Ufunguzi rasmi wa Mashindano ya UMISSETA Uliofunguliwa na Naibu Waziri wa Utamaduni Sanaa na Michezo, Mhe. Hamis Mwijuma

Kikao kazi cha mashirikiano baina ya Ofisi ya Rais TAMISEMI na Ofisi ya Tawala za Mikoa na Serikali za Mitaa na idara maalum ya Serikali ya Zanzibar lengo ikiwa ni Kujifunza kuhusu muundo wa Ofisi ya Rais TAMISEMI na namna bora ya kuratibu shughuli za Serikali katika Mikoa ili kuweza kuboresha huduma na kuhamasisha maendeleo katika Mikoa na Mamlaka za Serikali za Mitaa. Kikao hiki kimefanyika kwenye Ofisi za TAMISEMI jijini Dodoma mapema leo tarehe 15.06.2023.

UMISSETA 2023 UFUNGUZI WA BARAZA

Ufunguzi wa baraza la michezo la UMISSETA kitaifa Mkoani Tabora kwa mwaka 2023

Mkurugenzi wa Usimamizi wa Elimu Ofisi ya Rais TAMISEMI, Mwl. Vicent Kayombo akitoa taarifa ya Mafanikio na Changamoto zilizojitokeza katika Mashindano Umoja wa Michezo na Taaluma Shule za Msingi Tanzania (UMITASHUMTA) kwa mwaka 2023 Mkoani Tabora

Matokeo ya jumla ya UMITASHUMTA kitaifa 2023

BARABARA ZA MJI WA MOMBO ZAENDELEA KUIMARISHWA KUPITIA TARURA OR- TAMISEMI Naibu Waziri TAMISEMI Mhe. Deo Ndejembi amesema katika mwaka wa fedha 2021/22, TARURA ilitenga jumla ya kiasi cha Shilingi Milioni 200 kwa ajili ya kuchonga na kuweka barabara kwa kiwango cha Changarawe yenye urefu wa kilomita 2.7, kujenga makalavati 9, mifereji yenye urefu wa kilomita 1.9 katika mji wa Mombo wilayani Korogwe mkoani Tanga. Ndejembi ameeleza hayo leo Juni 14, 2023 Bungeni Jijini Dodoma wakati akijibu swali la Mheshimiwa Timotheo Paul Mzava Mbunge wa Jimbo la Korongwe vijijini aliyetaka kujua ni lini serikali itatekeleza ahadi zake za kujenga barabara za lami katika mji wa mombo. ‘‘katika mwaka wa fedha 2022/23 Serikali imetenga jumla ya shilingi milioni 400 kwaajili ya kurengeneza barabara yenye urefu wa kilometa 2.84 kwa kiwango cha changarawe ujenzi wa makalavati 23 na ujenzi wa mifereji urefu wa kilometa 2.46 na utekelezaji wa kazi hizi unaendelea na umefikia asilimia 56’’amesema Ndejembi. ‘Barabara za Mombo Mjini zitaanza kujengwa kwa kiwango cha lami mara baada ya kuziimarisha kwa kiwango cha changarawe na ujenzi wa mifereji kulingana na upatikanaji wa fedha’ aliongezea Ndejembi. Aidha, amesema Serikali itaendelea kuipa kipaumbele barabara hiyo na kuendelea kutekeleza ahadi hii lakini pia kutafuta fedha kwa mwaka wa fedha 2023/2024 unaoanza mwezi Julai. Mji Mdogo wa Mombo una barabara zenye urefu wa jumla ya kilomita 28.4. Kati ya hizo kilomita 0.45 ni tabaka la lami, changarawe kilomita 5 na udongo kilomita 22.95. TARURA imeendelea kutenga fedha za matengenezo ya sehemu korofi na matengenezo ya muda maalum kwa barabara za Mombo Mjini ili kuhakikisha barabara hizi zinapitika majira yote ya mwaka.

*UMITASHUMTA 2023 YAHITIMISHWA, MWANZA MABINGWA WA JUMLA KITAIFA Mashindano ya Umoja wa Michezo na Taaluma kwa Wanafunzi wa Shule za Msingi Tanzania (UMITASHUMTA) yaliyofanyika kitaifa Mkoani Tabora, yalihitimishwa rasmi tarehe 12 Juni 2023 kwenye viwanja vya Shule ya Sekondari Wavulana Tabora. Mashindano hayo yalizinduliwa rasmi Tarehe 06 Juni 2023 na Makamu wa Rais wa Jamhuri ya Muungano wa Tanzania Mhe. Dkt. Philip Mpango kwenye Uwanja wa Ally Hassan Mwimyi Mjini Tabora yakihusisha washiriki zaidi ya Elfu Tatu. UMITASHUMTA 2023 iliandaliwa na kusimamiwa na Ofisi ya Rais – TAMISEMI kwa kushirikiana na Wizara ya Elimu, Sayansi na Teknolojia pamoja na Wizara ya Utamaduni, Sanaa na Michezo, huku michezo mbalimbali ikishandaniwa katika viwanja tofauti vya Shule za Sekondari Wavulana na Wasichana Tabora vikitumika. Michezo hiyo ilijumuisha mpira wa Netibali, Mpira wa Wavu (wasichana na Wavulana), Mpira wa miguu kawaida (Wasichana na wavulana), Mpira wa miguu wavulana (Maalum) na Mpira wa mikono – Handball (kawaida). Vilevile ilihusisha Mchezo wa kuruka chini, Riadha (kwaida na maalum) Mpira wa Goli (Goal Ball) mahususi kwa wenye uono hafifu, Mpira wa kikapu (Wasichana na Wavulana) na Sanaa za michezo zilizojumuisha uimbaji, uchezaji wa ngoma za asili na Muziki wa Kizazi Kipya (Bongo Flavour). Baada ya mikoa mbalimbali kuchuana vikali katika michezo tofauti, hatimaye Mkoa wa Mwanza ulifanikiwa kuibuka mshindi wa matokeo ya jumla wa mashindano ya UMITASHUMTA ngazi ya taifa kwa mikoa yote 28 iliyoshiriki. Mwanza ilijikusanyia jumla ya alama 199, ikifuatiwa na Mkoa wa Dar es salaam ulioshika nafasi ya pili kwa kukusanya alama 132 na Shinyanga ikishika nafasi ya tatu kwa kufikisha alama 126. Mkoa wa Kilimanjaro ulifikisha alama 125 naTabora kushika nafasi ya 4, Kigoma nafasi ya 5 ikiwa na lama 123, Tabora nafasi ya 6 alama 123, Geita ikashika nafasi ya 7 kwa alama 118, mkoa wa Mara nafasi ya 8 alama 110, Singinda nafasi ya 9 alama 107 na Arusha ikahitimisha 10 bora kwa kujikusanyia alama 104. Mikoa mingine iliyofuatia ni Dodoma alama 102, Tanga alama 98.4, Mtwara alama 97.8, Manyara alama 97.2, Morogoro alama 92.6, Mbeya alama 89.2, Rukwa 88.

FANYENI UFUATILIAJI WA UWEPO WA MIUNDOMBINU NA VIFAA VYA MICHEZO NA SANAA: MHE KIPANGA Angela Msimbira TABORA Naibu Waziri wa Elimu Sayansi na teknolojia Mhe. Omari Kipanga amewaagiza wasimamizi wa elimu nchini kutekeleza maagizo ya Mheshimiwa Makamu wa Rais wa Jamhuri ya Muungano wa Tanzania Mhe. Philip Mpango kufanya ufuatiliaji wa uwepo wa miundombinu na vifaa stahiki vya michezo na sanaa mashulemi. Akifunga Mashindano ya Umoja wa Michezo na Taaluma kwa wanafunzi wa shule za msingi Tanzania (UMITASHUMTA) leo Juni 13,2023 Mkoani Tabora amesema lengo la Serikali ni kuhakikisha vijana wanapata fursa za kushiriki katika michezo na sanaa bila kujali hali ya kimaumbile. Mhe.Kipanga amesema Serikali kupitia Wizara ya Elimu, Sayansi na Teknolojia imetambua umuhimu wa michezo na Sanaa shuleni, hivyo kupitia mapitio ya Sera na Mitaala Serikali imezingatia pia suala la michezo, Sanaa na ubunifu katika ngazi zote za elimu. Amesema Serikali itahakikisha Sera ya Elimu na Mafunzo ya mwaka 2014 Toleo la 2023 pamoja na Mitaala inayoboreshwa inaweka kipaumbele masuala ya Michezo, Sanaa na Ubunifu Ameendelea kufafanua kuwa rasmu ya Sera ya Elimu na mafunzo ya mwaka 2014 toleo la mwaka 2023 inasisitiza kuwa ‘‘Katika maendeleo ya Taifa, ni muhimu kutambua mapema na kuendeleza vipawa na vipaji katika fani mbalimbali kama sayansi na teknolojia, muziki, ngoma, sanaa, ufundi na michezo.

Mashindano ya Umoja wa Michezo na Taaluma Shule za Msingi Tanzania (UMITASHUMTA) kitaifa 2023 mkoani Tabora yamefungwa rasmi.

Mashindano ya Umoja wa Michezo na Taaluma Shule za Msingi Tanzania (UMITASHUMTA) kitaifa 2023 mkoani Tabora yamefungwa rasmi.