Njihni mjekët tanë. Prof. Dr. Kamil Kose Ka përfunduar studimet për mjekësi të përgjithshme dhe më pas specializimin për Ortopedi në Turqi, në vitin 2004. Më pas ka vazhduar me specializime te ndryshme në SHBA dhe Gjermani. Me një experiencë 15 vjeçare si ortoped-traumatolog, Dr. Kamil Kose ka punuar si specialist në 4 spitale universitare, në 2 nga të cilat ka qenë Shef Departamenti. Në vitin 2014 ka marrë çmimin Profesor Doktor. Për dy vite me rradhë ka qenë kirurgu, i cili ka kryer numrin më të lartë të operacioneve të shtyllës kurrizore midis spitaleve shtetërore në Turqi. Ka mbi 100 botime, më shumë se 200 prezantime në kongrese mjekesore dhe 20 pjesëmarrje në konferenca mjekësore. Ka kryer më shumë se 4.000 raste të kirurgjisë te shtyllës kurrizore, ka krijuar 8 teknika kirurgjikale për herë të parë në botë dhe ka patentuar 5 proteza për kirurgji të shtyllës kurrizore. Prej më shumë se 2 vitesh jeton në Tiranë dhe është pjesë e stafit mjekësor të Spitalit Amerikan 2. Për më shumë informacion ose vizitë me Dr. Kamil Kose kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën!

💙💙 Dy bekime të vogla të ardhura nga dashuria, dyfish përkujdesja, dyfish lumturia. 💙💙 Qelizat staminale të binjakëve Siguria optimale biologjike është ruajtja e qelizave staminale të secilit binjak. Në rastin e binjakëve vëllazëror, foshnjat janë individë të veçantë me ADN të ndryshme. Në rastin e binjakëve identikë, foshnjat kanë ADN identike. Sidoqoftë, një binjak identik mund të zhvillojë një mutacion gjenetik më vonë në jetë që shkakton një sëmundje ndërsa binjaku tjetër jo. Nëse kjo ndodh, atëherë binjaku i shëndetshëm është dhuruesi i përsosur i qelizave staminale dhe ka pasur transplantime ku gjaku i kordonit të njërit binjak identik është përdorur për binjakun tjetër. Për më shumë informacion na kontaktoni. Life Cell - E ardhmja në dorën tuaj! 067 610 4393 ose DM për info të mëtejshme #lifecellstemcell #lifecellbiobank #cordblood #cordtissue #newbornstemcells #qelizastaminale #kordonikërthizor #gjakuikordonitkerthizor Repost @lifecellbiobank with @use.repost ・・・ #Repost @bebemomelife with @use.repost

Si funksionon truri ynë: mite dhe fakte Sa përqind të trurit përdorim? Ideja që ju nuk përdorni të gjithë trurin tuaj është një mit i përhapur. Studimet e skanimit të trurit tregojnë se të gjitha zonat janë aktive. Pra ne përdorim 100% të trurit. Në cilën moshë zakonisht truri ndalon së zhvilluari? Në moshën 20-30 vjeç. Adoleshentët dhe të rinjtë mendojnë me amigdalën e tyre, pjesën e trurit të sunduar nga emocionet. Të rriturit përdorin pjesën racionale të trurit të tyre, të quajtur korteksi paraballor. Është zona që ju bën të mendoni për efektet afatgjata të veprimeve të caktuara. Disa njerëz përdorin anën e djathtë (krijues), dhe të tjerët anën e majtë të trurit (logjik). Mënyra se si mendoni nuk vendoset nga cila anë e trurit përdorni. Të dyja anët punojnë së bashku në çdo detyrë mendore. Pra, është një mit që mendimtarët logjikë përdorin anët e majta të trurit të tyre, dhe llojet emocionale dhe krijuese mbështeten në të djathtën e tyre. Çfarë ngjyre ka truri? Truri ka ngjyra të ndryshme. Truri i njeriut shpesh paraqitet si një masë gri, por ka edhe lëndë të bardhë dhe enët e gjakut janë të kuqe. Një zonë në mes është e zezë. Po, pse truri në muze është gjithmonë gri? Kjo për shkak të kimikateve që e ruajnë. Çfarë efekti ka tek foshnjat dëgjimi i muzikës klasike? Shkencëtarët dikur mendonin se dëgjimi i muzikes klasike rrit IQ-në. Bazuar në këto rezultate, CD-të dhe DVD-të e muzikës klasike për foshnjat u bënë shumë të përdorura. Por studimet e fundit tregojnë se ato nuk kanë ndonjë efekt real në inteligjencën. Spitali Amerikan, përqafoje jetën! #spitaliamerikan

Mjekët e Spitali Amerikan 3, realizojnë ndërhyrjen TAVI për herë të parë në rajon dhe i shpëtojnë jetën pacientit 60 vjeçar Pacienti A.C u paraqit në Spitalin Amerikan 3 me probleme serioze për shëndetin dhe me rrezik të lartë për jetën. Historia e tij mjekësore përfshinte një operacion në valvulën e aortës, operacion për heqjen e veshkës, hemoragji të stomakut dhe një sërë sëmundjesh shoqëruese. Pas vizitës paraprake, ekipi i kardiologjisë dhe kardiokirurgjisë në Spitalin Amerikan 3 vendosi se kirurgjia e hapur ishte me rrezik të lartë, për shkak të karakteristikave të pacientit, ndërsa ndërhyrja perkutane me risk më të ulët dhe më përfitime të njëjta. Ndaj ekipi vendosi të aplikojë ndërhyrjen TAVI, si alternativë më e përshtatshme për shpëtimin e jetës së pacientit. Në ndërhyrjen TAVI (Transcatheter Aortic Valve Implantation) aorta arrihet përmes arteries që ndodhet në rrëzë të kofshës ose nga një tjetër enë gjaku në trup, pa kryer prerje dhe në këtë mënyrë kjo pasohet nga anulimi i valvulës së vjetër dhe implantimi i një valvule të re brenda saj. Kjo ndërhyrje u krye për herë të parë në Shqipëri nga ekipi i Kardiologjisë dhe Kardiokirurgjisë në Spitalin Amerikan 3, i përbërë nga Dr. Bekim Jata, Shef i Departamentit të Kardiologjisë në Spitalin Amerikan 3, Dr. Artan Jahollari, kirurg kardio-vaskular, Dr. Indrit Temali kardiolog, Dr. Diamant Lulaj kardilog dhe Dr. Gentian Huti, anestezist-reanimator. Avantazhet e kësaj ndërhyrje krahasuar më ndërhyrjen klasike me kirurgji të hapur, është se pacienti ka rekuperim shumë më të shpejtë, ngrihet në këmbë brenda 24 orëve të para dhe qëndrimi në spital është shumë më i shkurtër, 3-5 ditë. Departamenti i Kardiologjisë dhe KardioKirurgjisë ka eksperiencë të gjatë në trajtimin e patologjive kardiake, ku për herë të parë në Shqipëri ndërhyrjet endovaskulare në aortë, TEVAR dhe EVAR janë kryer para 10 vitesh nga ekipi i Spitalit Amerikan kryesuar nga Dr. Bekim Jata. Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën! #spitaliamerikan

6 shenjat që trupi shfaq përpara atakut kardiak Ndjesia e shtrëngimit në gjoks është një shenjë klasike, por një sulm në zemër mund të vijë pa dhembje kraharori, sidomos te gratë. Kërkoni kujdes mjekësor nëse përjetoni një nga simptomat e mëposhtme: 1 - Marramendje Shumica e sulmeve në zemër nuk shkaktojnë humbjen e papritur të vetëdijes, por ato mund të pakësojnë ose të ndërpresin rrjedhjen e gjakut që çon oksigjen në zemër dhe në tru, gjë që mund t’ju bëjë të përjetoni paqartësi. 2 - Dhembje në pjesën e sipërme të trupit Zemra jonë nuk ka shumë mbaresa nervore, kështu që ndonjëherë ndan një rrugë me nervat e pjesëve të tjera të trupit, duke shkaktuar dhembje që ndihen në shpinë, shpatulla, krahë, qafë ose nofull. 3 - Lodhje e pajustifikuar Ndjenja e lodhjes pas një nate pa gjumë ose një dite stresuese është normale, por më shumë se gjysma e grave ndihen të lodhura ose kanë dobësi trupore për më shumë se një muaj përpara se të pësojnë një atak në zemër. 4 - Djersitje Me përjashtim të rasteve kur jeni duke kaluar menopauzën ose keni kryer aktivitet fizik, djersët e ftohta mund të sinjalizojnë një sulm në zemër 5 - Të përziera Një sulm në zemër mund të shkaktojë të përziera, një situatë e cila ndodh më shpesh te femrat sesa te meshkujt (shumë prej tyre gjithashtu ndihen sikur po preken nga gripi para një sulmi në zemër). Nëse keni të përziera të papritura dhe konstante që nuk vijnë nga ushqimi i konsumuar, duhet të shkoni te mjeku. 6 - Frymëmarrje e shpeshtë Nëse ushtrimet fizike të një ngarkese normale ju duken të papërballueshme, duhet të bëni një vizitë me mjekun. Nëse papritur frymëmarrja ju vështirësohet sikur të ishit duke ngjitur shkallët dhe nuk mund të qetësoheni duhet t’i telefononi urgjencës. Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën!

Departamenti i Kardiologjise dhe Kardiokirurgjisë në Spitalin Amerikan 3 ofron të gjitha shërbimet për trajtimin e të gjitha sëmundjeve dhe patologjive të zemrës, si dhe realizimin me sukses të kirurgjive të zemrës. Ekipi i mjekëve kardiologë dhe kardiokirurgë të specializuar mundëson parandalinmin, njohjen, trajtimin dhe mjekimin e problematikave të ndryshme, dhe ndërhyrjet kirurgjikale, nga më të thjeshtat deri te më të komplikuarat, me aparaturat më të avancuara dhe kushtet optimale. Për më shumë informacion ose vizitë kontaktoni në: 042 35 75 35 ose klikoni në:rezervime.spitaliamerikan.com Spitali Amerikan, përqafoje jetën! #spitaliamerikan

Kur duhet të bëjmë një vizitë tek Kardiologu? Dr. Edjon Hajro, mjek Kardiolog, në Spitalin Amerikan 3, shpjegon se kontrollet rutinë të zemrës duhen nisur që në moshë të re, të paktën një Ekokardiografi dhe një EKG e thjeshtë, e cila duhet të kryhet nga të gjithë, me apo pa shqetësime, për të parë më pas probleme të ndryshme dhe për të parandaluar dëme më të mëdha. Për sa i përket sëmundjeve koronare të zemrës, parandalimit të infarktit, rekomandohen kontrolle periodike të zemrës për meshkuj nga mosha 40-45 vjeç dhe gratë nga mosha 45-50 vjeç. Çfarë ndodh gjatë një vizite kardiologjike? Vizita kardiologjike fillon me kryerjen e EKG-së dhe një matje tensioni, më pas analizohen shqetësimet e pacientit dhe faktorët e riskut siç janë; hipertensioni, diabeti, kolesteroli i lartë, gjenetika dhe duhanpirja. Pas vlerësimit të pacientit kalohet tek ekokardiografia, ku shikohen lëvizjet e muskulit të zemrës, probleme të valvulave të zemrës, apo probleme të lindura të zemrës. Për pacientët që kanë shtrëngim në kraharor, lodhje, marrje fryme, duhet të kryejnë provën ushtrimore e cila jep një pasqyrë të enëve koronare, dhe në raste kur ka probleme kryhet koronarografia. Një ekzaminim tjetër që kryhet në poliklinikën e kardiologjisë në Spitalin Amerikan 3, është edhe "Holter Ritmi", për pacientët me probleme të ritmit të zemrës, me këtë pajisje monitorohet ritmi i zemrës dhe diagnostikohen aritmitë, në varësi të llojit të aritmisë përcaktohet dhe mënyra e trajtimit siç është, studimi elektrofiziologjik, pra shërimi komplet nga këto aritmi. Holter 24h vendoset tek pacientët me hipertension, nën trajtim të pakontrolluar për të monitoruar tensionin 24 orë, dhe më pas mjeku kardiolog jep mjekimin e nevojshëm. Ju ftojmë të ndiqni këshillat dhe sugjerimet e mjekut kardiolog Dr. Edjon Hajro. Për më shumë informacion ose vizitë me Dr. Edjon Hajro kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën! #spitaliamerikan

29 shtator - Dita Botërore e Zemrës Dita Botërore e Zemrës mbahet në nivel global çdo vit më 29 shtator, me qëllimin kryesor të saj ndërgjegjësimin informimin dhe edukimin e njerëzve lidhur me sëmundjet kardiovaskulare, të cilat janë shkaku kryesor i vdekjeve në të gjithë botën. Dita Botërore e Zemrës gjithashtu, synon të promovojë masa parandaluese që zvogëlojnë rrezikun e sëmundjeve kardiovaskulare. Ka shumë lloje sëmundjesh që mund të japin goditje në zemër ose goditje në tru, prandaj, për lehtësi, këto sëmundje i ndajmë në tre grupe të mëdha: në sëmundje që ndikojnë drejtpërdrejt në zemër, në tru dhe në sistemin periferik të qarkullimit të gjakut. I.Sëmundjet kardiovaskulare të lidhura me zemrën II.Sëmundjet kardiovaskulare të lidhura me trurin III. Sëmundjet kardiovaskulare të lidhura me sistemin e qarkullimit Sëmundjet kardiovaskulare janë shkaktari kryesor i vdekshmërisë në botë. Sipas Organizatës Botërore të Shëndetësisë (OBSH), çdo vit vdesin më shumë njerëz nga sëmundjet kardiovaskulare, sesa nga çdo sëmundje tjetër. Sëmundjet kardiovaskulare shkaktojnë vdekje të parakohshme dhe shumë prej tyre, të paktën 80% e vdekjeve të parakohshme mund të parandalohen apo shmangen, duke mbajtur nën kontroll faktorët e rrezikut të këtyre sëmundjeve siç janë përdorimi i duhanit, alkoolit, kripës, inaktiviteti fizik apo sedentarizmi, si dhe rritja e presionit të gjakut. Është një mit që sëmundjet e zemrës dhe goditjet në tru prekin vetëm të moshuarit, sëmundjet kardiovaskulare-të prekin sa gratë po aq dhe burrat megjithatë, rreziku i sëmundjet kardiovaskulare te gratë është nënvlerësuar seriozisht. Në Spitalin Amerikan, Departamenti i Kardiologjisë dhe i Kardiokirurgjisë trajton me sukses të gjitha patologjitë e zemrës dhe të sëmundjeve kardiovaskulare. Për më shumë informacion ose vizitë me mjekët tanë kardiologë kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën!

Dr. Burak Kadir Koza është diplomuar në vitin 2003 në Universitetin Gazi, Ankara, Turqi. Më pas ai është specializuar në 2008 në Institutin Klinikë e Kirurgjisë së Përgjithshme, Ankara Numune Research & Training Hospital Ankara. Gjitashtu Dr. Burak është specializuar për kirugji robotike dhe onkologjike në Stamboll si dhe ka qenë pjesë e një studimi akademik të publikuar në revistën prestigjoze europiane të kirurgjisë onkologjike dhe në Revistën amerikane të laparoskopisë dhe endoskopisë. Dr. Burak ka kryer specializime të ndryshme në Stamboll, Turqi, Gjermani, Itali. Dr. Burak prej 12 vitesh është vlerë e shtuar e Spitalit Amerikan, ku ushtron profesionin e tij si kirurg i përgjithshëm, i specializuar në kirurgji onkologjike. Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën! #spitaliamerikan

❤ Luftëtaret e vegjël ❤ 🙏Falenderojmë ekipin e profesionistëve të Departamentit të Neonatologjisë të drejtuar nga Dr. Niketa Koliçi, që me shumë dashuri dhe përkushtim përkujdesen për foshnjet e lindura premature. Ekipi i profesionistëve të neonatologjisë kujdesen për shëndetin e bebeve, në nga çasti kur lindin në bashkëpunim me mjekët specialistë të fushave të tjera, duke mundësuar jo vetëm ndjekjen në poliklinikë, por edhe hospitalizimin e tyre në rast nevoje në reanimacionin tonë modern. Shërbimet e këtij departamenti përfshijnë vizita të kujdesit primar si pjesë e rëndësishme e kujdesit për fëmijën. 📌“Screening pediatric” ku përfshihen: Neonatal screening (deficit i G6PDH, CF (fibrozës kistike), hipotiridizmit (neonat TSH ), Neonat 17 OH progesteron, neonat fenilalanina (PKU), screening echographic për displazine coxo-femorale të zhvillimit, testi i dëgjimit, Screening për aneminë nga mungesa e Fe, probleme të zhvillimit psikomotor dhe kognitiv, Screening të TA, çrregullimet e lipideve dhe shumë shërbime të tjera. Departamenti i Neonatologjisë në Spitalin Amerikan i shërben të gjithë pacientëve të vegjël të grupmoshave nga 0 deri në 1 vjeç. Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën!

Ekinokokoza Nga Dr. Ema Ajdini, Shërbimi i Urgjencës Ekinokokoza e njeriut është një infeksion zoonotik i shkaktuar nga “Krimbi i Shiritit” i gjinisë Ekinokokus. Nga katër llojet e njohura të Ekinokokut, tre janë me rëndësi mjekësore; - E. granulosus (shkakton ekinokokozën cistike) - E. multilocularis (shkakton ekinokokozën alveolare) - E. Vogeli Ekinokokoza shkaktohet nga larvat e cestoideve të “Krimbit të Shiritit” (Platyhelminthes). Zinxhiri i transmetimit dhe zhvillimit të tyre përfshin dy bujtës, primar dhe sekondar duke kaluar në disa faza: 1. Paraziti infekton një bujtës primar ku zhvillohen “Krimbat e Shiritit”  2. Bujtësi primar i infektuar cliron vezët në mjedis  3. Vezët gëlltiten nga bujtësi sekondar  4. Larvat e parazitit në bujtësin sekondar prekin dhe dëmtojnë organe si mëlçinë, mushkërinë, muskujt dhe organe të tjera. 2. Bujtësit primar më të zakonshëm janë qentë ndërsa njeriu konsiderohet si bujtës sekondar aksidental. Ekpozimi ndaj ushqimit apo ujit të kontaminuar nga feçet e një bujtësi primar të infektuar apo edhe higjena e dobët mund të cojë në zhvillimin e sëmundjes së Ekinokokut. Më të rrezikuar për t’u prekur nga kjo sëmundje janë personat që merren me blegtori, gjueti dhe femijët. Pas gëlltitjes së ushqimit të kontaminuar periudha e inkubacionit është e gjatë, që do të thotë që mund të kalojnë një serë vitesh pa shqetësime. Simptomat mund të shpërthejnë në gjendje të caktuara si për shembull në rast infektimi të kistit apo të një rupture të mundshme të tij në hapesirën peritoneale. Kistet e ekinokokut lokalizohen kryesisht në mëlçi (63%), mushkëri (25%), kocka, veshka, tru, shpretkë. Simptomat më të shpeshta të shkaktuara nga nje kist ekinokoku janë: - Dhimbje e kuadratit të sipërm të djathtë të barkut - Të vjella - Të përziera - Humbje oreksi - Diarre - Dobësi trupore - Kollë - Dhimbje gjoksi - Dispne Për më shumë informacion ose vizitë kontaktoni në 042357535 ose klikoni në: rezervime.spitaliamerikan.com Spitali Amerikan, përqafoje jetën! #spitaliamerikan

#Repost @lida.shosha with @use.repost ・・・ Në Spitalin Amerikan 1, në gjenezën e strukturës më moderne shëndetësore në vend, aty ku koha nuk ndal, shërbehet me profesionalizëm dhe standarde bashkëkohore. Laparascopic left colon resection.#spitaliamerikan1 👍. Dr Marjeta Bilaj, Kena, Juli , Ilda, Dhurata Hysa faleminderit❤️