millardayo

Kampuni ya usafirishaji wa mizigo ya kimataifa Silent Ocean ( @silent_ocean_ltd ) leo January 7 2025 imewakumbusha Wateja wake wanaoagiza mizigo kutoka China kuja Tanzania kuhakikisha wanafanya manunuzi yao na kuituma mizigo yao mapema hii ili kuepukana na usumbufu wa sikukuu za mwaka mpya wa kichina ambazo husababisha shughuli nyingi kusimama. Kwa makadirio ya awali, sikukuu hiyo ya mwaka huu wa 2026 inatarajiwa kuanza Februari 17 hadi Machi 3 ambapo Masoko, Viwanda na huduma za usafirishaji zitalazimika kusmama kwa kipindi chate hicho. Katika taarifa yake kwa Vyombo vya Habari leo, Silent Ocean Ocean imetangaza ratiba ya kufungwa kwa maghala yake kama ifuatavyo GUANGZHOU/FOSHAN BRANCH Masoko yatafungwa 12/2/2026 mwisho wa kupokea mizigo Warehouse ni tarehe 8/2/2026 na mwisho wa kupakia mizigo kwenye kontena ni tarehe 10/2/2026. YIWU BRANCH Soko Litafungwa tarehe 12/2/2026 mwisho wa kupokea mizigo Warehouse ni tarehe 7/2/2026 mwisho wa kupakia mizigo kwenye kontena ni tarehe 9-10/2/2026, KEQIAO BRANCH Soko litafungwa 2/2/2026 mwisho wa kupokea mizigo na kupakia ni tarehe 5/2/2026 Warehouse itafungwa tarehe 6/2/2026 ambapo Wateja watakaochelewa kutuma mizigo yao kabla ya tarehe hizo huenda wakalazimika kusubiri hadi sikukuu hizo zimalizike. #MillardAyoUPDATES

Kama wewe ni mzaliwa wa mwaka 1993 basi mna-share mwaka wa kuzaliwa na Amiri Amani ( 32) ambaye leo #AyoTV inasimulia safari yake hadi kumiliki Kampuni ya Malori inayosafirisha mizigo nje ya Nchi kama Malawi, Burundi, Rwanda, Zambia na DR Congo kwa kutumia Malori. Nilkutana naye katika Ofisi za Makao Makuu ya Kampuni inayouza Malori ya FAW Tanzania zilizopo mkabala na TAZARA Dar es salaam akiwa anakabidhiwa Lori lake la 7 la chapa ya FAW akanieleza jinsi alivyoanza safari yake ya ujasiriamali huu kwa kuchukua mkopo Benki ya #NMB kununua Lori lake la kwanza bila kumfahamisha Mke wake. Ofisi za FAW ( @jiefangmotorstanzania ) zilizopo mkabala na TAZARA DSM zipo wazi Jumatatu hadi Jumamosi, saa 2 asubuhi hadi saa 11 jioni kwa siku za wiki na saa 2 asubuhi hadi 6 mchana kwa siku za Jumamosi na zinapokea Wateja wa aina zote iwe ni ununuzi wa Lori au maulizo, +255 795-339-339. #MillardAyoUPDATES

Ni miezi tisa sasa tangu @AyoTV_ ilipofanya mahojiano maalum na Mtoto Shauri John (15) akiishi maisha magumu ya kuchunga Ng'ombe za Baba yake bila kwenda Shule katika Kijiji cha Kawibili kata ya Sigunga, Wilayani Uvinza Mkoani Kigoma ambapo baada ya mahojiano hayo Shauri alipata Mfadhili ambaye alijitolea kumpeleka Shule na kumlipia gharama zote za masomo yake na sasa anasoma Shule ya Msingi Ndemeze (bweni). Shauri amezungumza na Mwandishi wa AyoTV Kigoma Ally Ismail kwa mara ya kwanza tangu alipopata Mfadhili huyo ambapo amewashukuru Watanzania walioguswa na mahojiano yake ambapo ameahidi kusoma kwa bidii na kufanikisha ndoto yake ya kuwa Injinia wa Majengo. #MillardAyoUPDATES

Mwaka mpya ni mwanzo mpya na mabadiliko yanaanzia kwenye mazulia. Badilisha mwonekano wa nyumba yako kwa carpet bora, zenye ubora, na mitindo tofauti tofauti 📍 Carpet Centre – GSM Msasani Mall 👉 Karibu leo uchague carpet litakalokupa nyumba unayotamani.

#MillardAyoMagazeti Tz & Kenya January 12, 2026

Haguear Language Academy (@hagear.language_academy_tz ) Kituo cha kisasa cha kufundisha lugha za kigeni na za kimataifa, kikiwemo Kiswahili, Kiingereza, Kichina, Kifaransa na Kijerumani, kwa lengo la kuwapa wanafunzi ujuzi wa lugha kama nyenzo muhimu ya kufungua fursa za elimu, ajira, biashara na utalii ndani na nje ya nchi. Akizungumza kuhusu dira ya kituo hicho, Mkurugenzi Mtendaji Happy Gerald amesema lengo kuu ni kuwaandaa wanafunzi kuchangamkia fursa zinazotokana na ujuzi wa lugha, hususan katika mazingira ya uwekezaji wa kimataifa kama vile makampuni ya Kichina nchini Tanzania. Ameeleza kuwa muda wa mafunzo hutegemea malengo ya mwanafunzi, ambapo kwa mfano lugha ya Kichina inaweza kujifunzwa kwa miezi sita kwa mawasiliano ya kikazi au hadi mwaka mmoja kwa utafsiri na ubobezi wa kitaalamu. Haguear Language Academy pia hutoa programu kwa nyakati tofauti ikiwemo madarasa ya asubuhi, jioni na mtandaoni ili kuwapa nafasi wanafunzi wanaofanya kazi au walioko mbali, pia kwa watoto, kuna programu maalum za kila Jumamosi na wakati wa likizo. #MillardAyoUPDATES

Halmashauri ya Manispaa ya Kibaha imetangaza uuzaji wa Viwanja vya Viwanda vilivyopimwa katika eneo la Pangani Mitamba ikiwa ni sehemu ya juhudi za kukuza uwekezaji wa Viwanda na shughuli za uzalishaji ndani ya Halmashauri hiyo ambapo tangazo hilo limetolewa na Mkurugenzi wa Manispaa ya Kibaha, Dkt Rogers Jacob Shemwelekwa. Kwa mujibu wa taarifa hiyo uuzaji wa Viwanja umeanza rasmi tarehe 4 Januari 2026 ambapo Viwanja hivyo vimetengwa mahsusi kwa matumizi ya Viwanda huku bei ya Viwanja hivyo imeelezwa kuwa ni shilingi elfu ishirini kwa kila mita ya mraba huku malipo yakifanyika kwa utaratibu wa mkataba unaohusisha kulipa sehemu ya awali na kukamilisha kiasi kilichobaki ndani ya muda uliopangwa. Taarifa hiyo imeeleza kuwa Wanunuzi watakaoshindwa kutimiza masharti ya malipo kwa wakati watapoteza haki ya umiliki wa Viwanja hivyo ambavyo vitarejeshwa kwa Halmashauri hivyo Wananchi na Wawekezaji wenye nia wanweza kufuatilia taarifa zaidi kupitia Ofisi ya Mkurugenzi wa Manispaa ya Kibaha. #MillardAyoUPDATES

Naibu Waziri, Ofisi ya Waziri Mkuu – TAMISEMI anayeshughulikia Elimu, Reuben Kwagilwa ameagiza kuvunjwa kwa mkataba wa mkandarasi Bogeta Engineering Ltd anayetekeleza ujenzi wa mabweni mawili, vyumba sita vya madarasa na matundu 10 ya vyoo katika Shule ya Sekondari Jenista Mhagama, baada ya kubainika kutaka kughushi baadhi ya vipengele vya mkataba, hususan sehemu ya malipo ya awali (advance payment). Agizo hilo limetolewa na Mhe. Kwagilwa kwa niaba ya Waziri wa nchi, Oofisi ya Waziri Mkuu -TAMISEMI Profesa Riziki Shemdoe akiwa mkoani Ruvuma katika ziara ya kikazi ya kukagua maendeleo ya ujenzi huo, ambao kwa sasa uko katika hatua ya ujenzi wa jamvi. Akiwa kwenye eneo la mradi, Kwagilwa ameonesha kutoridhishwa na mwenendo wa mkandarasi huyo ambaye licha ya kulipwa zaidi ya Shilingi milioni 80, utekelezaji wa kazi umekuwa wa kusuasua. “Vunjeni mkataba huu, huyu mkandarasi aliyetuletea mkataba wa kughushi alitakiwa hata kushitakiwa, fuateni taratibu nyingine mpate mkandarasi mwenye uwezo ili kazi iendelee na wanafunzi wapate huduma kama Mheshimiwa Rais alivyoelekeza,” amesema Mhe. Kwagilwa. Kwa mujibu wa maelezo ya wataalamu wa ujenzi na watendaji wa Halmashauri ya Wilaya ya Songea wadai kuwa mkandarasi huyo aliwasilisha mkataba uliokuwa na kipengele cha malipo ya awali, ambacho hakikuwepo kwenye nyaraka halali za Serikali japokuwa tayari alishawasilishiwa cheti cha malipo (certificate) cha zaidi ya Shilingi milioni 200, licha ya kwamba kazi halisi iliyofanyika haijafikia thamani hiyo. Mradi wa Ujenzi wa madarasa sita,mabweni mawili na matundu 10 ya vyoo katika shule ya sekondari Jennista Mhagama unaotekelezwa kwa ufadhili wa BARRICK Tanzania unagharimu kiasi cha shilingi milioni 417,000,000/= ulianza tarehe 17.05.2025 uilitakiwa kukamilika tarehe 27.10.2025 na mpaka kufikia tarehe 11.01.2026 ujenzi umesimama katika hatua ya kumwagwa jamvi. #MillardAyoUPDATES

Afisa Kilimo kutoka Mamlaka ya Afya ya Mimea na Viuatilifu TPHPA Kanda ya Magharibi, Modesta Kibona amesema kuwa amesema kuwa wakulima wanakosea kuchagua viwatilifu kwa ajili ya kutibu mimea kutokana na kuchagua sumu zisizo sahihi na kuchanganya sumy mbili katika bomba moja kitendo ambacho kitaalamu sio sahihi. Modesta ameyasema hayo wakati alipokuwa akiendesha mafunzo ya matumizi sahihi ya viuatilifu kwa wakulima Wilayani Urambo mkoani Tabora ambapo amewataka wakulima kubadilika ili kuweza kuongeza mavuno na kufanya kilimo chenye tija kitakacho waletea faida. “Wakulima wengi wamekuwa wakikosea kufanya uchaguzi sahihi wa aina ya sumu ya kupulizia mimea na wakati mwinginea wamekuwa wakichanganya sumu za aina mbili kwenye pump wakidhani wanatibu aina zoote za magonjwa kwa wakati mmoja kitu ambacho si sahihi.” Amesema Modesta Katika mafunzo hayo yanayoratibiwa chini ya mpango wa Wizara ya kilimo kupitia kampeni ya #Malishamban, Wakulima wengi waliojitokeza waliwasilisha malalamiko kwa maafisa kilimo kuwa sumu wanazotumia kwenye mimea zimekuwa na matokeo yasiyoridhisha, ila baada ya mafunzo kutoka kwa wataalamu wamekiri kuwa walikuwa hawazingatii kanuni sahihi za matumizi ya viuatilifu. #MillardAyoUPDATES

Jipatie raba kali za fashion na michezo za ANTA kwenye maduka yetu ya GSM MALL. Kwa kila pair unayonunua, unajipatia nyingine bureee kabisa. Ofa ni ya siku chache tu, Karibuni sana. . 📍Mlimani city 📍Gsmmall Msasani 📍Salamander Tower 📍Gsm Plaza- Kamata 📍Dodoma- Shoppers Plaza

Mwanaume mmoja nchini Marekani, Jonathan Gerlach (34) amekamatwa na kushtakiwa kwa makosa zaidi ya 300 yakihusisha wizi wa zaidi ya Mafuvu 100 ya Binadamu pamoja na vito vya thamani vilivyoibwa katika Makaburi ambapo tukio hilo limeripotiwa kutokea katika Makaburi ya Mount Moriah mjini Philadelphia. Kwa mujibu wa Polisi wa Jiji la Philadelphia kukamatwa kwa Jonathan kunatokana na uchunguzi wa uvamizi na wizi wa vito vya thamani katika Makaburi hayo na Polisi wamesema wakati wa upekuzi katika Nyumba yake walikuta mifupa ya Binadamu ikiwemo mikono na miguu iliyokaushwa pamoja na miili iliyooza iliyokuwa imehifadhiwa kwenye stoo ya Nyumba hiyo. Hadi sasa Polisi wamesema haijabainika sababu ya Mtuhumiwa kukusanya na kuhifadhi mabaki hayo ya miili pamoja na vito vya thamani ila uchunguzi wa kina unaendelea huku Jonathan Gerlach akitarajiwa kufikishwa Mahakamani kujibu mashtaka yanayomkabili. #MillardAyoUPDATES Via @dw_kiswahili

#MillardAyoMagazeti Tz & Kenya January 11, 2026