روتين شعري و ريفيو بسيط عن كل منتج و ترتيب الخطوات🙈🌟 #bws_hair الروتين دا بقالي شهور ماشية عليه و قربت اخلصه و نتيجته لطيفة من ناحية الترطيب و التنضيف . 1️⃣ اول خطوة هي حمام الزيت أو اي ماسك للشعر و عن نفسي الخطوة دي مش بعملها غير كل فين و فين 2️⃣ بعد كدا خطوة غسيل الشعر بستخدم شامبو هربال ايسنسز كنت عاملة عنه ريفيو قبل كدا هو مش احسن حاجة و مش حكرره تاني لانه بينشف الشعر لكن بينضف الشعر كويس في الخطوة دي مهم انك تركزي على فروة الرأس و تعملي مساج لمدة دقيقة 3️⃣ الخطوة التالتة و هي البلسم بستخدم بلسم treato لسه عاملة ريفيو عنه من قريب بحبه جدا و اكيد حكرره لأن ترطيبه للشعر حلوة جدا و بيقلل من الهيشان و طبعا البلسم بيتحط على أطراف الشعر بس نبعد خالص عن فروة الرأس علشان ميعملش تساقط 4️⃣ الخطوة الرابعة بعملها مرة في الأسبوع و هي حمام الكريم بستخدم مايونيز الشعر دا و كنت عاملة عنه ريفيو بردو و في المجمل حبيته كترطيب و لمعان الشعر جدا 5️⃣ الخطوة الخامسة بستخدم فيها سبراي سترونج فيل مش بستخدمه كعلاج الصراحة لكن علشان بيدي لمعة للشعر و بيفك التشابك اللي فيه و كمان ريحته حلوة و بتفضل في الشعر 6️⃣ اخر خطوة هي الترطيب و بستخدم فيها يا بديل زيت او سيرم للشعر حاليا كل السيرمات بتاعتي خلصت ف بستخدم بديل الزيت من فاتيكا مش بقالي كتير بستخدمه لكن لطيف و ترطيبه يعتبر متوسط . . بس كدا لو عندك اي سؤال اكتبهولي في الكومنتات 🔻

Today's tip 👀

‌الكريم دا بعتبره بديل عن ٣ كريمات تانين يعني ٣×١ 🙈 . الكريم النهاري من بيزلاين للبشرة الجافة و العادية Beesline whitening day cream الكريم مخصص للبشرات الحساسة و فيه حماية من الشمس SPF 30 🍁 كل مكوناته الفعالة مستخلصة من الطبيعة زي شمع العسل اللي فيه مضادات للأكسدة , بودرة الزفير الابيض و دي مسئولة عن تهدئة البشرة و توحيد لونها , مادة لوميسكن اللي مسئولة عن نضارة البشرة 🍁بيوعد أنه بعد ٦٠ يوم حتلاحظي فرق في التفتيح و علامات تقدم السن تقييمي له ٩ من ١٠🌟 🍁اكتر حاجة عجبتني أنه بيغني عن كريم التفتيح و المرطب و الصن بلوك علشان درجة حماية الشمس اللي فيه تعتبر عالية خصوصا في الشتا 🍁ترطيبه حلو اوي و مع كدا مش بيسيب اي أثر دهني و لا بيعرق الوش 🍁قوامه خفيف زي اللوشن ف الوش بيمتصه بسرعة 🍁بيدي نضارة للبشرة و الحلو أنها مش بس بتبان على المدى البعيد لا بتبان اول ما تستخدميه تحسي وشك بقى فيه حياة 🍁كمان حاجة عجبتني أن بشرتي مش بتأكسد بعده و وشي بيفضل نفس الدرجة مش بيغمق 🍁الباكدج شيك جدا جدا😍 🍁سعره تقريبا ٣٩٠ و بينزل عليه عروض كتير في الصيدليات و اونلاين . . . For more reviews follow @themakeuptalkmiddleeast

ايه اكتر بودر بتحبوه؟👀 . مساء الخير على الحلوين♥️ ريفيو النهاردة عن الكومباكت بودر دي من اماندا اسمها velvet compact powder 🌟 درجتي فيها رقم 17 جاية على اصفر 🌟 الباكدج بتاعتها شيك و قوية و فيها مراية من جوا و سبونج للتوزيع . . 🌟 دي البودر الوحيدة اللي استخدمتها في حياتي ف مش حقدر اقارن بينها و بين نوع تاني لكن عجبتني لكذا سبب ✅ 🌟 اول حاجة ليها تغطية من خفيفة لمتوسطة و لما بتبقي حاطة فاونديشن بتزيد تغطيته 🌟 ثباتها متوسط لغاية ٥ ساعات تقريبا 🌟 حلوة اوي في تثبيت الكونسيلر تحت العين مش بتخطط و لا بتخلي تحت العين منظره ناشف 🌟 ناعمة و اللوك النهائي بتاعها مخملي لطيف مش بتدي الشكل المجير . . 🌟 من وجهه نظري عيبها أنها مش بتسحب دهون البشرة بشكل قوي ف مش حتنفع للبشرة الدهنية خصوصا في الصيف غير كدا انصحك بيها 🌟 رينج الالوان فيها كويس نوعا ما يعني يا حتلاقي درجتك يا درجة قريبة منها 🌟 سعرها في حدود ال ١٠٠ جنيه و قعدت معايا فترة كويسة علشان مش بستخدمها كل يوم🙈 . . . For more reviews follow @themakeuptalkmiddleeast

Today's tip👀 المرطب تاني اهم حاجة بعد الصن بلوك لكل انواع البشرة..

Don't compare your beginning to someone else's middle✨

اختبار مسامية الشعر⁦👇🏻⁩🌻 الاختبار دا فيه ناس بتقتنع بيه و ناس لا بس عن نفسي فادني و لو بنسبة صغيرة في اني اعرف نوع شعري هو و اختبار البروتين.. . . مسامية الشعر بتحدد قدرة شعرك على امتصاص الترطيب و سرعة فقدانها في نفس الوقت و نوع المسامية دا بيتغير من فترة للتانية مش ثابت💗 . . طريقة الاختبار سهلة بتاخدي شعراية من شعرك بس اهم حاجة يكون مغسول و مش محطوط عليه اي حاجة و بعدها حتجيبي كوباية مياه و تحطي الشعراية في الميا🧐 نتيجة الاختبار دا بتكون حالة من التلاتة " لفي الصورة علشان تشوفيها " ⁦1️⃣⁩ لو مسامية شعرك طلعت عالية دا معناه أن شعرك بيفقد ترطيبه بسرعة و في نفس الوقت بيمتص المرطبات كويس و دا بيخلي المرطبات التقيلة زي زبدة الشيا مناسبة ليكي ⁦2️⃣⁩ لو المسامية منخفضة ف دا معناه أن شعرك صعب يمتص المرطبات لكن في نفس الوقت بيحتفظ بالترطيب دا لمدة طويلة و بالتالي المرطبات الخفيفة حتبقى مناسبة ليكي ⁦3️⃣⁩ اخر حالة و دي أفضلهم و هي أن مسامية شعرك تكون عادية أو متوسطة و دا معناه أن شعرك بيحتفظ بالترطيب و بيمتصه كويس في نفس الوقت ف المناسب ليكي حيكون استخدام مرطبات تقيلة كماسك أسبوعي و المرطبات اليومية تكون خفيفة . . بس كدا دي كل حاجة اعرفها عن المسامية و لو عندك اي سؤال اكتبهولي في الكومنتات 🔻

Treato frizz control conditioner البلسم دا من احلى الحاجات اللي جربتها الفترة الأخيرة و حقولكم تجربتي الكاملة معاه💗 . . 🌻 اول حاجة البلسم دا خالي من البارابين و السلفات و العطور 🌻 مكوناته معظمها مواد مرطبة زي زيت الارجان و زبدة الشيا و فيتامين e و كولاجين بحري و كيراتين 🌻 البلسم دا مخصوص للشعر التالف و المقصف و بيعالج الهيشان 🌻 قوامه يعتبر تقيل بس غسله من الشعر سهل . . تجربتي معاه فوق الممتازة و شجعني اني اجرب الشامبو من نفس النوع.. نتيجته معايا أنه⁦👇🏻⁩ 🌻 طرى شعري جدا خصوصا اني بستخدم شامبو هربال ايسنسز و كنت قايلالكم في الريفيو بتاعه أنه بينشف شعري و بيخلي ملمسه ناشف زيادة عن اللزوم لكن البلسم دا عالجلي المشكلة دي بشكل نهائي 🌻 بالنسبة لنقطة الهيشان هو قلله فعلا لكن مختفاش بنسبة ١٠٠٪ يمكن بسبب رطوبة الجو 🌻مسببليش اي تساقط للشعر و خدي بالك أن أي بلسم بيستخدم على الأطراف بس مش فروة الرأس . . 🌻 في الاخر يعني انصحكم بيه خصوصا البنات اللي شعرها جاف 🌻 حجمه ٢٥٠ مل و الحقيقة مش فاكرة سعره لكن معظم الوقت عليه عرض ١+١ تقدري تجيبي ساعتها الشامبو و البلسم مع بعض و موجود في كل الصيدليات . لو عندك اي سؤال اكتبهولي في الكومنتات 🔻 . . For more reviews follow @themakeuptalkmiddleeast

📍نصيحة صغيرة متنسيش الصن بلوك بتاعك و لا تنسي تجدديه و حنزلكم فيديو صغير ازاي نقدر نجدد الصن بلوك فوق الميكب🧐💗