ITV TANZANIA

#HABARI: Kamati kuu ya CHADEMA, imelitaka Bunge la Jamhuri ya Muungano wa Tanzania, kufuta azimio lake la kuridhia mkataba wa uendeshaji wa Bandari nchini, kutokana na mkataba huo kutokuwa na maslahi kwa Taifa huku ikiitaka serikali kuwachukulia hatua, kwa mujibu wa sheria wote walioshiriki kuliingiza Taifa kwenye mkataba huo. #ITVUpdates

#PICHA: Rais wa Jamhuri ya Muungano wa Tanzania, Mhe.Dkt. Samia Suluhu Hassan akizungumza na Mjane wa Baba wa Taifa, Mama Maria Nyerere wakati alipomtembelea nyumbani kwake, Msasani, Jijini Dar es Salaam, leo Julai 14, 2023, kwa ajili ya kumjulia hali.

#HABARI: Mkuu wa Jeshi la Polisi Nchini IGP Camillius Wambura amepokea tuzo kutoka kwa Chama cha Watu Wenye Ulemavu wa Ngozi nchini (TAS) ambayo iliyotolewa katika maadhimisho ya 18 ya kimataifa katika Siku ya Watu Wenye Ulemavu wa Ngozi Duniani yaliyofanyika Juni 13 Juni, 2023, ambayo kitaifa yalifanyika Songea, mkoani Ruvuma.

#PICHA: Rais wa Jamhuri ya Muungano wa Tanzania, Mhe.Dkt.Samia Suluhu Hassan akizungumza na kumfariji Mama Dorcas Membe Mjane wa Waziri Mstaafu wa Mambo ya Nje Hayati Bernard Membe, alipomtembelea nyumbani kwake Mikocheni, Jijini Dar es Salaam, leo Julai 14, 2023.

🔴Taarifa ya Habari, Saa Mbili Kamili Usiku, Julai 14, 2023. https://www.youtube.com/watch?v=SVZZvj2O6ow?sub_confirmation=1

#MICHEZO: Kocha Mkuu wa timu ya Simba SC, Roberto Oliveira 'Robertinho', ameondoka nchini Uturuki ambapo timu hiyo, ipo kwa ajili ya maandalizi ya msimu ujao, na kuelekea nchini Brazil, kwa ajili kuhudhuria kozi fupi ya masomo ya ukocha (FIFA Pro License) yanayofanyika Brazil. . Taarifa hiyo imetolewa na timu hiyo ambapo imebainisha kuwa Robertinho atakuwa Brazil kwa muda wa wiki moja na atarejea Uturuki Julai 24, 2023, baada ya mafunzo hayo kumalizika.

#Muhtasari: Kwa Haya na Mengine mengi usikose kuungana nasi ifikapo Saa mbili kamili usiku. . Unaweza pia kutazama Taarifa yetu ya Habari kupitia Youtube na Facebook #ITVTanzania . Usisahau Ku-Subscribe ili kupata Taarifa zetu za #Habari kila zinapotufikia.

#HABARI: Bw.Athuman Ally na mkewe, Bi.Zaituni Kwilamba, wakazi wa Kijiji cha Chingulunguliu, kilichopo wilayani Tunduru, mkoani Ruvuma, ambao walimuozesha Binti yao aliyechaguliwa kujiunga na kidato cha tano, kwa muuza urembo, aliyejulikana kwa jina la Mohamed Salum, kwa mahari ya shilingi 30,000/=, wamejitokeza kwenye ofisi za Mkuu wa Wilaya hiyo na kuomba radhi huku wakiwataka wazazi wenngine kutofanya kosa kama walilofanya wao. #ITVUpdates

#HABARI: Askari wa Jeshi la Zimamoto na Uokoaji, Mkoa wa Katavi, wameiomba serikali, kuwaongezea vifaa vya kutolea msaada pale majanga yanapotokea, kufuatia kuwepo kwa upungufu mkubwa wa vitendea kazi, hasa vifaa vya uokozi wa majini na uchakavu wa magari ya kuzimia moto. . Askari hao wameyasema hayo wakati wakipandishwa vyeo, huku Kamanda wa Jeshi hilo, mkoani humo, Regina Kaombwe, akiwataka Askari hao kufanya kazi kwa kuzingatia uataratibu.

🔴Hapa na Pale, Julai 14, 2023. https://www.youtube.com/watch?v=FpcgoXtbGBU?sub_confirmation=1

"Mkisoma mitandaoni tunakosolewa kushoto na kulia, kaskazini mpaka huko nje, sasa wale mnaohisi wana mchango mzuri wanaweza wakaja na kuwa sehemu ya Tume ya Mipango, wakashiriki pamoja na sisi na tukaondosha lile vuguvugu kwamba wamepanga nini, tutakuwa tumepanga wote"-Dkt.Samia Suluhu Hassan - Rais wa Tanzania.

"Maendeleo endelevu ya Taifa hayatokei tu ghafla bila kupangwa, hayatokei kama ajali"Dkt.Philip Mpango - Makamu wa Rais wa Tanzania.