSIGAMIGANI - IKIRARI bivuga inzira y'aho ikintu cyanyuze kigana aha n'aha. - IBIRARI BY'INSIGAMIGANI ni amayira abakomotsweho n'amagambo yatinze akaba umugani banyuzemo igihe iki n' iki uburyo ubu n'ubu bigenze bitya na bitya. *. INSIGAMUGANI ni inkuru ifatiye ku muntu wakoze iki n'iki bikaba nk'umugani bakunda gukoresha basobanura ibintu bibaye babigereranya ni ibyabaye. **. INSIGAMIGANI ni imvugo iba yaramamaye yarogeye utashobora guhita wumva igisobanuro cyayo iyo utari umwenegihugu umenyereye. ***. INSIGAMIGANI kandi ni abantu babaye abagenuzi bizo mvugo cyangwa se abo bagenuriye cyangwa se kandi ibyo bagenuriyeho. INSIGAMIGANI ZIBAMO IBICE BIBIRI: NYIRIZINA, NYITIRIRO. * INSIGAMIGANI NYIRIZINA: ni abantu bazwi neza amavu n'amajyo ku buryo rubanda bemeye kwigana imigirire yabo ndetse no mu mvugo ya buri munsi n' igihe bikaba nk'inyigisho y'ihame. Ingero: -Ngiye kwangara/Nyiramataza Mukarukari. - Arigiza Nkana/ Nkana ya Rumanzi -Ndatega zivamo/ Ntambabazi ya Rufunga. -Yarezwe bajeyi / Bajeyi Ba Sharangabo wa CYILIMA II RUJUGIRA (UMWAMI W'U RWANDA)👑🇷🇼 ** INSIGAMUGANI NYITIRIRO: ni ibintu abantu bagenuriraho bakabigira iciro ry'imigani kandi bitavuga nk'inyamaswa, inyoni n'ibindi. Akenshi babitwerera amagambo y'abantu bahishiriye kubera umwanya bafite mu gihugu cyangwa kubera ko bakomoka mu miryango ikomeye. Ingero: - Ngenze nte nk'ibiguruka?/ igikeri - Harya ko kuvuga ari ugutaruka, .../ Impyisi. Ikirari cy'insigamigani cyangwa umwandiko w'insigamigani ni usobanura inkomoko y'imvugo iyi n'iyi, ukagaragaza uwo yakomotseho, uko byagenze, ababigizemo uruhare, ukavuga n'igihe byabereye n'ahantu. 🫂🇷🇼

10. IGITERO CYIGARURIYE U BUNGWE 🇷🇼 ——— Igihugu cy’u Bungwe cyategekwaga n’Abenengwe. U Bungwe cyari igihugu kibumbye u Busanza bw’Amajyepfo (Komini Maraba, Mbazi, Ruhashya, Shyanda zo muri Perefegitura ya Butare). Ubu akaba ari mu Karere ka Huye. U Bufundu (Komini Kinyamakara, Nyamagabe, Mudasomwa na Karama zo muri Perefegitura ya Gikongoro).Ubu akaba ari mu Karere ka Nyamagabe. Ingoma yabo yageraga n’i Nyaruguru (Komini Runyinya na Gishamvu zo muri Butare na Mubuga na Rwamiko zo muri Gikongoro) ubu ni mu Karere ka Nyaruguru. Yageraga kandi n’aho bitaga Bashumba -Nyakare (Komini Kigembe na Nyakizu byo muri Butare).Ubu ni mu Karere ka Gisagara. N’intara y’u Buyenzi (Komini Nshiri na Kivu zo muri Gikongoro).Ubu naho ni mu Karere ka Nyamagabe. Umwami wariho ubwo Ingoma Nyiginya y’ i Gasabo yadukaga yitwaga Rwamba. Akaba yari atuye muri Nyakizu ni ukuvuga mu Karere ka Gisagara. Undi Mwenengwe wategekaga igihugu cye kugeza gitsindwa n’ingoma Nyiginya ni Samukende, umugabo wa Nyagakecuru wo mu Bisi bya Huye. Igitero cyibasiye Ingoma y’u Bungwe cyagabwe na Mutara I Nsoro II Semugeshi I (Muyenzi) wimye i Gasabo ahayinga mu w’1543 kugeza mu w’1576,wari Umwana w’ ikinege wa Ruganzu II Ndoli, nuko yica umwami waho Rubuga Rwa Samukende, bica na nyina Benginzage ariwe “Nyagakecuru “Banyaga n’Ingabe yabo “Nyamibande”, basanze yararaye bayitera urwuma bakurizaho no kuyita “Rwuma”. Nuko ingoma y’Abenengwe izima ityo.

8. IGITERO CYATSINZE U BUGOYI 🇷🇼 ——— Ruganzu Ndoli, amaze gutsinda u Bunyambilili, ntiyanyurwa, yogoga imanga n’impinga za Rutsiro, yigarurira u Bugoyi, Abami b’icyo gihugu bari Ababanda. Babarizwaga muri Komini Kanama na Cyanzarwe ho muri Gisenyi (ubu ni mu Karere ka Rubavu). Icyo gihe anyaga Ingoma-ngabe yabo Nyamwishyura. Ingoma y’u Bugoyi nayo izima ityo. Igitero cyibasiye Ingoma y’u Bugoyi cyabaye gikurikirana n’icyibasiye Ingoma y’u Bunyambilili. 9. IGITERO CYATSINZE U BUDAHA N’ UBWISHAZA 🇷🇼 ——— Ruganzu Ndoli agaba igitero simusiga atera Budaha n’u Bwishaza bw’Abahima bakomoka kuri Rurenge sekuruza w’Ingoma yabo. Abami b’icyo gihugu bari Abasinga. Nibo baba baradukanye amasuka n’inyundo .Bari bafite imitarimba bafukuzaga amariba y’inka zabo. Amariba maremare yo mu Rwanda rwo hambere nibo bayafukuye. Bakunze kuvuga ko Ingoma y’u Budaha n’u Bwishaza yari nini cyane, igizwe na Perefegitura ya Gisenyi na Kibuye (mu Turere twa Nyabihu, Rutsiro, Karongi na Ngororero), mu zindi ntara twavuga izo muri Cyangugu arizo Biru (Komini Gafunzo na Cyimbogo) mu karere ka Nyamasheke, Cyesha (Komini Kirambo) mu Karere ka Karongi. Mu majyaruguru, hari Bwito, Byahi na Karumongi muri Kongo. Icyo gihe Ndoli yica Jeni Rya Rurenge Umwami waho, anyaga ingabe yabo Mpatsibihugu. Ntiyatuza, arenga Ibirunga yigarurira u Bufumbira bw’u Bugara. Ibyo bikaba ibigwi bya Ruganzu, agatsinda izina niryo muntu ! Iyo akaba ariyo ndunduro y’Ingoma ya Ruganzu Ndoli. Nuko amaze gutanga asimburwa n’umuhungu we w’ikinege Nsoro II Mutara I Nsoro II Semugeshi bakundaga kwita Muyenzi wimye iI Gasabo ahasaga mu w’1543 kugeza mu w’1576.

7. IGITERO CYATSINZE U BUNYAMBILILI 🇷🇼 ——— Ruganzu Ndoli ntiyagohetse yigarurira u Bunyambilili bwa Gisurere cy’i Suti ho muri Komini Musange muri Superefegitura ya Kaduha (mu Karere ka Nymagabe) Ingoma y’u Bunyambilili nayo yari iy’Abarenge bo mu muryango w’Abahima bakomoka kuri Rurenge sekuruza wabo, bakaba bari abo mu bwoko bw’Abasinga. Ubwami bw’u Bunyambilili bwari buherereye muri Komini Musebeya, Muko na Karambo byo ku Gikongoro (Mu Karere ka Nyamagabe) Ndetse no mu Karere k’Itabire ho ku Kibuye (ubu ni mu karere ka Karongi). Amaze gutsinda u Bunyamblili agerekaho n’u Bwanamukari bwo muri Butare, yica Nyakarashi w’i Zivu ho muri Komini Shyanda(ubu ni mu Karere ka Gisagara) yica na Mpandahande w’i Ruhande ahubatse Kaminuza Nkuru y’u Rwanda, arakomeza atera Nyaruzi Umwami w’i Burwi amutsinda mu Mukindo wa Makwaza ho muri Komini Kibayi (ubu ni mu Karere ka Gisagagara ). Ingoma-Ngabe yabo “Nkunzurwanda” barayinyaga, Ingoma y’Abarenge izima ityo.